في السنة الجديدة ،، أتمني لـ ...... أن .......

فضل كرار نتمنى لك كل خير والحاجات الحلوة كلها بت2011


لكن ثنايئتكم وصداح ماشرط لكن على الهواء مباشرة احلى مافى شك

فضل كرار كتب:

وأتمني لصلاح عثمان أن نلتقي بعد الغياب الطال سنين ونجتر الذكريات إجتراراً

فضل والسنين العذبة والعشرة النبيله
والذكريات صدى الايام الجميلة
أنت كما أنت من خلال محاورتك للعقد الفريد
أصحاب السيف والقلم صداح وصحبه
وود السيمت والاخرون.
فخور ببلدك عزيز بوطنك
هكذا الايام تمضى كالسيل الجارف
تأخذ معها الزبد ويبقى ما ينفع الناس
من ذكرى طيبة وخلال حميد
مع عاطر التحايا

اتمني ان يستعيد المنتدي نشاطه ويعود الي سابق عهده مليئ بكل ماهومفيد وجميل وجديد وان يوفق اعضاء الجمعيه الخيريه في ان تري جميع مشاريعهم النورحتي يكون مولد جديد للحصاحيصا دوت كوم

صلاح كتب:

فضل كرار كتب:

وأتمني لصلاح عثمان أن نلتقي بعد الغياب الطال سنين ونجتر الذكريات إجتراراً

فضل والسنين العذبة والعشرة النبيله
والذكريات صدى الايام الجميلة
أنت كما أنت من خلال محاورتك للعقد الفريد
أصحاب السيف والقلم صداح وصحبه
وود السيمت والاخرون.
فخور ببلدك عزيز بوطنك
هكذا الايام تمضى كالسيل الجارف
تأخذ معها الزبد ويبقى ما ينفع الناس
من ذكرى طيبة وخلال حميد
مع عاطر التحايا

أنا كما أنا ؟؟؟؟؟
منو القاليك أو كضب عليك يا صلاح
أأأأأأأأأأأأأأأخ لو كان الأمر بيدي
و( لو كان الأمر بيدي ) دي براها كافية توريك ما خفي عن حالي
لو كان المر بيدي .............. ( زي ما قال كاظم )
خلينا في المهم
والله أمنيتي أشوفك يا صلاح
( مناي أشوفك تاني )
ونقعد نتحاسب
أصلي بحسك زي المرايا السليمة
تدي الحقيقة كما هي
نفسي أشوفك
عشان تكمل سردك المدهش عن الناس والأشياء والقيم
نفسي أشوفك وينتعش ماضي كامن
نفسي أشوفك عشان نعرف نحن وين واقفين
نفسي أشوفك ويتضح معالم مستقبل بين بين
صلاح يا سلام عليكم

طارق عبدالرحمن السيمت كتب:

فضل كرار نتمنى لك كل خير والحاجات الحلوة كلها بت2011


لكن ثنايئتكم وصداح ماشرط لكن على الهواء مباشرة احلى مافى شك

سميت يا سيييييمت
ودعتك قبل كدي كم مرات ( زي وعدك للنوار )
لكن مشاغل الدنيا تجبرني أتلوم فيك جنس لوم
أمسحها لي في وشي ياخ
لكن إنشاء الله إنشاء الله أبر نفسي بي شوفتكك
وننداااااااااح
تمنياتي ليك يا عزيز بموفور الصحة والعافية ورااااااحة البال

مهاد فارس كتب:

اتمني ان يستعيد المنتدي نشاطه ويعود الي سابق عهده مليئ بكل ماهومفيد وجميل وجديد وان يوفق اعضاء الجمعيه الخيريه في ان تري جميع مشاريعهم النورحتي يكون مولد جديد للحصاحيصا دوت كوم

أها النقول ليك كلام المذيعين يا مهاد
( أحبتي هذا المنبر بكم ولكم وعلي ساحات الإلفة نلتقي
دمتم ودوامت الحصاحيصا بخير )
تمنياتك في محلها يا مهاد
ولكن دعينا نحول حروفك الطيبة من إطار التمنيات إلي واقع فعلي يمشي في الأسافير
منبر الحصاحيصا إنتماء لوطن وتلاقي لأحباب
وفوق هذا وذاك واجب تستريح النفس أن تقوم به دون أن تحس أنه عبء
المنبر قلب للحصاحيصا
فليملأ كل واحد منا غرفته في هذا القلب نشاطاً وتفعالاً ومبادرات
ـــــــــــــ
تمنياتي لك في العام الجديد أن تسعدي و تُسعدي فيه

محمدكمال السر كتب:

فى السنة الجديدة اتمنى المنتدى يكون ماش من غير دفرة وتحنيس للناس عشان يكتبو وماتكون فيه اى مشاكل
فى السنة الجديدة اتمنى الحصاحيصا تكون فعلا وعد المنى وتكون ام المدائن والقرى
فى السنة الجديدة اتمنى للفردتى وحبيب قلبى محمد على جبريل حاجات كتيرة هو عارفها وانا عارفها وانتم مافى داعى تعرفو
فى السنة الجديدة اتمنى لفضل كرار حاجة انا عارفها لكن ما اظن هو عارفها
فى السنة الجديدة اتمنى لصداح ولكل الاخوة فى المنتدى ولشلة الدكان ولبرداب الخرطوم وكل الحلوين القابلناهم فى الاجازة حياة سعيدة وطيبة
فى السنة الجديدة اتمنى اقابل باقى اعضاء المنتدى الماقابلتهم فى الاجازة او الماقابلتهم فى حياتى نهائ زى كمال الجمل وراشد الجاك وعثمان الحسين واخرين
فى السنة الجديدة ادعو ربنا يدينى الفى مرادى

محمد كمال ما فقدتني المنطق عديييييييل ياخ
والله صحي الغربة أقسي نضال
ونضالك باين في حروفك الندية وأمانيك السندسية
ــــ
ما وضحت أمنيتك لي
لكن شوف يا محمد
لو دعيت ( أمنيت ) حاجة لي أي زول
ودعوتك صادفت ملك من الملائكة
الملك بيقول ليك : آمين ، ولك مثله
فأحسن تتمني لي حاجة كويسة
ــــــ
فردتك دا أبقي عليهو عشرة وربنا يوفقكم وترجعوا غانمين سالمين
ـــــــ
كمال الجمل وراشد الجاك وعثمان الحسين ، الله يديهم العافية ياخ ويحقق أمانيهم
ــــــــ
تحياتي معطرة بالند الهندي وماء الورد

هبة بت الحصاحيصا إنشاء الله السنة الجاية تقطعي البحر .

مهند احمد الامين كتب:

في السنة الجديدة اتمني لوطني العزيز الامن والاستقرار
واتمني لكل شخص ان يحقق ما يرمي الية من اهداف
واتمني ان يكون المنتدي زاهرا وفعالا
واتمني للمريخي العظيم التقدم والاذهار اكتر واكتر
واتمني لكل العزابة ان يكملو نصف دينهم
واتمني لاخواني بني زرقان ان يحافظو علي صفرهم الدولي ايما محافظة
وك اخي فضل ان تتحقق كل امانتيك

كنت ماشي كويس يا مهند
إلا طبظتها في دور الأربعة
تقدم ملحوظ يا طيشابي
بعد ما كنتو بتطيروا من بدريييييي تجي في بوستي دا وتطير من الدور قبل النهائي
تعرف ،،، دايرين حالكم يتحسن ؟؟؟ أنسونا شوية
وركزوا في هيئة توفير المياه بتاعتكم دي

يا زول بالجد بتمني ليك عام سعيد وعمر مديد وأفراح تزيد

كل الامنيات بسودان واحد وشعب يجد كرامته وعافيته ...
كل الامنيات للجميع هنا بدوام الصحة والعافية ...
كل الامنيات ان يعى الجميع هنا ان هذا الاسفير ماهو الا طريق نسلكه لنصل الى مانرمى اليه جميعنا ... وطن كبير معافى ... حصاحيصا ياوعد المنى ...
كل الامنيات الحلوة لك ايها الحبيب كرار ....

الرشيد حبيب الله التوم كتب:

صداح فاروق وراق كتب:

أتمني أنو أخونا الرشيد حبيب الله يبرد بطن الهلالاب شوية .

فضل كرار كتب:

صداح فاروق وراق كتب:

أتمني أنو أخونا الرشيد حبيب الله يبرد بطن الهلالاب شوية .

آآآمين ،، آآآمين ،، آآآمين ،،
وللرشيد كل ما يتمني وأكثر

يا صداح بدينا..!!
كل سنة و أنت و الأخ فضل كرار، عثمان الحسين، طارق السيمت و بقية (الدفعة) بالمنتدي بكل الخير.. كل عام و كل الخير لجميع أهل المنتدي بما فيهم الهلالاب..!!
و الفئة (الأخيرة) تجد أمانيك يا صداح عند (الغافل)..؟؟
و دمتم

ودامت المحبة والمودة والإخاء يا الرشيد
تمنياتي مجدداً لك بحياة متعددة النجاحات الإنسانية والمهنية

راشد محمد الجاك كتب:

كل الامنيات بسودان واحد وشعب يجد كرامته وعافيته ...
كل الامنيات للجميع هنا بدوام الصحة والعافية ...
كل الامنيات ان يعى الجميع هنا ان هذا الاسفير ماهو الا طريق نسلكه لنصل الى مانرمى اليه جميعنا ... وطن كبير معافى ... حصاحيصا ياوعد المنى ...
كل الامنيات الحلوة لك ايها الحبيب كرار ....

بكم وبمثلكم تحلو الحياة يا راشد
راشد ياخ خليني أهديك الأماني السندسية
قبلتها ؟؟؟ شكراً ليك

مهما فيك طولت صابر ياسنين عمرى الشقية
ومهما طال فيك حظى عاثر وذوبت عمرى الأسية
مابقول أنا راح أوانى عارفو ببسم لى زمانى
وسعدى يرجع ليا تانى بالامانى السندسية
بكرة بصبح بعدك ذكريات حالى داك الكنت فيهو
تملأ آمالى العراض كل درباً أصطفيهو
بكرة تجمعنى الصلات بى عزيزاً أصطفيهو
ترجع أيامى النضيرة بى لياليها الهنية
وسعدى يرجع لي تانى بالامانى السندسية
أصلى من فيض العواطف ديمة آسراني المحنة
كل مناى ترتاح حروفى فى فؤاد طاوياهو أنَة
لافؤادى يشيل عداوة لاشقاوة و لامظنة
أصلى ياروحى الصفيه لسه حافظ للوصية
وسعدي يرجع ليا تانى بالامانى السندسية

هابي نيو يير للجميع
واتمناها سنة سعيدة على الكل وتكون كلها سلام ووئام ومحبة
ويا ود جيرانا السنة الجتية تكمل نص دينك .
ويفضل شارع بيتنا في الامتداد دايما عامر واهلو متحابين ومتواصلين
ويجعلها سنة سعيدة ويتحقق حلم اي زول يتمناهو

(هبه) بت الحصاحيصا كتب:

صداح فاروق وراق كتب:

هبة بت الحصاحيصا إنشاء الله السنة الجاية تقطعي البحر .

آمييييييييييييين ياصداح



:

يااااااااااارب وتكوني معاي

رؤى شعيب جبريل كتب:

هابي نيو يير للجميع
واتمناها سنة سعيدة على الكل وتكون كلها سلام ووئام ومحبة
ويا ود جيرانا السنة الجتية تكمل نص دينك .
ويفضل شارع بيتنا في الامتداد دايما عامر واهلو متحابين ومتواصلين
ويجعلها سنة سعيدة ويتحقق حلم اي زول يتمناهو

الدكتورة الإنسانة
ربنا يحقق أماني الجميع
ونشوفك إختصاصية بإذن واحد أحد
ربنا يديم محبة وتواصل جيراننا وأحبابنا في كل مكان

رؤى شعيب جبريل كتب:

(هبه) بت الحصاحيصا كتب:

صداح فاروق وراق كتب:

هبة بت الحصاحيصا إنشاء الله السنة الجاية تقطعي البحر .

آمييييييييييييين ياصداح



:

يااااااااااارب وتكوني معاي

أنا كنت قايلو بحر رفاعة

اتمنى لجيرانى الحلوين فضل ورؤى اول حاجة يا فضل البنتمناهو ليك انت عارفو زين وزيد عليهو نعمة الصحة والعافية وانتى يا رؤى يا امورة بقدر محبتى ليك بتمنى ليك انشاء الله تنا لى كل ما تتمنى

فتحية يا حبيبة تسلمي كتير وانتي كمان عارفة مكانتك عندي يارب يحقق كل امنياتك ويخلي لينا الوالد علي امونة يارب وينعم عليهو الصحة والعافية.وتحياتي للاولاد

في السنة الجديدة
اتمني لي فضل كرار حياة سعيدة
واتمني تحقق دعوة بنسمعها من بت عمر كل عيد