إنهزم الممحوق الأزرق و إتمحق أكثر؟؟

هههههههههههههههههههه
هاي..هاي.. هاي
ياي..ياي..ياي
هو مالو....؟؟
هو درويش و طيش
ممحوق و مهزوم و مسنوح..!!!
و بكاي
تعالو علينا جاي
.. أو أقول ليكم..
باي..باي

كل الشكر و الود لك

* اليوم جمعة والمداعبات في يوم الإجازة مستحبة!


* يداعبني صديقي الهلالابي أسامة جويلي باستمرار، وهو يمتلك سخرية لاذعة لا تتوافر حتى لأطول كُتاب الهلال لسانا!


* أمس أرسل متهكماً على تنقل شارة القيادة بين لاعبي المريخ!


* قال: مع هلال بورتسودان كابتنكم الباشا، مع حي العرب بلة، مع الترجي النفطي، مع الأمل طارق مختار، مع الخرطوم نجم الدين، (كابتنية قدّر ظروفك بس)!


* وقال: يا ليزراب الكابتنية عندكم هاملة هملة!


* وقال: يعني لو لعبتوا مع منتخب شندي كابتنكم يكون مزمل أبو القاسم؟


* وقال: غاسيروكا راجي كورة مع رواندا عشان يضوق الكابتنية!


* وقال: طبعاً ضد أم بدة الكابتن معروف!


* وقال: وأنا أقول كليتشي ده العاجبو في الوصافة شنو؟ أتاريهو راقدلو فوق رأي!


* يا جويلي: الراقد فوق راي ده.. كليتشي أم المعز؟


* والكابتنية عند الحُمّصاب شئون عائلية، بين سيدا ونسيبه!


* الاحتكار ضار يا جعفر ضرار!


* هسة يا جويلي في داعي ناس الخرطوم يلعبونا في المحمصة؟


* ده ما شغل مضّرة راسو عديل.. أهل النقر ديل طالبننا مغصة؟


* عارفين ظروفنا صعبة ولعيبتنا معوقين، في داعي لزيادة المعاناة؟


* تدخل المحمصة ملابسك تتقطع، تعطس، تتغبر، تتكسبر، تصاب في العرقوب، عيونك تحمّر، والكهربا تقطع!


* من بداية الموسم لحدي الآن حسن بسبوسة طالب الجماعة ديل سبعة بناطلين وخمسة قمصان!


* الحاجة الكويسة إنو أي فريق زائر يلعب في المحمصة طوالي يطلع غالب!


* شعار الحُمّصاب داخل المسخرة: يا ضيفنا لو زرتنا لوجدتنا نحن الضيوف وأنت رب المنزل!


* الضيف أصلو ما بطلع منهم زعلان!


* كرم حاتمي، أول ما يجي ياكل حمصية، ويحلي بي سمسمية، وهو مارق يلقى النقاط في خشم الباب!


* الغريبة يا محمد عبد الماجد تتغلبوا في المحمصة عادي، لا تجدعوا حجار لا تاكلوا ديك ني!


* حماماتكم ذاتها ما بتطير، هو إنتو مدنها طريقة؟


* نحن الكابتنية عندنا ما فيها احتكارية، نظامنا كونفدرالي!


* ونحن ذاتنا ناس كونفدرالية ساي!


* لا يوم قلنا عليها منافسة الضعفاء ولا وصفناها ببطولة الصغار!


* السنة دي يا دوب عرفنا إنتو قاصدين شنو بمنافسة الضعفاء وبطولة الصغار!


* نحن في كل كورة عندنا كابتن، في الوصيف الحال مخيف!


* الكابتن زي حكام العرب، لا انتخابات، لا ديمقراطية، لا تنازل، توريث وبس!


* محمد موسى بتاع فرقة تيراب حكى نكتة: قال واحد زهجان من حماتو، مرتو قالت ليهو: الحقني، أمي اتسممت، قال ليها: قطع شك عضت لسانها!


* لسان حماة محمد موسى دي زي لسان جويلي!


* شداد قال: الهلال لحدي 2011 ما عندو دخل!


* دوري ما عندكم فيهو نفقة ما تحسبوا دخلو!


* هو الصفر كمان داير ليهو صرف؟


* البصرف والما بصرف بيجيب الصفر، بس صفر الحمصاب طعمو برا!


* عمرو 80 سنة، لا صغر، لا قدم، لا بهت، لا اختفى!


* أقدم صفر في إفريقيا والعالم العربي!


* كل سنة متضخم وزايد حلاوة!


* قالوا كامبوس طالب 4 لاعبين على مستوى عالٍ، شوفوا العجب يا ناس!


* منين يا حسرة؟


* كامبوس ده قايل نفسه مدرب المريخ وللا شنو يا حسن بسبوسة؟


* ليهو حق العمدة يقول عليك (ماك نافع)!


* مدرب شايف النادي يسجل في أمادو.. يقول عايز 4 لعيبة على مستوى عالي؟


* الراشيد آلي أومار قال: المعز باعنا قدام السمسمية بتحريض من المريخاب!


* يا روشا المعز ما بايع، ولدنا لعب ليكم لعب المية، قدر روشكم!


* ونحن لعب المية بنعرفو ولعب الخمسمية بنعرفو!


* رصيدكم كمل قبل القون التاني بشوية، ولدنا رقد ينجم، وعينك ما تشوف إلا فرج!


* كمان دايرنو يحرس ليكم القون بدون رصيد؟


* على سيرة الكونفدرالية يا قسم حامص: مش قلتوا دي بطولة الصغار.. حا تلعبوا فيها كيف؟


* أذهبوا فأنتم الضعفاء!

مزمل أبو القاسم-صحيفة الصدي

الهلال يا هو الهلال..؟؟

* أمس اتضحت ملامح وتفاصيل المؤامرة المريخية التي زعمت صحيفة (قوز البلد) أن المريخاب يحيكونها لهزيمة الهلال أمام السوكرتا في بورتسودان!


* هل هناك مؤامرة أكبر من مواجهة حي العرب بدفاع مكون من هاليفا وصدام الوراني وود الإنتر وأسامة التعاون؟


* وهل هناك تآمر أكثر من الاستعانة ببدلاء بمستوى أمادو والتاج ونادر؟


* كتبنا قبل فترة عن الخطورة التي تواجه الهلال بسبب ازدحام كشفه بأنصاف الموهوبين!


* وهي الحقيقة التي تناولها الزميل خالد عز الدين، وكتب عنها عدة مرات، منذراً ومحذراً، ولكن!


* خسارة الهلال أمام حي العرب منطقية، طبيعية، ومتوقعة لفريق مهلهل منذ فترة ولا يجد الحد الأدنى من العناية الإدارية لدرجة أن لاعبيه باتوا يشكون من غياب المياه في التدريبات.


* ومعاناة الهلال في إيجاد حجز لفريقه قبل السفر إلى بورتسودان أبلغ شاهد!


* هزيمة واقعية لم تفاجئ إلا الحالمين ومن يرفضون الاعتراف بحقيقة فريق ضعيف فنياً ومهزوم إدارياً!


* لولا الأخطاء التي ارتكبها الحكم الدولي الفاضل أبو شنب لخسر الهلال أمام الأفيال في المحمصة!


* ولولا المساعدات القيمة التي قدمها الحكم الدولي سبت لبراتو للهلال أمام سيد الأتيام لخسر الأزرق أمام الأهلي في مدني، ولكانت خسارة الأمس الرابعة للهلال في الدوري الحالي!


* قلنا من قبل ونعيد ونكرر، فرقة الهلال الحالية تضم عدداً محدوداً من اللاعبين الموهوبين، وأي غياب لعنصر من المتميزين يشكل فارقاً كبيراً، كما أنها لا تحظى بأي عناية إدارية تليق باسمها الكبير.


* غاب ديمبا وسامي وعلاء الدين فانكشف حال الهلال ونال علقة ساخنة أمام حي العرب!


* ولولا أن لاعبي حي العرب سعوا لتأمين النتيجة دون أن يضغطوا على الهلال في الحصة الثانية لتضاعفت النتيجة لأن خط ظهر الفريق الأزرق والمكون من منير الإنتر وأسامة التعاون وصدام الوراني وخليفة كان كريماً في عطاياه مع مهاجمي العرب!


* ومع ذلك نال الهلال علقة ساخنة في الثغر، وتراجع أكثر ليمنح المريخ فرصة أكبر لتوسيع الفارق قبل لقاء العاشر من يونيو المقبل.


* قلنا من قبل ونعيد اليوم، الهلال ليس المريخ ليتجنب التأثر بفقدان النجوم!


* وكامبوس ليس ساحراً ليتفوق بالمجموعة التي اضطر إلى إشراكها أمس.


* من قوز المقدّم، محال تتقدم!