برنامج واحد فى المنتدى ( توجد مشكلة تحتاج لحل )

المنتدى ولفترة طويلة فاضى وفيه نوع من الملل والمصيبة عدد المتواجدون فى اخر 24 ساعة كبير
تدخل المنتدى الاجتماعى تعمل مشاركتين ومشاركة فى الرياضى وتطلع تجى بكرة نفس البرنامج
ياناس ورونا الحاصل شنو لو فى حاجة حامية الناس الكتابة كلمونا عشان نكون عارفين

ككل هناك 29 عُضو متصل حالياً :: 8 عُضو, 0 عُضو مُختفي و 21 زائر :: 2 روبوتات الفهرسة في محركات البحث
أكبر عدد للأعضاء المتواجدين في هذا المنتدى في نفس الوقت كان 308 بتاريخ الثلاثاء ديسمبر 07, 2010 12:44 am

الأعضاء المتواجدون في المنتدى: الجــراوي, المحبوب أحمد الأمين, النذيرعلى عبدالمجيد, ايهاب عبدالرحيم عوض الله, حموري, محمدكمال السر, ودعيسي, وهيب احمد
روبوتات محركات البحث المتواجدون حالياً في المنتدى: bing (6), Google (2)
الأعضاء الذين تواجدوا في 24 ساعة الماضية. (هبه) بت الحصاحيصا, Abbas, abdalla awadalla, Abdelkarim Awadalla, Mohammed Ahmed Saeed, nidal ridwan, omayma ali, OMIMA NANA MOHAMED, Waleed Sayed Fadlallah, أبوحراز, أم روان, ابو الفاتح, احمد ترب, اسراء بابكر, اشرف مصطفى عدوى, الجــراوي, الرشيد حبيب الله التوم, الرشيد مصطفى صالح, الصادق المغربى, المحبوب أحمد الأمين, النذير, النذيرعلى عبدالمجيد, ام اسامه, ام راما, ام نوره, امجدالشيخ, امير حسن بشير, انيسة الحلاوى, ايهاب عبدالرحيم عوض الله, ايهاب محمد نجيب, جعفر قوليب, حسن وراق حسن, حموري, خالدة حسن كولا, رأفت محمد إبرأهيم, راشد محمد الجاك, رانيه عصام, سلوى محمد عثمان, صداح فاروق وراق, صديق الرضي, صلاح, طه الطيب, عادل كحيل, عاطف اسماعيل, عاطف عمر, عبد الرازق عبد القادر, عبد المنعم سيد احمد, عبدالحليم, كمال الجمل, كوثر يوسف عبدالصادق, مجدى الفاضل, محمد, محمد المنصوري, محمد حبيب الله -ودالاهلية, محمد عبدالقادرعبدالرحيم, محمد علي جبريل, محمد فارس, محمدكمال السر, مدثر عثمان الجاهوري, معز امريكي, مهجه فارس, نادية محمد طه, هشام على البشير, ودعيسي, وليد العشي, وهيب احمد, ياسر الطيب الأمين الرضي

؟؟؟؟؟؟؟؟؟؟؟

محمد كمال مساء الخير ..
تعرف في احباط عام ...
نكتب شنوا ونقول شنوا ..
الحال يغنى عن السؤال ..
منتظرين نتيجة الاستفتاء ..

تفتكر يامحمد المشكلة شنو في الصيام عن الكتابة ده ؟ أو فلنقل اللون السياسي الغالب ؟
هل لأن المرحلة الحالية مرحلة مفصلية في تأريخ السودان تستوجب الجدية في طرح الموضوعات مما يجعل الموضوعات ذات الصبغة السياسية لها الأولوية ؟ هل لأن المواضيع الأخري -الغير سياسية- في ظل إنفصال محدق وغلاء طاحن وشمولية إستحكت أزماتها يكون بمثابة عرضة خارج الزفة ؟
السلوك الجماعي - في المنتدي مثلاً-يتأثر بدالات كثيرة ، نعم ضبابية الموقف الراهن تفرض سلوك أبرز سماته الترقب والتوتر وحالة الصوم عن الكتابة كنتيجة للأسباب الآنف ذكرها .

لا اري اي سبب لعدم الكتابة سوي ما ذكره الاستاذ مدثر ، وبأنتظار مألات مابعد اعلان الانفصال الذي تأكد (للاسف)

طيب ليه الناس محجمة حتى عن ابداء ارائها حول هذه المرحلة المفصلية التى تنتظرنا كلنا ...
ماهى التوابع والتصورات لواقع الحال حينها ؟
المنتدى غنى بالاقسام الاخرى غير السياسية ولكن تجدها فى بيات شتوى تام !!!
لايجب الربط بين مآلات الاحداث ومايجرى وبين القنوع بالمتابعة فقط بالاطلاع !!!!
نعم اخوتى هنالك هجر وفراغ كبير داخل المنتدى ودعونى هنا احيى الاخ المحبوب الذى ظل دوما الشعلة التى تنبض بهذا الموقع ورفده بكل ماهو جديد اتفقنا حوله ام اختلفنا ...
الاخ محمد كمال اتفق معك تماما ......

جاهورى صداح حمورى راشد ( مع حفظ الالقاب ) تحياتى واحتراماتى
قبل فترة وتقريبا فى شهر 4 حصل جفاف فى المنتدى وقلة فى المشاركات زى الايام دى واذكر فى ناقش مع واحد من الادارة السابقة فى المنتدى قال عدم المشاركة وضعف المنتدى بسبب الانتخابات وبعد الانتخابات المنتدى نشط يومين تلاتة وحصل خمول تانى وقالو السبب كاس العالم وبعد كاس العالم قالو السبب رمضان بعد رمضان احتركنا شوية ونمنا تانى وقالو السبب الضحية واسعار الخرفان والغلاء والان السبب الاستفتاء وبعد الاستفتاء والانفصال او الوحدة حايكون فى سبب جديد والساقية لسة مدورة والظاهر المنتدى مابيرجع يتحرك قريب

يا ود كمال :
في حركة كويسة بدأت بكل وسائل النقل ، فعلي سبيل المثال عندك قطر المحبوب القام ولسه مواصل مسيرو ، وعندك محطات المغربي التي تهف لها أفئدة راكبي القطار ، وهناك العشي بالسيارة رقم (1) المظللة والمختفية عن أنظار شعبنا ، بس لو وقفت الوسائل دي بالله يدك معانا وما تبخل علينا بالنصيحة .

المحيرنى كتير من الاعضاء الاتحولو الى مختفون او بيتصفحو المنتدى من غير تسجيل دخول موجودين على الفيس بوك والماسنجر والمنتديات الاخرى بكثرة ولم تسال الواحد مابتدخل المنتدى مالك يقول ليك مشغول ومالاقى زمن يادوبك دقايق اشوف الحاصل شنو واطلع

ألاخ محمد لك التحيه .هنالك حاله من الإستياء والإحباط والشرود الزهني تجتاح كل السودانين من الضيق والغلاء والفلس ومألات مابعد الإنفصال وكيف يكون المؤتمر الوطني من دون شريك مع السودانين .أخي الحال بغني عن السؤال وخليكم مننا. عساكم إنته طيبين وخلوها علي الله.

كلام جميل ياصداح وفى حاجة نحن مامنتبهين ليها من زمان الكمية الكبيرة من المواضيع السياسية فى المنتدى العام ادت الناس ( غير اعضاء المنتدى ) احساس بان المنتدى سياسى اكتر من اى حاجة تانية ودا كان عامل لان الناس تبعد من عضوية المنتدى والكتابة فيه رغم عدد المتصفحين الكبير ودى حاجة انا لمستها فى الحصاحيصا فى الاجازة والادارة السابقة فى المنتدى غلطت فى انشاء منتدى الاستراحة وتحويل كمية من البوستات الكانت فى عام وعاملة حركة كويسة واتحولت للاستراحة وفى الاخر نام المنتدى العام ونامة الاستراحة وكمان ياصداح المنتدى بدون مشرفين وادارة شكله زى الناقص حاجة واقالة المشرفين اثرت على المنتدى تاثير واضح

محمد صديق ياصديق شوق محيطات
الشعب السودانى ونحن جزء منه كلنا محبطين لكن الاحباط دا حده متين حانكون متمسكين بيه مالزم مخرج من الحالة دى بعدين الناس بتدخل المنتديات عشان تفرق وتزيح الهموم شوية نحن بنخد هنا عشان همنا يزيد بعدين ليه الاحباط دا ماثر على منتدنا بس والمنتديات التانية الثقافية والرياضية وحتى منتديات المدن والاقاليم والفيس بوك والماسنجرات ماشة زى الترتيب بس ناس الحصاحيصا دوت كوم المتاثرين بالاحباط ومنعزلين عن الكتابة فى المنتدى

يا ادمن وياصداح الديزاين المركب على المنتدى قديم وبايخ وماكان فى اى تجديد فى شكل المنتدى من بعد عيد رمضان ولا حتى الضحية ماكان فى ليها تجديد تغير شكل المنتدى والديزاين وبعض الاضافات بتغير شوية من نفسيات الناس والزهج الحاصل وبتحرك الامور شوية وماننسى الراحة فى التغير

أناء مع ود كمال في التغيير لعله يساهم من ناحيه ولو نفسيه و نخرج من الحاله التي فيها نحن الان من الركود والملل الذي علي حسب رأي أصاب الجميع.
وجد ربنا يكفيناا وإياكم شرالإنفصال وسودان مابعد الانفصال.شوفه المفاصله وصلتنا وين خليك من إنفصال عديل .قدرنا نعيش حياتنا مفاصله وإنفصال.ونقيف فراجا في بلدنا وهي بتتقسم .ونحنا هـــــس ولا كلمه تعليمات ولازم ننفز ونرضخ....كر من عوارضك يابلد.

بالنسبة لجزئية الديزاين دي فأظن أنو الأخ أبوحراز أقترح في إجتماع عام بالحصاحيصا أنو يتم تثبيت الديزاين حتي يكون علامة شهرة ، والناس تقريباَ وافقو علي الأقتراح ده ، بعدين زمان الناس قالت عايزة متكأ للبوستات الخفيفة والقليلة الدسم فكان لها الأستراحة ، لاضير من مراجعة هذه التقسيمات من مرحلة لأخري .

صداح فاروق وراق كتب:: بالنسبة لجزئية الديزاين دي فأظن أنو الأخ أبوحراز أقترح في إجتماع عام بالحصاحيصا أنو يتم تثبيت الديزاين حتي يكون علامة شهرة ، والناس تقريباَ وافقو علي الأقتراح ده ، بعدين زمان الناس قالت عايزة متكأ للبوستات الخفيفة والقليلة الدسم فكان لها الأستراحة ، لاضير من مراجعة هذه التقسيمات من مرحلة لأخري .

لا ضير من مراجعة هذه التقسيمات من مرحلة لاخرى تمام
لكن بالنسبة للديزاين فافتكر انا ان كان الاقتراح من المحبوب وليس ابوحراز لكن مامشكلة الاقتراح من منو بس اتذكر انه كان فى اعتراض عليه لكن مالقى حظه من النقاش وكان مفروض الاقتراحات الاتقدمت فى الجلسة تتكب للاعضاء فى المنتدى وياكدو ويثنو عليها وفعلا اتفتح بوست لكن ماحصل فيه اى نقاش ولا تثنية من اى عضو من الاعضاء الاخرين الماحاضرين الجلسة واتذكر كمان من اقتراحات ابو حراز ارشفة المنتدى واذا فى امكانية تحويل المنتدى لسيرفر تانى وخدمات افضل من الناحية الفنية وكان فى اقتراحات تانية كثيرة ليه مسكتو فى الديزاين بس وتركتو باقى الاقتراحات

صداح فاروق وراق كتب:: يا ود كمال :
بالله يدك معانا وما تبخل علينا بالنصيحة .

ياصداح قبل فترة كان فى اقتراح جميل شديد منك انت وعثمان الحسين وجائزة وافضل بوست وكتابة وتسليمه فى عيد الاضحى لكن الاقتراح دا مالقى تايد من الناس برضو ولاماتنفذ ماعارف ياصداح برنامج كتاب دا ماجاب حقه مع الناس خلينا نجرب حاجة تانية زى فى منتديات بيتغير الاشراف كل 3 شهور والمشرفين الجدد بيكونو اكثر الاعضاء مشاركة فى ال3 شهور الفاتت وبكدا بيدو دافع للناس والمشاركة بصورة كبيرة وفى منتديات تانية ودا النظام الاجمل الاوسمة والموضيع المميزة يوميا او اسبوعيا اى زول بيكون مميز فى المشاركات خلال اسبوع او الفترة المحددة بياخد وسام العضو المميز وزمان انا اقترحت ليكم نظام الرتب وعضو ذهبى وعضو فضى لان الوضع الطبيعى فى المنتديات فى محفز للكتابة والعضو بيتحول من رتبة لرتبة اعلى بعدد المشاركات لكن فى الحصاحيصا دوت كوم ماف فرق بين زول عنده 50 مشاركة وزول عنده 5000 مشاركة

1217 عضو بيعملو منهم تسجيل دخول بصورة منتظمة حوالى بين 50 - 60 عضو يوميا بيكتب منهم مساهمات حوالى 6 - 10 اعضاء انا بتخيل فى حاجة غلط تفتكروها شنو

محمد كمال تحياتي
أتفق معك في بعض ما قلته وأختلف في البعض وأصحح للمعلومية
أولاً قارنت بين المنتدى ومنتديات أخرى وبينه وبين الفيس بوك والماسنجر في قولك أن الأخيرة ماشة زي الترتيب !!
حتى تكون المقارنة عادلة يجب أن تتطابق المعايير يعني مافي مقارنة
بين المنتدى والفيس بوك والماسنجر لأن المنتدى يخدم منطقة جغرافية معينة والأخيرين عالميين أما المقارنة بينه وبين المنتديات الأخرى فما أقوله للأمانة هذه آخر إحصائية قبل إلغاء مهام الإشراف قمنا بعمل تقييم على المستوى المحلى والإقليمي وأطمئنك أن المنتدى من أكثر منتديات المنطقة نشاطاً وتعدت نسبة النشاط70%وعلى المستوى الإقليمي فقد كانت النتائج مرضية للغاية وأحيطك علماً أن حتى الزوار أوالمتصفحين من أهم حسابات التقدم وعدم وجود مشكلة .
أما عن المشاركات والمواضيع فهي تعتمد على تقييم المتلقي وأعتقد أن مواضيع المنتدى ذات طابع جاذب بدليل أن عدد الزوار اليومي يفوق المائتين وهذه أيضاً دلالة على عدم وجود مشكلة.
عموماً هناك ركود وإحباط عام يحيط بالشخصية السودانية لأسباب سياسية ولكن أعتقد أنها فترة زمنية ستنتهي .

يامحمد كمال صراحةً أي واحد بيخش المنتدى دا

بيكون عايز يتلقى و ما عايز يقدم

يعني أغلب الناس يقولو ليك خشينا المنتدى

ولقيناهو بااااايخ ومافيهو جديد

ليه مايكون هو البقدم الجديد للمنتدى

يعني لو أي زول بيستنى إنو يشوف الجديد شنو

ويستنى غيرو يجيب الجديد

ما ح يكون في جديد أصلاً

التحية لك اخي ود كمال
ولكل المتداخلين
حقيقة هناك جفاف كامل وجفي من الاعضاء للمنتدي
ولا اريد ان اتطرق للاسباب ولاكن اتمني ان تزول كل الاسباب
وان يعود المنتدي قويا في طرحة ونقاشاته كما كان
ونحن حضور انشاالله

(هبه) بت الحصاحيصا كتب:: يامحمد كمال صراحةً أي واحد بيخش المنتدى دا

بيكون عايز يتلقى و ما عايز يقدم

يعني أغلب الناس يقولو ليك خشينا المنتدى

ولقيناهو بااااايخ ومافيهو جديد

ليه مايكون هو البقدم الجديد للمنتدى

يعني لو أي زول بيستنى إنو يشوف الجديد شنو

ويستنى غيرو يجيب الجديد

ما ح يكون في جديد أصلاً

هبة ينصر دينك يا شيخة
مع تحياتي ليك
ولصاحب البوست
وكل الأعضاء
والعابرين

تحياتي
الأخ محمد كمال حقاً من (الفراش الحائر) لدوت كوم و ما إفراده لبوست يتناول حالة (الخمول) في الموقع إلا مذيداً من حرص يبديه علي الموقع و ما به..
شخصياً، أري أن الحالة عادية كون أن يأخذ الموقع فترة (ركوض).. لكن ما لم يجهر به أحد حتي الأن أو جهرت به أصوات (خفيتة) أن الموقع حتي و في لحظات (هيجانه)، تجد الحوارات شحيحة، أي أنها بين أفراد و أخرون في كورالية و تكرار لفكرة واحدة تدور حول حدث أو أحداث محددة يشعلها الحوار حينها و من ثم تخمد..
هناك بوستات مكررة في الفكرة و المونتاج و الإخراج و يمكن دمج كل (عشرة) منها في بوست واحد..؟؟ كثير من المواضيع تتحول ل(ونسة) علي المنتدي العام رغم حيويتها و هذا ما جعلنا عندما كنا إداريون بالموقع المطالبة بفكرة (الإستراحة) التي إستنكرها أخي محمد كمال.. و لا أخفيك ..أخي.. أنني كنت أحرص الناس علي إنشائها..كثير من المواضيع (الحية) تموت عند إنزالها و تنزوي تماماً إلي الصفحات التالية و لا تجد من يناقشها لأن صاحبها قد يكون (مصنف) للشركة (القابضة) أو أنه غير معروف (الهوية)..!!
هذا (شوية) رأي لم أقصد به سوي الدفع بالموقع للأمام.. أتمني أن يكون صائباً و ليس فيه (مطاعنة) كما يفهم بعضهم و الفهم (قِسم)..
و الله من وراء القصد..
و دمتم

أحمد بابكرالكوني كتب:: محمد كمال تحياتي
أتفق معك في بعض ما قلته وأختلف في البعض وأصحح للمعلومية
أولاً قارنت بين المنتدى ومنتديات أخرى وبينه وبين الفيس بوك والماسنجر في قولك أن الأخيرة ماشة زي الترتيب !!
حتى تكون المقارنة عادلة يجب أن تتطابق المعايير يعني مافي مقارنة
بين المنتدى والفيس بوك والماسنجر لأن المنتدى يخدم منطقة جغرافية معينة والأخيرين عالميين أما المقارنة بينه وبين المنتديات الأخرى فما أقوله للأمانة هذه آخر إحصائية قبل إلغاء مهام الإشراف قمنا بعمل تقييم على المستوى المحلى والإقليمي وأطمئنك أن المنتدى من أكثر منتديات المنطقة نشاطاً وتعدت نسبة النشاط70%وعلى المستوى الإقليمي فقد كانت النتائج مرضية للغاية وأحيطك علماً أن حتى الزوار أوالمتصفحين من أهم حسابات التقدم وعدم وجود مشكلة .
أما عن المشاركات والمواضيع فهي تعتمد على تقييم المتلقي وأعتقد أن مواضيع المنتدى ذات طابع جاذب بدليل أن عدد الزوار اليومي يفوق المائتين وهذه أيضاً دلالة على عدم وجود مشكلة.
عموماً هناك ركود وإحباط عام يحيط بالشخصية السودانية لأسباب سياسية ولكن أعتقد أنها فترة زمنية ستنتهي .

ياحاج احمد ازيك ومشتاقين ان قارنت الفيس بوك والماسنجر مابفهم العالمية انا قارنتهم بفهم اعضاء المنتدى العندهم اشتراك فى الفيس بوك والماسنجر والمنتديات التانية متواجدين فى النت يوميا ولزمن طويل جدا لكن مختفين عن ساحة المنتدى يعنى انا ماعندى علاقة بعالمية الفيس بوك وفهمى 15 او 20 عضو انا بعرفهم من المنتدى قاعدين فى الفيس بوك والماسنجر والمنتديات لكن مابيدخلو الحصاحيصا دوت كوم وحتى البيدخل منهم بيعمل تسجيل دخول ومابكتب حاجة تفتكر السبب شنو
نسبة النشاط كانت 70% دى ممكن قبل فترة لكن الان مااعتقد وارجع بنفسك للمنتديات خلاف العام والاجتماعى وشوف اخر 4 مواضيع جديدة تمت اضافتها متين والردود فيها كانت كيف عشان تعرف نشاط المنتدى الحقيقى
وانت بنفسك فى بوست اخر علقة على 308 عضو الاتواجدو فى نفس الزمن وكان اعلء معدل فى المنتدى بان 200 منهم حلاوين والحلاوين دخلو المنتدى عشان موضوع واحد وبمجرد انتهاء الموضوع الحلاوين تانى مابجوك بنفس الكثافة يعنى حايفضل ليك 108 منهم 60 عندهم عضوية فى المنتدى وفيهم 8 بس الحايشاركو بالكتابة والمواضيع والباقى بيتصفح بس ويطلع والفترة الزمنية الحصل فيها الركود طالت ما اسبوع او اسبوعين فترة طويلة واذكر ذى الوقت دا السنة الفاتت المنتدى كان فيه اقل من 700 عضو لكن كان فى نشاط وحيوية وكان الواحد ممكن يكتب 30 او 40 مساهمة واحيانا 50 مساهمة لكن الان مابتقدر تكتب اكتر 7 مساهمات فى افضل الحالات

(هبه) بت الحصاحيصا كتب:: يامحمد كمال صراحةً أي واحد بيخش المنتدى دا

بيكون عايز يتلقى و ما عايز يقدم

يعني أغلب الناس يقولو ليك خشينا المنتدى

ولقيناهو بااااايخ ومافيهو جديد

ليه مايكون هو البقدم الجديد للمنتدى

يعني لو أي زول بيستنى إنو يشوف الجديد شنو

ويستنى غيرو يجيب الجديد

ما ح يكون في جديد أصلاً

تحياتى واشواقى ياهبة الله عليك وعلى كلامك الجميل دا واتذكر نفس الكلام دا انا قلته فى منزل الاستاذ الراحل فاروق وراق فى نقاش مع صفوان يوم عيد الاضحى وفى وجود صداح وجعفرون ومامون والطيب والغول ومحمد صديق

» مشكلة الحصاحيصا في ضعف المؤتمر الوطني فيها ( توجد اسباب).. دراسة للنقاش
» فى الحصاحيصا مدرسة للصم والبكم تحتاج الينا جميعا (توجد صور)
» ياناس ارشدوني في رسائل الايمل توجد مشكلة
» مؤسسة الشبيبة علي سطح صفيح ساخن هذا الصيف!! ( توجد مشكلة )
» ودسلفاب تحيي الذكري السابعة عشر لرحيل الفنان مصطفي سيداحمد في برنامج ضخم (توجد دعوة وبرنامج)