سكت الوتر ياليل..الى مصطفى سيد احمد

سكت الوتر يا ليل

لو كان الدموع تكفى
ماكان عليك جفت
اديتنا من دنياك
اجمل سنين عمرك
غنيتنا يا غريد
وغناك من نبعك
الليلة جات مطرة
المطرة منكسرة
طل القمر حزنان
حزنت جبال كسلا
ناحت فيافى الكاب
نازف جبل مرة
لو كان الدوع تكفى
ماكان عليك جفت
وعشان غناك جميل
ماكان جميل سفرك
يا صافى زى النيل
يا خضرة جروف اهلك
يا ضاوى زى قمره
خليتنا من بعدك
الحزن مالكنا
والدمع ينزل شو
من غيمة المطرة
...
يبكيك جامع امدرمان
تبكيك غنوة المردوم
تبكى كنيسة فى نمولى
ويبكى اللحن فى الوازا
ذبلت سعفة النخلة
بكت بكت بيوضة والصحرا
...
سكت الوتر يا ليل
سكت الوتر يا ليل
جفت مياه توتيل
ماتت جروف النيل
...
سالت دموعنا وراك
ده الكل كان بهواك
الليلة هل نلقاك
اللية ما بنلقاك
لكين عزانا غناك
دعواتنا ليك صادقة
دعواتنا ليك فى سماك
دعواتنا ليك فى سماك
دعواتنا ليك فى سماك

(عبد المنعم /القاهرة 1996)

كلام جميل ياعبد المنعم للراحل المقيم مصطفى سيد احمد
ومذيدا من اللمعان والتوهج

غناك جميل بالحيل يامنعم

استاذنا عبد المنعم
وهكذا انت تبدع فى من يستحق ان يبدع فيه

الصديق مبارك
كان الوطن بكل جماله حاضرا بيننا
وكانت عازة مزهوة فخرا بذلك الزمان الجميل
قد كان ابناءها يبدعون غناءا وفنا ومصادمة
وكان الراحل مصطفى سيد احمد قد وضع البشارة
وغنى لنا

غنى مصطفى للفقراء والكادحين كما غنى الخليل
وغنى لغد افضل
كان معنا بالقاهرة يداوى الامه بالغناء
فغناه الشعرا بعد رحيله
مبدعتنا اسرار بابكر
كانت حضورا فى هذا الغناء
شكرا بقدر جمال الحرف

الراقى
عمار تلودى
كيفك يا عزيزى
ولمصطفى تورق الحروف وتخضر
هذه الكلمات بيد الفنانة سمية حسن
منذ ان كنا بالقاهرة ..وقد وعدت بغناءها كما اعلنت
بمينى تحقيق بصحيفة الخرطوم وقتها..فى سى دى
يحتوى بعضا من اغنياتها
وهاهى الاغنية بعد كل تلك السنوات لم ترى النور بعد
نتمنى ان نسمع منها
لك الود يا اصيل