موسوعة نكات المساطيل

مسطول طالع من الدكتور بيكلم نفسو -ضب فىصحن--لالاسحليه فى جك لالاقعونجه فى جردل لالاتمساح فى بانيو-رجع للدكتور تانى وقال ليهو --انت يا دكتور قلت عندى شنو الدكتور قليهو عندك سرطان فى الحوض

الرباطابى والجعلى مسافرين سوا الموية العندهم كملت قوم يالجعلى انزل فى الارض حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل جردلو فى البير، الجعلى طب مسك ايدو، الرباطابى قال ليهو : هسى ايدى مسكتها وجردلي حميتنى انزلو ، دحين بيرك دى الا كان تتكيها!!!

واحد مسطول امو قالت ليه بحبك قال ليها لا ياحاجه خليها صداقه بس

واحده بايره ومسطوله قالت لصاحبتا
عدم العرس عرفناه كمان عدم
الولاده ده من شنو

مسطول راسه مصدع؟ اشترى بنادول ومالقى مويه بلع الحبة واتيمم

الاستاذ فى نص الحصة بيقول للطلبة طبعا نحنا كلنا جينا من ادم وحواء
نط شافع شليييق قال ليهو : انا ابوى قال لى الانسان اصلو قرد
الاستاذ عاين ليهوا لقاهوا شيييييين قاليهو : يا ابنى نحن بنتكلم بصورة عامة ما عن اسرتكم على وجه التحديد

مسطول رسلوا استاذ تاريخ البيت وقال ليهو جيب لينا أقدم حاجة في بيتكم مشي جاب حبوبتو

واحد مسطول مشي الصيدلية قال للدكتور : 'عايز لبن اطفال'.
الدكتور: 'اسمو شنو؟'
المسطول رد : 'اسمو اشرف'

مسطول سألوه عن العلاقه بين الشهد والشهيد؟

قال: الاتنين بيتلحسو.

مسطول وقع في حفره

حاول يطلع ثلاثه مرات من غير فايده.

فقال: دي اخر مره لو ماطلعت ح امشي!!!!

مسطول مشوكش سالوه عن اجمل بيت شعر؟؟

قال: كلما نربي كتكوت........يكبر ويفوت

مسطول ماسك قسيمة الزواج وقاعد يقلب فيها يمين شمال

زوجته سألتو : بتعمل في شنو يا راجل؟
قال ليها : لا أبدا مافي حاجة
قالت ليهو : كيف مافي حاجة ليك نص ساعة بتقلب في القسيمة داير شنو ؟
رد عليها : بفتش في تاريخ نهاية العقد

مسطول وزنه زاد ..

مشى للدكتور .. الدكتور نصحه يمشي كل يوم 3 كيلو ..

بعد إسبوع ضرب للدكتور قاليهو أنا في الحصاحيصا أواصل ولا أرجع

مسطول قالوا ليه اكتب لينا امتحان انشاء من 10 صفحات

كتب في الصفحة الاولى ركب الرجل الحصان

وفي الصفحة الاخيرة كتب نزل الرجل من الحصان

وبين الصفحات كتب كبجك كبجك كبجك كبجك

مسطول زار اثنين من اهلوا في المستشفى

لقى واحد عنده حمى شديدة برجف والتاني مركبين ليهو درب

رجع البيت سألوه: الجماعة لقيتم كيف؟

قال ليهم واحد شغال هزاز والثاني في الشحن.

كديسة مسطولة وقعت من الحيطة قعدت خمس دقائق تفكر «يا ربي ناااو ولا هووو !!

مسطول قالوا ليهو البنقو يؤدي للموت البطئ قال انا ذاتي ما مستعجل !!...

واحد مسطول قاعد جنب العربية بتسطل واللستك نايم جاء عسكري قاليهو ده شنو يا زول المسطول رد :هسسسسسس براحه يا جنابو اللستك ده ما نايم

مسطول لقي كنز , قال الحمد لله باقي الخريطه

مسطول خطيبته قالت ليه انا اهم حاجه عندي الاخلاص !
قال ليها : وانا الحمدو

مسطول سأل اذا اتزوجنا الحور العين نسوانا ديل بودوهم وين ؟؟
رد صحبو : عذاب للكفار

دكتور قال لي واحد:ولدك شرب لبن مدتو منتهية،رد الأب:آآآآآآآآآآه رضعتو حبوبتو!!؟؟!!

أكذب سوداني لاقى أكذب روسي.السودان قاليهو:نحنا عندنا السخانة لما تطلع الشارع تلقى الشارع قاعد في الضل، الروسي الكذاب قال:نحنا عندنا من شدة البرد لما يتكلم معاك زول لازم تشيل الكلام و تسخنو و بعد ثلاثة أيام حتى تفهم قال ليك شنو!؟

مسطول عمل عملية تجميل جاء داخل لي اهلو ناس البيت قال ليهم علي القسم ما عرفتكم0