ابن الحصاحيصا والصحفى عثمان عابدين بيننا فى دوت كوم

مرحبا ممزوجة .. بعطر الورد .. ورائحة البخور

مرحبا بك فى دوت كوم بين إخوانك وأخواتك...

وبكل حب وإحترام وشــوق نستقبلك ....

لتعطر لنا حبر الكلمات بالمسك والعنبر.....

وننتظر الأبداع منك لتصل همسات قلمك إلــينا..
مرحب بك استاذنا عثمان عابدين الصحفى (عثمان حصحيصاوى )

مرحبتين حبابك وحباب ناس الصحافة والصحفيين
نحن فى انتظار ابداعاتك

اهلا وسهلا
بالاستاذ عثمان عابدين
بين اهله

اهلا بالسلطه الرابعه في الحصاحيصا دوت كوم

مرحبا بالاستاذ الصحفي عثمان عابدين بيننا في دوت كوم ونحن وانتظار قلمك

من الاضافات الجميلة .. اضافة قلم الاستاذ عثمان عابدين
فمرحبا بك وبقلمك

مرحب استاذنا وولد حلتنا عثمان عابدين

مرحبا بالقلم المميز
الاستاذ عثمان عابدين
ومرحبتين حبابك
وفى انتظار محطاتك..الدسمة
ومزيد من التواصل الخلاق

مرحب بمفيد فوزي السوداني
مرحب ودعابدين
مرحب يادفعة
اعلم تماما انك تنوء بحمل ثقيل من الذكريات والخواطر والونسة الدقاقةوطرائف وقطائع ومقالب وحاجات تانية حاقصة ليك..!!؟؟
تأكد ياودعابدين انك في الرصيف الذي تبحث عنه لتفرغ كل الشحنات والحمل الجميل وتكمل الناقصة..صحيح لا تجد من ابناء جيلك سوي العم الدكتوروالبروف مهندس بكري عثمان حمد((الدفعة القدامنا!!!))الا ان الموقع مليء بالرياحين والورودوالانغام الشجية من اجيال تفتح لنا ما انغلق من مسالك وبصيرة وتلحقنابآخر كشف تواصل الاجيال ؟؟؟
مرحب بيك في دوت كومك
وما تكتر نومك
والجابك يجيب عقابك

.. مرحب كتيير بالقلم القوى .. الصحفى الكبير .. عمنا عثمان عابدين اضافة قوية للمنتدى وبوراداب المنتدى لناخذ من تجربتكم الثرة فائدة لنا لنتلمس خطى لا عوج فيها ... مرحب بيك كتير

اولا .. اعجز تماما عن تحمل هذا الفيض من الترحيب الغامر ..وما قلت من قبل فانا لا احمل شيئا عظيما او كبيرا من تجربة او منفعة كبرى .. لكننى احب " الحصاحيصا" بدون تفاصيل او تفريعات .. وهذا الحب .. يقتلنى ويحيينى .. واعتقد انها لاتشبه الا نفسها .. لذا هى مغنطيس وجدى ومواجدى بدئى وانتهائى فيضى وفيوضى .. والمى واملى وعشقى ومواجدى .. ولم ولن تكن كرهى او موجدتى .. والاثنين لم اعرفهما ..
الحصاحيصا تعنى لى الكل .. القدح الواحد .. والنفس الواحد .. وحمار الشفق الذى انظر اليه عصر كل يوم من قدام بيتنا فى الحصاحيصا .. متخلفا من دخول الشمس فى سردابها .. وهى تترك هذا السيال الحريرى يتدفق على هامات " قطاطى الكمبو وعنابر بنك هاوس والجملونات
الحصاحيصا اينما تقبل اقبل .. وهى طلاعة المهامة .. ورادة الخير .. ولادة نساء قويات الشكيمة .. والرجال اولى باس وفهم شديدين .. احبها ... وفى النفس شئ من حتى لها وبها ومن اجلها .. ولهذا احبكم جمعا وافرادا وتثنية .. وكل شئ يقرب الى الحصاحيصا يدخل فى عدسة تلسكوبى

شكرا عمار على دعوتك الكريمة لى للانضمام الى الحصاحيصا دوت كوم .. وانا منه واليه طالما كانت الحصاحيصا هى المحتفى بها دائما
وشكرا حسن وراق " يا دفعة" على الافاضة .. واتعشم لو هاشم كرار ينضم " وينضم"
للكل شكرى ومودتى
واتمنى ان اكون مفيدا للحصاحيصا
عثمان عابدين

مرحب بالأستاذ والصحفي المخضرم عثمان عابدين إضافة كبيرة لنا وللحصاحيصا دوت كم

مرحب بود عابدين ...ود الناس الزينين..
كدى يا بت امها ومبارك النقول ليكم حاجه .. انتو الاتنين صغركم مافيهو جدال لكن انا البحلنى من حسن وراق ده شنو!!
يا جماعه الخير انا لمن جيت المدرسه الغربيه لقيت حسن ده جابوهو من الشماليه بعد ما درس فى كريمه الصغرى وبعد داك ودوهو ذات الراسين فى مروى .. ومنها الى الحصاحيصا الغربيه .. يبيت ويقيل فى كل فصل وبعد ده كلو كان الدفعه القدامى .. هسع عاملنى الدفعه القدامو .. ... الكلام الفوق ده انا ما متاكد منو ..
والله كان قلتو خير تلقونى من دفعه عمارتلودى و مبارك عثمان !!
كونو بالف خير..
بكرى

اجي يابكري؟؟
انا ما قريت في الشمالية ..دا المرحوم عثمان وراق اخونا الكبير كان قدامك بفرد سنة!!
بعدين تعال جاي ..عمار تلودي شنو؟ومبارك شنو؟ الدفعتك والله لو ما اخاف الكضب انت دفعتك عمار ابو ياسر عرفات ومبارك حسن بركات!!

يا خى والله دى براها صغرتنى خمسين سنه...
ما بيناتنا حساب
بكرى

الحكاية شكلها ما ماشه فى صالحك يا دكتور
لانو جات ليها عثمان وراق وعرفات بعد شوية ح بقول ليك الزعيم علوب ومصطفى صالح دفعتك
اصلو حسن وراق ده بتاع شبك
ويا عثمان عابدين اكشف الحقائق

يا عمار انت ماسمعت بالخرف ولاشنو!!!!

عثمان عابدين اضافة حقيقية للمنتدى فمرحبا به وبقلمه

مرحب بالاخ العزيز الرمز عثمان عابدين
فى انتظار كل ابداعاتك
وايضا فى انتظار هاشم كرار
لكم كل الود

ضياء عدوى

مرحب الاستاذ الصحفى عثمان عابدين بين اهلك

» الي مدير اراضي الحصاحيصا .. هذا ما بيننا وبينك والحكم للجميع
» مائة عام على قيام مركز الحصاحيصا..الحصاحيصا في يوبيلها الماسي ولاحد حاسي.. بقلم عثمان علي حسن ابو ايمن ( ديسكو ) سابقا
» حي فور مستودع الابداع والجمال بالحصاحيصا
» عثمان الحلبي في توثيقي الحصاحيصا دوت كوم
» الحصاحيصا تبكي عثمان الامام