مازال اضراب الاطباء مستمرا رغم قرار الفصل ولكن الى متى؟؟

مازال المسلسل مستمر رغم الاعتداء على الطبيبات ورغم استغلال براعم الاطباء الذين ينتظرون الصف سنة كاملة ليتم توزيعهم للامتياز وتقدم لهم فرصة نزول الامتياز وذلك لكسر هذا الاضراب واستغلال موقفهم ورغم قرار الرئيس بالفصل ولكن الى متى؟؟؟؟؟؟؟؟؟؟؟؟؟؟؟؟؟؟

[img][/img]
هذه الصورة توضح اعتداء الشرطة على المضربين الاطباء

وهذا فيديو لاحدى الطبيبات المضربات توصف ما حصل وتعلن اضرابها عن الطعام بمنزل الزعيم الازهري


ورغم كل هذا اعلنت اللجنة الدائمة لنواب الاخصائيين بيان في الفيس بمطالبهم وسوف يتم نشره في جميع المساجد او من يستطيع الوصول اليها ليعلم الاهالي سبب ضرابهم ومطالبهم
وهاهو البيان

وهاهو عنوان اللجنة الذي على الفيس بوك
https://www.facebook.com/pages/lljn-ldm-lnwb-lkyyn/279834103317#!/pages/lljn-ldm-lnwb-lkyyn/279834103317?v=feed&story_fbid=106001056091839

وهل يتم حل المشاكل والمطالب بهذا الفصل
وهل يتم حل مثل هذه الامور بهذا الشكل
ويرجع سؤالي متى ....ومتى...... ومتى

اختى الدكتورة ناهد لا املك الا ان انحنى اليك تقديرا واحتراما وبحق انتن فى بلادنا تعلموننا كل يوم دروسا فى الصلابة والمبادئ ونطمئن على الاجيال القادمة من ارحام امهات مثلكن نفخر بكم وعاش نضالكم ومطالبكم المشروعة والله لا يضيع حق وراءه مطالب وعشتم وعاش السودان نظيفا طاهرا من اشباه الرجال

مبارك عثمان كتب:

طيب
وين السيد الدكتور كمال عبد القادر الشين وكيل وزارة الصحه من هذا كله
لم نسمع له بعد .. وانا حد علمي ان الرجل وطني وغيور

الدكتور كمال رجل اخطأ الطريق وبحق لا يشبههم نسأل الله ان يزيل الغشاوة من عينيه وان يتقدم بأستقالته تضامنا مع الحق ويسجل نفسه فى سجلات الشرفاء فى هذه المهنة ومثالا للجيل القادم من الاطباء فهل يفعلها؟

كامل التضامن مع اضراب الاطباء .

ماهو المغزى من اعتراض النظام الامنى من وضع الديباجة على صدور الاطباء المضربين كما هو متعارف عليه دوليا ؟؟؟؟
هل هذا الوضع يقودنا الى حكومة تعرف طريق واسس الدسمقراطية ؟؟؟

الاضراب وسيله خاطئه لتعبيرعن الحقوق
خصوصا في مجال الطب نحن ياروى لو تتزكري حالفين قسم
القسم ماقال نضرب لما مايدونا قروشنا
في حاجه انا وانتي وكل الناس عارفنها الطب قراية الفلس
القروش في السعوديه في الدوحه في انجلترا
وانا حرام علي عشان الحكومه ظلمتني وماادتني 2مليون مرتب بدل 560 الفاضرب من واحده جايه من اخر الدنيا وبايعه الجداده وبيض الجداده عشان تركب بيه المواصلات عشان تجي تتعالج ارجعهاساي دي في حاله تكون هي اصل عيانه بcold case مابال لمن تجي وحده بتنزف وماتلقي زول اعوض ليها الدم اوقف النزيف انقز حياتها او تلقي ليها واحد ماعارف حاجه من ناس الخدمه قبل الامتياز اقيف اعاين ليه ساي
لنا لقا

emoo كتب:

الاضراب وسيله خاطئه لتعبيرعن الحقوق
خصوصا في مجال الطب نحن ياروى لو تتزكري حالفين قسم
القسم ماقال نضرب لما مايدونا قروشنا
في حاجه انا وانتي وكل الناس عارفنها الطب قراية الفلس
القروش في السعوديه في الدوحه في انجلترا
وانا حرام علي عشان الحكومه ظلمتني وماادتني 2مليون مرتب بدل 560 الفاضرب من واحده جايه من اخر الدنيا وبايعه الجداده وبيض الجداده عشان تركب بيه المواصلات عشان تجي تتعالج ارجعهاساي دي في حاله تكون هي اصل عيانه بcold case مابال لمن تجي وحده بتنزف وماتلقي زول اعوض ليها الدم اوقف النزيف انقز حياتها او تلقي ليها واحد ماعارف حاجه من ناس الخدمه قبل الامتياز اقيف اعاين ليه ساي
لنا لقا

حبيبتي أيمو :
سعيدة بكتابتك وتشريفك ليا في البوست ، وطبعا نحنا هنا بعيدين عن الاحداث ، وأنتو في وسطها ، فعشان كده يا غالية أرجو منك شرح أهداف الأضراب ، وحجم التجاوب من القاعدة ، وسمعنا أن خدمات الطؤارئ يتم تقديمها من قبل الأطباء المضربين حتي لايُضار أحد في الحالات الحرجة .
طبعا يا ايمو كلنا هنا ما زيك لانو بنسمع كلام بس وما بنشوف
حننتظرك عشان نفهم الحاصل

ومشتاااااقين شديييد

حبيبتي غاليتي روي
مشتاقييييييييييييييييييييييييييييييييييين
انا من هنا بتكلم عن راي الشخصي وبكل مصداقيه وشفافيه
بعيدا عن علاقه القرابه بيني وبين دكتور كمال عبد القادر وان كمال خلف الله اخوي
انا بتكلم عن وطني وامي وامك وام ديسكو وام دكتوره ناهد لما اجو الحودث بحاله خطيره ومايلقو البيسعفهم عشان الاطبا مضربين
اذا دكتوره ناهد اضربت عن الطعام فهي مضربه بارادتها ماف حد جبرها واذا هي فعلا ناشطه في حقوق الانسان الناس الخلتهم في الحوادث بيموتو حقوق الانسان كانت وين
شوفي معاي ياروي حقوق الانسان تعاين لناهد الشالت يدها طبظت بيها عينها لانها ممتنعه عن الطعام عشان الاطباء ماادوهم حقوقهم وله تعاين للعيانين الجو من بيوتهم عيونهم مطبوظه
ده كلام فاااااااااااااااااااااااااااااااااااااااااااااااااااااااااااااااااااااارغ
دكتوره ناهد والاطبا وكلنا كان نضرب عن الطعام ونحن شغالين في الحوادث
البلد والمواطنين مامحتاجين مننا نظلمهم علي الظلم العليهم
تعرفي ياروى اول امس اول مابديت ارد عليك مش قلت ليك لنا لقاء ؟لان كان جاني مرافق وانا في النت قال لي انت دكتوره ايمان شغاله مع بروف عمر قلت ليه نعم قال انا دكتور زميلك شغال في الباطنيه امي راقده معاكم عملو ليها عمليه نظافه امس عايزك تخرجيها لي قبلت عليه وانا ماشه علي العنبر قلت ليه يادكتور انت مضرب قال لي ااي قلت ليه رايك شنو كان لو كنت مسافر وامك دي كان جاها نزيف وودوها الحوادث وقالو ليها الاطبا مضربين وامك دي لاقدر الله اتوفت كان حيكون شعورك شنو قلت ليه قدر ولطفووامك دي مااتوفت لكن في ناس كتار اولادهم مادكاتره وجو لقو الاطبا مضربين وماتو وربنا حااسالنا من كل روح ونحن بينا وبينه قسم . بعدين قلت ليه عندك عند الحكومه حق امشي الغابه وشيل سلاح وحارب الحكومه مباشره ذي خليل ماعمل مش تفش غلك في المواطين المساكين. ديل لانو لا وزير لاسفير لا السيد الرئيس وله اقل ضابط في اي مصلحه حكوميه اذا هو عيى او اهلو عيو حاجو المستشفي واكتشفو ان الاطبا مضربين
واكون فيعلم اي طبيب مضرب من ناحيه سياسيه الحركه دي ماحتخلي المواطنين اقولو عمر البشير ماادي الاطبا حقوقهم ماحنصوت ليه بتحلمووووووووووووووووووووووو
حيقولو ديل دكاتره قليلين ادب ماعندهم انسانيه ماشاعرين بمعاناتنا وادعو علينا
المهم الحوادث في الخرطوم كانت مغطاه من قبل العمومين والامتياز لكن اي زول في العنبر اموت احرق اغرق ماف زول كان بيشوفو
اما في الولايات وتحديدا مدني حتي الحوادث كان مضربين جميعا اما انا ماكنت مضربه بس رجلي اتورمت من الشغل والوقفه لان انا كان حاصل لي تمزق في الاربطه قبل ادخل المنتدا بشهر فشكلو حصل ليه reccurent اخدت راحه اسبوع ونزلت لي 5يوم شغال
الحوادث هنا في مدني مغطاه من قبل خدمه قبل قبل قبل قبل المتياز ماجايبين للدنيا خبر بهدله وموت فظيييييييييييييييييييييييييييييييييييييييييييييييييييييع

علي صعيد اخر
الاطباء عندهم مطالب منطقيه وقانونيه ومفترض الحكومه ممثله في وزاره الصحه تحلها الاجور ضحله جدا نحن دخلنا الشهري بيساوي دخل ساعي الشاي في الضرايب
وده فايتنا ب300 الف
بيئه العمل سيئه للغايه ماف استراحات مهيئه بصوره مرضيه للاطبا علما بان الاطبا ديل بيقعدو اكترمن 15 واحيانا بيكونو ب24 ساعه انا والله مرت علي ايام كنت فيها 36 ساعه في المستشفى دقيقه مانمت ولاارتحت مشيت الميز لقيت الكهربا والمويه قاطعين
ميزات ذي الزفت
ماف وظائف انا بعد اخلص الامتياز مابكون عندي اي حاجه لا راتب لاحافز لارم وظيفي الا من رحم ربه
وفي نفس الوقت انا مابنكر ان نحن عددنا كبير لو التعليم العالي وقف اقبل ناس في كليه الطب 10 سنه لقدام عددنا بيكفي السودان والدول المجاوره لا
وفينفس الوقت معروف ان الصحه من الماسسات البتشيل قروش ومابتدخل حاجه يعني اسي ناس الضرايب اذا اضربو ممكن البلد تفلس لكن الاطبا اذا اضربو بس العيانين بيموتو بس
لنا لقاء

الدكتورة أيمان : تحياتي

الأضراب ده حق مكفول بنص قوانين العمل المحلية والدولية ، وهو أخر العلاج للتعنت من المُخدم ( بضم الميم )، أضراب الأطباء أعترف بعض قيادات الدولة والمجتمع بما فيهم وزيرة الصحة بعدالة المطالب ! وبقي السؤال هو من هو الجهة المسئولة عن تحقيق تلك المطالب ! فعن ماذا تدافعين أنتي عزيزتي ؟

صداح فاروق وراق كتب:

الدكتورة أيمان : تحياتي

الأضراب ده حق مكفول بنص قوانين العمل المحلية والدولية ، وهو أخر العلاج للتعنت من المُخدم ( بضم الميم )، أضراب الأطباء أعترف بعض قيادات الدولة والمجتمع بما فيهم وزيرة الصحة بعدالة المطالب ! وبقي السؤال هو من هو الجهة المسئولة عن تحقيق تلك المطالب ! فعن ماذا تدافعين أنتي عزيزتي ؟

اخي الغالي صداح انا عملت تعديل في الموضوع ارجع ليه تاني
انا ادافع عن العيانين الماليهم ذنب والله العظيم
الاضرب حق مكفول لكن ماف زول ربطو لينا بالقسم النحن قسمناه

disco كتب:

وانتي وكتين ما متاكدة ,,,,,ومنتظرة د.ايمان تجي توضح ليك ..يا دكتوره رؤى .الى متى بتاعتك دي جبتيها من وين ,,
والى متى الى متى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحياتي ايها الغالي

الاطبا نزلو امس المسا
قولو لناهد تواصل كيكها

emoo كتب:

الاضراب وسيله خاطئه لتعبيرعن الحقوق
خصوصا في مجال الطب نحن ياروى لو تتزكري حالفين قسم
القسم ماقال نضرب لما مايدونا قروشنا
في حاجه انا وانتي وكل الناس عارفنها الطب قراية الفلس
القروش في السعوديه في الدوحه في انجلترا
وانا حرام علي عشان الحكومه ظلمتني وماادتني 2مليون مرتب بدل 560 الفاضرب من واحده جايه من اخر الدنيا وبايعه الجداده وبيض الجداده عشان تركب بيه المواصلات عشان تجي تتعالج ارجعهاساي دي في حاله تكون هي اصل عيانه بcold case مابال لمن تجي وحده بتنزف وماتلقي زول اعوض ليها الدم اوقف النزيف انقز حياتها او تلقي ليها واحد ماعارف حاجه من ناس الخدمه قبل الامتياز اقيف اعاين ليه ساي
لنا لقا

يا ايمو البتجي تنزف يوقف ليها نزيفا المؤتمر الوطني ( مافي مشكلة) ، بس نزيف الطبيب البوقفو منو ، 650 يعمل بيها شنو - دي للفطور ولا للغداء ولا لاخته مصاريف جامعه ولا حق اللبن الرضعوا من امه والمنتظراهو سنين وسنين عشان ابقي دكتور .
بس .... ليه ليه راتب خريج (ثانوي) بجهاز امن الانقاذ (2) مليون (صافي ) وراتب الطبيب 650 الف اصلوا يأختي هو حوار ولا كوار ، بعدين القال ليك منو انو الاضراب ما وسيلة ، يعني عاوزاهم يعملوا شنو علشان الحكومة تستجيب لمطالبهم ، بالله عليك ورينا يعملوا شنو ؟

فعلا يا ايمو الاضراب اتفك
كان عصر الأمس 31/3/2010 يوما سيسجله التاريخ بأحرف من نور لفتيه آمنوا بقضية الشعب السوداني وهو في أضعف حالاته – المرض- فحملوها لإيام خلت ذاقوا فيها كل أنواع القهر والكبت والحرمان ، ومِن من؟ من ذوي القربي وظلم ذوي القربي أشد مضاضة من الحسام المهند. حملوها دون كلل أو ملل ، لم تفتر عزيمتهم ولم تخُر قواهم ، هِمتهم كانت في الثريا ، مباديء آمنوا بها وسلكوا كل وعر لتنفيذها ، لم يهادنوا ولم ينافقوا ولم يتوانوا. التهديد طالهم ، والوعيد كان في أسِّرتهم والضرب والركل والحبس كان جزاءهم، ومع ذلك مضوا في طريقهم لا يلتفتون إلا لمن كان في جعبته أمل من أجل حلول تُرضي الشعب السوداني قبلهم .

نعم إزدان ميز أطباء الخرطوم بوجوه نيرة تقدمهم أستاذ الأجيال وصاحب القلم الذهبي الأستاذ محجوب محمد صالح، وكان في معيته فطاحلة وطنيون شرفاء أحسوا بالخطر المُحدق بالسودان فتنادوا سراعا من أجل وضع الحلول ، كان بينهم بروف حسين أبوصالح وبروف علي شموا وبروف عبد الله إدريس وبروف الطيب حاج عطية ، وفي الجانب الآخر كان النطاسي الإنسان د.عبد الله عبد الكريم جبريل وبجانبه بروف كبلو ود.مامون محمد حسين ود.الشيح الصديق ،

إمتلأت باحة ميز أطباء الخرطوم حتي ضاقت بالحضور وكان الصوت يُحدثك عن فرح سيعم الأرجاء بمقدم عروس في ليلة زفافها، تحدث الكثيرون فأفاضوا ، كانت د.ناهد محمد الحسن حاضرة لبقة بكلمات ومداخلات أدمت الأكف بالتصفيق ، تحدث د. الهادي بخيت ود.أحمد عبد الله ود. والي الدين ، وتحدث حادي الركب وقائد سفينة النواب د. الأبوابي فكان ختامها مسك ومن حيث أُعلن عن قيام إضراب أطباء السودان من داخل ميز الخرطوم ، أُعلن فك الإضراب من داخل ميز الخرطوم كرمزية لقلعة النضال والصمود والتمرد المدني السلمي ، ولكن أعلن د. الأبوابي أن رفع الإضراب لايعني الإستكانة ولا التلاعب بمكتسبات الأطباء والمرضي ، بل إنهم ثادرون علي إعلانه من نفس لبمكان إذا رأوا أن هنالك تقاعسا أو تهاونا أو مُطاولة في تنفيذ ما أُتُفِق عليه بضمانة أهل السودان وعلي رأسهم الأستاذ محجوب محمد صالح،

قد كانت لحظات عصيبة شهدتها ساحة ميز أطباء الخرطوم عصر الأمس ، جموع هادرة وجوههم نيرة وسيمائهم وطنية وتجرد ونكران ذات، هم ملائكة الإنسانية في أبهي حللها ، لا يمكن التشكيك في وطنيتهم وصدق قولهم وإيمانهم بما يقولون ، بل وإصرارهم علي تنفيذ ما يُقررون .

كان ختامُها نشيد العلم تحية للوطن الشامخ بعزة أطباء السودان الخُلص الميامين وفي حضرة أساتذتهم .

دعونا نقف إجلالا وتقديرا وإحتراما لمقاماتكم السامية كلكم جميعا ، آبائنا الأفاضل الأجلاء وهم يطأون الجمر من أجل الوطن وعزته وكرامته، زملائنا الأطباء وهم القابضون علي الجمر في تلك الظروف .

يديكم دوام الصحة والعافية

دمتم ودام الوطن
(منقول)