تهافت التهافت .. الدعوى لتشكيل حكومة قومية

سبحان الله
بزرت انياب المؤتمر الوطني بتقديم دعوي للاحزاب السياسية لتشكيل حكومة قومية وذلك قبل اعلان النتائج النهائية للفائزيين في سباق الانتخابات مستبقا للاحداث ممايعني اطمئنانه لنجاح خطته التي قام بوضعها فى تسيير العملية الانتخابية . وقد كانت لتكون هذه الدعوي منطقية لو جاءت من الحزب الفائز بعد اعلان النتائج النهائية وغني عن البيان ان هذه الدعوي قد قدمها تجمع الاحزاب السياسية بتشكيل حكومة قومية لممارسة الشان السياسي السوداني مصحوبة بتاجيل الانتخابات حتي يشارك كل الوان الطيف السياسي السوداني فى عملية الانتخابات منذ بدايتها مرورا بوضع اللمسات النهائية لها الامر الذي من شانه ان يبعد هذه العمليه من سيطرة الحزب الحاكم لمجرياتها وبالتالي يقلص او يعدم مسالة الطعن فيها بالتزوير او الغش او التدليس حيث رفضها الحزب الحاكم انذاك , فلماذا اذا يقدم المؤتمر الوطني هذه الدعوه الان ؟ وهل هو صاحب الحق فى تقديمها الان رغما عن عدم ظهور النتائج النهائية؟ وهل يريد المؤتمر الوطني ان تشاركه الاحزاب السياسيه فى مازق انفصال الجنوب؟وهل يعني تقديم هذه الدعوه بتشكيل الحكومه القوميه فشل المؤتمر الوطني للتصدي للقضايا القوميه الكليه للسودان؟ وهل تقع الاحزاب السياسيه الاخري فى هذا الفخ الذي ينصبه لها المؤتمر الوطني؟ واين هي الاولويات ان تقوم الحكومه القوميه قبل العمليه الانتخابيه ام بعدها ؟ وهل يصلح قيامها بعد الانتخابات ما افسده المؤتمر الوطني؟

يا بركة ،،
أعمل نايم ،،
وقسم الكعبة ،،
بقعد مع ناس جنوبيين ،،
جنوبيين جداً ،، دينكا ،،
ديل ناس طيش ،،
والله سلاطين ،، ومشايخ للأسف دينكا ،،
مسؤولين ،، والله ،،
رشحوا للمؤتمر الوطني ،،
صًم خشمك ،، يا مبارك ،،
وأعمل رايح ،،
سامع كلامي ،، أو أجي ،،
أطلّع ،، صُم خشمك ،،
أسكت ،، ناصريين بتاعت فنيلتك ،،
خليك زي حسن وراق ،، صامد ،،
سجم خشم البلد يا أخوي ،،
سجم خشم البلد ،،
سجم خشم ،،
سجم ،،
ــــــــــــــــــــــــــــــ

القصيدة الصنوبرية ،،
ـــــــــــــــــــــــــــ
ركــــــــابي ،،

يا بركة :
مساء الأنوار,أيماءاً للأسئلة الواردة في متن مساهمتك أود الرد بالأتي :
1- يقدم المؤتمر الوطني الدعوة الأن لحكومة قومية للأسباب التالية :
أ- أمتصاص وتحييد ردود أفعال المقاطعين للانتخابات من حيث تلويحهم بعدم شرعيتها وعدم أعترافهم بمترتباتها .
ب-شق التكتل المعارض من خلال أتباع سياسة الجزرة (الحكومة القومية ) ،والضغط علي المعارضة بورقة الحكومة القومية من جهات أقليمية ودولية لها مصالح في تقديري متباينة مثلاً المصريين وأمريكا .
ج- الأستفتاء وما يترتب عليه من أعباء الأنفصال المتوقع وأقصد هنا الأعباء الأخلاقية ،المؤتمر الوطني يحاول تقاسم المسئولية الأخلاقية عن خيار الانفصال الماثل .
2-هل المؤتمر الوطني صاحب الحق في تقديم الدعوة قبل ظهور النتائج النهائية ؟ نعم لأن النتائج النهائية معروفة مسبقاً .
3-هل يعني ذلك فشل المؤتمر الوطني في حل القضايا القومية ؟ نعم بأعتبار أن القضايا القومية من أهمها الوحدة الجاذبة وحل مشكلة دارفور ونظام تعددي يؤسس للأستقرار السياسي وتصفية دولة الحزب لصالح دولة الوطن وتخفيف أعباء المعيشة فماذا فعل المؤتمر الوطني في مواجهتها ؟
4- هل تقع الأحزاب السياسية في هذا الفخ ؟ سؤال يوجه للأحزاب ولكن من واقع الحال لاأري أن الأحزاب ذات الوزن بأستثناء الأتحادي الديمقراطي (لأسباب برغماتية وضغوط مصرية) يمكن أن تستجيب لهذا العرض.
5- الحكومة القومية ميقاتها وأولوياتها ؟ ميقاتها في تقديري قبل الأنتخابات علي الأقل حتي يشترك الجميع في صياغة قانونها والأشراف علي المراحل الأولي وذلك من أجل ضمان النزاهة والقبول وأيضا لحلحلة أزمة دارفور ، والسعي بجد من أجل الوحدة الجاذبة .
مع تقديري للموضوع .

الاخ مبارك نعم ان التوقيت والاسباب للدعوة معروفة سلفا ولكن فى تقديرى الخاص اذا ضمنت الاحزاب النسبة التى تجعلها تكون ذات راى فى الحكومة ( رغم عدم اتفاقى المبدئ على ذلك ) واذا كان من الممكن النظر بعين الاعتبار للمسئولية التاريخية لما تقرره الحكومة المرتقبة باهم حدثين هما ايقاف حرب دارفور والاستفتاء .... فاذا تواجدت الفرصة لفرض راى فى هذين الحدثين للمصلحة العليا للبلاد وعدم ترك ذلك للاستفراد بهما من جهة الانقاذ او الحركة الشعبية .. كان بها ونعم للوقوع فى ذلك الفخ ....
اما ماعدا ذلك نكون مع المنطق الاخر للسير قدما بالابتعاد عن تجميل وجه الانقاذ الكالح ....

شكرا للاخوه المتداخليين
ورد للتو من جهات مراقبة الانتخابات ( الاتحاد الاوربي +مركز جيمي كارتر ) بان الانتخابات لم ترقي لمستوي المعايير الدوليه وقال جيمي كارتر ان المجتمع الدولي سوف يقبل بنتائج الانتخابات واضاف الاتحاد الاوربي بان الانتخابات تمهد لقيام الديمقراطية فى السودان ومعظم الاحزاب السياسية المنسحبة تشكك فى نتايج الانتخابات وتقول بعدم شرعيتها وعدم اعترافها بها.
تباين هذه المواقف واثرها علي مجمل العملية السياسية السودانية؟ وهل يطغي راي الفرقاء السياسيين للاخذ به؟ مع الاخذ فى الاعتبار انها اول تجربة انتخابية منذ مايقارب ربع قرن .. وهل ياتري تمهد ان تكون الجولات القادمات فى مستوي المعايير الدوليه؟ وهل بالامكان اعتبار هذه التجربه خطوه فى الطريق الصحيح؟

يا بركة بالجد احييك على افتراع هذا الخيط الهام

عوض نمير
شكرا للمداخله
لكن المراكبيه ديل مادربم قصير

شكرا محبوب
بنكشكش فيك كان تجي داخل لي جوه

خليني شوية
كلمني حاول

حاضر
انا كل يوم برفع ليك البوست

بس اوع ترفع ليهو الضغط !!!!!!!

غايتوا يا ربو ،،
مرضتني مرض بالسياسة ،،
من دار الحزب الناصري بالخرطوم جنوب ،،
لغاية هسّة ،،
كُنتا أنا شافع ،،

ياخ كان تشتري لي كورة ،،
وتخليني ألعب مع أقراني ،،
ــــــــــــــــــــــــــــــــــــــــــــ

الحالة الراهنة يا أخوي ،، بتقول ،،
أنتو ناس بتاعين مشاكل بس ،،
تكوركو ،، تكوركو ،،
وبعدين قولة طاخ ،،
تخليكم زي الجكومي ،،
كُل زول طاير في إتجاه ،،
أمين عابدين صاحبك كان ما باع المطوة بتاعتوا ،،
أنا بشتريها منوا ،، هي كانت مطوة قرن غزال ،، صاح ،،
أنا بتبرع بيها للمتحف ،،
تقعد هناك ،، جمب بعانخي ،،
أنا بتزكر جامعة الفرع ،،
ساحة النشاط الطُلابي ،،
كُنتا داير تكتلني ،، بي ناس البوليس ،،
وأنا شافع ،،
زمان ،،
سياسة بتاعت فنيلتك ،،
أنا الجابني ليكم هناك شنوا ،،
ألحقني يا صداح فاروق ،،


ركــــــابي :-

4شجرات+موبائل

راشد محمد الجاك كتب:

بس اوع ترفع ليهو الضغط !!!!!!!

هههههه
انتا ياراشد عاوزو يرتفع اكتر من كده كيف
لقيتني كيف

Badr Abbas كتب:

4شجرات+موبائل

يابدر ال4 شجرات عرفانهم
الصوت بي اربعه
الموبايل ده شنو

ياركابي
والله لو صنفوها يمينا بعد ميسرة
تبقي هي الراي بالمعيار والرصد
ولن تهجر الشعلة الخضراء تربتنا
فالناصريون ومض اينما وجدوا

أمين الركابي كتب:

الناصريون ،، بتاعت فنيلتك ،،
كدي خلينا في الجد ،،
هُم عملوا شنوا يعني ،،
كُنتوا مندسين وين ،،
جمب المقابر ،، هناك ،،
ما داير أقول ،،
الناصريون ومض ،،
ومض بتاعت فنيلتك ،،
بتعرف المقابر ،،
نمرة إتنين ،،

وا مغصتي الشديدة ،،
ناصريين بتاعت فنيلتكم ،،
ياخ قوموا فوتوا ،،

معتصم ،، معتصم ،،
أها لقيتني كيف ،،
وا مغصتي الشديدة ،،

الركابي والله انت احلي زوول