بداية النهايه

أوضحت لك بأنه كلما زادت فترة الحكم كلما قلت حظوظ الرئيس الحاكم في الفوز لفترات لاحقة ، والدليل على كدة هناك دساتير بتمنع أن تمتد فترة الرئيس الحاكم لأكثر من دورتين إثنتين فقط ، وفي تجربة البشير نفسه خير برهان ، فحجم الدمار زاد وبزداد طرديا مع سنين حكمه الإستبدادي ، أما الإضافة الأشرت ليـها بالنسبة للناخب ، فهذه لم تبين لنا كيفيتـها.
..........
بنفس القدر يمكن ان نقول انه كلما زادت فترة الرئيس المرشح فى الحكم كلما زادت حظوظه فى الفوز بفترات لاحقه ودونك معظم قادة الدول العربيه ( هذا هو المثال الاقرب لنا) نحن لم نقل ان حجم الدمار لم يذاذ فى عهد البشير ولم نقل ان حكمه لم يكن استبدادي (كما نؤمن ايضا بان شركاؤه استبداديون) وهذا بالطبع ليس مبررا فى تقديري لترشيح السيد عرمان كما انه لن يكون مبررا لفوزه

لكن ما وريتنا الرابط عشان نشوف تحفظك على قرار توجيه الإتـهام لعمر البشير بشأن بإرتكابه لجرائم ضد مواطنيه في دارفور
.........
اي رابط يامحبوب لو كنت تقصد رابط الموضوع الذي كتبته ( انسي) من وين اجيبو ليك ( ممكن تشرح لي فى الخاص) لانو انا فى حاجتين اتنين فى الدنيا دى بعملهم بابسط الامكانيات هما سواقة السياره وسواقة الكمبيوتر ( اهل العوض) بس هو كان مكتوب فى الحصاحيصا فى المهجر فى شكلو القديم

كلنا تابعنا الإجراءآت التي تم إتخاذها في مواجهة عمر البشير ، وعلى عكس ما قلت فقد تباينت الآراء ( السياسية ) حول ولاية المحكمة في نظر الإدعاءآت وتوجيه التـهم لعمر البشير ، وإدانة المتـهم تأتي في مرحلة المحاكمة اللاحقة لتوجيه الإتـهام
................
انا اتحدث عن الادعاءات التي تم توجيهها للرئيس من قبل المحكمة الجنائية لم تتباين الاراء السياسية فى ذلك كل سياسي سوداني استمعت اليه او قرأت له تصريح افاد الا ولاية للمحكمة فى توجيه هذه التهمه للرئيس والا ولاية للمحكمة فى محاكمته وكذلك معظم الدول التي زارها الرئيس بعيد توجيه هذا الاتهام له... كما ان القانونيين الذين استمعت اليهم قد امنو علي ذلك. ماعدا د. حسن الترابي

إختلافك أو إتفاقك مع الآراء والإستطلاعات ليس حجة ملزمة ، ببساطة لأنـها آراء بل إستطلاع لتلك الآراء ، ورفض الحركة الشعبية رأي مثله ومثل الآراء المستطلعة مع إني إطلعت على عدة خطابات رسمية للحركة تخالف ماذهبت إليه في ردك أو تعقيبك هذا.
................
انا لم اقل انها حجه ملزمه وذلك كان مقدمة البوست المعد لهذا الغرض مستهلا بالاندهاش

طبعاً بترشيح عرمان كمسلم شمالي أغبش وجائي من حلة سعيد في الجزيرة ، في كروت كثيرة سقطت في يد ناس المؤتمر ، طبعاً بنستصحب شعارات المؤتمر لمن نقول بأن عرمان شمالي مسلم ، وكلنا شهدنا دعايتـهم الكانت بتبثـها آلتـهم الإعلامية الضخمة في مواجهة قائد الحركة حال حياته ، وشاهدنا كيف تم تصوير حرب الجنوبيين بأنـها حرب تدعمـها الصليبية الدولية لإقتلاع الإسلام من السودان ، ومنع إنتشاره في افريقيا ، وجات إتفاقية نيفاشا وكشفت عن زيف الشعارات وسوء المنقلب ، وإعترف مهندس الإسلام السياسي بعد ما يسمى بالمفاصلة بأن كل الجنود الذين قضوا في الجنوب "فطائس" وليسوا شهداء .

ويضاف كذلك بأن إتفاق نيفاشا ترجم حقيقة الحرب في نصوصه ، وشهدنا بقسمة قيل بأنـها عادلة للثروة والسلطة ، مما أثبت فعلاً بأنـها حرب لا قداسة فيـها ، إلا لجهة حاجة مواطنين يعاملون كمواطنين من الدرجة الثانية داخل بلدهم ، لإختلاف ألوانـهم ، وسحناتـهم وثقافاتـهم عن ألوان ناس الوسط النيلي ، ويدين أغلبـهم بديانات تختلف عن ديانة ناس الوسط ، نصيبـهم من الثروة الكفاف ، ومن السلطة وزارة الثروة الحيوانية والري ، مواطنين يشعرون بالظلم الإجتماعي بأشكاله ، وتفرض عليـهم الثقافات قسراً ، مواطنين يطالبون بسودان تسود فيه قيم الحرية والعدل والمساواة ، فالشمالي المسلم الذي قاتل من أجل هذه القضايا الحيوية ما أظن ناس المؤتمر ممكن يرقدو ليهو في أمان ، بحسبان وجود المظالم بصور مختلفة شرقاً وغرباً ، والأيام القادمة قد تكشف الكثير الخطر
.................
محبوب هذا الاقتباس لم يذكي بالنسبة لي ترشيح السيد ياسر ... واعلم ان ترشيحا اخر بالنسبه لهم يمكن ان يحقق لهم ذلك ويكسبهم الاجماع ( لا تقل لي انهم مجمعون حول ترشيحه) فهذا لا اعتقد بصحته , اذا تصورنا ما ستؤل اليه الاحداث فيمكن ان يكون فى ذلك اقصاء غير مباشر

وحديثك دا بيخرج عن الموضوع وأنا ما عارف علاقة كوادر الجبهة الديموقراطية البارعين في الخطابة شنو بالموضوع دا ! اللهم إلا إذا كنت بتفتكر بأن عرمان ككادر خطابي لا يصلح لرئاسة جمهورية !! وأسمح لي أن أقول بأنه قد كان لياسر عرمان علاقة بالجبهة الديمقراطية ، ودا ما شي بينقص من حظوظه بل بالعكس فهذه إضافة له ، وإنت بنفسك أقريت ليهو بالبراعة في الخطابة السياسية ، والبراعة في الخطابة لا تأتي من فراغ ، إنما عن فكر وإلمام بالمعطيات ومقدرة على القراءة ودقة في التحليل
.........
عزيزى المحبوب
هذا كان تعقيب علي ردك بان مرشحهم كان كادرا خطابيا بالجامعه , وانا ذكرت ان كثير من كودار الجبهة الديمقراطية بالجامعه قد انضمت للحركة ومشهود لها بالخطابة والنضال ولم ترشح لهذا المنصب ....انا كذلك اقر لمعظم كودار الجبهة الديمقراطية التي انضمت للحركة بالبراعه في الخطابه السياسية فهلا رشحتهم الحركة

وبعيد ليك كلامي تاني عشان أقرب ليك المسافة (( .....ليس بالحركة من هو أقدر وأكثر خبرة ودراية ووطنية من ياسر عرمان على خوض المنافسة ، والكلام دا الحركة حسمته عندما ناقشت واعلنت ترشيحه ، وما تخلط ياعزيزي الفاضل بين ممارسة الحركة الشعبية لحق الترشيح ، وممارسة الناخبين في الإختيار ، فالحركة كتنظيم رشحته وفق تكتيكاتـها لخوض المنافسة حينما إرتأت مناسبته ، نجي نحن نقول ليـهم يا جماعة الخير الراجل دا صغير جيبو واحد أكبر منو ، طبعاً ما داير أعلق على الكلام البرددو فيه ناس الطيب مصطفى خال الرئيس الحاكم عشرين سنة ومرشح تاني ، فيا عزيزي الفاضل نحن كلامنا بعدين في صناديق الإقتراع في ابريل إذا قدر لـهذه الانتخابات أن تقوم على ما إنطوت عليه متطلباتـها من تعداد ، ومفوضية إنتخابات وسن قوانين أمن وخلافه ، طبعاً ممكن يكون لينا دور قبل كدة ، دورنا كناخبين وليس موجهين لسياسات التنظيمات السياسية ( بإستثناء أعضاء التنظيم ) فإما أن نكون قد إقتنعنا به ونصوت ليهو أو ندي صوتنا للمنافسين الآخرين
...............
معليش اخي المحبوب ليس هذا موفقا ... انت من يرى ان ليس بالحركة اقدر واكثر خبره ودرايه ووطنيه من ياسر بالحركة وغيرك من يرى عكس ذلك هناك كوادر داخل الحركة تتململ من هذا الترشيح ... لكن اختارت قيادة الحركة ذلك ( الحركة اكثر ديكتاتورية من غيرها) نحن ما قلنا للحركة لا ده صغير جيبو اكبر منو سنا .. نحنا قلنا ان هناك من هو اكبر منه سنا وخبرة وتجربة وعمق سياسي عملي وتنظيرى وقبولا جماهيريا وما لينا غرض في البقول فيهو الطيب مصطفي ولذك سقنا اندهاشنا من الترشيح او عبرنا عن بعض الاراء التي تعتقد ذلك اليس من حقنا وليس فى هذا اي خلط بين ممارسة الحركة حق الترشيح وممارسة الناخب فى الاختيار

بإختصار داير أقول ليك نحن ما أوصياء على الحركة ترشح من ترشح ونحن بعداك نصوت حسب قناعاتنا ، وإختلافي معاك في أنك وضعت نفسك في موضع عضو الحركة الموجه لسياساتـها وانت ناخب زيك وزي الناخبين ، وما حد منعك من أن تقول رايك في عرمان ولكن بدون شخصنة حتى لا نخدم قضايا المؤتمر التي يقاتل فيـها الآن الطيب مصطفى قتالاً شرساً للدرجة التي جعلته يقول بأن ياسر عرمان لا يؤتمن على أسرته فكيف نأتمنه على بلد.
..............
محبوب .. ايضا هذا غير موفق
لم اشر من قريب او بعيد علي اننا اوصياء على الحركة فى ترشيحاتها وانا لم اضع نفسي فى موضع عضو الحركة لانني ليس عضوا فيها , انا فقط ابديت اندهاشي من الترشيح وانا لم اسق ماسقت من موقف شخصي بالعكس فالرجل صديقي وتربطني به اواشج الصداقه والموده والاخاء وله علائق طيبه باسرتي الصغيره ( وكلما يجي الامارت بنلتقي فى منزلي او فى مقر اقامته) وقضينا وقتا طيبا مع بعض باسمرا ... وانا في تناولي لهذا الامر لا احسب انني اخدم قضايا المؤتمر الوطني ولا اقلل من شان السيد ياسر عرمان ولكن بتجرد تام ابديت ملاحظاتي التي شاركني فيها بعض المهتمين بالامر نقاشا وتساولا .. فقط عكستها هنا ايمانا مني بحرية الراي التي لا تفسد للود قضيه , قد اكون ضدك فى وجهة نظرك ولكن سابذل قصاري جهدى فى ان تبدي وجهة نظرك هذه .
مايقول الطيب مصطفي لايجد مني اذنا صاغيه فياسر الذي اعرف مؤتمن اكثر من غيره ( وهو جنتل مان) فقط ارجو ان تميز انني اتناول امر عامل متعلق بالسياسه التي تستوجب الاندهاش والتشاور والتعليق وابداء وجهة النظر فى غالبها السياسي المحض .. ومازلت اندهش لهذا الترشيح

ياسر خطر على البشير فعلاً يا بركة ولو أتيحت الفرصة لهما للتحدث عن الفساد مثلاً ، تفتكر البشير حا يقول شنو
.........
لم نقل ليس هناك فساد ولم نقل ان ياسر ليس ضد الفساد ... احيلك لما قلنا

بعدين لو ما خطر على البشير فالطيب مصطفى ما لو هائج ومائج ما يرتاح ....... وبمدد كرعينو
..............
انت حكايتك شنو مع الطيب مصطفي ده ... اصلا هو الجابو شنو ... ياخي ده الشعب السوداني كلو ضدو

الضحك ما ممنوع ، أضحك وإستغفر ، لكن الحركة إختارت عرمان ومنصور خالد قاعد خالف رجل في رجل ما سمنا بانـو اعترض ، ورايك شنو لو كان الترشيح مقدم من منصور خالد نفسو ؟؟ دحين ما بتبقى في أمراً ضيق
............
دي ذكرتني قصة الحلفاوي , اهلو ودوهو الخلوه يتعلم القران والحديث ... فى اول يوم فى الخلوه مولانا شبكو ليك احاديث كلها عن ابي هريرة رضي الله عنه قال : قال رسول الله ( ص ) الحلفاوي الشغله كترت فى راسو : ابو هريره ابوهريره ابوهريره قام قعد ممحن صاحبو سالو قال ليهو ممحن كده مالك : قال ليهو ممحن فى ابوهريره ده , قال ليهو مالو: الحلفاوي قال ليهو الكلام ده كلو قالو ابوهريره انو الرسول قالوا : صاحبو قال ليهو طيب مالو شنو المشكله : الحلفاوي قال ليهو كان الرسول جاء يوم القيامة وقال انا الكلام ده تب ماقلتو , ابوهريره ده يودي راسو وين
المحبوب
ارقد عافيه

الحبوب المحبوب
هاك التداعيات دي ... ودي اخبار طازه طالعه التو من فرن الحاله السياسيه بالسودان
سمي حزب الامه القومي مرشحه السيد الامام الصادق المهدي ( يلحقني وينجدني) مرشحا لرئاسة الجمهوريه علي فكرة انا كنت قائل الكوامر ديل دفعتك فى المنتدي اتاري هم فى كل مكان ... كما علمت ايضا ان الفكره العامه فى التجمع الوطني الديمقراطي وتجمع احزاب جوبا ( يامسافر جوبا) هي ان اي حزب يتصور انه يستطيع ان يفوز برئاسة الجمهوريه له ان يسمي مرشحه وينزله فى الانتخابات والاحزاب التي ليس لديها قدرة علي ذلك تدعم اقوي المرشحين من احزاب التجمع , وهذه حسب ماسمعت لها احدي الحسنيين اما ان يفوز مرشح احد احزاب التجمع ضد البشير اما ان تشتت الاصوات بحيث لايستطيع البشير الحصول على النسبة الكافية التي تؤهله للفوز وبذلك تقاد الانتخابات الي جوله ثانية يتنازل فيها بقية احزاب المعارضه للمرشح صاحب اعلي الاصوات فى الجوله الاولي وهذه بدورها تعطي احزاب التجمع فرصة لفوز مرشحها فى الجوله الاولي وتظهر الانسجام بينها فى التنازل الذي سوف يتم حيث انه محدد لصاحب اعلي الاصوات فى الجولة الاولي
خلينا نشوف

تتحدث بعض الاواسط السياسية عن تنازل مرشح الحرمة الشعبيه لمنصب رئيس الجمهورية السيد ياسر عرمان لمرشح المؤتمر الوطني السيد عمر البشير وان هناك حركة مكثفه يقوم بها بعض قياديي الحزبين لاتمام هذه الصفقه وان وجود السيد علي عثمان محمد طه بجوبا الان لهو خير دليل علي ذلك وقد سبق للسيد علي عثمان ان صرح بانتهاء المفاوضات مع الحركة الشعبية فى شتي المجالات لحين الفراغ من الانتخابات والان يتجه الي جوبا لمناقشة هذا الامر , والجدير بالذكر ان قيادة الحركة ممثلة فى السيد سلفاكير قامت باستدعاء السيدين ياسر عرمان وباقان اموم لذات القرض ( وستبدي لنا الايام ماكنا نجهله)
..................
ادناه منقول من سودانيزاون لاين

لو حدث هذا تكون الحركة حسبت الشغلانة صاح

لأنو الانتخابات دي اخر فرصة لبقاء عرمان في دائرة الاضواء ولو سقط يروح الي المتحف السياسي

عشان كده ممكن ناس الحركة ايقنوا انوا زولن ده ممكن يسقط ولو سقط تاني ماعندو شغلة الا يمشي

يقشر بصل.

يا بركة ،،



قلنا ليك من الأول ،،

بأن ترشيح ياسر عرمان ،،

ليس بالأمر الساهل ،،

علي عثمان شغال جوبا الخرطوم ،،

مالو رايح ليهو مرشح ؟؟

ولماذا يستجدي الحركة ؟؟

يعني ياسر بقى خطير على البشير ولا شنو ؟؟

علي كورتي بتاع الخارجية يهزي ،،

مالو داير ياسر يحترق ،،

وإذا بقى الموضوع تصريحات فأمامك الآن :



سودانايل :

أوردت سودانايل نقلا عن الشرق الاوسط ان السيد على عثمان محمد طه قد سافر الى جوبا فى جولة خاطفة بغرض اٍقناع الحركة الشعبية بسحب مرشحها للرئاسة الرفيق ياسر سعيد عرمان. و المتابع الحصيف يعلم انه لم يعد هنالك كرت يمكن للمؤتمر الوطنى اٍستخدامه لاغراء الحركة الشعبية بسحب مرشحها. المؤتمر الوطنى يحرص على البقاء فى السلطة حتى لو كان الثمن تمزيق السودان و تفتيته عن طريق الانفصال. و اذا كانت الحركة ترغب فى فصل الجنوب كهدف نهائى و مبكر بغض النظر عن نتيجة الانتخابات القادمة هذه فهى ليست فى حوجة للاستعانة بالمؤتمر الوطنى لانجاز هذه المهمة. يمكنها حشد جماهيرها للتصويت لصالح الانفصال فى الاستفتاء القادم فى 2011 و كما نعلم فانه 80 فى المية من الجنوبيين هم مؤيدى الحركة الشعبية. اذن ما الذى يمكن ان يقدمه المؤتمر الوطنى ليساوم به الحركه على سحب مرشحها من السباق الرئاسى؟ و هو قرار كارثى على الحركة الشعبية و على مصداقيتها للابد!. ما الثمن الذى يكمن ان يدفعه المؤتمر الوطنى لقاء هذا الانتحار؟

أجراس الحرية

بتاريخ : الإثنين 01-02-2010

الحركة الشعبية : سحب مرشحنا للرئاسة (مستحيل)

كتب: حسين سعد

أغلقت الحركة الشعبية الباب أمام أي محاولات لسحب مرشحها لرئاسة الجمهورية لصالح شريكها المؤتمر الوطني واعتبرت الخطوة (أمراً مستحيلاً) و خرق لمسؤوليتها الوطنية.

و قال الأمين العام للحركة الشعبية باقان أموم لـ(اجراس الحرية) أمس أنّ الحركة لن تنازل و تسحب مرشحها لمنصب رئاسة الجمهورية ياسرعرمان الذي وصفه بالأكثر تأييداً من قبل الشعب السوداني وعد طلب الوطني (مستحيل و لا يمكن القبول به لكونه خرقاً لمسؤوليتنا الوطنية) و أضاف أنّ مشاركة الحركة في العملية الانتخابية بكافة مستوياتها واجب وطني و قال إنّ برنامج مرشح الحركة للرئاسة يشمل الكثير من القضايا بما فيها التغيرات المناخية و مضى قائلاً: ( مشروعنا يتواءم مع حرية و كرامة الإنسان و طبيعته و سنعمل من أجل نقل المدينة إلى الريف و استغلال عائدات البترول في تحقيق التنمية خاصة الزراعية) و طالب باقان بإعادة النظر في السياسات الاقتصادية و الزراعية بالبلاد و أن تكون الزراعة أساس اقتصاد السودان بجانب بناء صناعات تحويلية تسهم في زيادة صادرات البلاد، و خلق فرص عمل للشباب و الخريجين، و قال أموم (قضية دارفور لا يمكن أن تكون بعيدة من همنا و شعارنا في الانتخابات القادمة هو تحقيق أقصى الحريات و تحقيق و تعزيز السلام العادل و الشامل)، و تابع ( أزمة دافور على رأس أولوياتنا و الاستجاية لمطالب أهل دارفور و لهم الحق في أن يحكموا أنفسهم و إدارة شؤونهم).



سودانيزاولاين

بيان مهم من الناطق الرسمى باسم الحركة الشعبية لتحرير السودان

الى جماهير شعبنا الوفى..
هنالك اهداف ومبادئ عادلة تاسست عليها حركة النضال الثورى و الكفاح الطويل لبناء الدولة السودانية فى المناحى السياسية و الاقتصادية و الاجتماعية على اسس جديدة ومقبولة من جميع السودانيين غض النظر عن الوانهم واديانهم وثقافاتهم عبر طرائق ديمقراطية واطروحات واقعية تعمل على توحيد الوطن السودانى واستدامة سلامته .
سرت عديد من الشائعات تناقلتها عدد من الوسائط الاعلامية للتشويش على ترشيحنا الرفيق ياسر سعيد عرمان لرئاسة الجمهورية فى الانتخابات القادمة ونقول بصوت جهور وقاطع ردا على مرددى تلكم الاقاويل بان الحركة الشعبية لتحرير السودان لم ولن تسحب ترشيح الرفيق ياسر سعيد عرمان الذى لم يعد مرشحا لنا وحدنا بل اضحى ممثلا للشعب السودانى كافة بعد حصوله على تأييد واسع من 56.656 مواطن سودانى يمثلون كافة الولايات السودانية منهم جزء كبير لا ينتمى لعضوية الحركة يدفعهم الامل نحو التغيير والسلام ، فعلى المؤتمر الوطنى ان ينأى بنفسه عن اسلوب المناورات واطلاق الاشاعات وتغبيش الوعى طالما ارتضى الاحتكام لصناديق الاقتراع ، وعليه ان يتقدم الى انجاز الانتخابات فى موعدها المحدد ويسلم السلطة للشعب كيما يختار الرئيس الذى يعبر عنه ويقود سفينة البلاد الى بر الامان فى هذه الظروف الحرجة التى نعايشها جميعا كسودانيين.
جماهير شعبنا،،
تعلمون انه لاسبيل لاحداث تحول ديمقراطى حقيقى وقيام انتخابات حره ونزيهه دون ايجاد معالجه لقضية التعداد السكانى وهو ما ابلغنا به المؤتمر الوطنى فى اجتماعاتنا عبر اللجان السياسية المشتركة و اجتماعات مؤسسة الرئاسة بشكل واضح لالبس فيه و الموقف نفسه ينطبق على مسيرة تنفيذ اتفاقية السلام التى تتطلب استمرار اللجان المشتركة بيننا لتكملة الحوار حول المسائل والقضايا العالقة فى الاتفاقيه قبل انعقاد الانتخابات والتى تتمثل فى الآتى :
- تشكيل مفوضية استفتاء جنوب السودان.
- ايجاد معالجة لقضيتى التعداد السكانى واعادة النظر فى تقسيم الدوائر الجغرافية
- تشكيل مفوضية استفتاء ابيي .
- ترسيم الحدود.
جماهير الشعب السودانى..
ستظل الحركة الشعبية لتحرير السودان قوية ومتماسكة ولن تخون ثقتكم فيها وهى تدخل مرحلة الانتخابات بهدف اكتساحها و اعادة الدولة الى الشعب بالنظر الى قضايا المواطن السودانى وتطلعاته ،ونحن اذ نخاطبكم اليوم نعلم ان الشعب السودانى يمثل لنا الضامن الاصيل لتنفيذ اتفاق السلام الشامل بجانب الاسرة الدولية ومنظمة الايقاد التى ننتظر منها بزل المزيد من الجهود لتنفيذ وحماية السلام فى السودان .
يين ماثيو شول
الناطق الرسمى باسم الحركة الشعبية لتحرير السودان

جريدة الشرق الأوسط النسخة الألكترونية 01/02/2010م

وزير الدولة بالخارجية السودانية ( للشرق الأوسط ) نأمل أن يحترق ياسر عرمان وينتهي أمره :

(( ..........هل من تعليق على ترشيح الحركة لياسر عرمان لمنصب رئيس الجمهورية؟

- هو محاولة لإظهار الوفاء للمجهودات الكبيرة التي قام بها خاصة الملاسنات والإساءات التي يوجهها للمؤتمر الوطني. وفي تقديرنا هو نوع من المكافأة لما يقوم به، وبالقطع فإن عرمان لن يستطيع أن يكون بديلا عن سلفا كير.. ونأمل أن يحترق وينتهي أمره..........))
جزء من حوار على كرتى مع الشرق الاوسط وهو يشغل منصب وزير الدولة يالخاوجية

يابركة إنت هنا ،،

ولا في جوبا ،،

أنا معاك ،،

سامعني ،،

طيب ما تجيب ،،

سامعك ،، يابركة تجيب شنو ياخي بقصد تجاوب ،،

ولا عايز تبقى زي كورتي وزير الدولة بالخارجية القال ،،

يتحرق ونرتاح منو ،،

بالمناسبة في مجموعة من الشباب هتفت في وجهه ،،

وغنت ليهو ،،

قصدك قصدك مشتاقين ما لقو ،،

قصدي فوق السجاير ولع لي النحرقو ،،

وكان عرمان حِرق ،،

ما قبلو قرنق حِِرق ،،

الإرتاح منو ،،

انت عارف يا بركة حرق عرمان دا ،،

حا يكون حرق بلد كامل ،،

خلاف حرقـهم للسابقين ،،

أولئك المقربون ،،

في جنات النعيم ،،

وهم يحرقوا ،،

وتاني يطلع ليـهم واحد جديد ،،

سيك سيك معلق في رقابـهم ،،

ولي يوم الدين ،،

البلد دي ما بتقيف من ولادة الناس السمحين كلو كلو ،،

أرحكاكا

قلنا ليك من الأول ،،

بأن ترشيح ياسر عرمان ،،

ليس بالأمر الساهل ،،

علي عثمان شغال جوبا الخرطوم ،،

مالو رايح ليهو مرشح ؟؟

ولماذا يستجدي الحركة ؟؟

يعني ياسر بقى خطير على البشير ولا شنو ؟؟

علي كورتي بتاع الخارجية يهزي ،،

مالو داير ياسر يحترق ،،

وإذا بقى الموضوع تصريحات فأمامك الآن
...........
بالطبع لا يا استاذ محبوب المؤتمر الوطني ( حزب الرئيس ) يوقن تماما بان ترشيح عرمان لا يشكل خطورة للرئيس البشير بان يفوز عرمان علي البشير ... وهم يعلمون تماما ان عرمان لن يفوز علي البشير ولا حتي سيفاكير ذاته اذا ترشح , لكن هذه موازنات سياسية يفعلها ( الشريكيين) من شان ترشيح عرمان او اي قيادى اخر فى الحركة لمنصب رئيس الجمهورية من شانه تشتيت الاصوات ومن شان ذلك ايضا الا يحصل مرشح المؤتمر الوطني علي النسبة الكافية واظنها (50%+1 ) من الاصوات التي تاهله للفوز واظنه حق مشروع للمؤتمر فى مثل هذه الحالة ( بعد ان قرأ المشهد السياسي جيدا) ان يتجه نحو شريكة الحركة الشعبية ( لافهامها ما خفي عليها) بان ترشيح عرمان من قبل الحركة لن ياتي بعرمان ولن ياتي بشخص غيره وانما يفوت الفرصة علي البشير لحصد النسبة المقرره من الاصوات والتي تاهله للفوز .. كأن المؤتمر يقول لهم دعونا نتجاوز هذه الاشكالية فنحن وانتم من صنع السلام ونحن شركاوكم ونحن الذين اكثر تاهلا لمنصب رئيس الجمهورية وانتم الاكثر تاهلا لمنصب رئيس حكومة الجنوب
هكذا هى السياسة اخي محبوب وهكذا تدار العملية السياسية , ربما لنا رائي فى ذلك , فقط هذا هو المشهد السياسي بعين مراقب

صباح الأنوار ،،

بالطبع لا يا استاذ محبوب المؤتمر الوطني ( حزب الرئيس ) يوقن تماما بان ترشيح عرمان لا يشكل خطورة للرئيس البشير بان يفوز عرمان علي البشير ... وهم يعلمون تماما ان عرمان لن يفوز علي البشير ولا حتي سيفاكير ذاته اذا ترشح .... طيب ما يرتاحوا في داعي شيخ علي يجهد نفسو كدة ، جوبا الخرطوم الخرطوم جوبا دي انت قايلا ساهلة ، لا يا بركة دي متعبة جداً ومكلفة للغاية وقروش بنزين الطيارة أولى بيـها الناس البتساكك فيـهم الكلاب العجيبة الظهرت اليومين دي ووصلت لحدي الدويم ...

لكن هذه موازنات سياسية يفعلها ( الشريكيين) ..... لا يابركة دي لا موازنات ولا حاجة الرشح في الاعلام كلام محدد فحواه بأن شيخ علي بحاول مع ناس الحركة عشان يسحبوا ترشيح عرمان ، والكلام دا صحيح لأنو شيخ علي لم ينف هذا الكلام لحدي الآن .....

من شان ترشيح عرمان او اي قيادى اخر فى الحركة لمنصب رئيس الجمهورية ....ليه ما عايز تحصر الأمر في عرمان ، الحركة رشحت عرمان فقط لمنصب الرئيس .....

من شانه تشتيت الاصوات ومن شان ذلك ايضا الا يحصل مرشح المؤتمر الوطني علي النسبة الكافية واظنها (50%+1 ) من الاصوات التي تاهله للفوز.... وطيب نحن قلنا خطورة ترشيح عرمان جاية من كونه حا يعمل فاول داخل التمنتاشر مع المرشح بتاع الؤتمر ، ما الخطورة يا بركة إنو مرشح الحركة شخص خبير ومجرب وشاب في مقتبل العمر بمثل جيل الشباب وأقرب لقطاع المهمشين ومن المرجح ان ينال 90% من أصوات الجنوبيين فضلاً عن أصوات الشماليين غير المنتمين بل حتى المنتمين من اليسار السياسي ، ودا كلام المراقبين ما كلامي أنا ...........

واظنه حق مشروع للمؤتمر فى مثل هذه الحالة ( بعد ان قرأ المشهد السياسي جيدا) .... المؤتمر لم يقرأ المشهد جيداً فالحركة فاجأتـهم بالترشيح ، جابت ليـهم زول من جنسـهم ، رجل بسيط من إحدى حلال الجزيرة المغضوب عليـها ، معروف برفضه للظلم وإنحيازه لقضايا شعبه من أيام دراسته الجامعية ، حمل روحه في كفتيه ويمم وجهه شطر ملهم السودان الجديد ، فالمؤتمر عمره ما قرأ ولا عندو الإستعداد يقرأ حتى الفاتحة على الناس الأزهق أرواحـهم من غير وجه حق ، ومن جهة أخرى فالحركة أبطلت مفعول الدعاية الانتخابية من الآن ولو كان جنوبي كنت سمعت ما بحكمنا جنوبي كافر ، عشان كدة شيخ علي قل منامو وتبددت احلامو ........

بان يتجه نحو شريكة الحركة الشعبية ( لافهامها ما خفي عليها) .... هي الحركة الشعبية دي شافعة ولا تلميذ في مدرسة إبتدائية ، فالحركة كما قلت شريك يعني أصبحت زيـها وزي بقية التنظيمات السياسية وعندها أجدندتـها وطموحاتـها ، و فاهمة هي بتعمل في شنو والمؤتمر لمن رسل ليـها شيخ علي مش عشان يفهما لا لا يابركة بل لإقناعـها بسحب عرمان وهو ما يقيف مع لام اكول ضد سلفا كير في الجنوب .....

بان ترشيح عرمان من قبل الحركة لن ياتي بعرمان ولن ياتي بشخص غيره وانما يفوت الفرصة علي البشير لحصد النسبة المقرره من الاصوات والتي تاهله للفوز .. ما تفوت الفرصة علـها ما عادت ما كفاية عشرين سنة ، وبعدين دا ما غرض الحركة وبنسجم مع منفستو السودان الجديد ، وبعدين هدم لدعائم الشمولية بالانتخابات على علتـها ......

كأن المؤتمر يقول لهم دعونا نتجاوز هذه الاشكالية ..... دي ما اشكالية دي ورطة عديل يابركة فمرشح المؤتمر شخص دكتاتوري وراعي لفساد لم يشهد له السودان مثيل ....فنحن وانتم من صنع السلام .... سلام شنو الصنعو المؤتمر ، السلام حاربت فيهو الحركة المؤتمر لمن قال بس ، فالمؤتمر لمن جا المفاوضات كان مجبور والعالم كلو شاف الحاصل عين في الاتفاقية وعين في سبل التملص منها .......

ونحن شركاوكم ونحن الذين اكثر تاهلا لمنصب رئيس الجمهورية وانتم الاكثر تاهلا لمنصب رئيس حكومة .....هنا تقاطعت الرؤى فالمؤتمر بيرى بأن لام اكول هو المؤهل لحكم الجنوب وليس سيلفاكير ، بينما ترى الحركة بأن عرمان هو المؤهل لحكم السودان وليس عمر البشير ، لكن المؤتمر الآن غير رايو ونفض يدو من لام أكول أو على استعداد لنفض يدو من لام أكول ،، ومن كل الجنوب وهو يمسك الشمال ، فهل الحركة عندها استعداد تنفض يدها عن عرمان ؟ ......

هكذا هى السياسة اخي محبوب وهكذا تدار العملية السياسية ، ربما لنا رائي فى ذلك , فقط هذا هو المشهد السياسي بعين مراقب

طيب ما يرتاحوا في داعي شيخ علي يجهد نفسو كدة ، جوبا الخرطوم الخرطوم جوبا دي انت قايلا ساهلة ، لا يا بركة دي متعبة جداً ومكلفة للغاية وقروش بنزين الطيارة أولى بيـها الناس البتساكك فيـهم الكلاب العجيبة الظهرت اليومين دي ووصلت لحدي الدويم
.............
ياخي شيخ علي ده ما جاري ( بى حقو) وحقو انهم شركاء مع بعض ولابد من ( مثل هيك ) جري بين الشركاء , ماهو بقية الاحزاب قاعده تجري برضو وتعمل فى تحالفات ( حرام علي بلابله الدوح .. حلال علي الطير من كل جنس)

لا يابركة دي لا موازنات ولا حاجة الرشح في الاعلام كلام محدد فحواه بأن شيخ علي بحاول مع ناس الحركة عشان يسحبوا ترشيح عرمان ، والكلام دا صحيح لأنو شيخ علي لم ينف هذا الكلام لحدي الآن
...............
يامحبوب وانت السياسي , القانوني الضليع .. ما يرشح فى الاعلام ليس بالضرورة ان يكون هو الواقع وفي مقولة تاريخية لذلك مفادها ( ده كلام جرايد ساكت) وما بالضروره كل ما يكتب فى الاعلام يجى الاخر او يقوم بنفيه , وامكن هو نفي منو العالم؟

..ليه ما عايز تحصر الأمر في عرمان ، الحركة رشحت عرمان فقط لمنصب الرئيس
...............
المسالة محصورة فى عرمان , وانا كنت اعتقد ان هناك من هو اكثر حضورا وتميزا سياسيا فى الحركة من عرمان .. لكن صدقني حتي اولئك النفر من وجهة نظرى الخاصة ليس قادريين على هزيمة البشير فى انتخابات رئيس الجمهورية .. الحركة الشعبية دورها الحربي كبير لا احد ينكر ذلك ولكن دورها السياسي مازال فطيرا , وكذلك الحال لبعض قادتها

وطيب نحن قلنا خطورة ترشيح عرمان جاية من كونه حا يعمل فاول داخل التمنتاشر مع المرشح بتاع الؤتمر ، ما الخطورة يا بركة إنو مرشح الحركة شخص خبير ومجرب وشاب في مقتبل العمر بمثل جيل الشباب وأقرب لقطاع المهمشين ومن المرجح ان ينال 90% من أصوات الجنوبيين فضلاً عن أصوات الشماليين غير المنتمين بل حتى المنتمين من اليسار السياسي ، ودا كلام المراقبين ما كلامي أنا
...........
وفقا لما ذكرت من تكتيك واستراتيجية بالنسبة للحزبين هذا مشروع ... انا لا اتصور ان ينال عرمان 90% من اصوات الجنوبيين لان ذلك يعني ان 90% من الجنوبيين حركة شعبية , وحد علمي خلاف ذلك تماما .. كما ان الشماليين المنتمين وغير المنتمين لا اتصور انهم سوف يصوتون لمرشح الحركة الشعبية ايا كان هذا المرشح , وخليني من انو ده كلام مراقبين ( انا كمان مراقب وبقول غير ذلك) وبعرف كثير من المراقبين يقولون غير ذلك , بعدين يامحبوب بيني وبينك الشارع السياسي السوداني مابخاف من حكاية يسار دى ودونك تجاربنا السياسية السابقه وعمر برلماناتنا السياسية ( وريني كانت بتجيب منو) شيل لي قصة ( حتي المنتمين لليسار السياسي بعطوه اصواتو ) لانو دى وحسب تقديرى الخاص بتسقطو ( بمزاج)

. المؤتمر لم يقرأ المشهد جيداً فالحركة فاجأتـهم بالترشيح ، جابت ليـهم زول من جنسـهم ، رجل بسيط من إحدى حلال الجزيرة المغضوب عليـها ، معروف برفضه للظلم وإنحيازه لقضايا شعبه من أيام دراسته الجامعية ، حمل روحه في كفتيه ويمم وجهه شطر ملهم السودان الجديد ، فالمؤتمر عمره ما قرأ ولا عندو الإستعداد يقرأ حتى الفاتحة على الناس الأزهق أرواحـهم من غير وجه حق ، ومن جهة أخرى فالحركة أبطلت مفعول الدعاية الانتخابية من الآن ولو كان جنوبي كنت سمعت ما بحكمنا جنوبي كافر ، عشان كدة شيخ علي قل منامو وتبددت احلامو
..........
زول من جنسهم دى يعني شنو ( وضح)
محبوب دى دعاية انتخابية للسيد عرمان ولا شنو , لعلمك رقم مساوي المؤتمر الوطني الا انه اكثر الاحزاب المتواجده حاليا قراءة للواقع والمشهد السياسي اكرر قراءة للواقع والمشهد السياسي

هي الحركة الشعبية دي شافعة ولا تلميذ في مدرسة إبتدائية ، فالحركة كما قلت شريك يعني أصبحت زيـها وزي بقية التنظيمات السياسية وعندها أجدندتـها وطموحاتـها ، و فاهمة هي بتعمل في شنو والمؤتمر لمن رسل ليـها شيخ علي مش عشان يفهما لا لا يابركة بل لإقناعـها بسحب عرمان وهو ما يقيف مع لام اكول ضد سلفا كير في الجنوب
................
عن اي اجنده يامحبوب تتحدث للحركة اجندة فى الحرب ام فى السلم , نصيب الحركة الشعبية فى الشراكة هى فعلا نصيب شافع او تلميذ فى مدرسة ابتدائية وهى شريك بهذا النصيب الذي ارتضته ووفقا لذلك يتعامل معها المؤتمر الوطني , وعل ذكر لام اكول لماذا لم يسمح لحزبة للمشاركة فى العملية السياسية والانتخابات فى الجنوب رغم قرار المحكمة ؟