المحبوب الكاتب الساخر.. سلام

بعد ان اتهت الانتخابات بخيرها وشرها اكتشفت موهبه مهوله للاخ المحبوب فى التعليقات الساخره تفوق كتاب المسرحيات الساخره فى اكبر دور العرض مثل(رويال البرت هول ,ROYAL ALBERT HALL)العريقه فى لندن وكانت تعليقاته المغلفه بروح الدعابه ملح المنتدى واتمنى ان تتواصل مداخلاته على هذا البوست لتزيل منا عناء وتعب الغربه
ونشوف تعليقه الاول عن موضوع مرشح حزب الموتمر الوطنى بدائرة حلفا الجديده الذى تحصل على عدد من الاصوات تفوق عدد المصوتين يعنى حصل على مجموع 944 من936 بخلاف اصوات الاحزاب الاخرى والاصوات التالفه

شكرا عبدالكريم
حقيقة الاخ المحبوب رجل مثقف ورجل متعلم ورجل يحترم من يكبره سنا ومن يصغره
وعيبه الوحيد صاحب التتر

يا عبد الكريم والله بالغت عديل رويال منو ياخي ،،
على كل حال أي حاجة تحصل لرأسي بعد قرايتي لكلامك اللطيف دا تكون انت المسئول ،،
ويابكري أسي انت السألك منو ما تمش ترد على ابودجانة الجاب المعايير الدولية ورقدا ليك هبطرش ،،
وبعدين حكاية ناس حلفا فعلا محيرة ويا خوي ناس المفوضية لقوها عايرة وأدوها كوز يعني شغالين بنظام الهوبلي ،،
لكن البالغوا ناس التعداد تصور يا عبد الكريم ناس مدينة هيا طلعوا اكتر من ناس بورتسودان مع انو ناس هيا وجبيت وسواكن يا دوبك يكونوا قدر ناس ترب هدل في بورتسودان ونواصل

الأستاذ المحبوب فاكهة المنتدي العام ، وقد باءت جميع محاولاتنا لننعم بقفشاته في بقية الصفحات بالفشل ، فهنيئاً للمنتدي العام بما تعبقه من طيب الفكرة وطول النفس الذي يقاوم الصدأ والتعكر .

المحبوب كيفك
الانتخابات انتهت وكانت نزيهة ومافيها كلام
شوف ليك حاجه تانيه
تشكيل الوزارات مثلاً

بخصوص رد ابودجانه فانا قاطعت الرد على مشاركاته لانه بتمنى للمحكمة الدولية تقبض على احد ابناء وطنه
دي زي لم الشافع الاقيه ولد كبير وبدقو طوالي اقوم اقوليه ان شاء الله تموت طبعا هو بتخيل انه لودا مات مابجي ولد غيره من حله تانيه ادقو
واسي ناس كتار بتقول للبشير ان شاء الله تنقبض فمسالة المحكمة تاخد البشير وهو رئيس مسالة ماكريمة اعتقد حتى ولو كرهنا جميعنا البشير

يا ناس الله يديكم العافية ،،
ولو في شكر حقو يكون لهذا المنتدى ،،
وليكم انتو فقد أسمعتم صوت المنطقة للدنيا كلها
وبالتاكيد ما بننسى صاحب الفكرة الأصبحت حقيقة الدكتور بكري عثمان حمد ،،
فالرجل أتاح لينا فرصة من ذهب عشان نتكلم ونتفاكر ونتواصل ونعبر عن حاجاتنا بشكل طيب ،،
وعلى كل حال فأنا سعيد جداً بكلامكم مع إني وفي كثير من الأحيان بحس بأني قاري أكثر من أكون ((كاتب وكمان ساخر )).

التحية للجميع ...............

فعلاً المحبوب أخ محبوب ومحبب للكل نسال الله أن يديم عليه الصحة والعافية ... وهناك متعة في التحاور ومعه بس لو يبطل الذهاب للفكي بتاعه ذي ما قال بكري يكون زول خطير

شكرا عبدالكريم على فتح هذا البوست بالاشاده بحبيبنا المحبوب الحبوب ..فانت كريم ابن كريم .. ومن لايكرم الناس لا يكرمه الله ..
اطالع بغبطه كبيره كل كتابات المحبوب .. وكما قال الصادق .. الصادق المغربى اكتفى بالقراءه والتبسم ...فالمحبوب يعرف كيف ينتزع البسمه مننا ونحن فى قاع الاحباط ...والحزن ..
يفرق جدا بين العام والخاص .. ينافح ويكافح ويحاجج ويشاكل .. دون ان ياذى او يجرح ..المحبوب لا يهمز او يغمز .. بقول كلامه عديل ويصبغه بدعابه وطرفه تضفى على طرحه حلاوة التذوق ..
المحبوب وبكرى وابو رائد وكل شله التناكف والمجادله اضفوا على المنتدى روح طيبه وابانوا كيف يكون ادب الحوار والتحاور دون افساد او اقصاء لرائ او حجه .. كل يبين اراؤه ويدافع عنها دون تجريح او افساد لعلاقه وود اكرمتنا به الحبيبه الحصاحيصا ..
هذه هى الحصاحيصا .. ان انا اتحت هذه المساحه يا المحبوب فانتم زرعتوها محبه والفه ..

المحبوب
نفر كريم
وبي لغتنا هنا
نفرات كتير محترم
صاحب قلم
وراي معلم
وعن جد كتير كتير مهضوم
من نمولي للخرتوم

يا جماعة براحة على الراجل أنشاء الله يوم شكرو ما يجي ........... شكلكم كدا عاوزين تركبوه الطيارة
وبي مناسبة الطيارة دي ... طيارة فوق وسفينة وسفينة تحت ... ولهبنا و لهبنا فوق ...وحطبنا وحطبنا تحت
ما تشيلوا الفاتحت ابو العباس ... يا ناس الحصاحيصا يا اجدع ناس ................... دي انا شيد الكشافة يا المحبوب ما جلالات المؤتمرجية .
إذا أحب الله عبداً حببه خلقه فيه ........... نسال الله ان تكون من هؤلاء

الناس تتحدث عن المحبوب واثر كتاباته عليهم وقد قيل عنه الكثير من المدح ... ومن قابله شخصيا وجلس معه وتابع احاديثه وحواراته ومناقاراته المصاحبة ببعض التقطيع وعلى الهواء مباشرة فلا يستطيع ان يوفيه حقه بالحروف لانها تنضب قبل المنتصف بشوية

انتو شنو ماسكين المحبوب طوالي خليتوه اتعالى علينا اسي
خلاص كلمتين كفايه
خلونا نشوف موضوع الغنم دا قصته شنو ومشروع المحبوب للالبان

حليب المحبوب يداوي القلوب ..........................
كامل الدسم ومدعم بكل الفتمينات ........................ونكهــــــــــــــــــــــــــــــــــــــــات مختلفة

علينا جاي ............................

يالمحبوب بكرى عثمان بكلمة دكتور اتحصلت منها ضربة جزاء .
والأن عبد الكريم بكلامه اداهو باص جو خط سته وجلاها وضيع قون ضمان
{موهبه مهوله للاخ المحبوب فى التعليقات الساخره تفوق كتاب المسرحيات الساخره فى اكبر دور العرض مثل(رويال البرت هول ,ROYAL ALBERT HALL)العريقه فى لندن}
لأنو بعاين ويفكر ياربى تسلل ولا ما تسلل .

المحبوب
اذكرك بي زول راقي
اسمو
محمد كمال السر

اقتباس :

من طرف أمين الركابي في الثلاثاء أبريل 20, 2010 8:43 pm

الربوا والله عزبتا ليك المحبوب عزاب ،،

تاني بتجي ،،

هسّة صداح ،، أنا عارفك ،،

والله يا صداح ،،

هوي ،،

أنا بلاقيك هناك ،،

الساعة كم هسّة ،،

والله دي مشكلة ،،

المحبوب ،، أها ،،

لقيتني كيف ،،

الساعة كم يا أخوانّا ،،

كدي خلوني أقوم أفرتق ،،

يا حسن وراق ،، وين فتاح عبد السلام يا خوي ،،

اااااه ،، هم هم هم ،، والله التثاءوب دة عجيب ،،

الساعة كم يا صداح ،،

غايتوا ،،

المهم أنا مارق ،،

أها ،، ودعناكم الله ،،

بُكرة كان الله حيّانا ،، نتلاقا ،،


ركــــــــــــــــــــابي :
ونسة عجيبة ،،

اقتباس :

من طرف أمين الركابي في الثلاثاء أبريل 20, 2010 7:35 pm

وفي زول إسموا أمين الركابي ،،

واك ،، واك ،، مندلّي ،،
طير البهر تنّي ،،
أنقليزي ،،
أها يا المحبوب لقيتني كيف ،،
أنا عايز أمدح ،،

( المحبوب نور عشانا ،، نوّر لي ود عشانا ،، أها متين طرانا ،، )
دي مدحة بتاعت كمبوا حاج علي ،، ما تضحك ،،
مالوا ،، يعني براهوا البط ،، في الفوّار ،، هناك في اّخر الكنار ،،
أها في مُشكلة ،، أو أي حاجة ،،
أنا قاعد ،، بوليس بوليس ،، شنوا يعني ،،
فك ،، فك يا صداح فاروق ،، ما تمسك قميصي دة ،،
ـــــــــــــــــــــــــــــــــــــــــــــــــــــــــــــــــــــــــــــ
والله عايز أونسكم بس ،،
ما تزعلوا منّي ،،
المحبوب ياخ إنتا زول ،، زلابية عديل كدة ،،
بقصُد الحالة الجميلة ،، وقت الدقش ،،
مع شاي الصباح ،،

ــــــــــــــــــــــــــــــــــــــــــــــــــــــــــــــــــــــــــــ


ركـــــــــــــابي :-

أمين الركابي
ساعة الزلابية

والله يا المحبوب ورررررت معاك ورررر
كويس الواحد يعقد باقي اليوم يعديها حسد