برنامج واحد فى المنتدى ( توجد مشكلة تحتاج لحل )

بالنسبة لبقية المتداخلين برد عليهم انشاء الله بعد الكلية الان الدنيا وصباح وانا طالع على الكلية
ووين انت ياصداح

أنا قاعد ياود كمال وكل سنة وانت طيب وود جبريل طيب كمان ، كلام هبة بت الحصاحيصا ده الآيديال ومفروض كلنا نسعي ليهو ، أما بخصوص أقتراحاتك بتاعة تمييز العضوية بألقاب جذباً لمشاركاتها وإثراءاً لتنافسها فنخليهو موضوع مطروح للنقاش لانو نحنا لما كنا مسئولين عن الادارة ناقشنا الامر ده وما وافقنا عليهو لانو في تقديرنا أنذاك بيعكس مظهرية ، فيمكنك إعادة أحياء الطلب مع الأعضاء والأدمن ، أما بخصوص الآرشفة والسعة والسيرفرات فدي مواضيع فنية يبدو لي أنها لاتؤثر في أقبال البورداب علي الكتابة من عدمها من وجهة نظري ،ويا سيدي كل سنة وانت طيب وكل سنة ونحنا حريصين علي تقدم الموقع ورفده بكل ماهو جميل .

كتر خيرك ود كمال وأنت تفرض علينا بطرحك الجميل أن نشارك برغم الإحباطات والمأسي وحالة التوهان والتخبط التي تجتاح كل من يحرص علي هوية ووحدة السودان .لكن أعرج بكم للأهم علي ما أعتقد لماذا لا تسألون عن منظمة الحصا حيصا دوت كوم الخيريه وأين هي الان وإلي ماذا ألت وكيف بتصير وماذا أنجزت وخلونا من الاعضاء ونسبة مشاركاتهم وعدد تواجدوهم والديزاين وتغيره والارشفه والسيرفرات وتقدم الموقع(عزرا الموقع بتقدم لو قدمنا للحصاحيصا شويه).
ولا أنــــــــاء غـــــــــــــــــــــــــــــــــــــــــــــلطان ...

مهند احمد الامين كتب:: التحية لك اخي ود كمال
ولكل المتداخلين
حقيقة هناك جفاف كامل وجفي من الاعضاء للمنتدي
ولا اريد ان اتطرق للاسباب ولاكن اتمني ان تزول كل الاسباب
وان يعود المنتدي قويا في طرحة ونقاشاته كما كان
ونحن حضور انشاالله

مهند يلا مع بعض يد بيد نحرك المنتدى واى حاجة غلط نقول عليها غلط والصاح صاح

استاذنا المحبوب ينصر دينك انت الدايمن محركنا لينا المنتدى وماشاء الله عليك ماوقفت ولا يوم زى ما الجماعة وقفو

الرشيد حبيب الله التوم كتب:: تحياتي
الأخ محمد كمال حقاً من (الفراش الحائر) لدوت كوم و ما إفراده لبوست يتناول حالة (الخمول) في الموقع إلا مذيداً من حرص يبديه علي الموقع و ما به..
شخصياً، أري أن الحالة عادية كون أن يأخذ الموقع فترة (ركوض).. لكن ما لم يجهر به أحد حتي الأن أو جهرت به أصوات (خفيتة) أن الموقع حتي و في لحظات (هيجانه)، تجد الحوارات شحيحة، أي أنها بين أفراد و أخرون في كورالية و تكرار لفكرة واحدة تدور حول حدث أو أحداث محددة يشعلها الحوار حينها و من ثم تخمد..
هناك بوستات مكررة في الفكرة و المونتاج و الإخراج و يمكن دمج كل (عشرة) منها في بوست واحد..؟؟ كثير من المواضيع تتحول ل(ونسة) علي المنتدي العام رغم حيويتها و هذا ما جعلنا عندما كنا إداريون بالموقع المطالبة بفكرة (الإستراحة) التي إستنكرها أخي محمد كمال.. و لا أخفيك ..أخي.. أنني كنت أحرص الناس علي إنشائها..كثير من المواضيع (الحية) تموت عند إنزالها و تنزوي تماماً إلي الصفحات التالية و لا تجد من يناقشها لأن صاحبها قد يكون (مصنف) للشركة (القابضة) أو أنه غير معروف (الهوية)..!!
هذا (شوية) رأي لم أقصد به سوي الدفع بالموقع للأمام.. أتمني أن يكون صائباً و ليس فيه (مطاعنة) كما يفهم بعضهم و الفهم (قِسم)..
و الله من وراء القصد..
و دمتم

استاذى واخى الرشيد سلامات
ان يمر الموقع بفترة من الركوض عادية ولكن ان تتطول الفترة فالامر مستغرب وان تجد الاعمدة الاساسية للمنتدى موجودة فى المواقع الاخرة ( فيس ماسنجر منتديات ) وعذوفهم عند المنتدى فى تقديرى مشكلة تحتاج لبحث عن اسبابها ومعالجتها
قبل فترة فى سبتمبر 2009 وحتى ياناير 2010 كان فى شلة مدرسة المشاغبين بيجتمعو فى المدرسة بوست هايف خالى الفكرة والهدف ( فى نظر البعض ) لكن نفس الشلة وبدون ترتيب بتتحرك فى المنتدى كله وتلقى مشاركاتهم فى كل الاقسام واى شبر فى المنتدى وكان الواحد بكتب عدد كبير من المساهمات يوميا والمدرسة كانت بتجذبنا اكتر للمنتدى وبنفرق فيها همومنا ومشاغلة مشاغلتين مع حفظ وشكلة مع صفوان بتكون ضحكة ومسيت همك وعندك نفس تكتب فى كل المواضيع الفى المنتدى ودا مثال لبوست مشى الاستراحة ومات هناك والناس نسته ولك الود

صداح فاروق وراق كتب:: أنا قاعد ياود كمال وكل سنة وانت طيب وود جبريل طيب كمان ، كلام هبة بت الحصاحيصا ده الآيديال ومفروض كلنا نسعي ليهو ، أما بخصوص أقتراحاتك بتاعة تمييز العضوية بألقاب جذباً لمشاركاتها وإثراءاً لتنافسها فنخليهو موضوع مطروح للنقاش لانو نحنا لما كنا مسئولين عن الادارة ناقشنا الامر ده وما وافقنا عليهو لانو في تقديرنا أنذاك بيعكس مظهرية ، فيمكنك إعادة أحياء الطلب مع الأعضاء والأدمن ، أما بخصوص الآرشفة والسعة والسيرفرات فدي مواضيع فنية يبدو لي أنها لاتؤثر في أقبال البورداب علي الكتابة من عدمها من وجهة نظري ،ويا سيدي كل سنة وانت طيب وكل سنة ونحنا حريصين علي تقدم الموقع ورفده بكل ماهو جميل .

اتخيل لم فتحت بوست ال14 اقتراح وقدمت فيه اقترحات كل الاقترحات وجدت تجاوب وتائيد كبير من كل الكتبو وشاركو فى البوست وثنو على الاقترحات وكان من ضمهنم مشرفين فى الفترة ديك وهم كمان ثنو الاقترحات لكن على حسب فهمى اتفتح تصويت تانى فى منتدى الادارة
شايف انه مافى داعى لتقديم اقترحات تانى للادمن ولا الاعضاء وكل سنة وانت اطيب وكل عام وافكاركنا كانت شمعة مضئية فى طريق المنتدى

محمد فارس كتب:: كتر خيرك ود كمال وأنت تفرض علينا بطرحك الجميل أن نشارك برغم الإحباطات والمأسي وحالة التوهان والتخبط التي تجتاح كل من يحرص علي هوية ووحدة السودان .لكن أعرج بكم للأهم علي ما أعتقد لماذا لا تسألون عن منظمة الحصا حيصا دوت كوم الخيريه وأين هي الان وإلي ماذا ألت وكيف بتصير وماذا أنجزت وخلونا من الاعضاء ونسبة مشاركاتهم وعدد تواجدوهم والديزاين وتغيره والارشفه والسيرفرات وتقدم الموقع(عزرا الموقع بتقدم لو قدمنا للحصاحيصا شويه).
ولا أنــــــــاء غـــــــــــــــــــــــــــــــــــــــــــــلطان ...

ابو الدقيق يارفارف قلبى مشتاقين
لولا المنتدى لما كانت منظمة الحصاحيصا دوت كوم الخيرية ولو لا المنتدى لم اجتمع اعضاء المنظمة وكمان المنظمة هى الحاتفرض المنتدى على ارض الواقع وعلى انسان الحصاحيصا المنظمة اضافة للمنتدى والمنتدى مكمل للمنظمة وكلهما وجهان لعملة واحدة
ولكن قبل ايام فى التلفون سالت واحد من الاخوان فى الداخل وعرفت انه المنظمة واقفة لسة فى اخر خطوة انا حضرتها فى السودان

مُساهمة من طرف محمدكمال السر في الأحد يناير 02, 2011 8:14 pm
تكتب بوست وتحس انك بتنفخ فى قربة مقدودة ....
...
الابن محمد .. اعلم مدى حرصك واهتمامك على تقدم المنتدى ونجاحه ... وليتك تعلم اننى اتابع ما وسعنى الجهد والوقت على الوقوف على كل صغيرة وكبيرة فى ما يجرى على صفحات المنتدى ... انت لا تنفخ فى قربه مقدوده .. لكننى اسعى لارضاء الجميع مع يقينى ان ذلك من سابع المستحيلات ... شيل الصبر معاى شوية ... ودمت

» مشكلة الحصاحيصا في ضعف المؤتمر الوطني فيها ( توجد اسباب).. دراسة للنقاش
» فى الحصاحيصا مدرسة للصم والبكم تحتاج الينا جميعا (توجد صور)
» ياناس ارشدوني في رسائل الايمل توجد مشكلة
» مؤسسة الشبيبة علي سطح صفيح ساخن هذا الصيف!! ( توجد مشكلة )
» ودسلفاب تحيي الذكري السابعة عشر لرحيل الفنان مصطفي سيداحمد في برنامج ضخم (توجد دعوة وبرنامج)