المحبوب .. الانتخابات حره ونزيهة !!!(فيديو )

يقال ان هنالك احدى القبائل اذا قصدوك وختوك في راسهم يتهموك بجريمة ويجيبوا شهود وانت بعيد عن مسرح الجريمة

مدخل اول : ( ولاتبخسوا الناس اشيائهم ..)
مدخل تانى : والله الجماعة برضو بذلوا مجهود يشكروا عليه ...
مدخل تالت : امكن الجماعة ديل صوتوا لى ناس قرفنا .... ( فى لون برتقالى )
مدخل اخير : اسؤ شى انك تفتش تبريرات للخطأ .....

الجماعة ديل كانوا بسوطوا لي منو ؟

(((( مدخل اخير : اسؤ شى انك تفتش تبريرات للخطأ .....)))))))))

كلكم تكونوا سمعتوا بقصة جمل البطاحين المدلل ،،
حمولتو ربع أردب فقط يعني ما بشيلو فوقو كتير ،،
وشدة ما شايفين ربع الأردب كتير عليهو ،،
لمن يجي يقوم ينبري ليهو 4 رجال غلاظ أشداء ويساعدوهو في القومة ،،
طبعاً دا ما جمل البطاحين !!
ولا يكتفوا بتخفيف الحمولة ،،
ولا بالمساعدة في القيام ،،
أها بندهوا ليهو الفقرا والصالحين
ويقولو يالشيخ طه فوقوا ،،

المفوضية لم تكتف بكوارث التعداد الخلت ناس هيا أكتر من بورسودان ،،
ولم تكتف بتقسيم الدوائر اللجات حسب الثقل لجمل البطاحين ،،
غضوا الطرف عن إستغلاله لإعلام الدولة
وأموال الدولة
وموظفي الدولة
كلوا لصالح جمل البطاحين ،،
وفي الإقتراع لم يكتفوا بتصويت الأموات ،،
عملوا شنو ،،
غايتو الفديو دا اياها ذاتا
يالشيخ طه فوقوا

الشيخ طه إلحقنا
وينجدنا
وينقذنا

يا عاطف الله يجازي محنك ... ده شنو؟؟؟؟
ولما دخلت اليوتيوب وجدت جماعة اللجنة نفسهم شغالين شغل شديد؟؟!!!

ذكرتني هذه المشاهد بما سمعته عن انتخابات العراق حينما فاز حزب الفضيلة الإسلامي في محافظة البصرة بهذه الدائرة والتي لم يفز بها أبداً... فحكى وزير العمل العراقي هذا السيناريو لأحد الزملاء الصحافيين في إحدى زياراته للمملكة... فيقول:
كنت مراقباً لسير مجريات الاقتراع في أحد مراكز البصرة فكان هذا السيناريو:
في آخر يوم للانتخابات وبعد أن انتهى التصويت وقبل إغلاق الصناديق بدقائق انقطعت الكهرباء وفي هذه اللحظة قامت إحدى المليشيات وكان بصحبتها شاحنة بها صناديق مليئة بأوراق الاقتراع
باقتحام مبنى الاقتراع وقامت بسرعة شديدة جداً باستغلال الهرج والمرج الذي حدث باستبدال الصناديق الموجودة بالتي بحوزتهم وخرجت سريعاً
وبعدها تلقى اتصالاً وتهديداً بأنه إذا لم يسكت ويترك الأمر يسير كما خطط له سيجد أسرته ملقاة على شط العرب.... وعجبي يا عرب!!!

يا بكرى ما تصدق الفديو ده ديل جماعه شغالين فى فرن الصداقه لبسوهم عراريق وحفظوهم كلمتين من لهجة الشرق والصناديق راقده فى سوق الحصاحيصا فيها ريحه من عمايل ناس المحبوب

ما شافوهم بيسرقوا ٠٠٠شافوهم بيتقاسموا ٠٠٠

يا أبو رائد شوف الجماعة ديل بيصوتوا للعجب حبيبي!!!
https://www.youtube.com/watch?v=K-QQne7xXhs

امجدالشيخ كتب:

يا راجل ده شنو ؟؟؟؟؟؟؟؟؟ حاولت اقول الفيديو مدبلج او ملعوب فيه ولكن ما لقيت ثغره ؟؟؟؟؟

يا أمجد .. المعلوبة الانتخابات التى تفتقت
عبقرية الانقاذيون لشرعنة تزويرهم على الملأ
بالخج الماخمج .

Mutwakel كتب:

يقال ان هنالك احدى القبائل اذا قصدوك وختوك في راسهم يتهموك بجريمة ويجيبوا شهود وانت بعيد عن مسرح الجريمة

يا متوكل .. ويقال المابيك بيخجك فى الانتخابات .

راشد محمد الجاك كتب:

مدخل اول : ( ولاتبخسوا الناس اشيائهم ..)
مدخل تانى : والله الجماعة برضو بذلوا مجهود يشكروا عليه ...
مدخل تالت : امكن الجماعة ديل صوتوا لى ناس قرفنا .... ( فى لون برتقالى )
مدخل اخير : اسؤ شى انك تفتش تبريرات للخطأ .....

يا راشد ..تخيل المؤتمر الوطنى تولى الهجوم عن
الفيديو انابة عن المفوضية الصماء !!!

أبو رائد كتب:

الجماعة ديل كانوا بسوطوا لي منو ؟

يا أبا رائد ..كلم المحبوب فى اضناه الطرشت
عمايل الانقاذيين ، وسرك فى بئر !!

راشد محمد الجاك كتب:

(((( مدخل اخير : اسؤ شى انك تفتش تبريرات للخطأ .....)))))))))

ومدخل بعد الأخير : أسوأ شىء عدم إحترام عقول الآخرين .
يعنى الجماعة ديل مستعجلين على الفوز فى الانتخابات ب 99.9%
فوق أم كم !! وايضا بعد ما انكشف المستور ما هو تبرير المفوضية
لتأجيل نتيجة الانتخابات !!!

المحبوب أحمد الأمين كتب:

كلكم تكونوا سمعتوا بقصة جمل البطاحين المدلل ،،
حمولتو ربع أردب فقط يعني ما بشيلو فوقو كتير ،،
وشدة ما شايفين ربع الأردب كتير عليهو ،،
لمن يجي يقوم ينبري ليهو 4 رجال غلاظ أشداء ويساعدوهو في القومة ،،
طبعاً دا ما جمل البطاحين !!
ولا يكتفوا بتخفيف الحمولة ،،
ولا بالمساعدة في القيام ،،
أها بندهوا ليهو الفقرا والصالحين
ويقولو يالشيخ طه فوقوا ،،

المفوضية لم تكتف بكوارث التعداد الخلت ناس هيا أكتر من بورسودان ،،
ولم تكتف بتقسيم الدوائر اللجات حسب الثقل لجمل البطاحين ،،
غضوا الطرف عن إستغلاله لإعلام الدولة
وأموال الدولة
وموظفي الدولة
كلوا لصالح جمل البطاحين ،،
وفي الإقتراع لم يكتفوا بتصويت الأموات ،،
عملوا شنو ،،
غايتو الفديو دا اياها ذاتا
يالشيخ طه فوقوا

الشيخ طه إلحقنا
وينجدنا
وينقذنا

يا المحبوب .. ويا الشيخ طه تسود خطوة المفوضية ،
الجات ترقص فى حفلة تزوير الانقاذ وداسه دقنه .

ابو نورا كتب:

يا عاطف الله يجازي محنك ... ده شنو؟؟؟؟
ولما دخلت اليوتيوب وجدت جماعة اللجنة نفسهم شغالين شغل شديد؟؟!!!

شفت دعوتك صابت كيف ؟ اليوتيوب ما كضم فى السودان !!

ابو نورا كتب:

ذكرتني هذه المشاهد بما سمعته عن انتخابات العراق حينما فاز حزب الفضيلة الإسلامي في محافظة البصرة بهذه الدائرة والتي لم يفز بها أبداً... فحكى وزير العمل العراقي هذا السيناريو لأحد الزملاء الصحافيين في إحدى زياراته للمملكة... فيقول:
كنت مراقباً لسير مجريات الاقتراع في أحد مراكز البصرة فكان هذا السيناريو:
في آخر يوم للانتخابات وبعد أن انتهى التصويت وقبل إغلاق الصناديق بدقائق انقطعت الكهرباء وفي هذه اللحظة قامت إحدى المليشيات وكان بصحبتها شاحنة بها صناديق مليئة بأوراق الاقتراع
باقتحام مبنى الاقتراع وقامت بسرعة شديدة جداً باستغلال الهرج والمرج الذي حدث باستبدال الصناديق الموجودة بالتي بحوزتهم وخرجت سريعاً
وبعدها تلقى اتصالاً وتهديداً بأنه إذا لم يسكت ويترك الأمر يسير كما خطط له سيجد أسرته ملقاة على شط العرب.... وعجبي يا عرب!!!

يا ابو نورا ..شن قولك بأن إنتخابات الانقاذ بالمعايير
العربية والافريقية حره ونزيهة !! ومن يقول عكس
ذلك طابور خامس !!وأعمل حسابك لان المراقبين السعوديين
اشادوا بالانتخابات .

Abdelkarim Awadalla كتب:

يا بكرى ما تصدق الفديو ده ديل جماعه شغالين فى فرن الصداقه لبسوهم عراريق وحفظوهم كلمتين من لهجة الشرق والصناديق راقده فى سوق الحصاحيصا فيها ريحه من عمايل ناس المحبوب

با ود عوض الله .. المحبوب تطير عيشتو !الاصم
لم يخل ليهو كدة فى قروش التدريب ،لانه بلعها براه
وكمان قاسم أخوانه بالمفوضية ،فى صمة الخشم بتاعة الانقاذ ، وفشلت
محاولات المحبوب فى كوتة التدريب لانه سرح بغنم نافع !

عوض نمير كتب:

الاستاذ عاطف تحية طيبة ..........من أخذ الاجرة حاسبه الله بالعمل.....

وهم لا يرضون أن يكون عملهم ناقصاً ......

وزى ما قال أخونا كنه ... الجماعة ديل لا ذنب لهم فهم مطالبون بتحقيق الربط !!!!!!!!!!....

وعوافى الله إخضر ضراعهم ... سوا العليهم ...!!!!!!!

يا عوض .. ديل ما سوهوا أخرش وتخين ومخجوج !!
بالله عليك ، الخج دا خج نُصاح ، عليك كمان غربال
محلج ماربلس ما بخج خجة ذى دى !!