نون .. تاء الانثى ... شعر : صديق الرضي

اظنك راجية الراكب فوق الريح رحال
وشايل ريدك دين
وصاين صورتك في العين
وحافظ سيرتك في البال
وانك شايلة الامل المات في نبض الناس
ومنك ببدأ شعور الزول بالالفة
بتبقى نهاية الاحساس
وعارفك داخرة الفرح الغايب للزين
ولامة زغاريدك ليهو
وصارة الشوق الدافي دفين
وتندهي في المولى اعيدو
تمتمي بي طه ويس
وشايفك قاعدة تسرحي شعرك في موية النيل
تخضبي ايديك بالفرحة
وتغزلي ليهو قصايد الريد منديل
تعفري جسمك باللهفة
وتحلمي بي فارسك اطلع من رحم الليل
اظنك راجية الطول بيهو غياب
اعود واكحل عينيك بالشوق
وازين زندك من ابنوس الغاب
وبكرة نزفك ليهو عروس
اجمل فيكي وفيهن نون النسوة
وتاء الانثى
وكل اداوات الاعراب
وتبقى عديلة وبيضا
وابقى الزول القال فارسك مفقود
وحظك في جناح الطير معقود
زولا كضاب .

شكرا للمرور والاطراء اخي عمر الفاروق