أشياء لا أحبها 00 بوست هائف 00 ولكن 00

أبوحراز كتب:

لاااااااااااااااااااااااااا مستحيل
إنت عارف أنا كده ما ح آكل عشرين يوم
فما بالك لو شفتو بي عيني
كان جاني سوء تغذيه من عدم الأكل
لا والله عليك الله بيقدرو يعاينو ليهو كيف دا خليك من ياكلوهو

مرة كنت مع مديري وهو بدرجة عالية تقارب درجة وزير
ذهبنا لنلبي دعوة احد القضاة
المشوار طويل يمكن 800 كيلو متر
لكن صاحبنا ترك الطريق الرئيسي نهائيا
وأصر على أن نذهب بالصحراء
ولم أذق اي طعم للرحلة
فصحراء الربع الخالي مخيفة وموحشة
ووجدنا الكثير من المشاهد المؤلمة
مثل ان بعضهم قد غرزت سيارته بالرمال وماتوا وتركوها
رمال متحركة
واشجار بائسة تنتظر العون من السماء
تركت القيادة له على سيارة جيب لاندكروزر
وفجأة وكان يسير مسرعاً فجأة توقف ولولا انتباهي لخرجت بالزجاج الأمامي
فقد توقف فجأة وبدون مقدمات
وسألته خير ان شاء الله
فقال لي وبكل برود { شفت لي ضب كبير } !!!!
وترجل هذا المهندس المتخرج من أعرق الجامعات بامريكا
وبدأ يزحف أرضاً
ودارت خواطر كثيرة عندي بين وضعه المليء بالكاريزما والهيبة في مكتبه
وبين زحفه للحاق بالضب في الجحر
لم استطع أن أربط بين الصورتين نهائياً
ولكنه قطع كل افكاري بعد ان اتى بصيد سمين
كان الضب حزيناً
بينما كان هو مبتسماً حد الشهقة !!!
وركب معنا الضب المحترم في الجيب
ويبدو ان التكييف قد أعجبه فنام نوماً عميقاً
ولا أدري كيف كانت أحلام هذا المسكين ؟؟؟ أعني أحلام الضب
بينما صاحبي كان سعيداً ومستمتعاً بالقيادة لدرجة الجنون
وصلنا الى الدعوة وبعد الإنتهاء منها دعاهم لرؤية الضب
فاتى عتاولة القضاة والمسئولين
وتحول الضب بقدرة قادر الى بطل تاريخي لهذه الرحلة
تصدقي خطف الأضواء عني وعن مديري
ولم يبق لهم الا أن يمنحوه جائزة الأوسكار
لا أدري ماذا حدث له
ولكن بالطبع 00
الحلة والماء المغلي والحجارة التي تهديء من روعه هي الختام السعيد لهذه الرحلة[/quote]

والله بالجد سبحان الله
حاجه غريبه
طيب رايك شنو نصدر ليهم الضببه بتاعتنا الصغيره دي
في شكل ( صيـــــر ) يقزقزو بيهو زي السمك الصغير
وكده نكون قللنا من الضببه بتاعتنا
الله يكون في العون ،،،

كمان ياكلون الجراد بشراهة شديدة
أحياناً أشعر بان أكلهم للجراد منطقي
حيث ذكروا لي أنه ياكل كل ما يقابله امامه
وبالتالي يكون في تناوله طازجاً الشفاء والعلاج للكثير من الأمراض
وعلى رأ سها { السكري }
ولا أدري كيف توصلوا لهذه النتائج العلمية
هل هي نتيجة أبحاث ام تناقلوها فيما بينهم
وذكر لي أحد الأخوة أن بعض السودانيين في بعض المناطق ياكلون الجراد
بل ذكر لي أنه يباع بالملوة والكيلة
لكن فيما يبدو لي أنه يباع منجض 00 من أجل المقرشة

المشكلة هنا ياكلوه مسلوق
في مرة من المرات أحضر احددهم { حلة } وبوخها طالع من جميع الإتجاهات
وقالوا لي تفضل
فوجدت الجراد المسكين طافح
والجماعة وقعوا ليك اكل وشوربة
شخصياً استفرغت أكثر من مرة وضحكوا هم كثيرا
لكن منحوني اجازة للراحة في ذلك اليوم
ساحكي لك قصة رجل المرور


رجل المرور قصته عجيبة
وكم كنت اتمنى إن كانت معنا كاميرا في ذلك اليوم
فقد ترك الرجل سيارته الرسمية ونزل وهو يعدو ويجري ويلهث
كنت أظنه يطارد شافعاً صغيراً أتى بسيارته وإختبا في الحديقة المجاورة للإشارة التي يقف عليها شرطي المرور بسيارته الرسمية
ولكن حينما تمعنت النظر وجدته يطارد جرادة ضخمة
بل توسل لي أن اساعده في القبض على هذه الجرادة المخالفة لكل أنظمة المرور
وأخيرا وبمساعدة شبك الحديقة وسورها المتين استطاع القبض عليها
كانت بائسة وهي تجد نفسها متلبسة ومقبوض عليها
قلت له الآن تم قبضها
لكن كيف تأكلها
فقال لي بسيطة
يشهد الله أنه اخرج الولاعة من جيبه
وشواها بالأطراف
وفي غمضة عين وجدت الجرادة طريقها لمعدته وكأن شيئاً لم يكن
بل لحس أصابعه !!!! تقول بياكل ليهو في جداد مشوي

راشد محمد الجاك كتب:

[color=blue]ابوحراز الرجل المسكون بالابداع اينما توجه حروفك تنداح نغما جميلا ....
تجدنى لا اتفك معك فى 2 ....
الجراد ...
والويكاب ...
وان سالتنى عما اكرهه .....
ساقول بملء فمى ....
الاقاشى .....

شنو رايك انت ؟؟؟؟[/color

شكراً أخي راشد
شكراً لك وأنت تزرع فينا الأمل وتمنحنا صكاً بالابداع رغم تواضع كلماتنا
ومثل هذا الحديث يمنحك دافعاً ليس لأن تكون مبدعا
بل لتتلمس خطى الإبداع حتى في الظلام الدامس
وما بين الأنفاق

ليت الابداع لايصادر
حتى يدخل لكل بيت
وحتى نتنفس جميعاً بعمق

الجراد 00 لدي اصدقاء كثيرون من غرب السودان
يقولون لي أن الجراد يباع بالملوة ولكنه منجض
وذكر لي صديق طبيب أنهم كانوا في زيارة لإحدى المدن
فدخلوا السوق
ووجدوا أحد الباعة فارش أدوية { حبوب بنادول}
ويبيعها بالملوة ايضاً 00 ياسبحان الله
قال صيدلية قال !!

الويكاب ليس لي اي غرام معه
وحتى الألبان كنت لا أطيقها 00 صالحتها مؤخراً بعد الزواج
وإنت عارف بعد الزواج مش تاكل ويكاب
تاكل اي شيء

تذكرت واحد شيخ اتشاكل معاهو واحد
اها عمنا الشيخ زعل وقال للراجل والله تاني تتكلم معاي الا { أنفخك }
قام زولك قال ليهو اصلو انت { ملاح لوووووووووووووووبة } !!!

سلامات عوافي يا ابو حراز

اها انا موش ما بحب ...بل ... بكره البتصدق بي صدقة ويباريها لحدي ما يعرف مشت وين ؟؟

بت امها كتب:

سلامات عوافي يا ابو حراز

اها انا موش ما بحب ...بل ... بكره البتصدق بي صدقة ويباريها لحدي ما يعرف مشت وين ؟؟

بت أمها كيفك
والله د مشكلة كبيرة جداً
عندنا واحد من هذا النوع
مشى لجماعة ولقى ظروفهم صعبة 00 عندهم أطفال والشاي سادة
اها بكرة الراجل جزاه الله خيراً أحضر لهم غنماية بتحلب
ومعاها صغيرها { العتوت } صغيرها طبعاً للذين لايعرفون
وفي رواية أخرى يسمونه { سخل } أو سخيل
المهم الجماعة انبسطوا وشربوا شاي الصباح من حليب الغنماية
بكرة عمك جاهم الساعة 6 صباحا
ها ناس اصبحتوا كيف 00 تمام ياعم
الغنماية اصبحت كيف 00 تمام ياعم
والسخيل اخبارو شنو
تمام ورضع كمان من أمو !!!
اها باقي ليكم شوية شاي
ادخل اتفضل 00 يدخل ويكرطع ليهو كباية قدر يوم القيامة
تاني بكرة يجيهم ليك من الصباح ونفس السيناريو
6 يوم كرهو اللبن وابو اللبن
اليوم السابع جاهم وسألهم 00 اها الغنماية كيف
قالوا غنماية شنو
الله 00 غنمايتي
غنمايتك مربوطة برة البيت سوقها معاك واتوكل على الله
الليلة والله الا نشرب الشاي سادة
ياخلف الله 00 عذبتنا !!!

الاستاذ / ابو حراز
لقد تكلمت فى ماتكرة
وكل منا عنده مايكرة
وعددنا بعض الاشياء مثل (الويكاب ) (والجراد ) و ( رائحة البنزين )
..................................و (الاقشى ) ووووووووووووووو
ولكنى لقد رائت الاخوة العراقيين
اكثر مايكرهون هو ان يروا سودانى بياكل مرارة او اى ملاح لايوق
مثل (الويكة - الويكاب - البامية المفروكة - الخضرة المفروكة - اللوبة
الورق - الشرموط .....الخ )
وكان عندنا صديق عراقى اكل كل الاكل السودانى الا اكلة واحدة
لم يستطع اكلها هل تدرى اخى ابوحراز ماهى ؟ هى (سلطة الروب )
فالشئ الذى توصلت له هو ( ان نحترم واقع كل منطقة جغرافية وشعبها )
فهم يكرهون بعض ماناكل وبعض مانشرب . كما نحن نكرة بعض ماياكلوا
وبعض مايشربوا حتى بعض كلامهم الذى يتكلموه
ودمت
المغربى

الصادق المغربى كتب:

الاستاذ / ابو حراز
لقد تكلمت فى ماتكرة
وكل منا عنده مايكرة
وعددنا بعض الاشياء مثل (الويكاب ) (والجراد ) و ( رائحة البنزين )
..................................و (الاقشى ) ووووووووووووووو
ولكنى لقد رائت الاخوة العراقيين
اكثر مايكرهون هو ان يروا سودانى بياكل مرارة او اى ملاح لايوق
مثل (الويكة - الويكاب - البامية المفروكة - الخضرة المفروكة - اللوبة
الورق - الشرموط .....الخ )
وكان عندنا صديق عراقى اكل كل الاكل السودانى الا اكلة واحدة
لم يستطع اكلها هل تدرى اخى ابوحراز ماهى ؟ هى (سلطة الروب )
فالشئ الذى توصلت له هو ( ان نحترم واقع كل منطقة جغرافية وشعبها )
فهم يكرهون بعض ماناكل وبعض مانشرب . كما نحن نكرة بعض ماياكلوا
وبعض مايشربوا حتى بعض كلامهم الذى يتكلموه
ودمت
المغربى

أخي المغربي أحييك على الرد الضافي
كل ماذكرته صحيح حيث أن لكل شعب عاداته وتقاليده
والأمريكان لديهم طريقة جميلة جداً
حيث سنوياً يقومون بارسال عوائل امريكية لتعيش في أدغال آسيا وأفريقيا
حيث يسكنون مع احدى العوائل فترة شهر كامل
وهي بحق فكرة جميلة تعرف من خلالها كيف تعيش الشعوب
فمثلاً أسرة تعيش في لاس فيغاس
حيث الأضواء والحضارة والطرق والبيوت الفارهة
فجأة تجد نفسها تعيش في { كمبو } بالسودان
حينها تعندم ابسط وسائل الراحة والترفيه
شاهدت أسرة أمريكية وهي تعيش بقرية افريقية
كان أكثر مايؤلمهم ذبح الخروف
حيث جميعهم لايقدرون على ذلك
أحياناً يتحامل الأب وياتي ليمسك معهم
والطامة الكبرى حينما تريد الأسرة الأفريقية غسل الكمونية
فتجد الصغار الأمريكيين يستفرغون جميعاً من ذلك
يشهد الله أنني شاهدت الأمريكية الجميلة وهي تفزع الحطب
وتخت اللدايات للأكل
وتولع نار القصب
رغم هذا فهم يبكون بحراة حينما يغادرون هذه الأسرة
وتكون لحظات الوداع صعبة جداً
وحينما يصلون الى بيوتهم أول ما يبدأون به فتح الايميل !!!!!!

حافظ أحمد كتب:

جني و جن الحرامي العينه قويه
يلم في ام محمد دي نهب واستهبال
وبعداك تلقاهو قاااااعد و لا هاميه
و كمان شغال ماسنجر
غايتو جنس قرف

الأخ حافظ أحمد
حراميك ما شاء الله بااااااااااااااااااااارد لدرجة لايمكن أن يتصورها العقل
يعني الحكاية بعد سرقة جابت ليها ماسنجر 00 ياسبحان الله

كان اللصوص في بلدي قبل ان نغترب ينطون بالجدران
وحينما لايجدون شيئاً
لا يأذوووووووون احداً
بل يخرجون بكل أدب وإحترام
حتى اللصوص كانت لهم نخوة !!!!
الآن لاينطون من فوق الجدران
بل يطرقون عليك بابك
ويدخل الرجال من حيث يدخل الرجال
وتدخل النساء من حيث تدخل النساء
فتكرم مثواهم
وحينما يخرجون
يأخذون ماتبقى من قوت أطفالك !!!!!
انه برود كبرود حرامي الماسنجر

حسن وراق حسن كتب:

والله يا ابوحراز بالغت في البوست دا
والمبالغة في انك بتكره ملاح القرح والمرارة!!
ولا بالتبادي داير اقول ليك والله انا الاكل دا لا اكره فيه اي شيء علما باني اكلت اشياء يمكن تثير التقزز مثلا كالضفادع وعلي فكرة لحمها اطيب من الحمام وكل الضفدعة توكل رجليها الخلفيتين فقط.. هنالك اشيتء نكرهها بلا مبرر والسبب في طريقة اعدادها وا
لان المطبخ اتغير وحدثت فيه ثورة في الاعداد والاضافات والكيمياء اما اللحوم النية فلها طريقة خاصة ولو جربت اكلت مرارة عند دناقلة الحصاحيصا تاني ما بتفوتها وخاصة الفشفاش الذي يخلص قبل الكبدة.
اما اذا كان بالضرورة ان لا يحب الشخص شيئا في حياته فانا لا ارتاح ابدال :
الممثل / علي مهدي
برنامج / البوني دمو تقيل ولا حضور له تلفزيونيا واحسن يفضل في الكتابة ومع ذلك لا اقرا عموده
امين حسن عمر
نافع علي نافع
فرفور
رائحة الدخان بانواعه والذين يدخنون في المناطق المغلقة
صوت الركشات
رائحة الكشنة
بكاء الاطفال عند المغارب
اما احب حاجة فهي بعض الشيئ غريبة :
رائحة البن
رائحة اللبن
رائحة ملطم الزبالة عند فتحها
رائحة نشارة الثلج
شرحبيل احمد
الهادي ودالجبل
ترباس
ملاح الورق بالجقاجق
ملاح القرع المسبوك
الجبنة روكفورد او البلو جيس
الراكوبة والعنقريب الهبابي
والبرد القارس
ومنظر النخيل في اليالي المقمرة
والحصاحيصا.

أخي وراق
شكراً على المساهمة الضافية والممتعة
ياخي معقول الضفادع دي لحمها بمستوى لحم الحمام
هي كان في خير بياكلو كرعيها وبيرموا الباقي كلو
شاهدت سائح امريكي يدخل مطعماً في الصين مليء بالضفادع
وقرات أن الفرنسيين يموتون في أكل الضفادع
طيب ليه مانقوم بتصديرها
يعني اي واحد هسي لو عاين تحت الزير بيجد 10 على الأقل

اما اللحوم النية فلها طريقة خاصة ولو جربت اكلت مرارة عند دناقلة الحصاحيصا تاني ما بتفوتها وخاصة الفشفاش الذي يخلص قبل الكبدة.

كرهت اللحوم النيئة منذ أن كنت صغيرا
حيث كانت هناك سماية في الفريق لأحد الأقارب
والجماعة ماشاء الله ضربوا ليك المرارة دي بطريقة عجيبة جداً
تعرف اكثر من 50 منهم أصيبوا بالطرش !!!
قالوا الخروف كان مطعون حقنة شنو كدي ماعارف
في مرض نسيت اسمو العلمي بيخلي الخروف زي المجنون
وناسنا ديل كلهم بقوا زي المجانين
يعني اي مريض قعد معاهو واحد عشان يترجم ليهو
والا تتكلم بصوت عالي
بعدين حاجة غريبة
كلهم كانوا بيعطسوا بقوة شديدة جدا
لدرجة أن الفشفاش العاجبك ياحسن وراق كان بيطلع بالأنف والأذن تصدق
من ويمها كل ما اشوف المصيبة دي اتذكر هذا الموقف
يعني الواحد بدل ما الفشفاش يقيف ليهو في حلقو
اصبح يقيف ليهو في أنفو وإضانو 00 ياسبحان الله

(هبه) بت الحصاحيصا كتب:

أبوحراز كتب:

اما اللحوم النية فلها طريقة خاصة ولو جربت اكلت مرارة عند دناقلة الحصاحيصا تاني ما بتفوتها وخاصة الفشفاش الذي يخلص قبل الكبدة.

كرهت اللحوم النيئة منذ أن كنت صغيرا
حيث كانت هناك سماية في الفريق لأحد الأقارب
والجماعة ماشاء الله ضربوا ليك المرارة دي بطريقة عجيبة جداً
تعرف اكثر من 50 منهم أصيبوا بالطرش !!!
قالوا الخروف كان مطعون حقنة شنو كدي ماعارف
في مرض نسيت اسمو العلمي بيخلي الخروف زي المجنون
وناسنا ديل كلهم بقوا زي المجانين
يعني اي مريض قعد معاهو واحد عشان يترجم ليهو
والا تتكلم بصوت عالي
بعدين حاجة غريبة
كلهم كانوا بيعطسوا بقوة شديدة جدا
لدرجة أن الفشفاش العاجبك ياحسن وراق كان بيطلع بالأنف والأذن تصدق
من ويمها كل ما اشوف المصيبة دي اتذكر هذا الموقف
يعني الواحد بدل ما الفشفاش يقيف ليهو في حلقو
اصبح يقيف ليهو في أنفو وإضانو 00 ياسبحان الله

والله يا أبو حراز لو الكلام
دا صاح مفروض تاني مافي زول يكل الفشفاش دا نهااااااااااااااااااااائي
سبحان الله يعني بيطلع مع العطس
والله بالجد ما قادره أتخيل المنظر

يمكن ياهبة الأطباء البيطريين يكون ليهم تفسير للظاهرة دي
جد كان منظر مؤلم
لكن الغريب الجماعة نفسهم مازالوا بياكلوها
وعندنا جزار من تربيزة اللحم وللمعدة مباشرة

ابوذر حسن طه كتب:

ابوحراز اخوي كيف حالك ورمضان كريم ونسال الله ان يتقبل منا ومنكم
حقيقه في حاجات الواحد بيقرف او بعاف منها
ولكن انا اكره او بالاصح لا احب شيئان
والشي الاخر الذي اكرهه حد التفلق بالحجار الراجل السمح البعرس ليهو مرة شينه
او المرة السمحه يعرسها راجل شين
وبس

حبيبنا انت ماسمعتا بانه الدهب بحرسو الجان

حسن وراق حسن كتب:

والله يا ابوحراز بالغت في البوست دا
والمبالغة في انك بتكره ملاح القرح والمرارة!!
ولا بالتبادي داير اقول ليك والله انا الاكل دا لا اكره فيه اي شيء علما باني اكلت اشياء يمكن تثير التقزز مثلا كالضفادع وعلي فكرة لحمها اطيب من الحمام وكل الضفدعة توكل رجليها الخلفيتين فقط.. هنالك اشيتء نكرهها بلا مبرر والسبب في طريقة اعدادها وا
لان المطبخ اتغير وحدثت فيه ثورة في الاعداد والاضافات والكيمياء اما اللحوم النية فلها طريقة خاصة ولو جربت اكلت مرارة عند دناقلة الحصاحيصا تاني ما بتفوتها وخاصة الفشفاش الذي يخلص قبل الكبدة.
اما اذا كان بالضرورة ان لا يحب الشخص شيئا في حياته فانا لا ارتاح ابدال :
الممثل / علي مهدي
برنامج / البوني دمو تقيل ولا حضور له تلفزيونيا واحسن يفضل في الكتابة ومع ذلك لا اقرا عموده
امين حسن عمر
نافع علي نافع
فرفور
رائحة الدخان بانواعه والذين يدخنون في المناطق المغلقة
صوت الركشات
رائحة الكشنة
بكاء الاطفال عند المغارب
اما احب حاجة فهي بعض الشيئ غريبة :
رائحة البن
رائحة اللبن
رائحة ملطم الزبالة عند فتحها
رائحة نشارة الثلج
شرحبيل احمد
الهادي ودالجبل
ترباس
ملاح الورق بالجقاجق
ملاح القرع المسبوك
الجبنة روكفورد او البلو جيس
الراكوبة والعنقريب الهبابي
والبرد القارس
ومنظر النخيل في اليالي المقمرة
والحصاحيصا.

سلامات ياخال
تراكه بتريد الراكوبة والجقاجق نان ماااااااااالك بتكره المبدعين نافع وامين والدخاخين

حسن وراق حسن كتب:

والله يا ابوحراز بالغت في البوست دا
والمبالغة في انك بتكره ملاح القرح والمرارة!!
ولا بالتبادي داير اقول ليك والله انا الاكل دا لا اكره فيه اي شيء علما باني اكلت اشياء يمكن تثير التقزز مثلا كالضفادع وعلي فكرة لحمها اطيب من الحمام وكل الضفدعة توكل رجليها الخلفيتين فقط.. هنالك اشيتء نكرهها بلا مبرر والسبب في طريقة اعدادها وا
لان المطبخ اتغير وحدثت فيه ثورة في الاعداد والاضافات والكيمياء اما اللحوم النية فلها طريقة خاصة ولو جربت اكلت مرارة عند دناقلة الحصاحيصا تاني ما بتفوتها وخاصة الفشفاش الذي يخلص قبل الكبدة.
اما اذا كان بالضرورة ان لا يحب الشخص شيئا في حياته فانا لا ارتاح ابدال :
الممثل / علي مهدي
برنامج / البوني دمو تقيل ولا حضور له تلفزيونيا واحسن يفضل في الكتابة ومع ذلك لا اقرا عموده
امين حسن عمر
نافع علي نافع
فرفور
رائحة الدخان بانواعه والذين يدخنون في المناطق المغلقة
صوت الركشات
رائحة الكشنة
بكاء الاطفال عند المغارب
اما احب حاجة فهي بعض الشيئ غريبة :
رائحة البن
رائحة اللبن
رائحة ملطم الزبالة عند فتحها
رائحة نشارة الثلج
شرحبيل احمد
الهادي ودالجبل
ترباس
ملاح الورق بالجقاجق
ملاح القرع المسبوك
الجبنة روكفورد او البلو جيس
الراكوبة والعنقريب الهبابي
والبرد القارس
ومنظر النخيل في اليالي المقمرة
والحصاحيصا.

معقول الزبالة لها هذه النكهة ؟؟
النشارة فعلاً ليها رائحة مميزة 00 بتهدي النفس
والجميل ذلك الحب الذي تحمله للحصاحيصا
ومن يحبها يتوجب عليه اخراج الزكاة عن كل حول يمر على هذا الحب !!!
منظر النخيل مع القمر لوحة رائعة جدا
نحن في الجزيرة محرومين من هذه المناظر الممتعة
يبدو لي ان 90% من السودانيين يفضلون الجلوس بالراكوبة
لكنني لاحظت ان العناقريب في الرمق الأخير
شكلها كده تريد ان تودع هذه الفانية
والمشكلة ان الانسان حتى حينما يموت يتبعه هذا العنقريب الظريف 00 سبحان الله
لدينا واحد بالبيت دائما ما اقول لوالدتي { عنقريبك دا بيذكرني بالآخرة }

الجميل ابو حراز..اولا دعني احيك علي هذا البوست الرئع,,,ثانيا من اكتر الحاجات المابحبها الزول زو الوجهين قدامك معاك ووراك بطعنك في نص قلبك الشي التاني جني وجن الراجل الاضينه البسمع كلام مرتوا خصوصا البتحرشوا علي اهلوا والله دا اخير ليهو الضبح واخيراالكمونيه والباميه..تقبل مروري

حسن وراق حسن كتب:

امين حسن عمر

غايتو ماعارف زولك دا صاري وشو 24 ساعة
بعدين لو { كلكلتو } ما بضحك ليك
يعني مفروض يكون رئيس اتحاد العاب القوى
ولو ماعايز يبقوه رئيس الاتحاد العام للفروسية
دايماً بيذكرني بمدير مدرستنا في الابتدائي
ياخي والله كان منجضنا نجاض السواد
تصدق ياحسن الزول دا ما كان بيضحك نهائي الا في نهاية الشهر
بس يوم استلم الماهية !!!
اها لو عايز ليك إذن من المدرسة يوم الضحكة دي
وكان صهينت من اليوم دا خلاص الرمد كال حماد

حاجة جعفر محمود سيداحمد كتب:

الجميل ابو حراز..اولا دعني احيك علي هذا البوست الرئع,,,ثانيا من اكتر الحاجات المابحبها الزول زو الوجهين قدامك معاك ووراك بطعنك في نص قلبك الشي التاني جني وجن الراجل الاضينه البسمع كلام مرتوا خصوصا البتحرشوا علي اهلوا والله دا اخير ليهو الضبح واخيراالكمونيه والباميه..تقبل مروري

حاجة جعفر 00 شكراً على اعجابك بالبوست
وشكراً لتحيتك الغالية جداً