البت التى لا تزال فى قلبى( اهداء الى الدقلوشة)( نص شعرى)

وهل من غيرك داخل القلب؟
ادينى حنين الكون العامر
وبيك اغامر
وابقى معامر
او ظنى اللحظة الجاية
ابقى مسافر
لى عينيك
وكل سماحة لونك
تدهشنى بلا ميعاد
انتى الزاد
والعنوان
والميعاد
من وين جبتى معاك هذا الحب
وانا المدفون فى داخل الجب
اطلع من اعماق البحر
واستهواك بلغة اللب
الحب ... الحب
واتنفستك ريدة ونظرة
واتهجيت حرفك بى كل لغات زخات بتصب
من غيمة اسمك
وبهجة حرفك
وسماحة طيبتك
يا معطونة بكل الزهو
حديقة برئية بحلو اللهو
استنيتك فى الشريان الدافق
من القلب النابض بيك
واتوكلت .... مشيت لى ذات الدرب
الله يا رب........... الله يا رب
ما كل هذا النبض
طول الوكت بمشط فى كريات الدم
شان تحمل ليك الحب
او تغشانى جوة الجب
اطلع منو وليك
تساب عينيك
جرف النوم من جوة العين
وبقيت بين.. بين
هل سير الدرب طويل
او يا رجعت بى ذات الدرب

لا زال قلبى داخلها
لا زال قلبى ملكها

الدقلوشه الكنتوشه

يا سلاااام يا عم راشد

بالجد روعة

تسلم

تسلمى يا بنتى يا هنوية
وحمدالله على السلامة انك ظهرتى
ما تتدسى تانى
وتابعى معانا المسلسل
اصلو عمك زعلان منك كتير

» السماء ما تزال صافية فوق أرض السودان أم أنّهم حجبوها بالأكاذيب ؟
» هذا المشترك عفوا يعود( نص شعرى)
» بوصيك (نص شعرى الى ابنى محمد)
» الغابات المطيرة( نص شعرى)
» الواقفون نياما( نص شعرى)