والله الحق سألنا لكن زول ساي وصف لينا مافي ..أها نسو شنو ؟؟

((اللبسأل ما بتوه دارنا نحن قريبة ليه
أنت ما مجبور علينا نحن مجبورين عليك

كان سألت علينا كنت عرفت إحنا الليلة وين
كنت أول لما أحنا نغيب ثواني تقول سنين
غيروك يا وحيدي ولا صابت ريدنا عين
اشتهينا تكون معانا .. ما لقينا حنان عينيك
انت ما مجبور علينا نحن مجبورين عليك

مرة شفناك يا الحنين طالى في حارتنا صدفة
جابنا ليك الريد وجينا الحصل جابتا إلفه
ولا لالا آلجابنا ليك .. لو بتطرا دربنا عرفه
إن سرحت شويه فينا وما رجيتنا عشان نجيك
انت ما مجبور علينا نحن مجبورين عليك

لسه مستنين تجينا ناسى طالبنك زيارة
يا جمال فرحتنا شاتل الصباحة بالنضارة
كان عمرنا زمان وروح .. في رجاك ما راح خسارة
انت ما تفكر تجينا .. نحن بالافراح نجيك))

نهايتو

فكرت أسأل
أسأل
أسأل
أسأل منو ؟
وأقول شنو ؟
وقول وصفو لي وجيت
أها أقبل علي الزهري ولا أتنيل بالتركواز ؟؟

سألت
وسألت
وسألت
لمن ريقي نِشِف
لا حس لا خبر
ما خليت زول
الماشين
والقاعدين
البلعبوا في الشوارع
النازلين من العربات
شفع المدارس
أسياد الدكاكين
أسياد الطبالي القدام الدكاكين
أهل العربات
قربت أروح
وفي الآخر
فراج ياكريم
لقيت ودحلال وصف لي
خطوات والحمد لله وصلت
ووقفت في عرفة باب الحوش
متردد والكرعين دي خاشه في دي
والقليب يدق
دق
دق
دق
أتلفت زي سيد الرايحة
ياربي ياهو
ولا ماياهو
إتوكلت علي الحي المابموت ودخلت

(( نور بيتنا و شارع بيتنا
يوم ما جيتنا
يالهليت فرحت قلوبنا
إطريتنا الليلة وجيتنا
كنا فرشنا السكة ورود
لو كلمتنا كان بالجية
خطوة عزيزة ويوم موعود
الخلاك تطرانا شوية
الحظ الجانا
غشى سكتنا
جانا وجابك لينا هدية
يالهليت فرحت قلوبنا
إطريتنا الليلة وجيتنا
شوف شتلاتك كيف نشوانا
والفل فرهد فرحان في البيت
والريحان طربان يتمايل
غازل زهرة وعاين ليك
كل البيت خليتو في فرحة
ضاحكه قلوب وقلوب منشرحة
جيت واكتملت بيك اللوحة
تسلم سيرتك أهلاً بيك))

يا محبوب اعمل نايم

إضرو لي ضرور
ووين لقيتو شآآن آباوو

كن بخير استاذي عشي

الاخ - ارجو ان تسال العنبة الرامية فوق بيتنا

يا المحبوب بس ما تكون
لمحتو وقلت بر آآآآآآآآآآآآآآآآآآآآمن بديت تحلم

يا المحبوب الشي مااااااابتوصف قالولك اعمل رايح

الإخوة الأعزاء الأفاضل عبد اللطيف وإيناس وأبو أمجد كل سنة وانتم بألف خير ، البنيات قدمن آداء غاية في الرقة ، بعدين ملكة بتاعة تطريب قمة في الروعة ، الله يسامحن الكبرننا وسمحن وسِمِح غناهن خصوصاً في

لسه مستنين تجينا ناسى طالبنك زيارآآآآآآآآآآآآآآ
يا جمال فرحتنا شاتل الصباحة بالنضارآآآآآآآآآآآآآآآآآآآآآآآآآآ
كان عمرنا زمان وروح .. في رجاك ما راح خسارآآآآآآآآآآآآآآآآآآآآآآآآآ