رسوم اجار ارضية سيارات الاجرة

الاخوة الاعزاء
لقد كتبنا فبل اسابيع عن موضوع السياج ولقد رد على
احد الاخوان فى مداخلة كشكل سيناريوهات ضاحكة
وبين فيها كيف تم الاختيار لان يكون السياجات هى
المورد الجديد للجبايات
ورديت على اخينا بنفس الطريقة واليكم نسخ ماورد
من ردى
..................................................
امير كتب:يا مغربي كيفك يا مولانا
تعرف انا قريت القصه دي في النت وعجبتني جداً واحد كتبها في نفس المناسبه كدي عليك الله اقراها يمكن تفشك شويه هههههههههههههههه

.................................................
شكرا يامير / على المداخل دى اية رايك ازيدك مدخل
سأل الطويل القصير (قول لو انتهينا من السياجات وبرضو
قروش العربات ناقصة نتمها من وين ؟ )
سكت القصير شوية ثم رفع كباية الشاى ورشف رشفة
طويلة ثم قال ( سهلة جدا ياطويل الناس العندهم قروش
وتركنا ليهم السياجات بتاعتهم وهم عندهم عربات طبعا
حيدخلوها فى سياجاتهم صح يا طويل ؟ طيب الماعندهم
قروش وكسرنا ليهم سياجاتهم وعندهم عربات حيختوها
وين ؟)
رد الطويل بسرعة (حيوقفوها جنب البيت بتاعهم )
ضحك القصير وقال ( طيب دى ما ارضية تابعة للمحلية
صح يا طويل ؟)
فهز الطويل راسه وقال ( اذا نأجر ليهم الارضية دى البوقفوا
عليها عرباتهم )
ابتسم القصير وقال ( ياما ادخلوها فى حوشهم الضيق
او يدفعوا للمحلية اجار او يبيعوها )
وسوف تستمر المحلية هكذا اخى امير الى ان يأتى الله
بالفرج ويستجيب لدعاء الفقراء والمساكين من المواطنيين
تحياتى
المغربى ....اه
..............................................................
اخوانى الكرام
تعرفوا ايش الحصل لسائقى التكسى فى موقف الحصاحيصا / رفاعة ؟؟؟
جاتهم المحلية وطلبت منهم دفع مبلغ (25جنية ) رسوم أيجار ارضية
الارضية التى تقف عليها السيارة فالارضية هى ملك المحلية والرسوم
هى 100 جنية فى السنة يعنى 25 جنية دى عبارة عن قسط ومن
لا يدفع لا يسمح له بالبقاء فى ساحة الموقف
هل تصدقوا هذا الكلام ؟؟؟؟
والله ياجماعة الكلام ده جد وليس ضحك
انا لله وانا اليه راجعون
ودمتم
المغربى