ما ممكن أصدق إنك تكون إنسان
لا بتعرف مشاعر لا تقدر الولهان
كيف تجرح مشاعرى ما كنت بيك هيمان
كيف تخضع لغيرى حابيك لى زمان
وما عامل حسابى فى غيرك ألقى أمان
لكن إنت أصلك ما من بنى الإنسان
ما بتعرف شعور طبعك هو النسيان
كيف بى كل بساطة تجرح فؤاد ظمآن
وكيف تدينى رنة وتقول نكون أخوان
وعهدنا كان غرام لا خوة لا جيران
وفى أخوانى إنت ما بتلقى ليك مكان
لأنو الحب غرام والخوة ليها مكان
ما عايزك أخوى وبشكيك للرحمن
كيف تغتال هواى وتنهك حقوق إنسان
وكيف تجرح قليب كان فى العشق غرقان
موضوع: قصيدة من تأليفى(ضاع الهوى) 
الأحد 17 يناير 2010 - 7:15
