صور عجيبة من السودان

لا والله يالمحبوب المقلوبه دي بعرفها
وبعملها كمان .. رايك شنو نعملها ليك ونعزم الناس

[/quote]

يا جماعة لمن تعملوا المقلوبة والمخبازة والاقشي ما تنسوا تعزموا سيد الحمار ...

رغم ذلك يظل السودان الأروع والأجمل بانسانه ونيله وخضرته وجماله
سوداني للأبد
[img][/img]

المحبوب أحمد الأمين كتب:

جاهوري الناس الرسلوا ليك الصور ديل
ما تكلمن ياخدوا فينا الاجر ويرسلوا لينا صور آآآآقشي
ويختوا جمبو بصلتين كبار خدر بي البمبون بتاعن مع شطه خضراء بالدكوة

المحبوب يا حبيب ... رسلنا طلبك للجماعة عشان يصوروا لينا الآقشي وجمبو الذي منوا ...
الجماعة رسلوا لي المقال ده عشانك يالمحبوب ...
تاملات في الموائد
بقلم الدرديري كباشي ...
واحدة من نعم الله على الانسان وهي شهوة البطن . وهذه ربطها الله بغذاء الانسان وهو اصل نموء الانسان ومده بالطا قة التي تمكنه من ممارسة حياته . لكن المتامل لشهوة البطن يجد انها ربطت بجميع الحواس للانسان. يعني الطعام ذو المنظر المغري والرائحة الشهية والطعم اللذيذ. حتى وتلاحظ ان كل حاسة لها لفظ يعبر عن قمة المتعه المرجوه منها . عندما اقول تناولت طعاما شهيا يعني منظره جميل وطعمه لذيذ لاحظ كلمة لذيذ خاصة بالطعم . ورائحته زكية ....
حتى حاسة السمع لها دور في بعض الاحيان .تكون ماري وتسمع صوت شوي ( تششششش) تحس بان معدتك بدات في فرز الانزيمات وريقك جرى .
بعض الاجناس فطنت لهذه الميزات واستغلتها في جعل تناول الطعام متعه متكامله وبداوا يتسابقون ويجتهدون في تزيين الاطباق والموائد . وتكثيف البهارات والمزكيات . حتى عندما يجلس الانسان على سفرة طعام تجد كل حاسة من الحواس ما يمتعها .

وقد لاحظنا هذا التركيز في مطاعم اللبنانيون والسوريون في الرياض هنا . تجد الطباخ او الشيف يستغرق وقتا طويلا في تزيين صحن سلطة مثلا وهو يعلم بان هذا المنظر سيخرب بمجرد ما يتناول الزبون اول لقمة . تجده يقطع الطماطم في شكل وردات ويرص حبات الزيتون في شكل حلقات ويحفر بالملعقه اشكال زخرفية على صحن الطحينة ويغمرها بزيت الزيتون . ويخط الصحن امامك لوحة جميلة تستحي ان تخربها .
ونحن نعلم ان الطبخ فن ويتطلب موهبة . بمعنى ممكن مراتين بنفس المقادير يصنعن صحنين مختلفي الطعم تماما وربما يكون احدهما مستساق والآخر لا يطاق . لان الامر موهبة .
نحن السودانيين اشتهرنا بلذة الطعم في الاكل حتى بشهادة الاجناس الاخرى . لكن عملية تزيين الاطباق وتجميل المائدة هذه ليست لنا اخلاق لها ولا نرى لها ضرورة في الاساس ( يازول انت فايق سلطة شنو البقعد ارصرصها ليك كده وانت حاتاكله بعد شوية ) .
خطرت في زهني هذه الخاطرة وانا جالس في مطعم سوري اريد ان اطلب غذاء . وطبعا وقف الجرسون امامي ذكر اشياء كثيرة وآخرها فطاير باللحمة . طبعا رحت قايل فطاير باللحمة لانها الكلمة الوحيدة الحفظتها
مثل الطفل الصغير تقول له ( تحب امك ولا ابوك ولا اختك ولا عمك ولا سيد البقالة .... سيقول لك سيد البقالة لانه هو الذي سيرسخ في ذهنه) .
المهم انا طلبت الفطاير باللحمة وطلع طعمها تماما مثل القراصة بالدمعه (الت اهلنا الشايقية ) لكن المنظر مختلف لانها في شكل حلقات صغيرة واللحم اي الدمعة مفرومة صغيرة ومرصوصة بشكل مبدع . تذكرت كيف نحن نقدم القراصة بالدمعة في صحن عملاق والقراصة مردمة طبقات والدمعة طافحة بالزيوت واللحم خوابير كبيرة . لكن الحق يقال حقتنا طعمها احلى . وياريت لو لقيتها هسع بشكلها الشين داك .

والله يا مدثر زولك دا بس كان مشتهي ليه قراصة سااااااكت
لكن ولا عندها اي علاقة قول ليهو هاك الصحن دا اكل[img] Uploaded with ImageShack.us[/img]

واللهِ ،،
يا مدثر انا قدر ما ،،
أجي جنب صينية آقاشي تلقاني ،،
زي سيد الـــــــــــــــــــــــــــرايحة ،،
أعاين فيه وأضحــــــــــــــــــــــــــــــــــك ،،
وأمشي وأجيهو راجـــــــــــــــــــــــــــــــــــــــــع ،،
أقـيـس الفول بطعمو وألـقى الـفرق شـاســــــــــــــــــــع ،،
واقيس السيخ بكمرة والقي حديد الكمرة واســــــــــــــــــــــــــع ،،
متجاوع ليس إلا ما بتقنعني لا الفتة ولا الكـــــــــــــــــــــــــــــــــوارع ،،
دي ما بلقاها زولاً زينا زيتو طالـــــــــــــــــــــــــــــــــــــــــــــــــــــــــــــــــــــع ،،

رؤى شعيب جبريل كتب:

والله يا مدثر زولك دا بس كان مشتهي ليه قراصة سااااااكت
لكن ولا عندها اي علاقة قول ليهو هاك الصحن دا اكل[img] Uploaded with ImageShack.us[/img]

دكتورة رؤى والله صحن القراصة جميل ولذيذ ...
لكن السؤال الاول القديمة القراصة ولا البيتزا ؟؟
والسؤال الثاني النقل الفكرة منوا الشوايقة نقلوا الفكرة من الطليان ولا العكس صحيح ؟؟!!

المحبوب أحمد الأمين كتب:

واللهِ ،،
يا مدثر انا قدر ما ،،
أجي جنب صينية آقاشي تلقاني ،،
زي سيد الـــــــــــــــــــــــــــرايحة ،،
أعاين فيه وأضحــــــــــــــــــــــــــــــــــك ،،
وأمشي وأجيهو راجـــــــــــــــــــــــــــــــــــــــــع ،،
أقـيـس الفول بطعمو وألـقى الـفرق شـاســــــــــــــــــــع ،،
واقيس السيخ بكمرة والقي حديد الكمرة واســــــــــــــــــــــــــع ،،
متجاوع ليس إلا ما بتقنعني لا الفتة ولا الكـــــــــــــــــــــــــــــــــوارع ،،
دي ما بلقاها زولاً زينا زيتو طالـــــــــــــــــــــــــــــــــــــــــــــــــــــــــــــــــــــع ،،

ابشر يالمحبوب ...
عظمت الآقشي عظمة شديدة لحدى ما شهيتنا اكلو ...
مصدر الآقشي وين ؟؟!!
على ما اعتقد وما متاكد امكن اكون غرب افريقيا ...
ما تسأل لينا حسن مكي امكن اكون عندو بحث في الموضوع ده اكيد بكون عارف

مدثر عثمان الجاهوري كتب:

رؤى شعيب جبريل كتب:

والله يا مدثر زولك دا بس كان مشتهي ليه قراصة سااااااكت
لكن ولا عندها اي علاقة قول ليهو هاك الصحن دا اكل[img] Uploaded with ImageShack.us[/img]

دكتورة رؤى والله صحن القراصة جميل ولذيذ ...
لكن السؤال الاول القديمة القراصة ولا البيتزا ؟؟
والسؤال الثاني النقل الفكرة منوا الشوايقة نقلوا الفكرة من الطليان ولا العكس صحيح ؟؟!!

يكون يا مدثر والله اعلم الطليان شالوها من الشوايقة


يا مدثر انت جادي في سؤالك دا؟؟؟

الداير قراصة صاح
يجى منزل وليد العشى يوم الجمعة
((توجد قراصة وشطة خضراء وحمراء
(( توجد صفوف

أمين الركابي كتب:

الواحد مع قرشي ببكي ،،
ومع الجاهوري بضحك ،،
زي الواقف علي الأعراف ،،

حكايتكم حكاية ،،

ركـــابي :-

الركابي سلام وتراحيب ...
ناس الشمالية من سمعوا بالقراصة ظهروا
مشكور على المرور والتعليق ...
كويس بنضحك ما بنبكي ...
وين ربو

رؤى شعيب جبريل كتب:

مدثر عثمان الجاهوري كتب:

رؤى شعيب جبريل كتب:

والله يا مدثر زولك دا بس كان مشتهي ليه قراصة سااااااكت
لكن ولا عندها اي علاقة قول ليهو هاك الصحن دا اكل[img] Uploaded with ImageShack.us[/img]

دكتورة رؤى والله صحن القراصة جميل ولذيذ ...
لكن السؤال الاول القديمة القراصة ولا البيتزا ؟؟
والسؤال الثاني النقل الفكرة منوا الشوايقة نقلوا الفكرة من الطليان ولا العكس صحيح ؟؟!!

يكون يا مدثر والله اعلم الطليان شالوها من الشوايقة


يا مدثر انت جادي في سؤالك دا؟؟؟

القراصة انواع 6 بوصة 4 بوصة 2 بوصة ...
البيتزا احجام ... عائلي / متوسط / صغير ...
الطليان لمن شافوا قراصة الشوايقة مقسمة حسب السماكة قاموا عملوا احجام البيتزا ..
والانتر فاز على بايرن ميونخ ليه ما بسبب قراصة الشوايقة خلتهم قويين وفازوا وشالوا الكأس ...
المغالط اسال مورينيو مدرب الانتر سابقاً وريال حالياً

وليد العشي كتب:

الداير قراصة صاح
يجى منزل وليد العشى يوم الجمعة
((توجد قراصة وشطة خضراء وحمراء
(( توجد صفوف

يالعشي حاجزين في الاجازة بإذن الله ...
نحن عندنا حق الفيتو ما بنقيف في الصفوف ...
لو كترت بجيب شحاتة وبجي

الجاهوري هاااااااااااك دي بتذكرك أيام الجامعة والسوق العربي .......

بمناسبة قرب فصل الخريف : ( السيل شال الغرفة الوحيدة الفي البيت فبقي السرير!!! بالصباح من فوقو وبالنهار من تحتو).

يامحبوب والرافعنو الناس دا مرق العنقريب للمرحوم ( سودانى الجوه وجدانى ) .... صاح !!!