أمريكا: انتخابات السودان ليست حرة أو نزيهة لكن سنتعامل مع الفائزين

فى بعض الاحيان يصاب عقل الانسان بالشلل المؤقت ..... فى فهم ما يدور حوله

ولاتقدر أن تقيس بعض الاشياء .... حتى لو كلت بمكيالين أو أكثر ......

من كان يملك تفسيراً منطقياً لهذا العنوان ... المنقول من سودانايل ... فاليزودنا به مشكورا.......ً

يا عم عوض :

ماما أمريكا عندها تأريخ عريق وطويل في سياسة الأحتواء policy of containment من زمن هنري كيسنجر ،وسياسة العصا والجزرة دي ياسيدي حققت نتائج كبيرة مع الجماعة ديل ، أقول هذا وفي خاطري تسليم كارلوس وطرد بن لادن ووساطة ماما أمريكا عشان خاطر صلاح قوش يتعالج في خالتو أنجلترا ، فياسيدي هم يقولون ما تكرمت به في العنوان وعينهم علي الأستفتاء وهو أستفتاء مدهون برائحة النفط ، ورائحة مياه النيل سليل الفراديس ورائحة العمق الأستراتيجي لجنوب السودان في وسط القارة ، وطبعأ ماما أمريكا دي الريحة البتعجبا ، عشان كده ماما أمريكا عايزة كده ورمت للجماعة ديل عضمة الأنتخابات ، وهي عارفا دي عضمة ما فيها لحمة ، يعني تنفع كوارع بس وكمان ما بتقعد كتير صالحة للآستخدام البشري ، ولا مش كده ؟

الاستاذ صداح مشكور على المرور... وليس ( مرور الكرام ) بل التفسير المنطقى والمعقول .............

الكل يعلم عندما تتعارض مبادئهم مع مصالحهم .... تركن المبادئ جانباً ............

ولكن ... أليس لنا مصالح أيضاً ؟؟؟؟... وماهى مصلحتنا فى هذا الدعم الغير محدود وحتى على حساب ( المبادئ) ؟؟؟؟؟؟؟؟؟؟؟

مع تحياتى

إحنا اقتنعنا بس البقنع «الديوك» منووووو؟؟؟؟!!

ابو نورا تحية طيبة........... نشوف خليفة لجعفر بخيت .......

وإذا لم يوجد ... إلاّ ( سارس ) أو ( سمير ) من نوع جديد شديد المقاومة..... !!!!

أخي الفاضل عوض مساء الخير ،،
المحير تصريح منسوب للمبعوث الروسي في السودان ،،
قال بالنسبة لانتخابات السودان يتم إعمال المعايير االافريقية وليس الأوربية !!
شفت المحن دي كيف ؟؟

The elections that were concluded in Sudan last week should be judged by African standards and not European ones, a senior Russian official said

"حسب سودان تربيون".

. أمريكا: انتخابات السودان ليست حرة أو نزيهة لكن سنتعامل مع الفائزين Mikhailmargelov2eb8761

أمريكا: انتخابات السودان ليست حرة أو نزيهة لكن سنتعامل مع الفائزين Mikhailmargelov2eb8761

والله للشفناهو في فيديو عاطف اسماعيل بتاع مفوضية البحر الأحمر ،،
إتضح إن ناس المؤتمر ناجرين ليهم معايير براهم ،،
لا شرقية ولا غربية ولا افريقية ،،

الأخ الغالي/ عوض نمير وفقه الله
السلام عليكم ورحمة الله وبركاته وبعد،،
فادعو الله عزوجل لنا ولكم التوفيق والسداد.
أخي عوض: دي امريكا واجرك على الله، بعدها في كلام، سياسية والناس ماله نعسان، سياسية زي ما الدنيا كده بدور.

الاساتذة المحبوب ... وقرشى مساء الخير ....و شكراً على المرور......

فعلاً دى أمريكا وأجرك على الله .... تعلن الحروب على الدول وتدمرها بدون أسباب ......... تفتح غوانتنامو والسجون السرية ... وهى تدافع عن الانسانية وحقوقها ...... تقيف مع الجماعة دبل وهى تدافع عن الديمقراطية....... عايزة تقسم المقسم ... وهى تقف مع وحدة الدول الاروبية ....... ولاحد يقول البغلة فى الابريق !!!!!!!!

يا أستاذ...... المبعوث الروسى ما غلطان ....... الجماعة ديل إختاروا رمزهم الشجرة أم جزورا معلقة فى الهواء....... على ضوء هذا الاختيار...... الراجل فهم القضية ....... لا شرقية

ولا غربية بل شجرة أفريقية مية المية .......... وزى المثل ما بقول تعيش كتير تشوف كتير. !!!!!!!!

الولايات المتحدة تأسف .............بالله عليكم لو فى حد عارف بنك تصرف فيه كلمة تاسف يدلنا عليه......!!!!!!!!!!

فى جمهورية ايران الاسلامية بعد الانتخابات التى اتت بالسيد احمدى نجاد ...
طار عقل الامريكان والغرب ...
بنفس التصريح ...
ان الانتخابات غير نزيهة ومزورة ...
فقط اختلف الجزء الاخير ...
وانهم لن يتعاملوا مع نتائجها ...
شفت المحن دى كيف ؟؟؟؟؟

» أنظار العالم تتجه صوب السويد لمعرفة الفائزين بجوائز نوبل
» المبعوث الامريكى الانتخابات السودانيه مزوره سنتعامل معها لانفصال الجنوب
» أمريكا قد دنا عذابها
» جنوب السودان ، الوداع على أمل اللقاء بكم في رحاب السودان موطن الإنسان من حيث هو إنسان
» حكومة السودان جنت وجدعت هِدِما "تأشيرات لفلاحين باكستانيين مع أسرهم" إلى السودان