كلمات اغاني للفنان المبدع عثمان حسين

قـصـــتنا
بالمعزة ....

بالمودة البينا بي أغلى الصلات

بالهوى العشناه بي أعصابنا

خمسة سنين ومات

بالعذاب الشفتو

والسر الكتمتو

وباقي الطيبات

استحلفك أترك سبيلي

وسيبني وحدي

أقاسي وأبكي مر الذكريات

أنا بي حناني الغالي خصيتك

وحبيتك بكل جوارحي

وعواطفي العميقة

أنا شلت من أجلك هموم الدنيا

قاسيت من جراحها وكل ضيقها

لسعادتك إنت كم ضحيت وإتغربت

ما خليت طريقة

وفي مسيري المضني من أجل الحقيقة

كل طائر مرتحل

عبر البحر

قاصد الأهل

حملتو أشواقي الدفيقة

ليك ياحبيبي للوطن

لي ترابه .. لي شطآنه

للدار الوريقة

لكن حنانك لي

أو حتي مشاعرك نحوي

ما كانت حقيقة

كانت وهم ...

كانت دموع

مسفوحة بي أحرف أنيقة

ما بي إيدي

لو ضباب الغيرة

أعماني وزيف لي الحقيقة

إنت نبع حناني

إنت كياني

إنت الدنيا

بهجتها وشروقها

وإن حصل زلت خطايا معاك

أو ضلت طريقها

هل تصدق تنـتهي قصتنا

يا أجمل حقيقة

نحن عشناها بدموعنا

وبالضنى في كل دقيقة

ياحبيبي

لم تزل قصتنا

قصة حب أقوى من الحقيقة
***********************
ربيع الدنيا



يا ربيع الدنيا فى عينيا يا نور قلبى يا معنى الجمال

يا اخت روحى يا معانى هوايا عشته فى دنيا الخيال


انا فيك عشقته الروعه ما احلاه فى الدل والدلال

والمعانى الراسمه نور اشراقة فى عينك ظلال

وابتسامتك لما تأسر قلبى وتحكى عن المحال

تحكى عن شوقك اليا تحكى عن بعد الوصال


من قلبى من اجل المحبه وهبته ليك شعر الغزل

مع انو قدامى الطريق انا عارفو يا السمحه انقفل

مافى قسمه ومافى يا نور قلبى حتى بصيص امل

لا قدرته اقرب من ضراك ما قدرته لى بعادك اصل


يا حبيه ليه قلبك قسى وكتمتى ما تخفيه عنى

انا عشته فى حبك مقيم ما عرفته نكران او تجنى

ما عرفته غير حبك غرام وسبحته فيهو سنين بغنى

سكبتو دمعاتى الغوالى سكبتو حبى وسكبتو فنى
************************
كيف لا اعشق جمالك


كيف لا اعشق جمالك

ما رأت عيناى مثالك .. و كيف لا اعشق جمالك
كيف لا اعشق جمالك .. و انت مغرى
زنت بى ادبك جمالك .. و انت سحرى
فيك اجمل شي خصالك .. و انت بدرى
و ابعد الغايات منالك
لو رنيت ترسل نبالك
قلبى لاعب بيهو مالك
ليهو حق لو كان هوانك
و كيف لا اعشق جمالك
بسمتك توحى الاغانى
و اسمى ايات المعانى
فى هواك لاقيت هوانى .. و بيهو راضى
معتلى قلبى و لسان
انت ذى زهر الخميلة
تزدهر فى روح جميلة
و عاليه اخلاقك نبيلة
و يخجل البدرين هلالك
و كيف لا اعشق جمالك
انت رافل فى نعيمك
و بس انال منك جحيمك
و قول لى كيف اظفر بليمك
نارى تطفا..روحى ترفا
فى سما العز ذى كماك
كيف لا اعشق جماك
******************
اهداء خاص للجد المحبوب أحمد الأمين
والأخ العزيزالغـــــــــــــــــول

عــــــــــــاهدتني

عاهدتني إنك تكون مخلص في بعدي
وحلفت يا ناسي إنك تصون عهدك وعهدي
لو كان صحابك خدعوك في لحظة بعدي
أو غرتك كلمة حنان فنكرت ودي

ما أظن في يوم أتعب وراك أو أسألك
وأسهر ليالي ضني وأقول مين حولك
كانت كنوز الدنيا ملكك وكنت لك
ومعاً في جنات الهناء مستقبلي ومستقبلك

عاهدتني ترسل بدمع الشوق خطابي
مع كل نسمة من البلد تطفي عذابي
وحلفت تسأل كل طائر عن مأبي
لكن نسيت عهدك ووعدك في غيابي

إحترت يا أهل المحبة وزاد في حيرتي
أهديه من عمر إشتياقي وكل طيبتي
أوصيه بالإخلاص وما يحفظ وصيتي
وأسكت علي ألمي وما يرضيه سكوتي

وتتبدل الايام يا ناسي وتصطفيني
أصفح عن الماضي وأسامحك كل سنيني
وأنسي عذابي معاك وأشيلك في عيوني
أصلو الهوي دائي ودنيا .. دائي وديـن

أنا والنجم والمســـاء ضمَّنا الوجد والحنين
جفَّ في كأسي الرجا وبكت فرحــة السنين
***
آهِ يا شـاطئ الغــدِ أيــن بالله مـوعــدي
أين في الليل مقعدي
***
يا خطــاها على الربي عطر أنفاسها صبا
تحمل الشوق والصـبا والخيـالات موكبا
***
وأنــا كلمــــا دنـــا طيفها الحلو وانثنى
عادني الهمُّ والضنا
***
في الدجا شاق مسمعى صوتها الملهم النغيم
في الهوى هـاج مدمعي حبهّا الخـالد الأليـم
***
كلمــــــا لاح بـــارق مـن محيــا خـــافق
مات بالهمِّ عاشق
إنهـــــا رُقيــتي التي خلــدت لحـن شهرتي
أسـرجت ليل وحــدتي بالأسى والصبـــــابة
***
يارؤى البحـر اشهدي ههــنا كان موعــــــدي
وهنا كان مقعدي

إن تريدي يا ليالي تسعدينا
تجمعينا كما كنا ما تلمي زول علينا
يا الحبايب كيف تسافروا وتسيبونا
لما توصلو في دياركم أذكرونا
مرة مرة في وطنا زورونا
تجدونا كما كنا والجراح كترت علينا
أذكرونا وأذكروا النزهة الجميلة
يوم كنا نلهو في روض الخميلة
السعادة الكنا فيها يا حليلة
إجتمعنا والحبايب حولينا
وافترقنا والمطر يصب علينا
كان نسيتو حاشا حاشا ما نسينا
بس محياك يا ليالي تجمعينا
تسعدينا كما كنا ما تلمي زول علينا
يا حبيبة بي جمالك أنا مغرم
والجحيم من فراقك لي أرحم
يا حبيبة لولا ربي وجهنم
لعبدتك وسجدت بين أيديك