المبدع حمد الريح

في سبيل نظرة

في سبيل نظرة من صدودك
كم تحملت جور عهودك
وتجرعت من وعودك
خمرة كاسها صدودك
ليتني كنت يا حبيبي احيا في روضة من ورودك

ايها الناسي وعدنا
هل تجاهلت امرنا
كيف لا تدري حبنا
وانت ما زلت عندنا
قبلة انظارنا كلنا
انما يا الحبيب انا وانا

ان تحدتيني بالصدود
او بقيت لي حبيب ودود
طالما في الفؤاد سكونك

في سبيل نظرة من عيونك احتمل كل ما الاقي
كيف تكون السعادة دونك

لو عارف عيونك

لو عارف عيونك توهت العيون
ورقصت المشاعر وغنا معاها كون
غنا وراها كون .....

*******
شفنا الدنيا حلوة وفي رموشها وسرحنا
صابحنا الاماني واتمدد فرحنا
والحنية هلت في دنيانا طلت
بامر العيون ....

*******
موال برضو غنوة
بس من نظرة حلوة
عاشت في خيالنا في وجدانا سلوى
واترسمت سنين في قليبنا الحنين
واتناست شجون ....

******
لما معاها نسرح ونتوه في الغناوي
ويداعب خيالنا مشوار الحكاوي
تتلاقى امنياتنا ونقول اغنياتنا
في اجمل عيون ....

*******
لو عارف عيونك توهت العيون
ورقصت المشاعر غنا معاها كون
غنا وراها كون ..

احلى منك
احلى منك قايلة بلقى ..
ولا غيرك انتي بقى ...
انتي افراحي البعيشها ....
غير مكتوب لي اشقى ...

حبك انتي علي كفاية ...
انتي يا املي ومناي ....
عمري ما حسيت بغربة.....
لما اشوف عينيك معاي .....

سكة غير دربك تفتر......
ودنيا غير دنياك تودر.....
غيمة والله عيونك انتي ......
ده الغريب في الصيف تخضر......

اودي في سيرتك واجيبها .....
وسيرتك انتي علي حبيبة ......
لا شبه صادفته زيك ......
ولا عيون منك قريبة ......

الظروف

كنا قبلك يا حليوة في دروب ما فيها الفة
لا الصباح زاور دروبنا لا قليب نلقالو مرفا
لما حن الليل علينا ولعينك جابتنا صدفة
ما غريب علينا شوفتك زي زمان بيناتنا عرفة

الظروف يا حلوة دايما لعيون حلوة بتجيبنا
يا رضت بريدنا ليها ولا صبح الهم حبيبنا

الزمن تاريهو برضو بقساوتو بيصفى مرة
جابني ليك من غير ارادة وصحى في اعماقي زكرى
زي عيون في خيالي ديمة هسه ليها بحاول اطرى
وفي عينك الليلة تهت وما بيهم لو اشقى بكرة

الظروف يا حلوة دايما لعيون حلوة بتجيبنا
يا رضت بريدنا ليها ولا صبح الهم حبيبنا

العيون العاجبة سيدها نحن برضو نشتهيها
والضفاير الحاضنة ليلنا شايلة ضي افراحنا فيها
هدي ليلو وعزي ريدو والعيون ما تكسفيها
ولو خطاك بخلت علينا نحن بشوقنا بنجيها

الظروف يا حلوة دايما لعيون حلوة بتجيبنا
يا رضت بريدنا ليها ولا صبح الهم حبيبنا

سلم

سلم بي عيونك لو عز الكلام
واسال مرة روحك مين فينا الملام
سلم ... سلم يا حبيب
******
ياما عشان عيونك شلناها المحبة
ياما زرعنا فيها الشوق حبة حبة
تهنا وضعنا مرة شفنا الدنيا غربة
ليها رجعنا تاني سيبو جفاك حبة
سيبو... سيبو يا حبيب
*******
ايه بس كان يضيرك لما تمر تناضم
عن احوالنا تسال جوة الايد تسالم
امكن تنسى زعلك وامكن ما بتتخاصم
منك كلمة حلوة تعيدو صباحي باسم
سلم ... سلم يا حبيب
*******
ما تشوف حالنا بعد لو يرضيك تمادى
ما ترحم عيونا ما تشيل هم سهادى
ابقى عزيز ونادر شيل في الصد زيادة
ما تعودنا ننسى ونغفر ليك يا غالي
سلم ... سلم يا حبيب

وجعي

لاني قدرك لابطولك لابيكس خاطري قولك
الغرام بيناتنا تائه لا هو هولي ولا هو هولك

انت يا وجعي البنيتو ياعمر في الحب بنيتو
كم زرعتك في مسامي لا ورد لا شوك جنيتو
لا فقدتك لا لقيتك ولسة ماتميتي حولك

في الفؤاد ذكراك بواجع سكتك سكة مواجع
كل ما امشيها القي سيري منك جاي راجع
لاني يائس من دروبك لاني واثق من وصولك

يا قليب بمشي وبجيها وكنت ديما مشتهيها
انسي انك يوم لقيته واوعي تتحسر عليها
يا جميلة مع السلامة لاكي زولتي ولاني زولك

لاني قدرك لابطولك لابيكس خاطري قولك
الغرام بيناتنا تائه لا هو هولي ولا هو هولك

عشت الشقى
خليتني ليه عشت الشقى
قبال اعرفك من زمان
كم مرة لاقيتك انا
ولمحت ليك بالريد كمان
من بدري ليه ما قلت لي
انا قلبي ليك ديار حنان
وبالريد كمان صارحتني
يوم كان بيتوهني الزمان

الليلة جيت شايل الفرح
قصدك تعوضني الفات
اديتني حنية عيون
ما لقيتها في اقرب صلات
اديتني احساس بعمر
حاضنو الربيع ونسايمو جات
يوم كنا في جلستنا ديك
نحكي ونعيد الزكريات

ما تشيل مع الحنية هم
وتخاف من الايام تدور
وتخاف يغيرني الزمن
واعبر بدون عينيك بحور
انا روح بتعرف عزتك
زيك كمان صادق شعور
وانا بيك منورة دنيتي
كليلة هالي عليها نور

الوصية

السواقي النايحة نص الليل
حنين الدنيا ممزوج في بكاها
زي طيورا في الفروع محتارة بتفتش جناها
البيوت والناس بتسال عن صبية
فارقت حلتنا زي طير غريب سافر عشية
ما حرام ماضيك يصبح ليك اسية
يا سلام لو كان جفاك بحسن نية
كنت نسيتنا الوصية المفارق عينو قوية

لا سلام منك وما منك تحية
للوراك خليتو عايش في الاسية
ما حرام يا الفنجري ما تسيب وصية
قمت زي طيرا غريب سافر عشية
ما قبيل وصوني يا حليل الوصية
كت مكضب كنت ناسي
دابو صدقت المفارق عينو قوية

اوع ليل الغربة تنسيك ريحة الطين في جروفنا
والتميرات البيهفن ديمة راقصات في حروفنا
والدعاش والغيم رذاذها في العصير بالفرح بلل كتوفنا
نحن راجعين في المغيرب
لا الديار لا حد يشوفنا لا نشوفو لا يشوفنا

ارض الجزاير
حليل ارض الجزاير والمراكب والطنابير الترن
حليل ناس ليلى ساعة الليل يجن
يا غالية يا تمرة فؤادي
الليلة ما عاد المراكب شرقن
والقمري فوق نخل الفريق فاقد الاهل
يبكي ويحن

نحمل رسايلنا واشواقنا
لحبايبنا وللاهل
للقاطعين الرسائل
الاحلى من عسل النحل
لذات الضفاير الطايشة
بين مجلس عشيرة وبين اهل
وبخجل بتسال الساير
بلدنا حبايبنا اهلنا راحو للحلة
لا بكاتبونا لا بيفيدونا الحصل
حليل الراحو خلو الريح
تنوح فوق النخل
حليل الفاتو لدار
الاهل بدون اهل
والجروف الكابة
من شاطئ النهر
طاب المحل والنخل متاكي
وين سوق طير وجوج في امل

نسمة العز

نسمة العز يا سماحة
طوفي بالخير في سياحة
زوري الشقي الما لاقي راحة
رشي الفرح في كل ساحة
نسمة العز يا سماحة

جففي العرق المعطر
توب جبين بلد الغلابة
وطلي يا شمس السعادة
في ديار شاخت حزن
واتكسحت من طول عذابها

قابعة في مدن الاسى
اصلو الفرح ما دق بابها
بي عيونك فريحها
من جمالك جمليها
خليها ترجع للشباب

في معاناة الهجير
كوني للكادح مظلة
صبريهو وقولي ليهو
في كفاحك يعينك الله
ابقي في صحراهو واحة
خلي الربيع يديهو طلة
بددي الهم والاسية
واسعدي الناس الشقية
وعنهم زيلي المزلة

فرحة عيونك وزعيها
حارة حارة وحلة حلة

ضمخي الناس بالفضيلة
وجرتقي الداير العديلة
خلي قدح الخير معلا
ما انت لما تطل عيونك
بسلم علاج لكل علة

حمام الوادي

حمام الوادي يا راحل مع النسمة الفرايحية
مع الياسمين عز الليل تواصل قافية منسية
صغارك مشتهين ترجع تضم العش بحنية
تسيبهم مش حرام للريح وعارف القاسوه ما شوية
*********************
تقول لي ماشي من بكرة مهاجر لوطن تاني
مفارق خضرة النيلين وعشك فايتو وحداني
ده انت القلت ما بتفوت وطن بالعزة رباني
اهداك جو تعيش فيهو اهداك غيم تطير ليهو
وجوة عيونو ختاني
********************
بلادك حلوة ارجع ليها دار الغربة ما بترحم
وطوف بجناحك الوادي تلقى الخضرة تنسى الهم
رياض ورد الضفاف الساقية ضمو عليك واتنسم
وتعال لاهلك الطيبين ملوك العزة ما بتندم

أغنية شقى الأيام

الشال هم فرقتك قلبي معاك ياريتو كان يرحل
و جنبك مشتهيك يا عيون و كيف كيف
كيف كيف كيف كيف كيف
لما الفراق يحصل إنشاء الله ما يحصل
***
بريدك يا شقى الأيام كان بيكي الحبيب يسعد
و اسهر نجمي عز الليل بعد روح صباحك جد
بريدك بريدك
وأبكي معاي عيون أحباب عشان أسف الدموع يشهد
لا كان الفراق منية و لا فرقة عيونك وعد
و كيف كيف كيف كيف كيف كيف كيف
لما الفراق يحصل إنشاء الله ما يحصل
***
مجبور قلبي يتعلم بعد ولف عليك يقسى
عشان لو لحظة تنساكي العيون ما إتعودت تنسى
انا الفارقتو مرساكي قبل أشواقي ما ترسى
و اصابح بكرة كيف العيد و عايش فرقتك هسا
و عايش فرقتك هسا و معقول قلبي بس يقسى
و كيف كيف كيف كيف كيف كيف كيف
لما الفراق يحصل إنشاء الله ما يحصل

الساقيَهْ لسّه مدوِّرَه
صوت القواديس والمياه
طلَعَتْ
مَشَتْ
متْحدِّرَهْ
مدَ البصر
لفَّ الظلام
حَوْل الجدوال أسْوِرَهْ
نعْسَان خضارهْا الا نْتَكَى
ورمى الغُصون
متْكسِّرَةْ
مَدّ الخيال
غنّت مُدُن
والساقيَهْ طاحونة الأنين
طُول الليالى
مدوِّرَهْ
تحت الهجير
تحت الظلام
تحت المطر
الساقيَهْ لا زِم تستمر
الساقيَهْ لسَّهْ مدوِّرَهْ
وأحمد ورا التيران يَخُب
أسيان يفكّر مُنْغَلِب
ما بين بُكا الساقيَهْ
مابين طُفولَهَ بتِنْتَحِب
فى اللّى ما شين المدارس
فى المصاريف
فى الكُتُب
في اللّى ضاق عنُّو المكان
وهسَّه سافَر
واغتَرب
لِمُدُن بعيدَهْ تنوم وتصْحى
على مخدّات الطَرَب
والساقَيهْ طاحونة الأنين
طول الليالى بِتنْتَحِب
تحت الظلام
تحت المطر
عزِ الشتا
الساقيَهْ ثانيَهْ تقيف تكون
آمال عريضَهْ مُشَتّتَهْ
وأكباد صغيرَهْ مفتّتَهْ
تحت الظلام عِز الشِتَا
أحمد حكى
وسّد الراس الضُراع
والشوف
نواحى النيل تَكَا:
وصّانِى أبُوى
الموج بيهْدِم كُل رخوَهْ
على الجروف
شِد الضُراع
زى المراكبى مع الشراع
لازِم تعرفو الظلم جاي
من وين عليكْ
وافتَح عينيكْ
على زهور الغابَهْ والأدغال
على الاطفال
وعشان يكون الحقِّ ليكْ
تَعْبُر بحور
تَهْدِم جبال
الحق هو هو النضال
والحق فى ساحة مجْزرَهْ
والنصر للفاس
والرجال
ولى سواقى مدوِّورَهْ

عجبونى الليلة جو – تراث

عجبونى الليلة جو ترثوا البحر صددوا
عجبونى الليلة جو دخلوا البلد طمنوا
يا جنيات يا مسره يا جنيات القمري فرّه
كان تجروا تجيبوا العرّه لساني راجيكم برّه
عجبوني الليلة جو ترثوا البحر صددوا
الكوراك فى الضهاري مرقوا اخوان السرارى
كان تجرى يا العشارى حشق النيل خوروا جارى
عجبوني الليلة جو ترثوا البحر صددوا
الكوراك فى الطلوح مرقوا اخوان ام شلوخ
مرقوا اخوان ام شلوخ ديل بقرات المسوح
عجبونى الليلة جو ترثوا البحر صددوا
الخواف لبدوهو لمن تمشو وتجوهو
طمبرولوا ورقصوهو لى بيت امو وصلوهو
عجبوني الليلة جو ترثوا البحر صددوا

يا قلبي المكتول كمد

ياقلبي يامقتول كمد اعصر دموع هات

غنوة لسيد البلد ياحليلو ياحليلو....

حليلو قال سايب البلد حليلو كيفن يبتعد ياحليلو

كيفن نسيبو يروح بعيد ياحليلو

كيفن نسيبو يفوت بعيد......

في رحلة مجهولة الأمد ياحليلو

كل العمر كان لحظة واحدة نشوفو والشوق يتقد

نسكر نغيب آآآآآه نغيب

من لطفو من دلو الحبيب
من لطفو من دلو الحبيب من لونو من كرز المغيب

الرامي محلو الثمر
في شفايفو زي ياقوت ندر

في شكلو زي نص القمر مبتل مثير

مخلوق عشان احلى الثغور

واشواقنا تتعطر تطير من نفحة من مجرى العبير

من لفتة من جيدو من لفظة من ثغرو المثير

الفيهو ريان الثمر وبيهو القلوب كم تأتمر

لو مرة سيد الناس أمر بنظرة بدوب حجر

ببسمة بتطول عمر ياحليلو ياحليلو

حليلو قال ناوي السفر كيف الوداع لامن يحين وقت السفر

اهديك زهور حاشاي وانت ندى الزهر

اهديك حروف آآآآآآآه حروف يا اجمل احرف في الدهر

اهديك حنان آآآآآآآه حنان

اهديك حنان ماقلبي عندك من زمااااااان

ماقلبي عندك من زمان وانا راجي عطفك منتظر

اهديك حروف ماقالا زول وما اظن يقولا وراي بشر

بهديك عيوني ... عشان استريح ... الدنيا بعد مابتسر ياحليلو ياحليلو...........

Enas Adawi كتب:: يا قلبي المكتول كمد

سلام يا إيناس
إسم الأغنية دي ( إلي مسافرة )
وهي من أجمل أغاني حمد الريح وسبق أن فازت بجائزة أجمل أغنية في الثمانينات
،،،،
لم أسمع من قبل بأغنية ( وجعي ) ،،، فهل لك أي رابط لهذة الأغنية ؟؟

نوسة

قمة الإبداع والروعة

انا من العاشقين لأغاني الفنان حمد الريح

واكتر أغنية بحبها يا سلام منك ومامنك تحية ...................

يا سلام عليك يا نوسة بالجد ابدعتي

الله عليك ياعدوى

» ذهب مع الريح
» الحشرات تهاجم الاحياء والمحليه تتفرج !!!!!!!!!!!!!!!!!!
» هاهي صور للخريف ياعوض الريح
» التفكير المبدع ..
» مبروووووووووووك خالد محمد الريح