على الدكتور التمهل بشأن شريعة المؤتمر وما يصرح ساكت ..بعد ترشيح المؤتمر للأسقف قبريال روريج

الاسقف غابريال رورريج
......
اي يامحبوب
انتا اصلك ماسمعت ليك بي اسقف مسلم
حسب فقة الضرورة

يا ريت يا دكتور بقيت على كورتك كان أحسن ليك من ناس كورتي ،،
الناس كلـها تنبح يا دكتور يا دكتور تجيبا ضقلا يكركب ،،
ماك عارف بأنـها شعارات لنهب أصوات الناخبين يا دكتور ؟؟
ماك عارف يا دكتور بأنـهم يكذبون بإسم الدين بكسر الدال وغرقوقنا في الدين ،،
لماذا يا دكتور جيتنا تلوك في نفس الشعارات ؟؟
فأصواتنا برئية فلماذا تريد وأدها في مستنقع المؤتمر الآسن ؟؟
إذا كنت مدفوعاً للمؤتمر بأي دافع كان كان تفكر في أصواتنا التي ستذهب إلى المكذبين فويل لهم ،،
لماذا
ولماذا
ولماذا
أها رايك شنو في دعاة الدين يرشحون أسقفاً فهل الشريعة تسمح بذلك ؟؟
ومع إن الموضوع محكوم الآن بدستور المواطنة ،،
فيبقى تصريحك بالتمسك بالشريعة مزايدة ،،
وإذا زايدت علي أهلك تفتكر ناس السودان حا تعمل ليهم شنو ؟؟
يا دكتور راجع موقفك الآن قبل فوات الأوان
ولا يشرفك بأي حال من الأحوال تنازل غير الأسوياء ،،
كما ستكون أصوات الناس العايز تكبر بيـها كوم ناس المؤتمر في ذمتك إلى يوم الدين ،،
ناس يادكتور قفلوا مصانعن وبيعت مزارعن داير تفوت عليهم القصاص من ناس المؤتمر ليه
ليه
ليه
ليه

والله يابركة انا بعرف حاجات المسيحيين دي كويس مع اني احترمهم واحترم حقهم في الترشيح والانتخاب لأنهم من السودان بلد المواطنة
وبعدين لو اسلم فما في داعي لأسقف وبدلة حمراء
ما طوالي يبقى شيخ او امام ونلبسو الجلابية والله اكبر ولله الحمد

شكراً يابركة وشامبيون ما بخارج ما عندك بيستي كولا

يابركة
انت داير توديني في ناهية
طيب يا بركة
انا زعلان من ناس الشامبيون
ياخي بصراحة عندهم لوثة
وانت برضو عندك لوثة
لوثة دي معناها شنو

انت في الملايين انت ابورائد ووليد العشي وابوعثمان وين

المحبوب أحمد الأمين كتب:

انت في الملايين انت ابورائد ووليد العشي وابوعثمان وين

أبو رائد قاعد يا المحبوب ادعو لي بس ربي يفك زنقتي .......... بس يومين كدا اكون فاضي ليك ........

قضارف بس

غايتو يا ابورائد إلا تجي تنسب الأسقف لسقيفة بني ساعدة

نجي راجعين لتصريح الدكتور وفق ما أوردناه آنفاً ،،
فقد أكد الدكتور مرشح المؤتمر على :
تمسكه بتنفيذ برنامج المؤتمر بشأن تطبيق الشريعة الإسلامية ،،
وأكد كذلك على تمسكه بالإنتماء للوسط الرياضي ،،
وللتصريح دلالات سالبة من حيث الغرض والتوقيت وإن شئنا الدقة قلنا الجدية ،،
ولما نقول الجدية فبدون شك فإن الدكتور غير جاد في تصريحه وفق التفصيل ادناه ،،
الغرض من التصريح لن يفوت بأي حال من الأحوال على القاري الفطن الوسيم والانتخابات على الأبواب ،،
فالتمسك بتنفيذ وتطبيق الشريعة شعار جربه الأسلامويون من قبل وحصدوا ولاءآت البسطاء ،،
وحصد البسطاء الحصرم والدكتور يعلم ذلك وبما لا يحتاج لتذكير ،،
ومع كل ذلك فإن الدكتور كان يفترض أن يكون متيقناً بأن المناداة بتطبيق الشريعة الاسلامية ،،
في هذا الوقت ،،
تضع المنُادِي أمام معارضة الدستور الانتقالي لسنة 2005 ،،
فقوام هذا الدستور "مع مآخذنا عليه" جعله للمواطنة أساساً للحقوق ،،
وتقاصرت التفرقة بين المواطنين على أساس العرق والدين على أقل تقدير ،،
هذا من الناحية النظرية ،،
أما من حيث التطبيق فعدد غير المسلمين الذين يتناوبون على الرئاسة في إزدياد مستمر ،،
فهل يرى الدكتور أثراً للشريعة الاسلامية حتى يتمسك بتنفيذه وتطبيقه ؟؟
وإن كان لي أن أُجيب فالدكتور ..وفق تصريحه فقد إستشكل عليه أمر الشريعة تماماً ،،
إلا إذا كان الحديث عن شريعة خلاف شريعة القرن السابع الميلادي ويبقى هذا موضوع آخر !!
وفي تمام الوقت فقد إستعصى عليه فهم المراد من نصوص الدستور الانتقالي 2005 !!
لذلك كان من غير المناسب التأكيد على تمسك الدكتور بشعار إسترخصه رافعوه ،،
وقبلوا بما يعارضه في مستوى الفكرة والتطبيق على حدِ السواء ،،
وبتصريحه المتمسك بتنفيذ وتطبيق الشريعة الاسلامية فقد أحرج الدكتور نفسه ومشايعيه في المنطقة ،،
كما أحرج قيادة المؤتمر ومنظريه ،،
أما إن كان غرض التصريح خم أصوات الناخبين ،،
فقد عبر التصريح عن خم المؤتمر للدكتور نفسه وللحد الذي جعله يتمسك بالشريعة ،،
في تمام الوقت الذي فارق فيه ناس المؤتمر الشريعة فراق الطريفي لي جملو ،،

أما تأكيد الدكتور على إنتمائه للوسط الرياضي ،،
فالواضح بأن الدكتور قد قصد أصوات الرياضيين ليس أقل ولا أكثر ،،
أكثر من قصد تأكيد إنتمائه للوسط الرياضي ،،
فهذا الوسط يدخر من الثقافة والقيم الديمقراطية أكثر من معينات لعبة كرة القدم ،،
ووجدان الرياضيين بمختلف ميولـهم مُفعمُ بأهلية وديمقراطية الحركة الرياضية ،،
وناس المؤتمر لا يقيمون لقيم الرياضيين الديمقراطية وزناً ،،
وسياساتـهم التي تعتمد على الافقار الحسي والمعنوي تسببت في تخلف كافة قطاعات الابداع ،،
بما فيـها قطاع الابداع الكروي الحريف ،،
بل أن الدولة الحكومة الحزب ،،
أهملت دعم القطاع الرياضي والرياضيين ،،
فتحولت الاستادات لزرائب ،،
وتحول اللاعبون لأشباح تنشد التعادل على الغزالة وبما لا يجاوزها ،،
وأمم إفريقيا وكأس العالم تحول لعشم يفوق عشم إبليس في الجنة ،،
أهملت الدولة الحزب الحكومة كل ذلك وتحاول الآن التدخل في القرار الرياضي ،،
والقرارات الفنية التي تخص الاتحادات الرياضية بسن قانون الرياضة لسنة 2010م ،،
وقد سبق وأن أشرنا لتصريحات الدكتور كمال شداد رئيس الاتحاد العام لكرة القدم ،،
وسكرتيره الاستاذ مجدي شمس الدين ،، بأجراس الحرية بتاريخ 02/03/2010م
((..بشأن تصاعد وتيرة مناهضة مشروع قانون الرياضة الجديد لعام 2010م ،،،
المتداول أمام رئاسة مجلس الوزراء توطئة لإجازته ،،
وقد صرحا بأن القانون الجديد يخالف الدستور والقوانين الدولية ،،
وأن هذا القانون مدمر للرياضة السودانية وسوف يتسبب في توقف النشاط الرياضي تماماً ،،
باعتباره سلب سلطات الاتحادات وسلمها للمفوضية والوزير المختص ،،
وهذا يعتبر انتهاكاً صريحاً لأهلية وديمقراطية الحركة الرياضية.......)).
وبهذا الفهم فالمؤتمر ضد الرياضيين وضد قيمهم ،،
فإذا صرح االدكتور مرشح المؤتمر بتمسكه بإنتمائه للوسط الرياضي !!
فحق لنا أن نتسآءل أي وسط رياضي ؟؟
وسط دكتور شداد ومجدي شمس الدين المناهض لتوجهات المؤتمر في العلن ؟؟
ولا وسط المؤتمر في وجهه الرياضي الذي سيتم بنائه على غرار دولة المشروع الحضاري ،،
ونواصل حتى لو بقت علينا حكاية الودر جمل نسيبتو ،،
إن لقاهو يغني ،،
وإن ما لقاهو يغني ،،

المحبوب أحمد الأمين كتب:

والله يابركة انا بعرف حاجات المسيحيين دي كويس مع اني احترمهم واحترم حقهم في الترشيح والانتخاب لأنهم من السودان بلد المواطنة
وبعدين لو اسلم فما في داعي لأسقف وبدلة حمراء
ما طوالي يبقى شيخ او امام ونلبسو الجلابية والله اكبر ولله الحمد

خلينا يا حبو مع قبريال دا لو اسلم حنسميهو جبرالدار روريج
تاني يوم بعد احتفالات الاسلمة في مسجد الشهيد تلقاهو شايل عكاز ودارع ليهو سبحة لالوب وشايل ابريق و مادي يدو ..كرامة .. كرامة ولسان حالنا يقول الله يجازي الكان السبب
وبعدين البدلة الحمرا دي ياحبو ما كان لابسها المرحوم ابراهيم عوض زماان في سهرتو مع المرحوم زينكو ( زين العابدين محمد احمد عبد القادر) والبلابل ما كان تقول عليهو اسقف.. الله ( يسقف ) مخك دا عليك الله نحن ناقصين!! اهو عندك مبارك الربو ما لابس بدلة حمرا والله هدت فيها احلام مستغانمي وبرضو تقول لي يابركة عابر سرير العناقريب دي نجروها لي منو؟؟ غايتو الواحد ما قادر يفرق بين قبريال مبارك وبين مبارك روريج ودا كلو منك يا تشتش !!

يا وراق انت عارف ناس المؤتمر بقوا بسجلوا ساي ،،
البمد راسو كلو يقولوا ليهو خش ،،
يعني بقى شغل جليط ساي ،،
ألتخ وأسقف طوالي مافي وقت ،،
واتخيل لي راح ليهم الدرب في الموية ،،
لكن الورطة ما ورطت ناس المؤتمر،،
الفيهم معروفة ،،
الكلام زولنا دا والله دخل ليهو في جنس شِبكة ،،
عجيبة خلاص ،،
وبعدين حسب معرفتي ليهو ما بحب التصريحات ،،
أول ما يصرح يقول بتمسك بالشريعة "لا حول ولا قوة "
والتيم العامل نائم دا ما يصحوهو ،،
والله أيام الانتخابات أكان نجي نحضر هي لله هي لله دي ،،
وناكل تورو وصوتا ما هولو ،،
بالمناسبة شفت البشير في بانتيو

المحبوب أحمد الأمين كتب:

.......
يامحبوب
د. معتصم ده لما الجكس كلو عليهو
يعني حقنا راح