تزوير يا اخونا تزوير

بعد الاطلاع علي ملامح صورة اخونا وعضو المنتدي مبارك محمد عثمان التي نزلت لنا بمنتدي الحصاحيصا كوم تاكد لنا انه قام بتغير وتبديل كبيرين في الصورة مما يعد ذلك تزوير ويمكن يسأل عنه مبارك قانونا لارتكابة جناية التزوير من قبل جماعة القانونين بالمنتدي وهنا العقوبة حاتكون كبيرة لان مرتكب الجريمة قانوني كبير ورئيس القانونين بالمنتدي
الاخوان صداح فاروق وامين الركابي هل انتم مستعدين للشهاده في هذه المحاكمة
لكم كل الود

وبالتالى يا كمال الجمل عشان ما تتشفى هذه الظاهرة
وبعد شوية نلقى العجائز ذى ناس وراق وعدوى وبكرى عملوها
نطالب بتوقيع اقصى العقوبات على كل من يفعل لك
ولكن والشهادة لله الربو ده من زمان مكمل الاناقة والوجاهه

ياعمار وكونى
سلامات .... طبعا دى واحده من القضايا الخاسرة بالنسبة للقانونى الضليع كمال الجمل .... وزى ما صاحبنا داك مشي لاهاى براهو انا كمان حاجى المحكمة براى .. معتمدا على اسانيد ودفوع وبراهين كثيرة تؤيد ما ذهبت اليه فى ارسال ( الصورة القنبله) وتلودى يشهد على ان ( الربو) من زمان ملك الاناقه ( يعنى مزيقة ) يا كمال الجمل ولو ماعرفت معنى مزيقة دى خلى ناس ( حى العمده ) يشرحوها ليك .. ويشرحو ليك برضو ( ربو اذا شكا القميص ) وينك ( يابوتو) كلم كمال الجمل ده شويه ... اها ياكمال ابقى مارق دربك للمحكمة عديل ( لاهاى) بعدين ما تكوس ( اجاويد)

الانيق مبارك محمد عثمان
الرائع عمار تلودي
العزيز امين الركابي
تحياتي لكم
وطبعا انا قلت الصورة فيها تزوير واخفاء للمتغيرات التي حدثت بعامل الزمن ولم اشكك في اناقة الربو (وشكة قميصه)
ولازلت مصر علي التزوير الذي طرأ علي الصورة وبالرغم من الضغوط التي مورست علي من عدة جهات ومنظمات دولية واحياناً واغراءات يسال لها اللعاب بالسكوت عن هذا الموضوع الا انني لم اسكت حتي ينزل لنا الاستاذ مبارك صورة حديثة بس فقط حا استجيب لنداء الغالي امين الركابي بالسكوت عن الموضوع حتي الخامس من الشهر القادم ( قصرت معاك ياامين)
كل الود

نعم ..كمال الجمل هنالك تزوير ... ونطالب بمحاكمه عادله ولياتى مبارك بما يثبت انه لم يزور ..
بالله ياكمال شوف الاستديو ده وين وحضر النقتف .. وبعد داك نحن عندنا اساليبنا لكشف المستور ..
كونوا بالف خير

الاخ بكري تحياتي
وطبعا انا وعدت امين الركابي ما حاتكلم في الموضوع دا الا بعد يوم 5/ 6 لكن بيني وبينك انا مغيوظ شديد من القجة القدام دي ولكم كل الود

[color=indigo]يا أخوانا أمسكوا مني كمال دة ،، الدنيا اّخر شهر ،،
يا كمال الجمل ،،
.................
امين .. تحياتى
بس لحدى اخر الشهر .. مافى زيادة شوية .. ماتبقى بياع

بكرى عثمان حمد كتب:

نعم ..كمال الجمل هنالك تزوير ... ونطالب بمحاكمه عادله ولياتى مبارك بما يثبت انه لم يزور ..
بالله ياكمال شوف الاستديو ده وين وحضر النقتف .. وبعد داك نحن عندنا اساليبنا لكشف المستور ..
كونوا بالف خير

...............
ياوجيه ... خليك من كلام كمال ده .. ابسط القواعد القانونية بتقول ان التزوير يتم فى الاصل , يعنى طالما كان الاصل ثابت فليس هناك تزوير .. يعنى ما يحوم حول الاصل هذه تسمى تحسينات ( بديعيه) بعدين حسب النظام الاساسى لاتفاقية روما ان التزوير فى حد ذاتو ( مجردا) لايعتبر جريمة انما الجريمة تكتمل عناصرها فى الاعتداد بالمحرر المزور ... واخوك لو اتزنق بسحب المحرر وبكتل الدش فى ايد كمال .. بس رايك شنو فى التحسينات البديعية دى ( ما بتقدروا على اولاد حى العمده ) ههههههههه

كمال الجمل كتب:

الاخ بكري تحياتي
وطبعا انا وعدت امين الركابي ما حاتكلم في الموضوع دا الا بعد يوم 5/ 6 لكن بيني وبينك انا مغيوظ شديد من القجة القدام دي ولكم كل الود

.................
يا ابو كمال
امسك فى امين ده قوى (ده شاهد ملك ) بالنسبة لقضيتك ....
هاك ( القجه) دى ههههههه

من خلال الحيثيات السابقة ورغم أننى غير قانونى ولكن أتمنى من البوردات تعيينى قاضى شرعى أو فى محكمة العمد.
أرى مما سبق ومما قاله الاتهام نفسه أن مبارك رجل قانون وليس فنى تصويرلذا أرى أن الاتهام ليس فى محله فان كان هنالك تزويرفكان على الاتهام توجيه التهمة لصاحب الاستديو لأن صاحب الأستوديو لو كان أخرج الصورة سوداء أو قبيحة فهل كان الاتهام سيوجه تهمة لمبارك.
أرى شطب الدعوى وتعويض المتهم ان شاء الله ببيت شعر.

ياربو الباروكة ما عندك!!!!!!!!!!!!!!!!!!!!!!!!!!!!!انت عملت للباروكة زيت زيتون ولا زيت دابر املا

الاخ خضر جندي... يبدو انك ستكون قاضياً فاشلاً...
لذلك أنا لا أثني تعيينك قاضياً او محامياً او حتى عمدة... لأن المتهم في التزوير اعترف ضمنياً بأنك هناك تحسينات وهذا كما يقول (اهل القانون)...
الاعتراف سيد الادلة ومن هنا تقرر اعادة الصورة المزورة واحضار الصورة الحقيقية...
وهذه عقوبة خفيفة نسبة لوجاهة صاحب الصورة الطبيعية والتحسينات اعتقد انها اعطت فرصة للنيل منه...
كونه رجل قانون يجب عليه ألا يدخل أي تحسينات... وهذه وجهة نظري والله الموفق

تخريمة:
يا أستاذ كمال رأيك شنو في انو اولاد حي العمدة اوجه من الحلة الجديدة

عاشت السينما الهندية..........................وعاش الفوتوشوب الهندي................ وعاش اميتاب با(ربو)

خضر الجندى كتب:

من خلال الحيثيات السابقة ورغم أننى غير قانونى ولكن أتمنى من البوردات تعيينى قاضى شرعى أو فى محكمة العمد.
أرى مما سبق ومما قاله الاتهام نفسه أن مبارك رجل قانون وليس فنى تصويرلذا أرى أن الاتهام ليس فى محله فان كان هنالك تزويرفكان على الاتهام توجيه التهمة لصاحب الاستديو لأن صاحب الأستوديو لو كان أخرج الصورة سوداء أو قبيحة فهل كان الاتهام سيوجه تهمة لمبارك.
أرى شطب الدعوى وتعويض المتهم ان شاء الله ببيت شعر.

..................
خضر الجندى
دوما انت نصيرا للعداله ... وبكلامك ده انتا قانونى عديل لانو ده فعلا كلام القانونيين ... اذا لم يتم تعيينك من قبل البورداب كقاضى فانا اعينك كاساسي فى هيئة الدفاع وانا متاكد من انك سوف تكسب القضيه لانو دفوعك تصب فى اتجاه صحيح من حيث وزن وتقييم البينه ... ونحنا نطالب الاتهام بالتعويض قصيده كاملة

الجــراوي كتب:

الاخ خضر جندي... يبدو انك ستكون قاضياً فاشلاً...
لذلك أنا لا أثني تعيينك قاضياً او محامياً او حتى عمدة... لأن المتهم في التزوير اعترف ضمنياً بأنك هناك تحسينات وهذا كما يقول (اهل القانون)...
الاعتراف سيد الادلة ومن هنا تقرر اعادة الصورة المزورة واحضار الصورة الحقيقية...
وهذه عقوبة خفيفة نسبة لوجاهة صاحب الصورة الطبيعية والتحسينات اعتقد انها اعطت فرصة للنيل منه...
كونه رجل قانون يجب عليه ألا يدخل أي تحسينات... وهذه وجهة نظري والله الموفق

تخريمة:
يا أستاذ كمال رأيك شنو في انو اولاد حي العمدة اوجه من الحلة الجديدة

..............
يا جراوى مساك الله بالخير
ياخى اسحب كلامك ده د. الكييك مايسمعو ... كيف تعد التحسينات ان وجدت تزوير ... لو افترضنا عندك كومر ( حلوه دى) وكومر قديم كمان وقمت ببعض التحسينات عليه ( وصار ماشاء الله بدور فى امن وامان ) ومشيت المرور تسجلو يقوموا ناس المرور يرفضوا تسجيلو بدعوى انك قمت بتزوير فى ملامح الكومر ... نطلب منك الانضمام لهئية الدفاع ونعدك بتقديم مرافعه قوية جدا تمكن البورداب من اجراء التحسينات الازمه لكل الصور الائله للسقوط (اقصد الكوامر منهم) ههههههه ...ز متعك الله بشبابك

حسن وراق حسن كتب:

يا جماعة والله انتو طلعتو برة الموضوع
الاخ مبارك وهو قانوني ضليع داير يطفشكم من القضية ويحيد ابناء حي العمدة .. لكن
زي ما قال الربو :
التزوير في الاصل
في هذه الحالة الاصل يابركة
عندما تصحو من النوم.. ودي دايرا ليها كاميرا خفية
تخريمة:
الربو اذا شك القميص.. شك قلوب الدائشات بخنجر
او هكذا قال بوتو عليه السلام!!!

..............
حسن وراق يا حبيب
طالما اتفقت معى فى ان التزوير بتم فى الاصل يعنى صاحبك كلام قضيتو راحت شمار فى مرقه ... وطبعا يا وراق ( نحن ان اصبح صبح نترك النوم ونصحو ) ولمن نصحو بنصحو ( مزيقات) يعنى ما تخاف على اخوك نفس الوجاهه الزمان ( ويا حليل زمان) بعدين بيت الشعر يقرا صحيحا هكذا
الربو اذا شكا القميص فانه شكا قلوب الفاتنات باسهم ( شفتا الثقة دى )
ابناء حى العمده دوما لنصرة القضية

صداح فاروق وراق كتب:

ياربو الباروكة ما عندك!!!!!!!!!!!!!!!!!!!!!!!!!!!!!انت عملت للباروكة زيت زيتون ولا زيت دابر املا

...............
الحبيب صداح
كلامك ده بذكرنى ( حجوه ) كانت حبوبتى ( بت الحسن) زمان بتحجينى بيها قبل انوم وتقول فى بدايتها
( الغول الغول البنوم شهر والبصحى دهر ... فاطمة السمحه نوارت الفريق شالوها )
انت لسع من زمن الباروكة القصة اتطورت وجابت ليها ( فوتو شوب) ( وفوتوكب) خلينا نلحق الجماعه
شفتا نحنا من زمان بحجونا ( بالجكس) عشان كده الوجاهه ضروره حتميه

صداح فاروق وراق كتب:

عاشت السينما الهندية..........................وعاش الفوتوشوب الهندي................ وعاش اميتاب با(ربو)

.............
والله تبارى لى Z افلام ( بوليود العربيه) تلقى نفسك فى ( بومبى) اصلا هى قريبة من النهده ... ( النهده دى الحى الساكن فيهو صداح فى الشارقة كلو هنود )

مبارك عثمان كتب:

صداح فاروق وراق كتب:

عاشت السينما الهندية..........................وعاش الفوتوشوب الهندي................ وعاش اميتاب با(ربو)

.............
والله تبارى لى Z افلام ( بوليود العربيه) تلقى نفسك فى ( بومبى) اصلا هى قريبة من النهده ... ( النهده دى الحى الساكن فيهو صداح فى الشارقة كلو هنود )

ياربو من هسه بقيت هندي ولا شنو؟ راجع معلوماتك لانو انا مش ساكن النهدة! وبمناسبة قضية التزوير(اصل السالفة) دي والله فريد الديب ما يطلعك براءة

يااخوانا المتهم برى حتي تثبت ادانته وانشاء الله براءة يااخونا مبارك ياسادتي القضاة سادتي المستشارين ان موكلي لم يخطي ابدا وهذا في تقريره (الصورة ) التي امامكم لذلك اطلب البراءة وشكرا تخريمة (بيني وبينك دا فوتوشوب ولا 3جي ماكس)

صداح فاروق وراق كتب:

مبارك عثمان كتب:

صداح فاروق وراق كتب:

عاشت السينما الهندية..........................وعاش الفوتوشوب الهندي................ وعاش اميتاب با(ربو)

.............
والله تبارى لى Z افلام ( بوليود العربيه) تلقى نفسك فى ( بومبى) اصلا هى قريبة من النهده ... ( النهده دى الحى الساكن فيهو صداح فى الشارقة كلو هنود )

ياربو من هسه بقيت هندي ولا شنو؟ راجع معلوماتك لانو انا مش ساكن النهدة! وبمناسبة قضية التزوير(اصل السالفة) دي والله فريد الديب ما يطلعك براءة

...............
جنك غلاط .... اجيب ليك ناس البلديه .......... هههههههههههه

محمد علي جبريل كتب:

يااخوانا المتهم برى حتي تثبت ادانته وانشاء الله براءة يااخونا مبارك ياسادتي القضاة سادتي المستشارين ان موكلي لم يخطي ابدا وهذا في تقريره (الصورة ) التي امامكم لذلك اطلب البراءة وشكرا تخريمة (بيني وبينك دا فوتوشوب ولا 3جي ماكس)

...............
حبيبنا محمد على
زورنا وانتا تعرف ... والله الصوره حقيقية 100% نفس الملامح والشبه , المشيه ذاتا وقدلتو
موكلك برى اطمئن ... الناس ديل ( طاير ليهم ساكت)