ما قلت جااااااي
لا جيت ولا خليتني اجي
وانت عارفني بخاف من مطار ابوظبي
البودي ما بيجي
جنس شوقاً هو ..!
بس الحال المايل
..وحق تذاكر الشهيق البفتش لي زفيرك
مشتاق هسة وبكرة
وساعة ضحكة فرّت من سنون كمنجة
عندها ضرُس فرحة بتاوِر فيها
مضطر أدي دمعتي إجازة مفتوحة
ولو سألوني عنها بقول ليهم جاتها ( البيريود)
الدمعة معذورة !!
وانا ...
كنت فاكر نفسي قطعتا !!
ووصلت سن اليأس الوجداني
لمّن مشيت امارس عاداتي السرية في شوق منديل قديم
كان تذكار من ضحكة
...
وبلوزة فيها ريحة مونيكا ليونيسكي
و وقزازة عطر بي طعم جورج بوش تو !
عادة سريُّة مكلّفة جداً
بتزيد من شبق المنديل
و عايزة ليها صفقة ليمون خدرا مبلولة في ريق سكر طاعم !!
دراسة جدوي لي مشروع عصير!
ومشوار قصير
جواة نفس تعبان
فتران من الحوامة
في زقاقات الرئة
.......
صاحبي اليمين
قرفان من زقاقات أمستردام
وفتر من التبوُّل وقوفاً في حوائط حلة كوكو فرع هولندا
كان نفسو في نشاط مثاني مكثف
في عود الكهرباء الساكن جارهم!
قرفان برضو من البت العاملة ليه المسينجر
خطبة جمعة!
يابت ما تسيبك من الصلاة السايبر دي
والكم آية الحافظاها دي عشان تثبتي لينا صحة نسبك الديني
وتعالي أقعدي في مصلاية روحو!
أديهُ إمكانية صلاة إستسقاء وجداني
بدل ما تفضلي كافرة بي قصايدو
أحيي الفتوحات الإسلامية
وبدر الكبري
وامل
وسهام و إلهام
ومريم الشجاعة
والنملة الشفوقة
ومحمود الكذاب
...
يا عمك أنت في الهاوس وماسك الماوس؟
واللا في الهوم والهم ردوم!!
برجع ليك في سكة منك
كايس عليك في ضحكة لي !!!
ملحوظة
التعديل وزاري!!!
موضوع: الإنتخابات ،، الإبتلاءات ،، والمحنة الجاية من النمُعطف :- 
الأحد 14 مارس 2010 - 8:27
