انتخب..نفسك..فى مجلس تشريعى بيتك

تموها تم اكان تتم..يا وليدى اشوف جديدك شان النفس تنجم..يا امى رضاك وعفوك فوق كل العذاب والغم..احمد وخجيجه وفاطنه ومريوده فوق قفاى والدنيا ما بترحم..يا غشيم كيف ربيت انت ونسيت رب العباد برحم..زغروده من جواك تروى فى عروقى الدم..اقطى قدحى بيكم وقسمت ما امد ايدى ما انزم..ود خجيجه اشيلو فوق كرعى ..وان سواها..اغسل هدوموا هدم ..هدم..وبت فاطنه يا يمه سبحان الله بس اتى نفس الشبه والدم..تيمان مريوده ..انتى وابوى ..ناى وغناى نم فوق نم..واحمد يمه ان السمحه راحت ياهو دخرى عشم..ياربى يا مولاى تغفر لى جناى..رتب امور دنياهو نساك شايل الهم..ياك الابو والخال والعم..ومن ما خليت علامك وتحت كرعين ابوك تبحت لا عديت قروش لا ...قت كم..شن العلام فايدتو اكان بقى للزول طق حنك يا كلبو لحم الناس والدنيا مابتتلم..زمنكم يمه يا حليلو ودينا المقابر ردمناهو ردم..عليك الله يمه ضمينى عليك ضم ..اشم العافيه فى حضنك..امرر يدى فى شلوخك..اكحل عيونى بى شموخك..

خطيييييييييييييييييييييييييييييييييييييرة

معليش يا بت عليش ردى متاخر وشكرا.. وهناك بعض والكلام الحنين وقاعد فى كورنة جوانية وما بعلقو عليهو الا جوانيين ..وخطييييييييييييييييييييييييييييييييييييييييييييييرة..يا وفاء

عليك الله يمه ضمينى عليك ضم ..اشم العافيه فى حضنك..امرر يدى فى شلوخك..اكحل عيونى بى شموخك..



مجدى الفاضل
يا الله علي احلي كلام
تسلم يديك

هنويه.. شكرا..حضن الام سعة الكون ..والما باس راس امو واندس فى احضانها فى كبرو يحس البون ..بى خرز سبحه الفيه يجر حنانها ..

اخونا الطيب ..الطيب..اختنا بت المزاد..ذاد خير وبركة..الشوايقه اتمرمقوا فى حضن اماتم ..كلمات..تبكى الرباب قبل السامع وتشجيه وتحسسهم انو الدنيا جميله وناسها حلوين لانو البستهم نظارات رهافه وكستهم حنيه رجاله ما رجاله حنيه وواودعت دواخلهم يقين نبيل..واستباحت سوح المخفى ..واصبح الذى يخاف على (رجالتو) من الكلام الحنين ..اكان لى مرتو..او حتى صديقو..(وا ما حاقول حبيبتو لكن زوجة المستقبل ) على طول يندس (ورا قصيدة بى كلمات لى امو) ..طيب لو الناس دى اتدفقت حنيه ..واصبح عندنا فايض كلام حنين وحلو..ما فايض عطاله..وما نصدر الفايض انشاء الله نعمل ليهو مطامير تحت اشللة..اقلاهو يكون عندنا تيراب حنيه..فى واطاتنا..ونصبح سله غذاء الحنيه للعالم..احسن من وهم سله غذاء العالم..ونموت جوع وشبعانين حنان...وما تقولو الزول ده فاقد حنان وكده..بس الموضوع ومافيهو (زهجنا)..للتفخيم وليس للجمع.. من قبيله فلان وجماعه فلتكان..وحزب علان..جواك هو السر..الجوانا بره فى الصقيعة..والمصالحه مع الذات..هى اتفاق اطارى مع الكل..دعوة للمحبه مع بعض...