بداية النهايه

دي ما اشكالية دي ورطة عديل يابركة فمرشح المؤتمر شخص دكتاتوري وراعي لفساد لم يشهد له السودان مثيل
.................
هذا لاننا جربناه وعرفنا عنه ذلك لكن حين تجرب الحركة الشعبية سوف تجدها اكثر منه دكتاتورية

.. سلام شنو الصنعو المؤتمر ، السلام حاربت فيهو الحركة المؤتمر لمن قال بس ، فالمؤتمر لمن جا المفاوضات كان مجبور والعالم كلو شاف الحاصل عين في الاتفاقية وعين في سبل التملص منها
..................
استاذى محبوب كان حاربت ولا ماحاربت ... كان بتحارب فى منو ... الطرف الكانت بتحارب فيهو ده هو الذي صنع معها السلام هذا امر تقريرى وواضح تماما

مبارك عثمان كتب:

دي ما اشكالية دي ورطة عديل يابركة فمرشح المؤتمر شخص دكتاتوري وراعي لفساد لم يشهد له السودان مثيل
.................
هذا لاننا جربناه وعرفنا عنه ذلك لكن حين تجرب الحركة الشعبية سوف تجدها اكثر منه دكتاتورية

بمعنى الخوف من القادم يجعلنا اسيرى الحاضر الظالم ؟؟؟؟؟؟

هنا تقاطعت الرؤى فالمؤتمر بيرى بأن لام اكول هو المؤهل لحكم الجنوب وليس سيلفاكير ، بينما ترى الحركة بأن عرمان هو المؤهل لحكم السودان وليس عمر البشير ، لكن المؤتمر الآن غير رايو ونفض يدو من لام أكول أو على استعداد لنفض يدو من لام أكول ،، ومن كل الجنوب وهو يمسك الشمال ، فهل الحركة عندها استعداد تنفض يدها عن عرمان
...............
اذا كان المؤتمر يري ان د. لام اكول هو المؤهل لحكم الجنوب وليس سلفاكير , لماذا لم يدفعه للترشيح هناك اذا .. انا شخصيا ارى ان د.لام اكول اكثر تاهيلا لحكم الجنوب سياسيا ونضاليا كما انه مؤهل من الناحية العلمية اكثر من غيره .. وهذا هو السبب الذي دعي القيادات الدكتاتورية فى الحركة لاستبعاده , وتم استبداله بمن يقول نعم لقيادات الحركة فدكتور لام اكول كان يقول المجد للشيطان معبود الرياح , من قال لا فى وجه من قالوا نعم

بمعنى الخوف من القادم يجعلنا اسيرى الحاضر الظالم ؟؟؟؟؟؟
.............
هذا ياراشد اذا وعينا وعرفنا ان القادم سوف يكون اكثر ظلما ودموية من الحاضر , فلماذا لا نستبدلهم الاثنيين بمن هم اعدل واسلم

يامحبوب وانت السياسي والقانوني الضليع .. انا ممكن اكون قانوني مضلع لكن ما سياسي ، ولا اعبر في الوقت الراهم عن وجهة سياسية محددة ، ووببساطة بقيف مع أي خطوة تغتس حجر الناس الغتسوا حجرنا بشعارات الشريعة ، وبمشروع قالوا بانه حضاري ، إتضح لاحقاً بأنه مشروع لدولة ناس شرهين المليار يبلعوا بي جغمة واحدة.

ما يرشح فى الاعلام ليس بالضرورة ان يكون هو الواقع وفي مقولة تاريخية لذلك مفادها ( ده كلام جرايد ساكت) ..... طيب انت كلامك الفي الاول كلو مبني على كلام ناس انت قلت مراقبين .. لا قيتم ولا سمعتـهم في الاعلام ... والجرائد كلـها بقت بتتكلم ساي ولا في واحدات بقولن الصاح كدة ورينا ...... وما بالضروره كل ما يكتب فى الاعلام يجى الاخر او يقوم بنفيه .....طيب ورينا على عثمان متحزم كل يوم ماشي عندو شنو في جوبا... وامكن هو نفي منو العالم ؟... دي ما عرفت بتقصد بيـها شنو.

المسالة محصورة فى عرمان , وانا كنت اعتقد ان هناك من هو اكثر حضورا وتميزا سياسيا فى الحركة من عرمان ..دي ردينا عليـها لكن صدقني حتي اولئك النفر من وجهة نظرى الخاصة ليس قادريين على هزيمة البشير فى انتخابات رئيس الجمهورية يعني عمر البشير المرة رافع شنو ؟ إنقاذ من الإنقاذ ؟؟ ولو رفع الشعار دا والله نفكر نجي معاه أكان صدق الحركة الشعبية دورها الحربي كبير لا احد ينكر ذلك ولكن دورها السياسي مازال فطيرا بي لبناً وكذلك الحال لبعض قادتـها الفطير منهم منو باقان أموم ولا عرمان ولا منصور خالد ولا الحلو ولا ....

انا ممكن اكون قانوني مضلع لكن ما سياسي ، ولا اعبر في الوقت الراهم عن وجهة سياسية محددة ، ووببساطة بقيف مع أي خطوة تغتس حجر الناس الغتسوا حجرنا بشعارات الشريعة ، وبمشروع قالوا بانه حضاري ، إتضح لاحقاً بأنه مشروع لدولة ناس شرهين المليار يبلعوا بي جغمة واحدة
..................
ده الكلام التمام , يبقي لابد من الانتباه واليقظة والحزر والاستداد , الثورة طريقنا الي الامجاد

وفقا لما ذكرت من تكتيك واستراتيجية بالنسبة للحزبين هذا مشروع .............. انا لا اتصور ان ينال عرمان 90% من اصوات الجنوبيين لان ذلك يعني ان 90% من الجنوبيين حركة شعبية أنا ما قلت كدة ممكن تكون نفس النسبة وأكثر ناغمة على المؤتمر بسبب المرارات البحس بيـها الجنوبيين هناك.

وحد علمي خلاف ذلك تماما .. كما ان الشماليين المنتمين وغير المنتمين لا اتصور انـهم سوف يصوتون لمرشح الحركة الشعبية ايا كان هذا المرشح ..... طيب شنو البخلي ناس زي المفصولين من الخدمة المدنية من التسعينات بي أولادهم يصوتوا لعمر البشير .. شنو البخلي الضباط والجنود المحالين للمعاش كان جيش وكان شرطة يصوتوا لمرشح المؤتمر ...

ما داير أقول ليك ضحايا التعذيب والتهجير القسري أهل الضحايا في كجبار وامري الخ... وما داير أقول ليك أهل الناس الماتو في الجنوب وفي الآخر قالو ليـهم لا في حور عين ولا في جن .. وما داير أقول ليك ناس دارفور الخلوهم معلقين بأسوار إسرائيل هرباً من السلطات المصرية ..

وخليني من انو ده كلام مراقبين ( انا كمان مراقب وبقول غير ذلك) انت مراقب شنو ومنو العملك مراقب نحن دايرنك هنا معانا أكان بقيت مراقب تاني البقدر انضم معاك منو !! ولا تكون بقيت مراقب مباريات زي شداد ونحن ما جايبين خبر ...

وبعرف كثير من المراقبين يقولون غير ذلك , بعدين يامحبوب بيني وبينك الشارع السياسي السوداني مابخاف من حكاية يسار دى ... الشارع السوداني دا عمرو ما بخاف ....... وممكن يتم تغييب لوعيو لكن يخاف لالالا ...ممكن تقول عليهو غِلب حيلة ولا محنان لكن يخاف دي أول مرة أسمع بيـها ..بعدين شنو البخوف من اليسار ...... ما خلاص المسألة بقت واضحة وضوح الشمس نصت نـهار وتبينت طبيعة الصراع على خلاف ما كان بصوروه جماعة الاسلام السياسي.

تابع الشعارات المرفوعة الآن حا تلاحظ بقو لمن يتكلموا عن المشروع الحضاري بياخدوا ليـهم جفلة ، ولو في واحد جا وقال صراع بين الكفر والايمان بنقول ليهو طيب ليه بقت مؤتمر من جهة وشعبي من جهة ....بعدين ناس دارفور البحرقو فيـهم بالطيارات ديل ما ماهم مسلمين ... الموضوع يابركة بقى مصالح وشركات بترول وأموال إتصالات وعمولات مشاريع يتم عرضـها في وضح النـهار ..

ودونك تجاربنا السياسية السابقه وعمر برلماناتنا السياسية ( وريني كانت بتجيب منو) ..... يعني بتعتقد بأن الناس دي كلـها حا تخاف وتصوت تجيب عمر البشير تاني زي ما زمان جابت ناس ساي حسب زعمك وبالتالي تحرق عرمان الماساي ... قولـها بوضوح أكتر ...........

شيل لي قصة ( حتي المنتمين لليسار السياسي بعطوه اصواتو ) لانو دى وحسب تقديرى الخاص بتسقطو ( بمزاج) ...... لا يا حبيبي الراجل معتمد على برنامج الحركة ويسقط بمزاج كيف إذا كان ضمن الجنوبيين وقطاع كبير من الشماليين عددناهم ليك فوق تاني الملاوحة في شنو ؟؟

زول من جنسهم دى يعني شنو ( وضح) أكان ما سمعت الطيب مصطفى في الجزيرة أنا بجيب ليك كلامو .. ولو ما سمعت بي مثلث حمدي نجيبو ليك برضو ولو عايز مزيد من التوضيح كدة راجع كلام محمد المكي ابراهيم دا ونشوف بعداك :

يا خلاسية ،،

ياحانة مفروشة بالرمل ،،

مسقية ،،

من إشتراك إشترى ،،

للجرح غمداً وللإحزان مرثية ،،

من إشتراك إشترى ،،

مني ومنك ،،

تواريخ البكاء ،،

وأجيال العبودية ،،

محبوب دى دعاية انتخابية للسيد عرمان ولا شنو ... إذا قال في وجه الظلم لا .. وإذا حارب من أجل قضيتو اللهي قضيتي وقضيتك لما يقارب الثلاثة عقود .. حمل روحه في يديه من أجل سودان لكل السودانيين لا يميز بينهم عرق ولا دين ولا نوع من ذكر أو أنثى ولا موطن جغرافي .. بالله عليك كتير عليهو شوية الكلمات البنقول فيـها دي ؟؟

لعلمك رقم مساوي المؤتمر الوطني الا انه :

· اكثر الاحزاب المتواجده حاليا قراءة للواقع والمشهد السياسي.

· أكثر الأحزاب تواجداً في السلطة بقوة البندقية.

· أكثر الأحزاب تفريطاً في وحدة البلاد وسلامة أراضيـها.

· أكثر الأحزاب جهوية وعنصرية.

· أكثر الأحزاب بطشاً وعسفا.



عن اي اجنده يامحبوب تتحدث للحركة اجندة فى الحرب ام فى السلم .. في الاثنين .... نصيب الحركة الشعبية فى الشراكة هى فعلا نصيب شافع او تلميذ فى مدرسة ابتدائية ... ودا أحسن ليـها من أن تفقد أبنائـها تقتيلاً وترويعا وتـهجيرا ..وهى شريك بـهذا النصيب الذي ارتضته .... وطمعانة في أكثر منو .. أن يكون السودان للسودانيين كافة دون تمييز .. أن تصبح المواطنة أساساً للحقوق ...

ووفقا لذلك يتعامل معها المؤتمر الوطني ... وبترشيح عرمان عاملتو بالمثل عشان ما تمشي الغابة تاني .... وعل ذكر لام اكول لماذا لم يسمح لحزبة للمشاركة فى العملية السياسية والانتخابات فى الجنوب رغم قرار المحكمة ؟ إتصل بصديق في الجنوب....هذا لاننا جربناه وعرفنا عنه ذلك لكن حين تجرب الحركة الشعبية سوف تجدها اكثر منه دكتاتورية دي غطاها أخونا راشد بالسهل الممتنع.

استاذى محبوب كان حاربت ولا ماحاربت ... كان بتحارب فى منو ...بتحارب في الناس القالو المواطنة ليست أساساً للحقوق ... حاربت الناس البقولو رسلتهم العناية الالهية لحكم الناس وبس .. وما ضروري العدل ...الطرف الكانت بتحارب فيهو ده هو الذي صنع معها السلام هذا امر تقريرى وواضح تماما ما هواضح ليك ليس بالضرورة لغيرك.

اذا كان المؤتمر يري ان د. لام اكول هو المؤهل لحكم الجنوب وليس سلفاكير , لماذا لم يدفعه للترشيح هناك اذا .. عشان يفوز على سلفاكير ..انا شخصيا ارى ان د.لام اكول اكثر تاهيلا لحكم الجنوب سياسيا ونضاليا .. لكن الحركة إستغنت عن خدماته من زمان... معاه غازي سليمان ما سمعت بيهم كما انه مؤهل من الناحية العلمية اكثر من غيره يعني عشان عندو دكتوراه في الكيمياء ... أها عمر البشير عندو دكتوراه في شنو .. وهذا هو السبب الذي دعي القيادات الدكتاتورية فى الحركة لاستبعاده ... ما قلنا ليك معاه غازي سليمان الماهو اخو بدرية الانقلابية .. وغازي دا حسب علمي ما عندو دكتوراه ... وتم استبداله بمن يقول نعم لقيادات الحركة فدكتور لام اكول كان يقول المجد للشيطان معبود الرياح ، من قال لا فى وجه من قالوا نعم خارج النص

هذا ياراشد اذا وعينا وعرفنا ان القادم سوف يكون اكثر ظلما ودموية من الحاضر , فلماذا لا نستبدلهم الاثنيين بمن هم اعدل واسلم ... والله حكاية كيف يعني .. ومن القادم الأكثر دموية .. ولو الحركة رضت وسحبت عرمان فهل سيقبل المؤتمر سحب البشير ... ما لاهاي بالمزيقة.

أخيراً : ألفت نظرك لبعض الأخطاء فالطابع معكوك .. وبعدين مشكلة جهازك تحلـها إنت يعني ممكن تستعين إن شاء الله بألوان موية ،،،،،،،،،،،،،،،

استاذنا محبوب
تاني عملت القصة دي , ياخي انا قلت ليك شنو تلفونيا , عشان اعرف ارد , خليها زي الطريقة الاولي فى شكل الاقتباسات كامله ,والله قريت مرتين لقيت المساله صعبه ياخى ارجوك سهلها لي عشان اعرف ارد ,(حرم) الاقصيدة محمد المكي ابراهيم دى ... بس ياخي دي من شدة روعتها كلهم صار يتغني بها

تستاهل يا المحبوب .. انت الشبكك فى مبارك ده شنو ... !!!

يا دكتور كيف حالك ،،
بشكرك على المرور ،،
نيابة عنه ،،
ليهو كم يوم زائغ ،،
لكن أنا قاعد حارس ليهو البوست ،،
داير نشوف اخرو ،،
وعلى فكرة ،،
أتاريهو بتاع شبك وأنا ما جايب خبر ،،

بكرى عثمان حمد كتب:

تستاهل يا المحبوب .. انت الشبكك فى مبارك ده شنو ... !!!

...........
ههههههههه
والله يادكتور كلمتو وقلت ليهو ( اقرع دمك من دمي ) وهو لي اسع قاعد ( يتعكلت ) كمان بقا يدخل لي مشاركات فى (بطن ) المشاركات , يعني اقتباسات كده ماقدرت عليها , عشان اردليهو ... الزول ده يقعد يجنني بالفنيات دي لمن الانتخاب تخلص وزولو يروح شمار فى مرقه

يابركة انت قلت ،،
((...الزول ده يقعد يجنني بالفنيات دي لمن...)) ،،
طيب سؤالي الخرج الموضوع :
كنت عايز تبقى مشرف كيف يا جميل يا حلو ؟؟.

يازول انا جيت براي اشكر الدكتور واقول ليهو كتر خيرك وبارك الله فيك وان شاء الله يوم شكرك مايجي .كمان من شدة عكلتك تقوم تشكر لي ضيوفى ( ياخوانا غايتو جنس غايتو)
المحبوب انا جاييك , بس بعد اجيب لي خبير يفك الاشتباك فى ردك الاخير ويرتب لي الاقتباسات دي وعينك ماتشوف الا عمر البشير ( اقصد النور)

المحبوب أحمد الأمين كتب:

يابركة انت قلت ،،
((...الزول ده يقعد يجنني بالفنيات دي لمن...)) ،،
طيب سؤالي الخرج الموضوع :
كنت عايز تبقى مشرف كيف يا جميل يا حلو ؟؟.

..........
هو منو القال ليك انا كنت عاوز ابقي مشرف ( ياخوانا دى محن شنو) غايتوجنس غايتو

يابركة الراجل كتلتو بالتلج ،،

يا بركة اطلع من البوست داك وتعال لينا هنا ،،
بلاش غلبة معاك ،،
والله نشرب في الموية من الزير ،،
دا حر شنو دا ،،
أريتو أكان لقينا إن شاء الله نص لوح ،،

والله يا بركة بوستين في وقت واحد يوجعوا ،،
قرب تعال ما تبتعد ،،

المحبوب أحمد الأمين كتب:

يابركة الراجل كتلتو بالتلج ،،

.........
تلج جنس تلج

المحبوب
والله كان عندي شكلة بي غادي فى بوست المشرفين , قربوا يقرزونا بالاضنيين ... عموما محضر ليك حاجة دسمة جدا فى الموضوع ذو الصله , بس خلي المزاج يروق شوية

يا بركة البوست بقى يقابض بي زبد البحر ،،
خلاس تعال مش إنتهيتو من سلخ الناموسة ،،
وقسمتوها عضم ،،
تاني في شنو ،،