إلا يا ها .. هي ذاتا .. حبيبتي ذاتا

ما أن دلفت مسرعاً داخل هذا الموقع ،،
في هذا الصباح المشمس البهي ،،
متوشحاً برداءآتي ،،
كعادتي ،،
تعليقات ،،
وردود ،،
وهموم ،،
وشكاوى ،،
ومشاكسات ،،
وإحتجاجات ،،
لأخلـعها وأبثثها أول كل صباح على جنبات هذا الموقع ،،
إلا أنني في هذه المرة وقبل أن أخلـعها غير آبه ،،
وبمجرد أن توسطت الصفحة الرئيسية للموقع ،،
فقد أُخذت على حين غرة ،،
وأصبت بداء الخُلعة ،،
إذ انني على غير موعد ،،
وجدت نفسي أمامـها ،،
وجه لوجه ،،
جهي المحمول على هموم الدنيا ،،

وتقاسيم المهاجرين ،،
ووجهـها بملامحه الطفولية ،،
وعيناها الزرقاويتين ،،
كما هو على سطح المياه ،،
بثغرها المعجون بالكرز ،،
بـهيئتـها ،،
ألق ،،
وبـهاء ،،
بساقـها الممدود سحراً ،،
وخصلـها المسدلة المتعانقة ،،
عناق حبيبين إستبدت بـهما الأشواق ،،
فأستليت سيف ود الجبل المسلول غنا ،،
وإمتطيت صهوة جوادي مصيحاً ......
إلا يااااها ... هي ذاتا
حبيبتي ذاتا ،،
في اللحظة نازل ،،
في حماها ،،
وفي ضراها ،،
نتقاسم الأفراح معاها ،،

حق لك ان تفرح من غيرها بهذا الجمال والطلة البهيه

يا بدور القلعة و جوهرة

اخي محمد شكراً على المرور

ونتمنى أن نتوافق على شكل ينال قبول الجميع

وأن نوفق في إثراء الموضوعات وبما يلبى حاجة المنطقة وحاجاتنا جميعاً

لمن تصبح الصباح وتمد بصرك

ويرتد ليك بشي جميل

على نسبية الجمال

فبتفرح

فرح طفولي لكنه فرح بكل ما يبهج في الحياة الكدر

فشكرا لك اخي الرشيد

تاني سهر العيون نسمعو غنا بس

يا بواكير الصباح
الساكنه في عتمة
دروبنا الموحشة
اقتلي الوجع البسافر
في الخطاوي الكايسه لي
رحلة وعودنا المدهشة
المحبوب :- قلنا لك اسكب صباحية هنا كل صباح قبل ان تتوشح برداءاتك

علي السركيسي البشوش

حبيبي اسكب لي وانا أسكب ليك

بالحاصل بي والحاصل بيك

على فكرة حبيبتي ذاتا سمعتـها مع صديقي دفع الله خطاب في الدوحة قبال سبعة سنوات من أحد أشرطة الهادي ودالجبل

فقد كان دفع الله خطاب يمتلك احساس عالي جداً بمكامن الجمال فالتحية له عبر هذا الموقع

وإلا ياها .... هي ذاتا

حبيبتي ذاتا

ولا شنو ؟؟

بحاول اتحصل على الكلمات كاملة ونرسلـها لك

ودمت على السركيسي البشوش

عن حبيبتي بقوللكم ويللا افرحوا كلكم

بت الحاج

نشكرك على المرور اللطيف

والله صدقتي لكن

إلا ياااها

هي ذاتا

حبيبتي ذاتا

مرة نازل

في حماها

وفي ضراها

نتقاسم الأفراح معاها

فلنحكي جميعاً عن هذه الحبيبة

فضل ضفايرا ملتقانا

فلنشدد أوتار الطبول

ودمت بنتنا وبنت الحاج

وانا بين مصدق وما مصدق
اني بلقاها
الا ياها هي ذاتا
حبيبتي ذاتا
اللحظة نازل في حماها
بتقاسم الافراح معاها

وياكا ذاتك

تسلم استاذ المحبوب

محمدمبارك كتب:: وانا بين مصدق وما مصدق
اني بلقاها
الا ياها هي ذاتا
حبيبتي ذاتا
اللحظة نازل في حماها
بتقاسم الافراح معاها

وياكا ذاتك

تسلم استاذ المحبوب

‎

حبه وبركه..
والعاشقين دابو ماتابووووووا.

طـلـعـــت ،،
مــــن جــــوه احــــزانـى الـــعديـــده
نجـمـة تحى بتــضــوى
فى دجى الليلات وحيده
فكـرة فـنــانه وجــديـدة
نـظــــره لـماحه وفريده
فـتـشـتـــا عـنـهــا
فـى الــقــــري النـائية البعيده
وســألــتــا فـى بـــلاد
ومـــدن عديده
ابحرتا فى كل الموانئ
اكـوس عليها
أهـــــاتــــى بــيـــهـــا
وانـــاجى فيها
مـشــتــاق علىّ ألِمـها
احتويها اشمها
بالـحــنـــــان
الــعـــنـدي كلو أضمها
وصـــدفــه
فى ابعد
وفى اجمل مدينه
وإلــتــقـينا
والدهشه هى
اللى اتكلمت
وقـبــل الأيــادى
العيون هى السلمت
مـــن شـــــدة الأفــــــــراح بـكـيــــنا
الـــمـــديـــنــه نـيـله صفاق
ليله فتان
والــفــــرح
فــــــاض بــيــهــــا دفاق
والــخـــــيــــال
والــــوادى فــتــــــان
طارت الأحـلام
عـصـافـيــر غناء للعش الغدير
جنـت أوتــار الطنـابـيـر
هـزت النشوة المزامير
وانا بين مصدق
وما مصدق
إنى بلقاها
إلا ياها
هـى ذاتـه
حـبيبتى ذاته
اللحظة نازل
فى حماها
وفى ضـراهـا
واتـقـاسـم الاحلام معاها

انصحك بالاتي:
1/ سماع ام كلثوم ع الريق
2/ الاكثار من التمني والتفاؤل بحياة رغيدة مع تلك المعجونه
3/ لا تكثر من تحويل الرصيد
والله ولي التوفيق albino

في العنوان الفوق دا جاءت الجبال بدلاً عن جبل واحد

فهنيئناً لكل من هؤلاء الأولياء بجبله

ومع إني ما قصدت إلا انـها ،،

جبال الأولياء

يا رحاب ليك وحشة

والعاشقين منو التابو

كلام ليل

وحياتك يا غالية تجي الصباح تلقي فاكي البيرق زي ورتاب سكر الجنيد وخليك قريبة

عشان نشوفا

هي ذاتا

حبيبتي ذاتا

اللحظة نازل

في حماها

وفي ضراها

نتقاسم الأفراح معاها

يامحمد مبارك ما تقيف تعاين بعيونك

قول

وفضفض

وياها ذاتا

ما أنا ذاتي

انت ذاتك

ود الحاج نصايحك على العين والرأس من فوق

لكن التالتة بيني وبينك ما فهمتـها وأخوك شوية بعيد من الراندوك بحكم الكومرة وكدا

فأشرح لنا الصدر

ولا تحملنا وزر

التخمين الضار بالصحة

ودمت

موجة من الاحاسيس يامحبوب
احسن من ساس يسوس
كن بألف خير

يا ود عيسى ساكت مالك ؟؟

والمكضمك كدي شنو ؟؟

اكيد حافظ وامجد معذبنك للآخر

خلاص ما يصير خاطرك الا طيب

نردد ليك المقطع دا رايك شنو

....................................................

طارت الأحـلام

عـصـافـيــر غناء للعش الغدير
جنـت أوتــار الطنـابـيـر

هـزت النشوة المزامير
وانا بين مصدق

وما مصدق

إنى بلقاها

إلا ياها
هـى ذاتـه

حـبيبتى ذاته

اللحظة نازل

فى حماها
وفى ضـراهـا

واتـقـاسـم الاحلام معاها

البعض نحبهم ...ونسعى كي نقترب منهم ..ونتقاسم تفاصيل الحياه معهم ويؤلمنا الابتعاد عنهم ويصعب علينا تصور الحياه حين تخلو منهم ..والبعض نحبهم ونتمنى ان نعيش معهم حكايه جميله ونفتعل الصدف كي نلتقيهم ونختلق الاسباب كي نراهم ونعيش معهم في الخيال اكثر من الواقع ... والبعض نحبهم ..لكن بيننا وبين انفسنا فقط فنصمت برغم ألم الصمت.. فلا نجاهر بحبهم حتى لهم لان العوائق كثيره والعواقب مخيفه.. ومن الافضل لنا ولهم ان تبقى الابواب بيننا وبينهم مغلقه ... والبعض نحبهم ...لاننا نكتشف انهم شطرنا الأخر فنجد انفسنا معه ولكننا برغم صدق الاحساس لا نستطيع ان نصطحبهم معنا الى أرض الواقع فالأشياء حولنا ترفضهم والأشياء حولهم ترفضنا ...والبعض نحبهم ...لأنهم يحبوننا ويحملون لنا في قلوبهم عاطفه صادقه لم نجدها في قلوب احببناها فنقترب منهم كي ننسى سواهم ونبادلهم الحب بشكل ألي وكأننا نؤدي دورنا في مسرحيه سخيفه ...والبعض نحبهم ...والبعض نحبهم ...لكننا لا نجد صدى لهذا الحب في قلوبهم فننهار وننكسر ونتخبط في حكايات فاشله فلانكرههم ولا ننساهم ولا نحب سواهم ونعود نبكيهم بعد كل محاوله فاشله

رحاب قسم الباري كتب:

محمدمبارك كتب:: وانا بين مصدق وما مصدق
اني بلقاها
الا ياها هي ذاتا
حبيبتي ذاتا
اللحظة نازل في حماها
بتقاسم الافراح معاها

وياكا ذاتك

تسلم استاذ المحبوب

‎

حبه وبركه..
والعاشقين دابو ماتابووووووا.

عن اي عاشقين تتحدثين يا رحاب وانت طالعة مع الصباح شوفي في عيون الناس الحياري امكن تجدي عما تبحثين

وبرضو تاني بنقول
الا ياها هي ذاتا من تكون استاذي المحبوب هل هي زاتا

هو زاتا
ام
العون الزاتي

انها بروعة حجكم يا محبوب وهي برضو ليك ومنك وفيك
هي بروعة العاشقين
هو يبحث عن زاته
اين نحن من هؤلا

الأخت الفاضلة إيناس عدوي ،،

لك التحايا والود ،،

وشكراً لرفد البوست بـهذا البُعد الفلسفي الأخاذ ،،

ولما كان الشيءُ بالشيءِ يُذكرُ ، فأستسمحك بأن أقول لك سيدتي الفاضلة :

أفلاترين بأن الحب يبقى حباً ،،

والقلب الذي يخفق بالحب يصبح محباً ،،

فلماذا نتحمل عناء اللهاث خلف من لا يلتفت لهذا الإحساس الإنساني العميق ؟؟

فلنظفر سيدتي الفاضلة بقلوب المحبين الذين يبادلونا حب بحب ،،

وألا نحطم قلوبنا طالما عمرت بالحب ،،

حتى ولو لم تجد من يبادلـها بالحب خفقاناً ،،

فالقلب المحب والإحساس بالحب قيمتان حسيتان لا يظفر أو يحس بـهما سوى المحب حتى لو تمنع المحبوب دلالاً ،،

وإستمسك بأهداب الرفض تمنعاً...........................................................................

إلا ياها
هـى ذاتـه
حـبيبتى ذاته
اللحظة نازل
فى حماها
وفى ضـراهـا
واتـقـاسـم الاحلام معاها

قصدي الكلام الكتير في التلفون وبدل مايكون في التلفون يكون في عشكم

أجلس في المقهى منتظراً أن تاتي سيدتي الحلوة
أبتاع الصحف اليومية أفعال أشياء طفولية

(بحكي
ليكم
يامظاليم الهوى
اصلي مجروح
مرتين
امكن القي
الزي فيكم
ضاق
جرح الحب
ومتعذب سنيين
امكن القي
حاجة تنفع
حاجة تشفع
ولا
امكن القى
حاجة تبدد الجرح الاليم )
انا كمان بحبها مع المحبوب

ع البحر هنقعد .. نتكلم .. وهقولك سرّ
يا حبيبي أنا مش عايز غيرك .. من بين الكلّ
-
ع البحر و في الرمله هنبني .. بيت لينا كبير
هنعيش فيه ليالي عشان نحلم و نحب كتير

استاذ المحبوب \استاذ مبارك رايكم شنو نمشي النيل ويا ريت جوار كبري الحصاحيصا ونحبها كلنا

الحجل
بالرجل
يامحمد مبارك
ارحكا معنا

» ودي ذاتا خلوها
» قتلتني حباً ( نص الي حبيبتي)
» مسكينة حبيبتي الحصاحيصا
» إلــي .. حبيبتي .. زوجتــي .. روشتــّة .. للصـرف ..
» تحية ود الي مدينتي الرائعة الحصاحيصا والي اهلها - عضو جدييييييييد