أنواع الطناش .. كما عجبك طنش ...

والله لو عدم الموضوع فأنا زولكم وفي رايي تشوفو أنواع الطناش لزوم الفائدة :
طناش بالفتح ( أفتح ليهو )
طناش بالعفص ( أعفص ليو )
طناش بالصهينه ( صهين منو )
طناش بالبوز ( بوز لي )
طناش بالنوم ( تعمل نائم )
طناش بالتطشيش (طش بي )
طناش بالجلى ( جلي )
طناش بالباص ( باصي)
طناش بالتمرير (مرروا )
طناش بالطرش ( أضان الحامل طرشا)
طناش بالجن ( أعمل ليهو مجنون )
طناش بالتحويل ( إحالة )
طناش بالزوغان ( زوغ منو )
طناش بالتوهان ( توهو )
طناش بالروحان ( خلي زي سيد الرايحة )
طناش بالعبور ( ما تعبروا )
طناش بالتفوير( فوروا)
طناش بالدس ( دس الحاجات )
طناس بالراس ( تحريك الرأس إلى أعلى ثم إلى أسفل للتدليل على الموافقة )
طناش بالمتابعة ( بإصدار أصوات تدل على المتابعة كاها أو ويمكن إضافة أها وبعدين )
طناش بالتثاؤب ( دليل النعاس )
طناش بالتناوب ( أحكي لي هناي دا لمن أرجع ...ويا فكيك )
طناش بالمرسال ( عليك الله جيب لينا زيت زيتون من ست الطماطم الفارشا بي برة دي )

في طناش فيهو حزلقة وفي حقيقته زحلقة زي ( أها عرفت البيت ما تنقطع مننا ) دا طناش بالتطفيش ،،
وأخطر الأنواع الطناش الساي ( تلقى جماعة تقول السلام عليكم زول يعبرك مافي أها دا طناش بالاجماع السكوتي ) ،،
ولدى الاوساط الرياضية طناش عجيب ( تلقاهم مارقين من الكورا تسأل من النتيجة يقولوا ليك درون واحد صفر ) ،،
أما أحرج الطناشات نجدها في الاوساط الفنية ( توقع مع الفرقة الموسيقية الشوق والريد يقوموا يعزفوا ليك القبلة السكرى ... والصفافير ما تديك الدرب تغنيها ووب تخليـها قلت الروب )

أما أخطر أنواع الطناشات ،،،، طنيشة أمجد لي ، يفتح البوست تجي تشاركوا تلقى ريحتو في الأرياح مافي !!
يا ود الشيخ عملتها ظاهرة لكن اكان اخش ليك تاني ابقى زي ابومرزوق وسلام كتير جدا

يا أبو مرزوق عيييييييييك أنت امجد ده اديتو فرصة الحكابة شنو ؟ غايتو ولا احسن الواحد اطنشك وبس

يا ابومرزوووووووووق انجدنا ....
((
الطناش التالت :
طنش أى زول عاوز منك قروش .. مش إنت ذاتك ما عندك ولسه قاعد تتدين ؟ طيب ح تجيب ليهم قروش من وين يعنى؟ هل ح تهبط عليك ثروة من السماء عشان تسدد ليهم ؟ طبعا لا .. عشان كده طنش الناس الإنت مستلف منهم ديل كلهم وشيلهم من راسك كلو كلو.. وبعدين لو إفترضنا فى واحد فيهم زهج منك وعاوز يمشى المحكمة عشان يشتكيك الحكومة ح تدفعو رسوم ودمغات وشنو ما بعرف داك أكتر من القروش العاوزا منك ذاتا .. يعنى مش ح يمشى .. عشان كده (طنش) واسمع كلامى !!))
امجد اخوى اوعك من النوع دا .....
انا منتظرالتحويل بسراااااااااااع !!!!!!!!!

تعرف يا طناش الحكاية وما فيها اعمل اطرش .
بعجين مبوخ حا تعرف ابومرزوق الزيتونى لكن تعال هنا ابو النا ده منو ؟
مدد مدد يا الجعفرون !!!!! والا أقول ليك طنش ما ضرورى

طالما بتلعب فى الدورى المحلى حا نطنشك اياك وكاس العالم الزراعى مدددددددددددددد وتانى مدددددددددددد

Badr Abbas كتب:

تعرف يا طناش الحكاية وما فيها اعمل اطرش .
بعجين مبوخ حا تعرف ابومرزوق الزيتونى لكن تعال هنا ابو النا ده منو ؟
مدد مدد يا الجعفرون !!!!! والا أقول ليك طنش ما ضرورى

معقولة بس يا بدريتو ماعارف ابو النا منو؟؟؟؟
اقوليك .....
ولا ...
طنش !!!!!

راشد محمد الجاك كتب:

Badr Abbas كتب:

تعرف يا طناش الحكاية وما فيها اعمل اطرش .
بعجين مبوخ حا تعرف ابومرزوق الزيتونى لكن تعال هنا ابو النا ده منو ؟
مدد مدد يا الجعفرون !!!!! والا أقول ليك طنش ما ضرورى

معقولة بس يا بدريتو ماعارف ابو النا منو؟؟؟؟
اقوليك .....
ولا ...
طنش !!!!!

ابو النا ده أكيد نار ياحبيبى نار لكن برضو مطنشين نحن مع المحترفين ولا احسن طنش يا فرده

المحبوب أحمد الأمين كتب:

انتو في الطناش ولا في الطشاش دا
اجي اضغط على ارسال تلقاني ضغطت على معاينة
والله يا جماعة بصراحة التصميم الجديد دا العملو بالغ يعني نكتب ونقرأ ولا نضاير الزهور ؟؟

طنش يا أبومرزوق
انا ما بقطف زهورك ... بس بعاين بعيونى
تصميم كده!!!!!!! يعنى حركة فى شكل ورده وردة طناش بتعرفها يا المرزوقى ولا اخلى بركوتا اوريك .. ط ن ش

يا امجد ونحن نقول امجد دا مالو مطنشنا كدا اتارى انت مبارى الطناشات دى كان كدا ليك حق تطنشنا يا مطنش

على سركيس كتب:

يا امجد ونحن نقول امجد دا مالو مطنشنا كدا اتارى انت مبارى الطناشات دى كان كدا ليك حق تطنشنا يا مطنش

ياابوعلي امجد معزور قال مشغول يعني طناشه حلال

الكلام صاحبك راشد الجاك الجماعة طنشوه وجاءني

اشكي ياامجد الراجل صاحبك حاول حس بيه ( جنس فتن)

انا مطنش البوست ده كلو .. ده طناش مطنش