يا اخوانا ردوا عليكم الله

يا اميركو ما كفايةانهم بردوا فى الترحيبات والتبريكات وال........

مرحباً بك الأخ أمير وحللت سهلاً
ونتمى لك إقامة طيبة في منتداك الفسيح الرحيب
والردود بجيك لي عندك بس ألزم الصبر شوية وإن شاء الله لمن تقول اللهم أحسن وبارك

اخي الرشيد انت قلت الحقيقه البعاني منها اشخاص كتيرين في هذا المنتدي (موضوع الشله) ممكن ترد علي موضوع اكون فيهو حوار وانت عايز تفيد وتستفيد لكن ما اعبروك حتي (بشكراعلي المرور)وغيرك زول الشله لو قال حرف اقولوا ليهو حرفك رهيب وما حصل قبل كده....عشان كده في ناس كثيرين جدا بدخلوا كمتصفحين لانو هم عايزين اتواصلوا مع الناس بس .............
في النهايه نحنا عايزين الفائده للجميع عايزين نكون اخوان امنا الحصاحيصا

برضه رجعنا للمربع الاول بتاع الشلليات الاصلن ماموجده لانه الرد والتعقيب حق شخصي وكل انسان عنده خيار ارد علي مايراه من وجهة نظره يستحق الرد .عفوا ان بعض الظن ... وهنالك الاهم الذي نحتاج فيه لجهد الجميع .والله والحصاحيصا من وراء القصد.دمتم

Badr Abbas كتب:

يا اميركو ما كفايةانهم بردوا فى الترحيبات والتبريكات وال........

اخ بدر عباس
تحياتي واحترامي ... هههههههه لا يا بدر ما كفايه .. الحاجات الجاده ادوها نصيب برضو
تسلم

الرشيد حبيب الله التوم كتب:

كان هناك و لا زال مُشكل في أن الردود علي المواضيع يأخذ طابع الشللية، حيث يحلق البعض حوال البعض الأخر حتي و لو كتب أحدهم (كلام الطير في الباقير) أو كلام (خارم بارم) أو أحاديث مكررة في مواضيع مكررة أيضاً و تكون أخذت حظها من النقاش اللازم و (غير اللازم)..!!،ركضت المجموعة نحو ما كتب و خلقت من الفسيخ شربات..!!هذا من جانب، ومن الجانب الأخر و كما تفضلت،هناك من يكتب بوست و لا يعود لمتابعته لدواعي شتي أهمها علي الإطلاق أن كاتب البوست يكون قد كتب كلام (ما قدورو) و بالتالي (يكب الذوقة)..!! كما أنه في بعض المواضيع يكون كاتب البوست أفرغ ما لديه من أفكار في فكرة الموضوع الأولي و تكون مداخلات الأخرين إضافات لما كتب و يكتفي بذلك بدلاً من أن يرد عليهم ب(شكراً علي المرور)، و أخيراً ، هناك سبب هام لعدم الرد خصوصاً في المواضيع الجدلية أن البعض ( و أنا أولهم) يتحاشون الدخول في حوارات مع أشخاص لا يعرفونهم لأن الأخيرين يختارون لأنفسهم أسماء مستعارة تكون موضع تشكيك و حذر كبيرين.. يا أمير
و دمت

الرشيد كتر الف خيرك
ربنا خلق البشر شعوبا وقبائل ليتعارفوا والافضليه بالتقوى .
انا بستغرب جداً انكم بتكتفوا بالبتعرفوهم بس . طيب مادام ما عايزين تعرفوا ناس جدد اصلا سجلتوا عضويه ليه ؟ ثانيا بكده انت اول زول بتدعوا للشلليه . يا اخ الرشيد شايفك بتفلق وتداوي .

بعدين ياخي انا ما نكره ولا اسم مستعار .
انا امير رحمة الله ابراهيم
ابن رحمة الله ابراهيم تاجر اسبيرات
( انصار سنه ) بالمنطقه الصناعيه الحصاحيصا
امي بنت خال ابوي (( مطلقه ))
اعمل بشرطة رفاعه

المحبوب أحمد الأمين كتب:

مرحباً بك الأخ أمير وحللت سهلاً
ونتمى لك إقامة طيبة في منتداك الفسيح الرحيب
والردود بجيك لي عندك بس ألزم الصبر شوية وإن شاء الله لمن تقول اللهم أحسن وبارك

المحبوب كيفك
والله مواضيعك كانت سبب لتسجيلي هنا (( يشهد الله على ذلك )) ولا حظت كترة المارين وقلة المتداخلين . واتداخلت نع عدد من الكتاب طنشوني ( لامن اتعقدتا ) قلت النلفت نظر الناس يمكن ما بنشاف .
اها..... انا بلزم الصبر كتر خيرك برضو

مهجه فارس كتب:

اخي الرشيد انت قلت الحقيقه البعاني منها اشخاص كتيرين في هذا المنتدي (موضوع الشله) ممكن ترد علي موضوع اكون فيهو حوار وانت عايز تفيد وتستفيد لكن ما اعبروك حتي (بشكراعلي المرور)وغيرك زول الشله لو قال حرف اقولوا ليهو حرفك رهيب وما حصل قبل كده....عشان كده في ناس كثيرين جدا بدخلوا كمتصفحين لانو هم عايزين اتواصلوا مع الناس بس .............
في النهايه نحنا عايزين الفائده للجميع عايزين نكون اخوان امنا الحصاحيصا

يا مهجه سلامات يا ختي
ممكن ترشحي لي شله كاربه انضم ليها ..... ينوبك ثواب

محمد فارس كتب:

برضه رجعنا للمربع الاول بتاع الشلليات الاصلن ماموجده لانه الرد والتعقيب حق شخصي وكل انسان عنده خيار ارد علي مايراه من وجة نظره يستحق الرد .عفوا ان بعض الظن ... وهنالك الاهم الذي نحتاج فيه لجهد الجميع .والله والحصاحيصا من وراء القصد.دمتم

بس يا ود فارس ((اتنين لو قالوا لك راسك مافي افقدوا ...))
بعدين تم الحديث ما تبترو(( ان بعض الظن اثم )) ان شاء الله يكون كلامك صاح اصلي بكره الشلليات و الاشياء دي ..

اقتباس :

تجد في حديث الأخت (مهجة فارس) أعلاه تأكيد لم بعض مما ذهبت إليه أنا.. فهل هي (مفلقاتية) أيضاً ..؟؟
لم أقل إنك (نكرة) و إن فهمت ذلك، فلك عُذري.. و أرجو الإعتذار لي عن الدعوة للشللية التي أتبرأ منه و أقف ضدها و و التي هي مستنكرة من كثيرين هنا، كما أنني لا أفلق و و ليس لي علاقة بالمداواة أو (الإندراوة).. و لو جنحت للتفلق، سيستحيل الإستشفاء..

اقتباس :

و أخيراً ، هناك سبب هام لعدم الرد خصوصاً في المواضيع الجدلية أن البعض ( و أنا أولهم) يتحاشون الدخول في حوارات مع أشخاص لا يعرفونهم لأن الأخيرين يختارون لأنفسهم أسماء مستعارة تكون موضع تشكيك و حذر كبيرين.. يا أمير
و دمت

اخي الرشيد (( الظاهر انت كوز ))
لانك حاولت تلتف حول الاجابه . وجاوبت من النص وخليت النص التاني ودي مهارات(( كوزيه))

قلت ليكم انا بالواضح انتو ما بتردوا على العموم وما خصصت
وانت اتصديت مشكور واشرت بانو في شلليه .
ومن غير ما تقصد او تنتبه دخلت نفسك في التهمه بكلامك الفوق ده .
وقلت انك حذر مع ناس الاسماء ((القفر )) او المستعاره .

وده معناه ضمنا انت ما بترد على زول ما بتعرفو واكدتها برضو . وده تكريس للشلليه يا استاذ ولا انا غلطان ؟.
بمعنى اوضح انت بتتهم الناس وبجنبه تانيه بتدخل نفسك في حظيره الاتهام معاهم .(( عشان كده انا قلت ليك انت بتفلق وبتداوي )) واذا ما عجبتك ممكن اسحبا .

انا جبت ليك نسبي وحتى امي المطلقه ودكان ابوي الفي المنطقه عشان ترد وانت مطمئن
ووريني محلك اجيك بنفس عشان تطمئن اكتر رائك شنو ؟
اعفيني من الاعتزار لاني ما غلط عليك .
اعتزر انت لنفسك لانك انت الاتهمتها مش انا !!!!

الاخ امير لك التحية
لا اظن الموضوع بستاهل اترفع للادارة والمساءلة مناقشة واختلاف فى وجهات النظر وفى عدم توصيل للمعلومة او عدم استدراك لها ...
انت تصر ان الرشيد يدعو ويكرس للشللية وبنيت كلامك دا على ماذكره وهو يعنى تماما الاسماء المستعارة لمنتدى مدينة يتطلب الكل يعرف بعضه البعض لا يتناقض هذا مع دعوة المنتدى للكل للمشاركة فيه ولا يقصد النك نيم وانما بعض ممن يتسترون وراءها لغرض فى انفسهم وسبق ان تناولنا هذا الامر ودعونا الى التركيز على الموضوع دون كاتبه الا فى حالة الجنوح الى مايعيق تقدم المنتدى ....
لا ارى ان بينك وبين الاخ الرشيد مايستدع ذلك واؤكد لك انه ليس بالشخص الذى يدعو الى تكريس الشللية وهذ بمعرفة الجميع هنا .
بالنسبة للردود سبق ان قراءت لاحدهم قوله ان تهتم بتوصيل مالديك لاكبر عدد اى التركيز على عدد المشاهدات اكثر من الردود ... نعم الردود تحمسنا وتجعل التفاعل اكثر ولكن عدمها او قلتها لايعنيان ان نطلق لخيالنا العنان بالتصورات صحيحة كانت ام خاطئة ...
ولك كل الود ...

يا أمير :
أول شئ بنرحب بيك ترحيب كبير ، ومن خلال كتاباتك الأولي واضح إنك بتمتع بقدرات حوارية عالية نتمني لها أن ترفد منتدانا بالحيوية .
تاني شئ أثرت موضوع الردود ، ودعوت الجميع إلي إن يتداخلوا في البوستات المطروحة وهذا إتجاه إيجابي أُعضد عليه وهذا هو هدف المنتديات حوار وتواصل وإثراء للمواضيع خاصة ونحن في مفاصل تأريخية حاسمة علي مستوي الوطن وإنسانه .
أسباب ندرة المداخلات في بعض البوستات لك أن تعلم بأنه لايوجد أستبيان لقياس هذه الأسباب حتي يمكن أن نفسرها كظاهرة تفسيراً علمياً ، ولكن أن سألتني أنا عن أسباب عدم تداخلي في بعض البوستات لأوردت لك أسباب منها موضوع البوست لايغري بالمشاركة ، أو الموود الشخصي لايشجع علي الكتابة .
وعلي كلٍ أتفق معك علي أن هذا ليس بالوضع الأمثل ، وجاري العمل علي تصحيح هذا الوضع ،،،، ولك الشكر

الاخ امير اخش انا لفت برا الموضوع انا سكنت حي الزهور 13 سنة وكنت جار العم رحمة الله ابراهيم اكتر من 7 او8 سنين ماحصل سمعت بان عنده ولد اسمه امير وعلي حسب علمي زوجته المطلقة عندها ولد وبنت بس والولد اسمه محمد وكان قدامنا في المدرسة ب 3 سنوات والان عنده دكان اسبيرات في المنطقه
ياصاحبي ارجع ليك للموضوع تاني واقول ليك لو دخلت ليك بوست وغلبك معنى كلمة وسالت صاحب البوست ومارد ليك ارجع اساله تاني في البوست او في الخاص يمكن يرد ليك

ماش واحتمال اجي تاني

راشد محمد الجاك كتب:

الاخ امير لك التحية
لا اظن الموضوع بستاهل اترفع للادارة والمساءلة مناقشة واختلاف فى وجهات النظر وفى عدم توصيل للمعلومة او عدم استدراك لها ...
انت تصر ان الرشيد يدعو ويكرس للشللية وبنيت كلامك دا على ماذكره وهو يعنى تماما الاسماء المستعارة لمنتدى مدينة يتطلب الكل يعرف بعضه البعض لا يتناقض هذا مع دعوة المنتدى للكل للمشاركة فيه ولا يقصد النك نيم وانما بعض ممن يتسترون وراءها لغرض فى انفسهم وسبق ان تناولنا هذا الامر ودعونا الى التركيز على الموضوع دون كاتبه الا فى حالة الجنوح الى مايعيق تقدم المنتدى ....
لا ارى ان بينك وبين الاخ الرشيد مايستدع ذلك واؤكد لك انه ليس بالشخص الذى يدعو الى تكريس الشللية وهذ بمعرفة الجميع هنا .
بالنسبة للردود سبق ان قراءت لاحدهم قوله ان تهتم بتوصيل مالديك لاكبر عدد اى التركيز على عدد المشاهدات اكثر من الردود ... نعم الردود تحمسنا وتجعل التفاعل اكثر ولكن عدمها او قلتها لايعنيان ان نطلق لخيالنا العنان بالتصورات صحيحة كانت ام خاطئة ...
ولك كل الود ...

استاذ راشد بالضبط ده الكلام المفيد .. واضح انك انسان متعلم وفاهم ودي ناحيه ايجابيه
كده انت بتقدر تفهمني صاح
انا قصدت مصلحة المنتدى
ودعيت الناس عشان يردوا واضح اني ( دخلت في المحظور سهوا) .
طيب كان ممكن الناس في الردود تكون الطف واكثر ديبلوماسيه وتفوت علي الفرصه .
الانسان هنا بتعامل مع عقل وفكر ورؤى . انا فهمت من خلال ردود الناس هنا انهم دايرين ناس الحصاحيصا وبس . ( لكنكم بذلك تضيقون واسعاً )
انا ما عندي مشكله ممكن جداً اوقف مشاركاتي ويا دار ما دخلك شر
اخ راشد سوى ان كنت هنا او غادرت ... انا احترمك جداً وياريت نتعارف اكتر في المستقبل
كتر خيرك وبارك الله فيك

صداح فاروق وراق كتب:

يا أمير :
أول شئ بنرحب بيك ترحيب كبير ، ومن خلال كتاباتك الأولي واضح إنك بتمتع بقدرات حوارية عالية نتمني لها أن ترفد منتدانا بالحيوية .
تاني شئ أثرت موضوع الردود ، ودعوت الجميع إلي إن يتداخلوا في البوستات المطروحة وهذا إتجاه إيجابي أُعضد عليه وهذا هو هدف المنتديات حوار وتواصل وإثراء للمواضيع خاصة ونحن في مفاصل تأريخية حاسمة علي مستوي الوطن وإنسانه .
أسباب ندرة المداخلات في بعض البوستات لك أن تعلم بأنه لايوجد أستبيان لقياس هذه الأسباب حتي يمكن أن نفسرها كظاهرة تفسيراً علمياً ، ولكن أن سألتني أنا عن أسباب عدم تداخلي في بعض البوستات لأوردت لك أسباب منها موضوع البوست لايغري بالمشاركة ، أو الموود الشخصي لايشجع علي الكتابة .
وعلي كلٍ أتفق معك علي أن هذا ليس بالوضع الأمثل ، وجاري العمل علي تصحيح هذا الوضع ،،،، ولك الشكر

يا صداح يا راقي جداً
اشكرك كتير جداً .( يعني كان لازم يحصل احتكاك عشان الناس الواعيه تظهر )
كان ممكن اقبل كلامك ده لو المنتدى تجريبي او في مرحله ( تنقيح ) لكن واضح انو قديم بدليل تاريخ تسجيلك .
ممكن الناس تصل لي وضع امثل من خلال تقبل الاخرين وتفعيل شروط العضويه ( القياسيه ) والابتعاد عن التشكيك في الاطراف واخذهم بروح الابناء (سواسيه )وعدم السماح بالمساس والاحتكاكات الغير مبرره ( وده دور الاداره ).
انا عارف اننا بشر والبشر عموما تنتج امزجتهم بحسب اسقاطاتهم النفسيه وظروف النشاة الاولى وده بنعكس على تعاملاتهم مع الاخرين ويؤثر في تقبلهم للاخر سواء ان كان على الطبيعه او في منتديات تغيب فيها الاجساد واليات التواصل الحسي .
عموما اخي اشكرك واتمنى ان نتشارك مستقبلا في منتداكم وهو في قمة صفائه وعقلانيته وبعيد عن روح ( الصبينه والانفاعليه ) التي يتمتع بها بعض من هم هنا .

طرفه كتب:

محمد كمال يا صاحب
تحياتي
اكبر منك بيوم اعلم منك بسنه
وباقدميه السكن كمان
عمنا رحمة الله انصار السنه عندو
امير وكمان ابنه التاني اظنه ايهاب
وفي ذلك قصه طريفه مع الوالد كمال السر الله يرحمه ايام اللجان الشعبيه وتوزيع السكر
واسأل صاحبك منتصر الهندي

اهلا طرفه
اخوي الكبير مش ظن حقيقه اسمو ايهاب
الله عليك .... شكراً طرفه

أنا برُد عليك ،،

باي باي ،، أمير ،،

أسكـُت ساي ،،

ما يسمع زول ،،

ــــــــــــــــــ

طن طنين ،،
طن طنين ،،

ــــــــــــــــــ

كـُن حنين ،،
كـُن حنين ،،

مغــــارب :-

الصادق المغربى كتب:

الاخ الفاضل / امير
السلام عليكم ورحمه الله وبركاته
لقد قرأت بوستك هذا عدد من المرات واطلعت على
الردود بتمعن وكل هدوء ثم تعجبت لما وصل اليه
من حال .
ياخى انت قلت بانك عضوء جديد لماذا لا تصبر
شوية حتى على العضوية والمشاركات حتى تستطيع
التألقم على الوضع ؟ لماذا لا تمهل الاخرين مهلة
هم محتاجين لها وانت محتاج لها للتعارف والاندماج
لقد حسيت من كلامك كأنك سمعت نبزة مقلوطة او
شبة مقلوطة عن المنتدى
مثل المنتدى به شلليات وجماعات وتكتلات واصحاب
فالنفترض افتراضا فقط بانه هنالك ما اعتقته انت اصبر
شوية فاذا وجدتها اختار ليك شلة وكن معها او جماعة
فانتمى لها او صداقة فجتهد وابنيها اما ان لم تجدها
فاحمدالله بانك لم تتهم احد بالتقسيمات سالفة الزكر
اخى امير
صدقنى انا شخصيا اكتب وارد واعقب واثنى ونقد
ولكن لا يهمنى كاتب البوست من يكن ولكن اجتهد
فى موضوع البوست على قدر الاستطاعة
عزيزى امير
لم اكن اعرف من هو الرشيد حبيب الله ولا من هو
حسن وراق ولا من هو احمد الكونى وفائزة السيد
وايمان الحاج و...........الى اخر العقد الفريد
ولكنى اكتب واكتب واكتب وارد وارد وارد
حتى وجدت نفسى فى اسرة واحدة واخوة متحابين
مهما حصل من خلاف واحتدم النقاش
عزيزى امير
عليك بالمشاركات الحية الهادفة التى تخدم المواطن
واردود الانيقة الفعالة التى يحس المرء بها بالتفاعل
والاهتمام وصدقنى لقد تكلمنا كثير جدا من قبل
عن موضوع الردود كثر مما تتصور ولكن هذا
هو الحال حتى تصل لماهو احسن حال
فى ختام مداخلتى هذه اتمنى لك وقتا ممتعا معنا
فى هذ المنتدى الذى هو ملك للجميع وبالجميع
ودمت
اخوك ابدا
الصادق المغربى
ت /0128746796/ 0916316492

المغربي يا مولانا كيف حالك ياخي
الحقيقه انت صحيح قريت البوست بتاعي ده لكنك على ما يبدو ما فهمت قصدي الاساسي .

كان قصدي فعلاً اشارك الناس والفت انتباهم لاثر الرد والمشاركه في نفس العضو البيجتهد عشان يكتب موضوع وعايذ يشوف اثر جهدوا ده وقيمة مشاركتو دي من خلال انفعال اخوانو معاها.
بعض الناس ذي اخونا الرشيد اتعامل معاي بشفافيه ورديت عليه من وجة نظري بشفافيه برضو
لكنو اتجه بالموضوع في الاتجاه الخاطي وحصلت الاشياء اللي انت قريتا دي.

عموما يا مولانا انا راجل اتعامل بالمنطق واحب الراي الاخر . والنقاشات الهادفه والاراء الجرئيه
عشان كده انا مشارك في عدد من المنتديات باسماء حركيه الا عندكم هنا دخلت باسمي الحقيقي لاني قريت قبل ما اسجل كميه من المشاركات بتدين النك نيم عندكم احترمت قراراتكم دي وبعد ده لقيت ناس ما مصدقاني.