نافع غنمايتين لكل اسرة في شندي !! وفي الاعادة إمكن سخيل مدغلب

اوك الغنم الجابن عاطف اسماعيل غنم ماساهلات والله
عاطف وين مشيت ايام الانتخابات ولا كنت مستني الحبر امرق من ايدك

ياناس الموضوع كنا فاكرنه مزحة لكن وكتين كلكم بقيتو تاكدوه ادونا الدليل شنو على صحة كلامكم دا








يالمحبوب انا جيتك جاري
دا تشكيل قوقل ياخي وطبعا هم ماعندهم غنم عشان كدا بشكله ليك بالعندهم

يا محبوب كويس نافع علي نافع أداهم غنم !!!
في دائرة كرمة البلد بالشمالية والد الشاعر عبدالاله زمراوي المتوفي في العام 1969 وأسمه الثلاثي الحاج محمد عثمان زمراوي ، أهلو وجدو أسمو في كشوف الناخبين ، فقالو الزول ده ياربي قام من قبرو عشان يصوت للسيد البشير ويرجع تاني ولا شنو الحكاية واللي عايز الرابط ياهو ده :

http://www.sudaneseonline.com/cgi-bin/sdb/2bb.cgi?seq=msg&board=290&msg=1271619585&rn=3

صداح خلينا من الزول المات ...... يمكن التسجيل ده بدأ من زمن ناس عبود ....

إلهام تاج السر أحمد دي مسجله مرتين ليييه ؟؟؟؟؟؟؟؟؟؟ يمكن بيوزعو في شتول بلح !!!!

يا أمجد :
واحد زميلنا شغال هنا في دبي ، مشي يوم الخميس ورشح ليهو مرشح لرئاسة الجمهورية ، وتالت يوم حضر في التلفزيون أنو المرشح الذي قام بترشيحه لم يتحصل علي أصوات !!! والسؤال أين ذهب صوت صاحبنا ؟ Gone with the wind

صوتو يكون بح

بَحَ في بح ر الزيف

يالمحبوب دى تجاره واليك التحليل .
تذكر لما امريكا قامت واهدت الصين 5 مليون فانوس يعمل بالجاز ،، وطبعا الفانوس محتاج جاز وسوقو لمصافيهم وبترولهم
وبنفس المعادله تم استيراد فحول { تيوس } من جنوب افريقيا وما اتسوقت هنا رغم انو السلالات السودانيه ليست جيده والسلالات الجنوب افريقيه هجين { كلام موثوق راجع الإستيراد } وبذلك 2 معزه مجاناً والفحل الجنوب افريقى بالقروش
بالإضافه الى مزارع البرسيم على النيل حتشتغل على ودنوا ..

في رحلة حناكيش ،،
وفي فقرة المسابقة سألوا إحداهن ..
بتعرفي السخيل ؟؟
أجابت بالنفي ،،
ولمن حاولوا يقربوا ليها المسافة زهجت وقالت ليهم ،،
ياخونا انتو ما تسألوهو هو قال بعرفني ؟؟

يالمحبوب هسه حالتو نافع مرشح لدويرة أنتخابية في شندي !! طيب لو كان مرشح لرئاسة الجمهورية كان جاب ليهم شنو ؟

صداح فاروق وراق كتب:

يالمحبوب هسه حالتو نافع مرشح لدويرة أنتخابية في شندي !! طيب لو كان مرشح لرئاسة الجمهورية كان جاب ليهم شنو ؟

ياصداح كنت اتمنى ان ينال احد مرشحيكم الفوز بدويرة اصغر من دويرة نافع
رايك شنو انو البشير فاز في دويلة

اقتباس :

من طرف بكري عثمان في الأربعاء أبريل 21, 2010 9:51 am

صداح فاروق وراق كتب:
يالمحبوب هسه حالتو نافع مرشح لدويرة أنتخابية في شندي !! طيب لو كان مرشح لرئاسة الجمهورية كان جاب ليهم شنو ؟


ياصداح كنت اتمنى ان ينال احد مرشحيكم الفوز بدويرة اصغر من دويرة نافع
رايك شنو انو البشير فاز في دويلة

يا بكري الدويرة الشوية دي ياخ أتيم قرنق فاز بدويرة أها قلتَ شنو ؟

اتيم واي واحد فاز في دويرة معناها مرغوب عند اهل الدويره يعني من وجد القبول هو من انتصر معقوله في السودان كله مالقيته ليكم واحد اجد القبول في اية دويرة او صالون او شويرع
في مثل شعبي بقول الكديس لو مالقى اللحم بقول عفن
وكان لقيتو ليكم دويرة كان الحديث اختلف

يا بكري :

الناس يا أخوي قاطعت الأنتخابات !! دويرة شنو ؟ هم الما قاطعو الاتحاديين والمؤتمر الشعبي قالو التزوير وصل للركب ونحنا ندمانين وسافين التراب ، تقول لي دويرة !!
دويرة دويرة للصوت نعدو

ياصداح فى ناس لغاية الان لاتعرف الفرق بين المشاركة والمقاطعة !!!!!!!!!
وبرضو تسال عن دويرة وجاب كم صوت وهلمجرا .......

راشد محمد الجاك كتب:

ياصداح فى ناس لغاية الان لاتعرف الفرق بين المشاركة والمقاطعة !!!!!!!!!
وبرضو تسال عن دويرة وجاب كم صوت وهلمجرا .......

ياراشد
الاسلوب الاستفزازي مافي داعي ليه







وحتى لو الحزب الشيوعي ماقاطع الانتخابات مابلقى شئي

يا بكري نسيت التشكيل ولا شنو ؟؟
انا من امبارح شغال زي ناس المفوضية بتاعين كسلا والبحر الأحمر تشكيل ساي ،،

مانسيتو لكن الانتخابات ماعاوزه تشكيل

عاوزة تزوير ؟؟