إلا يا ها .. هي ذاتا .. حبيبتي ذاتا

إنت عارف يا ورقة قريت البوست كاملاً والله ضحكت ضحك ما عادي ،،
البوست إنسكبت فيه جنس دموع وإتقالت فيه جنس كلمات أنا إلى الآن مستغرب فيـها ،،
والله فعلاً إعادة الصياغة مطلوبة الناس دي كلـها مستفة ومتروسة ويا حلال ،،
عموماً رفعك للبوست غير النكهة وبيني وبينك أحسن نبقى على الآبري ،،
غايتو حا أحاول أجيب لي نص كيلة الليلت فوتاريتا وأجيب لي خيشة كاربة عشان الزوريعة ،،
لكن أشرها وين ؟؟ بركة عليك الله أكان عندكم مساحة في الشرقرق شر لي معاك نص الكيلة دي،،
وأول ما تزرع بجي بشيلـها أوديها طاحونة وصفا لي ياسر السر في العين ،،
أدققا وأجيبا عشان نبدأ الكوجين عندنا هنا المقدم الله يوم 11 و 12 و 13 من الشهر القادم ،،
رحاب عليك الله جهزي القرقريبة وخليـها قريبة خلي التلج لمن نجي للمويات ،،

إلا يا ها .. هي ذاتا .. حبيبتي ذاتا

وجينا تاني والله تاني

لا حولااااااا
كــــــــــــــــــــــزاكات ؟؟
يابركة من أين أتى بهؤلاء ؟؟
يا اللابسه الكزاكة أنا قلبي حباك ،،
مناي في الدِنيا أسكن بي حِداكا ،،
أعيش أحلى الليالي ما بعشق سواكا ،،
تسافر مني تبعد أموت أنا بي قفاكا ،،

يا بدرتو اباصي ليك في الخاص ياتا في ديل ؟؟
إشتقت لي وصالا
دي قست علي مالا
مشغولا في دلالا
ولا
الشيخ حسن أب عصايا
الملاك نارو حية
ندهتك رايا رايا
الملاك نارو حية
تحقق لي منايا
وليك جبنة بي شايا
الملاك نارو حيااااااااااااااا

حسن وراق حسن كتب:

الباقية عليك انت يا بدريتو!!
مبارك من زمن جوز الحمام تلاتة فرِد يغني لي قصدك مشتاقين والمحبوب من زمن اللابسه الكزاكا انا قلبي حباكا!!
تعال انت كمان غني لينا:
الله لي كوريا ولي شباب كوريا
يالراكبين عجلاتكم
ويا اللابسين ساعاتكم
ميعاد الدرس فاتكم والتعليم بي حياتكم!!
عشان البوست دا نكتب عليهو (( ممنوع لاقل من 70 عاما))
وحسن كيشو الزول الوحيد اذا سار في هذا البوست يسير بترجمان!!

.




رد: إلا يا ها .. هي ذاتا .. حبيبتي ذاتا
المحبوب أحمد الأمين اليوم في 7:39 am

.يا بدرتو اباصي ليك في الخاص ياتا في ديل ؟؟
إشتقت لي وصالا
دي قست علي مالا
مشغولا في دلالا
ولا
الشيخ حسن أب عصايا
الملاك نارو حية
ندهتك رايا رايا
الملاك نارو حية
تحقق لي منايا
وليك جبنة بي شايا
الملاك نارو حيااااااااااااااا.
المحبوب أحمد الأمين

يا (أستاذ حسن فى)نحن بنغنى :الساعة سبعة جاء فك يدى ماما بدقنى عشان أنتا
بعدين تعال شنو كوجين وزريعة وقرقريبة وعواسة وما عارف داك شنو شرقرق الامر بالنسبة لجيلنا انا ويركوتا ورحوبة يحتاج لقاموس جيب مش (غاموس شية)
ويا حبة :تحقق ليا منايا
بكبتشينو مش شايا
دى الحلاويات من مارينا جايا

مساء الابري ..
حبه اسمع كلامي وتعال اشتري الفترايته من الجزيره حمرا وسمحه
وعلي اشرها ليك في حوش عبدالله قسم الباري قبل مايقلعوا منو
والحاجه بتقوم بالباقي.
وناس الشرقرق ديل جلابيه مابقدروا يشروها ليك
وياسر السر انا بعرفوا كويس بضللك مامعروف يوديك وين
وعلي هو وبركه نديهم كرتونتين جامدات.
يابدرعلشان افهم وارد استعنت بحبوبه الله يديها العافيه
ويوم العواسه ابوعلي وبدر وهبوي البيت بيتكم
الابري الشراب بالجردل والقهوه
الحلو والمر.. وطلباتكم اوامر

قصة فرعية، كتبت مسبقاً وحولت مسار حياتي بعد عمر بأكمله، بحكم شيء قد يكون اسمه القدر، وقد يكون العشق الجنوني..
ذاك الذي يفاجئنا من حيث لا نتوقع، متجاهلاً كل مبادئنا وقيمنا السابقة.
والذي يأتي هكذا متأخراً.. في تلك اللحظة التي لا نعود ننتظر فيها شيئاً؛ وإذا به يقلب فينا كل شيء.

رحاب هوي
هي حبة آبري دايرين نسويها ونبلها نشربا مع المويات في الفطور ،،
شنو المنهبتا لي الحلة كلها ،،
ديل والله لو رشيتهم آبري بي خرتوش المطافي ما يبلهم ،،
خلى نص كيلة فوتاريتا الغنم والطير ياكلو نصها ،،
بعدين ديل بيني وبينك حسن وراق بكلم ليهم فرفور وهاك يا
شااااااااااااامبيون
غيرك مافي شامبيون ،،
شامبيون عصيرنا الصاااااافي لون

شكيت وخليتك ياورقه ابريه فرنسي
ودايت.
مافي رمضان فرنسي رمضان الفات جرسنا.
وهسه ماتذكرنا ليهو وخلينا في البوست المافيهو بت غيري ايمان الحاج انسحبت
وهبه بتاوق وتزوق وانا خايفه تشيلو بركتي.
كلام في العشق

ولكن الدوار هو العشق، هو الوقوف على حافة السقوط الذي لا يقاوم، هو التفرج على
العالم من نقطة شاهقة للخوف، هو شحنة من الانفعالات والأحاسيس المتناقضة، التي تجذبك للأسفل والأعلى
في وقت واحد، لأن السقوط دائماً أسهل من الوقوف على قدمين خائفتين! أن أرسم لك جسراً
شامخاً كهذا، يعني أني أعترف لك أنك دواري..

كنت تتقدمين نحوي، وكان الزمن يتوقف انبهارا بك.
وكأن الحب الذي تجاهلني كثيراً قبل ذلك اليوم..
قد قرر أخيرا أن يهبني أكثر قصصه جنونا.

مدينة بت عوضين

المحبوب أحمد الأمين كتب:

مدينة بت عوضين

لا حواء ام جيبين.....هييييييييييييييييييييييييييييييييييييى يكا

جمعه مباركه..


كان يقول "ينبغي ألا نقتل علاقتنا بالعادة"، ولهذا أجهدت نفسي حتى لا أتعود عليه،
وأن اكتفي بأن أكون سعيده عندما يأتي، وأن أنسى أنه مر من هنا
عندما يرحل.

رحاب قسم الباري كتب:

شكيت وخليتك ياورقه ابريه فرنسي
ودايت.
مافي رمضان فرنسي رمضان الفات جرسنا.
وهسه ماتذكرنا ليهو وخلينا في البوست المافيهو بت غيري ايمان الحاج انسحبت
وهبه بتاوق وتزوق وانا خايفه تشيلو بركتي.
كلام في العشق

ولكن الدوار هو العشق، هو الوقوف على حافة السقوط الذي لا يقاوم، هو التفرج على
العالم من نقطة شاهقة للخوف، هو شحنة من الانفعالات والأحاسيس المتناقضة، التي تجذبك للأسفل والأعلى
في وقت واحد، لأن السقوط دائماً أسهل من الوقوف على قدمين خائفتين! أن أرسم لك جسراً
شامخاً كهذا، يعني أني أعترف لك أنك دواري..

قالت ايه!! خائفة تشيلو بركتى:هو بركة ده الدايرو منو بالله امشى بيهو دوار العمدة مش هو دوارك ؟