قصة قصيرة )زوجتي ام هيفاء وهبي (

يقال والعهده علي الراوي...الذي ليس مهما أن تصدقه...
أن نجارا عجوزا كان يعمل في صناعة المراكب علي شاطئ أبوروف في ام درمان...وبينما هو منهمك في عمله سقط منه (المنشار ) في النهر فجلس يبكي علي ضياعه...وكانت هناك( جنيه شقراء ) تراقبه ...فأتت إليه وسألته:
مالك يا عمو الببكيك شنو؟
قال لها في هلع..منشاري وقع مني...لكن أول شئ إنت منو يا بتي؟؟
لم تجب عليه وغطست في النهر..وخرجت بمنشار من ذهب..وقالت له: ده حقك يا عمو؟؟
أجاب النجار: لا ما منشاري!!
فغطست الجنيه مره ثانيه..وجابت منشار من الفضه...(ده حقك يا عمو؟؟)
أجاب النجار بدون تردد:لا ما حقي
ثم غطست الجنيه للمره الثالثه وخرجت بمنشار من البرونز..وقالت(أكيد ده حقك يا عمو)
عمك قال ليها :لا يا بتي

لم تيأس الجنيه الجميله الشقراء وشعرها المبتل وحبيبات الماء تنزلق علي تضاريسها الجاحظه فغطست مره أخري وخرجت له بمنشاره الحديدي الشين (ياهو ده يا عمو صاح)
حينها تهللت أساريره فرحا وسعاده وقال لها:
نعم
فقامت الجنيه بإهدائه المنشار الذهبي والفضي والبرونزي لأمانته وصدقه..

ومرت الأيام والليالي وجا يوم كثير الغيوم والمطر وإذا بذات الرجل(يتفسح مع زوجته) علي شاطي ذلك النهر فإنزلقت قدم زوجته وسقطت في النهر...فجلس النجار يبكي وينتحب...
حينها...
ظهرت له تلك الجنيه الشقراء وسألته: الببكيك شنو يا عمو..؟ منشارك برضو وقع!!)
قال ليها( أبدا دي أم أولادي وقعت في البحر)
فغطست الجنيه في البحر وخرجت له ...بهيفاء وهبي (شخصيا) وسألته: دي ياها مرتك يا عمو!!!
فأجاب النجار..دون أن يهتز له جفن ...
(أي يا بتي...ياها زاته مرتي الوقعت هنا دي)

قطبت الجنيه جبينها وغضبت( كذاااااب يا عمو..ليه داير تغشني)؟؟؟؟؟؟
رد الرجل في مسكنه ودهاء...
كذب شنو يا بتي...أنا خفت أقول ليك ما ياها..تقومي تغطسي تاني تجيبي لي (أليسا)
ولو قلت ليك برضو ما ياها تغطسي تجيبي لي نانسي عجرم ولو قلته ليك برضو ما ياها تقومي تجيبي لي مرتي(الجد جد) ولو قلت ليك( ياها تب) تقومي تديني معاها...هيفاء وأليسا ونانسي...
وأنا راجل عجوز ما بقدر علي الدواهي دي كلها..عشان كده قلتا أشيل هيفاء وهبي وأمشي..
وربنا يسهل علينا وعليك...وعلي التماسيح الحتأكل مرتي

هههههههههههههههههههههههههههههههههههههههههههه

قمة الدهاء والله دي مصيبة كبيرة

ممكن يا حضرة الراوي او انت ياعمو تحدد لي المكان بالملميتر ‏؟؟؟

أبو البنات كتب:: ممكن يا حضرة الراوي او انت ياعمو تحدد لي المكان بالملميتر ‏؟؟؟

بعد الاربعة الفي ذمتك ديل داير هيفاء‏!‏‏!‏‏!‏

» كلمات أثرت في نظرتي للحياة / الناس من حولي / سلوكي
» إلي مدام إبتسام.. زوجتي الفضلي
» قصص قصيرة
» قصص قصيرة
» قصة قصيرة