تزوير يا اخونا تزوير

بكرى عثمان حمد كتب:

انا صوره مبارك دى عاوز انافس بيها فى كتاب قنس للتزوير الخارق ... !!
New Genus Records for falisification

بكرى

...............
بكرى سلام ...
شايفك اتبنيت قضية الاتهام اكتر من كمال الجمل ... ياخوى دى قضية خسرانه عشان كده الجماعه جابوا ليهم ( فزره) انتا تعال عندنا ونحنا براحه بندخلك ( الزون)

اها يا جماعه دليل اثبات تانى .. الزول ده عايز يشترى سكاتى بالاغراءات

بكرى عثمان حمد كتب:

اها يا جماعه دليل اثبات تانى .. الزول ده عايز يشترى سكاتى بالاغراءات

................
هههههههههههه
ده دليل نفى ياعمك ... وحياتك دليل نفى ...

ملاحظه:
المثل السودانى بقول ( الحرامى فى رأسه ريشه) او المتهم (مبارك)


وبالمقابل البرىْ بلزم الصمت حتى النطق بالحكم.


وكونو مبارك ناطىء كل دقيقه مره نافى ومره راشىء
ده دليل ادانه (رغم أنى مابعرف مبارك)

الله؟ كيف ما بتعرفيهو يا فايزة؟ نحن ما كنا جيران في الحلة الجديدة و الا انتِ ما بت ود السيد؟

خالد محمد عثمان كتب:

الله؟ كيف ما بتعرفيهو يا فايزة؟ نحن ما كنا جيران في الحلة الجديدة و الا انتِ ما بت ود السيد؟

ياخالد .. بت والسيد دى الكبُر والخرطوم والوليدات ما زادو وتائر الزهايمر!!
ياخى دى صورتى بتقولى دحين دى ما صورة عاكف ،خليك من صورة راجى
كومار دا .. نهى Mubarak s photo now its falsification

تستاهلى يا فايزه انتى الجابك للناس بتاعين التزوير ديل شنو .. ما شايفانا نحن بنفلع ونجر ..
انت كمان يا عاطف بتبالغ .. يعنى ناس حسن وحسن ديل...!!!!! رفع عنهم الكتاب ..!!
كونوا بخير ..

فايزه السيد كتب:

ملاحظه:
المثل السودانى بقول ( الحرامى فى رأسه ريشه) او المتهم (مبارك)


وبالمقابل البرىْ بلزم الصمت حتى النطق بالحكم.


وكونو مبارك ناطىء كل دقيقه مره نافى ومره راشىء
ده دليل ادانه (رغم أنى مابعرف مبارك)

............
فايزه تحياتى
اولا انتى عملتى عدد (2) بلنتى ( فاول ) يعنى ودى لو ما بتعرفيها اسالى منها مصطفى لياقه
الفاول الاول انك قلتى انتى ما بتعرفينى ... وطبعا الكلام ده ( بى استيكه) مسح كل محاولاتك للانضمام لهيئة الاتهام المؤقره ... اذا فى زول ما بعرف جيرانو ( يكون الكلام زى ما قال عاطف) عموما ياستى اول مره اسمع لى برى يلزم الصمت والقاعده القانونيه بتقول ان المتهم اول من يتكلم طيب يافايزه لو لزم الصمت كيف بدافع عن نفسو ( ده الفاول التانى) فايزه عاوز ارجعك لى زمن جميل لو تتذكرى دكان ( الحاجه حمراء) ام عوض خضر جندى ( احلى ناس واحلى ايام ) الدكان ده موش كان الناصيه الجنبكم ( كان فاتحو ابوى ) محمد عثمان .... يعنى عندك فرصة واحده انو انا داخل بى مبارك عثمان يعنى فيك تقول انا لخبطا بين مبارك محمد عثمان ومبارك عثمان ... لاننا كنا جيران ازيد من 5 سنوات ... وكان صديقى ( جدى ) ود السيد عندو عنقريب بختو قدام الدكان بجى اقعد معاهو معاى عثمان داؤد .. وميرغنى حمد .. وفيصل محمد صالح ... وشروم .. ذكرتينى ايام حلوه جميله احن اليها ومعى اخى خالد دوما

عاطف اسماعيل كتب:

خالد محمد عثمان كتب:

الله؟ كيف ما بتعرفيهو يا فايزة؟ نحن ما كنا جيران في الحلة الجديدة و الا انتِ ما بت ود السيد؟

ياخالد .. بت والسيد دى الكبُر والخرطوم والوليدات ما زادو وتائر الزهايمر!!
ياخى دى صورتى بتقولى دحين دى ما صورة عاكف ،خليك من صورة راجى
كومار دا .. نهى Mubarak s photo now its falsification

..............
عاطف
لوك الصبر نحنا قاعدين نحرض فى ذاكرة فايزة ... نحنا موش زى الجماعه بنتهم ونحكم طوالى لازم ندى المتهم حرية كافية لتقديم دفوعه ..

خالد محمد عثمان كتب:

الله؟ كيف ما بتعرفيهو يا فايزة؟ نحن ما كنا جيران في الحلة الجديدة و الا انتِ ما بت ود السيد؟

............
خالد
اظنها هى قاصده النيو لوك

بكرى عثمان حمد كتب:

تستاهلى يا فايزه انتى الجابك للناس بتاعين التزوير ديل شنو .. ما شايفانا نحن بنفلع ونجر ..
انت كمان يا عاطف بتبالغ .. يعنى ناس حسن وحسن ديل...!!!!! رفع عنهم الكتاب ..!!
كونوا بخير ..

...........
ياعمك
اظنو عبر النت ده دى مساله بتشبه السفر .. وفايزه عاوزه تستفيد من فوائد السفر
ياحبيب
حجرك الاخير ده عوقنا .. المساله دى بتاثر فى قضية الاتهام وبتكون عاوزه تعويض

يا جماعه انتو غلطانين صاح انا بت ود السيد اخت لياقه والسر وناس عثمان داوود وفيصل وميرغنى كلام صاح

لكن الغلط فى انه انا ماالزوله القاصدنها زمن دكانكم والزمن الجميل حسب روايتكم

ود السيد عنده فوزيه دى البتعنوها(وياعاطف وبكرى) خليكم بره دى قضيه جديده

لكن انا فايزه الاصغر بكتير من فوزيه

وبعد كده انا ماحاتكلم لحين حضور المحامين بتاعنى(الحق ياجاهورى) ولحد ماننزل صور

لكل من فوزيه وفايزه.

ا

ياييييايا جماعة والله بت ود السيد دي هباشه تعمل في الفاولات لحدي ما دخلتم جوه البيت والمشكله بقت مش راس مبارك عمرفوزيه كم يا ناس الزمن الجميل....................

والله ياجماعة المسألة بقت أكبر من (قضية تزوير ) دى خاشة على تقيل وخاصة إنكم بديتو تتكلموا عن المسكوت عنه والحديث عن الزمن الجميل ده الظاهر حيجر لحاجات تانية ....الظاهر اللعبة سخنت

يا جماعة دا كلو لانو فايزة دايرة تقول ليكم انا ما قدركم! هي فعلا الصغيرة!

فايزه السيد كتب:

يا جماعه انتو غلطانين صاح انا بت ود السيد اخت لياقه والسر وناس عثمان داوود وفيصل وميرغنى كلام صاح

لكن الغلط فى انه انا ماالزوله القاصدنها زمن دكانكم والزمن الجميل حسب روايتكم

ود السيد عنده فوزيه دى البتعنوها(وياعاطف وبكرى) خليكم بره دى قضيه جديده

لكن انا فايزه الاصغر بكتير من فوزيه

وبعد كده انا ماحاتكلم لحين حضور المحامين بتاعنى(الحق ياجاهورى) ولحد ماننزل صور

لكل من فوزيه وفايزه.

..................
يافايزه سلام
طالما ناديتى جاهورى يادوووب قضيتك ( طرشقت) اصلو ده صاحبى ( وشوتو كلو ضفارى) يعنى القضيه بقت فى جيبنا من اسع ...وطبعا ( صلب القضيه) وعنصرها الجوهرى انك بنت السيد .... نحنا ناخذ المدعى عليه باقراره ونلتمس حجز الدعوى للحكم ( الا الجاهورى يجى يزور فى الاقرار) بعدين انتى القال ليك جيبى سيرة العمر منو ( دى قضية تانيه) مدعى عام المنتدى سوف يقوم بتحريكها خلال مقبل الايام .. اصلو ناس بكرى وعاطف ديل دايريين يعملو فيها دفعتنا ....

حسن كيشو كتب:

ا

ياييييايا جماعة والله بت ود السيد دي هباشه تعمل في الفاولات لحدي ما دخلتم جوه البيت والمشكله بقت مش راس مبارك عمرفوزيه كم يا ناس الزمن الجميل....................

...............
ياكيشو , كلام 100% صحيح ... عشان راس مبارك ده مكلف كتير منتظريين الفصل فى القضية وبعد داك بقت عندنا قضية تانيه , عمر فوزيه كم

رحمهG.T كتب:

والله ياجماعة المسألة بقت أكبر من (قضية تزوير ) دى خاشة على تقيل وخاصة إنكم بديتو تتكلموا عن المسكوت عنه والحديث عن الزمن الجميل ده الظاهر حيجر لحاجات تانية ....الظاهر اللعبة سخنت

..................
سخنت بالحيل يا رحمه

خالد محمد عثمان كتب:

يا جماعة دا كلو لانو فايزة دايرة تقول ليكم انا ما قدركم! هي فعلا الصغيرة!

...............
خالد تحيات
اصغر من منو ... من فوزيه ولا منك ولا منى , بعدين نحنا من سبنا الحله الجديده ود السيد ما كان عندو اولاد اصغر مننا تتذكر

يا ربو طول بالك
القمم مستهدفة
وسيبك من ناس بكرى وراق ديل
اصلو عشان ما عندهم شعر عايزين يعملوا من عدم الموضوع موضوع
وقصة بت ود السيد ديه ح ارجع ليك ليها

السلام عليكم وبعد الالتزام الذي قطعناه مع شاهد الاتهام الاول امين الركابي عدنا لمواصلة قضية الاتهام
ومن جانبنا سنقوم بتقديم صورة حديثة لهيئة المحكمة الموقرة المكونة مولانا مدثر عثمان الجاهوري رئيسا ومولانا أيهاب عبدالرحيم عضوا ومولانا مناع بدوي عضوا كمستند اتهام للمتهم الهارب من وجه العدالة مبارك محمد عثمان
وسندعم قضيتنا ب77 شاهد اتهام وجميعهم من ابناء الحصاحيصا المواجدين بدولة الامارات العربية لاثبات التزوير وبعد ذلك انا متاكد المحكمة ستصدر قرارها لصالح الاتهام// المتهم مبارك نناشدك بان توفر وقت المحكمة وسجل اقرار قضائي امكن يخفف عليك// كل الود

يحيا العدل ... يحيا العدل
لا لتزوير ... لا لتزوير

عمار تلودى كتب:

يا ربو طول بالك
القمم مستهدفة
وسيبك من ناس بكرى وراق ديل
اصلو عشان ما عندهم شعر عايزين يعملوا من عدم الموضوع موضوع
وقصة بت ود السيد ديه ح ارجع ليك ليها

..........
طبعا ياعمار القمم مستهدفه ... لكن النار المولعه دى البطفيها منو

كمال الجمل كتب:

السلام عليكم وبعد الالتزام الذي قطعناه مع شاهد الاتهام الاول امين الركابي عدنا لمواصلة قضية الاتهام
ومن جانبنا سنقوم بتقديم صورة حديثة لهيئة المحكمة الموقرة المكونة مولانا مدثر عثمان الجاهوري رئيسا ومولانا أيهاب عبدالرحيم عضوا ومولانا مناع بدوي عضوا كمستند اتهام للمتهم الهارب من وجه العدالة مبارك محمد عثمان
وسندعم قضيتنا ب77 شاهد اتهام وجميعهم من ابناء الحصاحيصا المواجدين بدولة الامارات العربية لاثبات التزوير وبعد ذلك انا متاكد المحكمة ستصدر قرارها لصالح الاتهام// المتهم مبارك نناشدك بان توفر وقت المحكمة وسجل اقرار قضائي امكن يخفف عليك// كل الود

.....
نلتمس من عدالة المحكمة امهال الاتهام لفرصه اخيره لعرض قضيته وتقديم الصوره الحديثه كمستند اتهام واذا فشل الادعاء فى ذلك نلتمس من عدالتكم شطب الدعوى واعتبارها كان لم تكن
شكرا سيدى الريئس

عاطف اسماعيل كتب:

يحيا العدل ... يحيا العدل
لا لتزوير ... لا لتزوير

.......
نمتنع عن الادلاء باى حديث صحفى حيث ان القضيه مازالت قيد النظر بواسطة المحكمة المؤقرة