كلمات اغاني الرائع مصطفى سيد احمد

كلمات اغاني الرائع مصطفى سيد احمد
طبعا انا ما كنت بعرفو وعرفت الفنان الرائع دا واغانيو من مدثر الجاهوري لانو مجننا بيو
بالجد اغاني الفنان دا قمة في الروعة وحبيت ابد بالكلمات

حلوة عينيك





نفسـى فـى داخلـك أعايـن
وأروى روحى وأشوف منابعك
يــــــا ســــــلام
الصحرا فى عينيا تتواثب جناين
ماخدة صوتـك مـن جـداول
وما خدة صورتك من كهـارب
مـولـداً ميـدانـو حـافـل
كـلـمــا يـصـبِّــح ...
تجيهـو الـنـاس جحـافـلْ
يـا سـلام .... يـا ســلام
***
لمّـا تعبـرى فـى الشـوارع
شوفى كيف النـاس تصـارع
ناس تطفِّـر .. ونـاس تدفِّـر
فى البشابـى علـى نجومـك
وفى البخبْ .. كايس تخومِـك
وكل زول من عِنْ سُلافـك ..
لا لا .. قـال دايرلُـو كـاسْ
***
مرّة طربان .. شلـت صوتـك
شــــان أغــنـــى..
قـلــت آه يـالـيـل .. وآه
إنتى أول .. وإنتـى تانـى ..
وإنتى تالت .. وإنتـى رابـع
نافـرة زى صـيـد الـخـلا
وصافيـة زى نبـع المنـابـع
وقلتى لى غنـاى .. خـلاص
***
حلـوة عينيـك زى صحابـى
عنيدة كيف ... تشبه شريحتين
مـــــن شـبــابــى
حلـوة عينيـك زى صحابـى
وزى عِنـب .. طـوّل معتّـق
فـــــى الـخــوابــى
وسمحة زى ما تقول ضيوفاً ..
دقّـــــوا بـــابـــى
.. فرحى بيهم سال .. مـلا ..
حــتـــى الـكـبـابــى

الله عليك زيدينا

الشجن الأليم الشاعر / صلاح حاج سعيد



عارفنى منك
لا المسافة ولا الخيال يشغلنى منك
عارفنى منك
ببقى بعدك فى الأسى
وتبقى إنت الظالم .. القاسى .. النـِّسى
وغصب عنى أشيل ظنونى
وأقول عليك .. إنت المسامح
فوق شجونى
أعيش زمان بالفرقة جارح
وفى إحتمالى وبالى إنـّكْ
إنت سايق فينى ظنك
تحرمنى منك
والمواعيد لا بتشيل منـّك .. تودِّى
لا الشجن قادر قادر يسوقنى عليك أعدِّى
لا التحايا ولا المشاعر الحيـّة
فى عمق الحنايا
لا رسالة تجينى منـّك
لا خبر طمنـِّى عنك
وإنت سايق فينى ظنك
رغم إنك .. إنت عارف
إنـّو منك .. لا الزمن يقدر يحول قلبى عنك
لا المسافة ولا الخيال يشغلنى منك
يا هوى الألم النعيم
خليك على الوعد القديم
وخلينى فى الشجن الأليم
وأبقى فى كل المداين
سكتى .. وسفرى الجحيم
تبقى أيه الدني من بعدك .. تكون
وأبقى أيه بعدك .. أكون؟
عارفنى منك ...

تسلم يا محمد


ما معنى أن نحيا .. ولا ندرى

بأن العشق قد يبقى سجيناً فى الخلايا

ما معنى أن نشهد موات الأغنيات

ما معنى هذا الصمت الذى لا ينتهى

وبرغم حوجتنا الصراخ

***********

هل يختفى الظل الذى لا ينتمى

إلا لمعرفتى وجهلى

وهل نودع بعضنا ونذهب فى سراب الذكريات

كيف تبدو الذكريات

كيف يبدو طعم أيام الشجن

من يعلم ذكريات كل أشكال التداعى ..

والرحيل المر دوماً

حين يختلط المدى بالمآسى .. والمخاوف

وأحتراق الأمنيات

***********

تعِبٌ هو البرق الذى لا يضيءُ أقبية الخبايا

لا ينتمى للسحبِ ..

والعشبُ الذى لا يرتوى

إلاّ بطعمك يا عصيراً من خليط الدهشةِ الأولي

وأحتراق الأغنيات

شكرا يامحمد طبعا ما كلهم سمعتهم لكن اسي حبدا اسمع

الراحل المقيم الاستاذ مصطفي سيداحمد[/color]

شكرا يا استاذ الطيب
وفعلا كلمات اغاني استاذ مصطفى جد قمة الروعة
احساس بالأمل/ الشاعر مدني يوسف النخلي
أديني إحساس بالأمل .
. في كل رحلة شوق تطول
وأدي الخطاوي الراجعة ليك ..
في سكتك عشم الوصول
ما الدنيا كلها إرتحال …
والإنتظار قدر الوصول ..
الموجة تحلم بالضفاف …
والغيمة تحلم بالهطول ..
0000000000000000
راحل معاي ضي الأماني ...
وذكري للأيام هناك ..
لحظات بتذخر بالمعاني ..
وكيف أنسى تذكارات هواك ..
نتحمل الغربة ونعاني ...
ونصبر عشان نكسب رضاك ...
ونغني لو زاد الحنين ...
ياريتو كان سفراً معاك ..

رائع وذوقك رفيع
والمزيد من المبدع الاستاذ الراحل المقيم مصطفي

يمني بكري حسن كتب:

رائع وذوقك رفيع
والمزيد من المبدع الاستاذ الراحل المقيم مصطفي

يمني ياذوق تسلمي على المرور

واقف براك ....
مدني النخلى
* * * * * * *


واقف براك والهم عصف

ريحاً كسح زهرة صباك

ليلاً فتح .. شرفة وجع

قمراً رحل فارق سماك

*****
مطر الحزن عاود هطل

جدد عذاب الأرصفـة

ضى المصابيح البعيد

أتعب عيونك .. وإنطفا

لمتين مواعيدك .. سراب

والريد شقا وحرقة وجفا

*****
بعد المشاوير البقت ..

ممدودة فى نبض التعب

بتعود وتلقى رِجاك زول

حفظ الوداد زمناً صعب

والباقى من ليل الهوى

وعطر الصبابة الما أنسكب

والباقى من كل الغنا

وسيل الكتابة الما نضب

المسافة
صلاح حاج سعيد

لسة بيناتنا المسافة والعيون ..
واللهفة والخوف والسكون ..
رنة الحزن البخافها ..
تعدي بالفرحة وتفوت ...
وأبكي بالحسرة وأموت ..
الأماني الفي السفر ..
قبل الزمن كايس المواني ..
يوم تجيبني عليك بصدق ..
إنو مرة الحظ طراني ..
واحتواني معاك شجن ..
عذبني قبلك ولسه منك جاي تاني ..
تمشي وين الخطوة منك ..
ما الزمن بالحب بلاك وابتلاني ..
يا عيونك يا مدائن ..
الفرحة والحب والجسارة ..
عندي ليك مليون بشارة ..
ألف طيف .. والكلمة شارة ..
وأنت لما الحب يهون في عيوني ..
وفي عيونك يبقي حائر بالأمارة ..
الفرح منك يجيني ..
ويعتريني الخوف عليك ..
خطوة منك .. خطوة ليك ..
راجي منك بس إشارة ...
كلمة تديني البشارة ...

مـــــــــــدن عــــــــــينيك
عبد القادر الكتيابي
***
لمحتك .. قلت بر أمن
بديت احلم ..

الملم قدرتي الباقية ..

واشد ساعد
علي المجداف

تلوح لي
.. مدن عينيك

وترفع لي
..منارة بسمتك سارية

وبديت احلم ..

كل ما الريح تطارد الموج

ازيد اصرار

.. واحلف بيك


اغير سكة التيار..

واقول .. يا انتي

.. يا أغرق

الوح لي مدن عينيك

تلوح لي ..

اخاف الضفة ترجع بيك

قبل الحق ..

اخاف .. غيم المني الشايل

تسوقو الريح ويتفرق

اخاف .. واخاف .. اخاف
واخـــــــــــاف

واشد ساعد علي المجداف

واجيك بي قدرتي الباقية
حطام انسان ..

موسم بي شقا الدنيا

ومقسم قلبو في الاحزان

اجيك فنـــــان ..

أشد اوتاري واحكيلك

حكاية انسان ..

وهب لي سكتك نفسو

ورسم صورتك علي حسو

وربط ساعد علي المجداف

وقــال .. يا أنتي ، يا اغرق

أخاف .. أخاف .. وأخاف

والاقيك يا اماني سراب

مواهبي عليهو تدفق
وأخاف ..

أخاف .. وأخــــاف..*