وقلبت بجد ..كوميدي ساخر ..

الخلع عليك هو المكتوب ..يا ولدي
الجزء الثاني: حكايا خلع
_____________________
تأليف:رضا الهجرسي
الحكاية الثالثة
وقلبت بجد..
__________

1

حكايتنا هي حكاية نجم النجوم ..ماجد البشرى ..
رجل هباة اللة كل شئ..بهاء الطلعة فى وسامة محببة ..
شباب فهو تخطى الثلاثين من عمرة وهو فى كامل حيويتة وبهاءة
الشهرة.. والمجد ..والمال ..الذى كان يصرفة ببذخ ..
هوفتى أحلام كل ..المراهقات ..بل كل النساء ..
نجم الشباك الأول ..تكتسح أفلامة كل أفلام منافسية..لأقبال..الجنس اللطيف بجميع أعماره على أفلامة ..كان موضع حسد من جميع الرجال..
أطلق علية ..طور الوسط الفنى..
لكثرة علاقاتة..النسائية..وفضائحة ..التى تملأ المجلات الفنية ..
وجرائد الفضائح الصفراء..
المنتجون ..يقفون على بابة بالطوابير ..ليقبل بطولة أحد أفلامهم ..
ولكنة ..أرتكب الخطيئة الكبرى التى لا تغتفر..فى حق نفسة أولا..
وفى حق ..كل معجباتة من الجنس اللطيف ..وفى حق المنتجين ..
الذين كانوا يجنون من وراء فضائحة الملايين ..
لقد وقع فى الحب ..
أحب.حنان..الممثلة الصاعدة..والتى كانت فى بداية مشوارها الفنى .
و زاد الطين بلة ..وقرر الزواج منها ..وقد كان ..
تمت المأساة ..ومر على زواجهما ...سنة.. بالكمال والتمام ..
فدعونا نرى ..ما حدث لة..

2
جلس نجم النجوم يتناول أفطارة ..وقد طالت لحيتة ..وضاع بهاء وجهه ..يتصفح جريدة أمامة ..وتحيط بة ..مجلات مفتوحة ..بأعداد
كبيرة ..يلقى الجريدة وهو يصرخ غاضبا ..
- مش ممكن ..مش معقول..دة جنان اللى بيحصل دة..ولا خبر عنى ..
تدخل أمرأة ترتدى السواد عينيها باظة لبرة ..تحط لة الأكل
يبص لها بفزع وأستغراب ..
- أنتى مين ..يا ست أنتى ..
ترد علية حنان ..بعد أن جلست أمامة على السفرة ..
- دى الخدامة الجديدة ..يا حبيبى ..
- الخدامة الجديدة ..أمال فين ..جولى .
- جولى أنا رجعتها لمكتب التخديم ..وجبت بدالها ..ريا ..
- تمشى جولى وتجيب لنا ..ريا ..يا شيخة حرام عليكى ..
دى شبة..ريا فعلا ..وعملتى كدة لية ..
- توفير ..يا حبيبى ..توفير ..
- توفير ..أنا حروح البنك أسحب لك أى مبلغ أنتى عايزاة ..
وترجعى جولى حالا ..
- مفيش داعى يا حبيبى ..البنك بعت لك جواب..بيهددك فية أنة ..
حيقفل حسابك ..لأنك بتسحب دلوقتى ع المكشوف ..
- أنا بسحب ع المكشوف ..
- يا ما قلت لك يا حبيبى ..أمسك أيدك ..تقولى ..دة عقد فيلم واحد
يغطى كل دة ..و العقد مجاش ..والفلوس خلصت..
- أزاى ..أنا حتتجن..ولا خبر واحد عنى.. فى أى مجلة أو جريدة ولا..منتج واحد يتصل حتى بتليفون ..أية اللى حصل ..أنا مش
فاهم حاجة...
-أنا يا حبيبى عايزة أأقولك من زمان ..بس خايفة أجرح شعورك
الرقيق ..المرهف ..الحساس ..
- أنتى بأة عارفة السبب ..وأنا نايم فى العسل ..لازم تصارحينى
بالحقيقة مهما ..كانت مرة ..وحتجرحنى ..ودلوقتى..أرجوكى
يا حنان يا حبيبتى ..أرجوكى..
- أهدا يا حبيبى ..أهدا ..هقولك على حاجة ..لأننا لازم نلحق ..
قبل المصيبة ما تزيد ..ونبيع كل اللى حليتنا ..
- كمان ..بأة أنا نجم النجوم ..يدهدر ..بية الحال بالشكل دة ..
- أهدا يا حبيبى ..وخلينا نفكر بهدوء ..
- أدينى هديت قوليلى بأة ..أية السبب..
- جوازنا يا حبيبى ..هوة السبب ...
- جوازنا ..أزاى؟؟؟
- أنت يا حبيبى كان جمهورك.من البنات الروشين المراهقين اللى
بتمثل لهم فتى أحلامهم ..مش بس المراهقين ..كل الجنس اللطيف
حتى المتجوزين ..والمطلقات ..والأرامل ..أنت كنت بالنسبة لهم
الراجل اللى بيشفوة فى أحلامهم ..
- طب وأية ..اللى حصل ..
- لما أتجوزتنى ..ضاعت أمال المراهقات اللى كانوا بيجروا ..
وراك فى كل حتة ..ويخشوا أفلامك ..عشان يشوفوك ..وكل واحدة منهم بتحلم ..أنك فى يوم من الأيام ..حتكون من نصيبها.
طبعا الحلم دة ..أتقتل لما أتجوزت ..وأتنقل لنجم تانى ..
- يعنى أية الكلام دة ..يعنى عشان أفضل ..نجم النجوم ..لازم أفضل عازب ..ومتجوزش ..
- بالظبط ..يا حبيبى ..عشان كدة أنا فكرت ..وقلبت الموضوع
وجبتة يمين ..وبعدين جبتة شمال ..لحد ما لقيت ..الحل..
- الحل ..وأية هو الحل ..
- أنك لازم ترجع عازب ..ومش كدة وبس ..وترجع بفضيحة
- أرجع بفضيحة ..
- ومش أى ..فضيحة ..فضيحة تهز الوسط الفنى كلة ..وتفكر الناس بفضايحك ..بتاعة زمان ..وترجعك ..طور الوسط الفنى
تانى ..والجرايد والمجلات ..تتكلم عليك ..والمنتجين يرجعوا
يجروا ..وراك..ويبوسوا أيدك كمان ..عشان توقع .عقد معاهم..
- وهى أية الفضيحة ..اللى تعمل دة كلة ..
- الخلع ..
- الخلع ..عايزة تخلعينى يا حنان ..بعد الحب الكبير اللى حبتهولك
- وأنا كمان يا حبيبى ..أنت عارف ومتأكد من حبى ليك ..وأنى
مقدرش أعيش من غيرك.. ومن غير حبك لحظة واحدة ..
- أمال أية اللى ..بتقولية ..لخبطينى ..
- يا حبيبى ..دى ..أشاعة حنطلعها ..
- أشاعة ..طب لية منطلعش ..أشاعة ..طلاق ..
- الموضة يا ماجد يا حبيبى اليومين دول..الخلع .الطلاق خلاص ..
بأة موضة قديمة ..ومش حيعمل الفضيحة اللى أحنا عايزينها
شوف بأة مانشيتات الجرايد ..لما تطلع وتقول ..خلع نجم النجوم
خلع طور الوسط الفنى ..يأأأأأأأة ..دى حتبقى فضيحة الموسم .
- فعلا يا حبيبتى ..ويرجع أسمى تانى ..يملا المجلات والجرايد
الصفرا ..بس حنطلع الأشاعة دى ..أزاى .
- لا ..دى بأة تسيبها علية ..أنا عارفة حسربها عن طريق مين..
- مين ..
- مفيش غيرها ..أنهار الذومبجى ..
- يا خبر أسود ..ملقتيش غير أنهار الذومبجى ..دى تقبل العما ..
ولا تقبلنيش ..
- وهو دة المطلوب ..ومتنساش ..أنها أكبر ذومبجية فى الصحافة
الصفرا ..وتموت فى الفضايح ..شفت يا حبيبى ..حبيبتك حنان
فكرت لك فى كل حاجة.عشان تسترد عرشك.وترجع نجم النجوم

3

تسأل .. أم حنان ..فى فزع ..أبنتها حنان ..
- أية .. الحكاية يا حنان ..جايبانى على ملا وشى لية ..لازم تيجى حالا يا ماما ..محتاجاكى جنبى ..فهمينى ..أية الحكاية ...
وجوزك فين ..دة مش بعادة يخرج ويسيب البيت ..
- أهدى يا ماما وأقعدى ..وأنا حفهمك على كل حاجة ..المهم قفلتى
شقتك وجبتى هدومك ..لأنك حتقعدى معايا هنا كام شهر ..
- لية هو المتنيل على عينة.سى نجم النجوم بتاعك دة راح فين ..ياااةأنا مقبلوش للة فى للة ..لا هو ولا أبوة ..واخد فى نفسة قلم
وفاكر أن مفيش ع الأرض غيرة.ولا أبوة ..اللى ماشى فى كل حتة يتفشخر بأبنة..ومفيش على بقة غير.هذا الشبل من ذاك الأسد
يا خي يتنيل على عينة..العجوز المهكع ..هو وأبنة ..
- يا ماما أهدى ..ومتبوظيليش الخطة ..
- خطة ..خطة أية .
- خطة ..حترفع أسم بنتك فى السما ..ما بين يوم وليلة ..الشهرة
والمجد ..حيجو لغاية بابي ..والمنتجين حيتسابقوا ..عشان..
أبأة بطلة أفلامهم ..والفلوس حتترمى تحت رجلية ..
- أزاى بأة يا فالحة ..وسى نجم النجوم ..واقف لك ..ذى العقلة
فى الزور..
- ما هى دى بأة الخطة الجهنمية اللى رسمتها بنتك ..ومعرفش
أزاى ..ماجد وافق عليها ..
- أنا مش فاهمة حاجة خالص ..
- مش مهم ..المهم أنك حتقعدى معايا هنا ..عشان ..أنهار تصدق
الأشاعة ..وتنشرها فى مجلة الحقيقة ..بتاعة الفضايح ..وبعدها
حيتفتح على مصراعية..باب المجد والشهرة .. للنجمة حنان..
تدخل عليهم.. الخادمة ريا ..
- فية واحد ولا واحدة..أسمها..أنهار زمبلك ..ومعاها ..واحد قزعة
كدة ..حاطط على قلبة ..شوية صناديق ..وبيسألوا عليكى يا ست
حنان ..
- دخليهم بسرعة الصالون ..أنا نازلة لهم حالا ..
- مين ..أنهار زمبلك دى..
- أنهار الذمبجى ..يا ماما ..فى حد فى البلد ميعرفهاش ..مش
وقتة دلوقتى ..أنزلى ضايفيهم ..لغاية ما حط ماكياج الحزن
واللوع ..على وشى ..يالا يا ماما ..بسرعة ..
- طيب أدينى رايحة أهو ..لست زمبلك ..بتاعتك لما أشوف
أخرتها أية معاكى..
تدخل أم حنان الصالون وترحب بأنهار وهى أمرأة تخطت
الأربعين من عمرها ..تتشبة بالرجال فى ملابسها ..تضع
كاب على رأسها ..وتمسك بايب فى يدها ..لا تدخنة ..ترفع
رأسها فى ..قلاطة ..ترتدى نظارة سوداء ..وبجانبها شاب
يقترب من الثلاثين من عمرة ..قصير القامة ..يضع ثلاث
كاميرات على صدرة ...وهو مصورها الشخصى.. فلاش
- أهلا ..أهلا ..ست زمبلك ..
تسلم عليها بأطراف أصابعها فى أستياء ويصرخ فلاش
- الذمبجى ..يا هانم ..الست أنهار الذمبجى ..الصحفية ..
المتسيطة ..وقنبلة الصحافة الصفرا ..
- قنبلة ..وصفرا كمان..يا ستار يا رب ..
- طبعا يا هانم ..دى ذمبة منها ..تطلع أصغر فنان ..فوق
فوق فى السما ..وذمبة تانية ..تنزل ..أكبر نجم ...تحت
تحت ..فى أسفل سافلين ..وتنزلة لسابع أرض..
- اللهم أما أحفظنا يا خويا .. هى مبتتكلمش لية ..هى خرسا..
- دى يا هانم متتكلمش الا فى حالة واحدة.لما تيجى تفقع الذمبة.
تدخل حنان وهى تمسك منديل فى يدها وتدعى البكاء ..ترحب
بهم ..ثم ترتمى فى أحضان أمها باكية ..يهدأها فلاش ..
- أهدى يا نجمة أرجوكى ..عشان ستنا وتاج راسنا تفهم الحكاية
اللى قولتي هالها فى التليفون..وأنها حتبقى قنبلة الموسم ..أية
بأة الحكاية ..
- الحكاية بأختصار ..أنى مبقتش قادرة أستحمل عشرتة أكتر من
كدة ..طلبت منة الطلاق ..رفض ..فأضطريت ..أرفع علية ..
قضية خلع ..
- هايل ..هايل ..يا نجمة ..دة خبر فعلا قنبلة ..ولا أية يا أستاذتنا
تهز أنهار الذمبجى رأسها موافقة ..وتوشوش ..فلاش فى أذنة
فيصرخ ..
- فعلا ..فعلا ..اللة ينور عليكى ..يا أستاذة أساتيذ الذنب ..هو دة
شوفى بأة يا نجمة المستقبل ..أنتى طبعا عارفة أن أحنا أسم..
مجلتنا ..الحقيقة ..ولا ننشر الا الحقيقة ..المثبتة بمستندات ..
رسمية ..الأستاذة عايزة ..الورقة اللى خدتيها من..
المحكمة ..لما رفعتى قضية الخلع ..عشان ننشر وأحنا ..
ضهرنا محمى ..بيها ..
ترتبك حنان
- أة طبعا ..الأستاذة عندها حق ..بس الأوراق كلها عند محامى
العيلة ..
تقف أنهار وفلاش
- طب نستأذنك يا نجمة عشان الست وراها ذمبة فى حتة تانية وأول ما توصل للأستاذة الورقة..سيبى الباقى عليها ..
يخرج فلاش وأنهار ..وتجلس حنان تفكر بعمق ..ثم تتناول
التليفون وهى تقول ..
- أيوة ..مفيش غيرة ..الأستاذ سحتوت المحامى ..دة محامى العيلة
وهو اللى حيفهمنى أعمل أية ..
4

يضع ماجد يدة على جرس باب شقتة ولا يرفعة الا عندما تفتح
ريا الخادمة الباب ..فيدفعها بشدة وهو ينادى على حنان بعصبية
شديدة ..ووراءة ..أبية ..وكل منهما ..يمسك مجلة الحقيقة فى يدة
تقابلهما ..أم حنان ..بعصبية ..وهى الأخرى تمسك مجلة فى يدها
- بتزعق كدة لية..أنت ليك عين أنت وأبوك..بعد الفضايح والجرس
دي كلها..وبعد ما أتكفش المستور ..يا ..أكذوبة ..
يرد أبوة..صارخا
- أنا أبنى..مش أكذوبة ..كل دة..كدب وأفترا..أنا أبنى صاغ سليم
وذى الفل ..
- يا خى والنبى تتلهى ..فالح بس ..فى الروحة والجية ..دوشنا
هذا الشبل من ذاك الأسد ..هذا الشبل من ذاك الأسد ..بلا نيلة
- ولسة بقول ..وحفضل أأقول ..هذا الشبل من ذاك الأسد..
يهدأ ماجد أباة
- أرجوك يا بابا ..تهدى شوية ..أحنا مالناش كلام معاها ..فين حنان
- أنت عايزها لية ..لو عندك كلام قولة للقاضى فى المحكمة
- محكمة أية بس يا حماتى ..دة كلة كدب ..ومتفقين علية أنا وحنان
هى فين ..يا حنان ..يا حنان ..لازم المهزلة دى تقف حالا..
تدخل حنان وهى تنظر فى الأرض..فيمسكها ماجد من ذراعها
بعنف ..صارخا..وهو يشير بالمجلة ..
- تسمحى تفهمينى يا هانم ..أية الكلام الفارغ ..اللى نشراة ..أنهار
فى المجلة ..بأة أنا أكذوبة الوسط الفنى ..طور الوسط الوسط تكشفة زوجتة ..الفنانة حنان عاشت لمدة عام فى حرمان وعذاب..بأة أنتي كنتى عايشة معايا فى حرمان وعذاب
ترفع أم حنان يدة من على ذراع حنان ..وتأخذها فى حضنها..
- أبعد أيدك عن البت ..أنت عايز تضربها ولا أية ..أتفضل أطلع
برة وخد معاك الأسد أبوك ..والا حبلغ البوليس ..
- أنتى موافقة ..يا حنان ..على كلام أمك ..
تضع حنان وجهها فى صدر أمها ..يسحبة أبوة من يدة ..
- يالا ..يا ماجد..يا أبنى ..وميعادنا فى المحكمة ..يا هانم ..

5
فى قاعة المحكمة ..يقف ماجد مع أبية والأستاذ فتحى عمار
المحامى ..وماجد يحتضن فى صدرة .ظرف كبير لصورأشاعات طبية.. يلمح أنهار تدخل من باب القاعة ..فيجرى ناحيتهم ..وعندما
تراة أنهار ..تحتمى فى ظهر فلاش..ويضع فلاش يدة فى صدر ..
ماجد ليحميها ..وماجد يصرخ فى عصبية شديدة ..
- بأة ..أنتي يا أنهار ..تدينى الزمبة دى ..أن ما كنت ..أأقفلهالك ..
- ماسكة كويس ..يا واد يا فلاش ..
- متخافيش يا ستنا ..أحنا فداكى ..
- بدل ما تتشطر علية ..روح أتشطر ع اللى فضحتك ..ورفعت
عليك القضية ..عشان تشتهر ..وتبقى ..نجمة النجوم ..
يهدأ ماجد
- لأ..فى دى عندك حق ..
يتركها ماجد ويجلس بجانب والدة والمحامى ..
وتنظر أنهار الي فلاش فى فرح
- أية رأيك يا واد يا فلاش ..فى الذمبة دى ..
- أستاذة أساتيذ ..الذمبجية كلهم ..عبقرية لن تتكرر فى تاريخ ..
الصحافة الصفرا يا ست.. تدخل حنان القاعة وهى تغطى وجهها بجريدة ومعها سحتوت
ويجلسوا فى أخر القاعة حتى لا يراها ماجد ..فلم يراها ..
فقد كان يستمع الى محامية بتركيز شديد ..
- القضية هايفة ومتستحقش اللى بتعملة فى نفسك دة ..أحنا معانا
الشهادات الطبية من أكبر دكاترة ومدعمة بتحاليل وصور أشعة .
أنك سليم ومية ..مية ..واللى يهمنا هنا مش قضية الخلع ..
اللى يهمنا..أننا نثبت أنك سليم ..وأن كل اللى أتقال دة كدب
وتلفيق ..أحضرنا يا أستاذ بشري ..
- أيوة يا ماجد يا أبنى ..أهم حاجة ..نثبت أنك سليم ..وكامل
الرجولة ..وذي الفل..
- أنا حاسس بأهانة ..كبيرة قوى ..
- لا .أنا مش عايزك تفقد ثقتك بنفسك كدة ..قول ورايا يا ولة..
أنا جامد ..أنا قوى ..أنا عنتيل ..قول يا ولة..
يردد ماجد بدون حماس ..فيصرخ فية أبية ..
- قول يا ولة بحماس وقوة ..أنا جامد ..أنا قوى ..أنا عنتيل
- أنا جامد ..أنا قوى ..أنا عنتيل .
- كمان .
- أنا جامد ..أنا قوى ..أنا عنتيل ..
يدخل القاضى ويطلب من الحاجب أن ينادى على القضية الأولى
- محكمة ..القضية الأولى ..المرفوعة من السيدة حنان ذكى ..
بخلع.. السيد ..ماجد البشرى ..
يتقدم المحاميان الى المنصة ..
- سحتوت سحتت ..المحامى ..حاضر عن السيدة ..حنان ..
- فتحى عمار المحامى ..حاضر عن السيد ..ماجد البشري.
ينظر القاضى الى سحتوت
- أتفضل يا أستاذ سحتوت .. طلباتك ..
يرفع سحتوت..صوتة فى لغة خطابية..ويتحرك أمام المنصة
- سيدى القاضى ..أن الجريمة الشنعاء.. التى نحن بصددها ..
ليشيب لها الولدان ..فى بطون أمهاتهم ..وتهتز لها أركان ..
المعمورة ..حزنا وكمدا..أن هذا المجرم الأثيم قد مات ضميرة
وطعن موكلتى ..فى ..
يقف فتحى معترضا
- أعترض ..سيادة القاضى ..فهذا تجريح فى شخص موكلى ..
- أعتراضك..مقبول..راعى كلامك لو سمحت.. يا متر..
- أعتذر لهيئة المحكمة الموقرة ..فقد جرفتنى مشاعرى ..كلما تذكرت ما عانتة موكلتى..من عذاب الحرمان..و ممارسة حقوقها
الشرعية ..والتى أحلها اللة .. خدعها ..هذا الكاذب ..بهيئتة
الخادعة. وسمعتة الكاذبة..التى روج لها ..بأنة طور الوسط الفنى
وفتى أحلام النساء ..و ووو..ثم ماذا ..أتضح أنة كذبة ..
يقف ماجد ثائرا
- كدب ..كل دة ..كدب ..
-أستريح يا أستاذ يا ماجد أرجوك.. هييجى وقتك وتقول اللى أنت عايزة..أتفضل يا أستاذ سحتوت كمل..بس أختصر شوية دى قضية خلع ..مش جريمة قتل ..
- بل هى جريمة قتل ..سيدى القاضى ..قتل نفس بشرية حلمت
بحياة زوجية ..وصدقت كذبة وأدعااءتة التى روجها ..ووقعت
فى الفخ..هذا الحمل الوديع ..وقع فى شبكة هذا الذئب ..ومع
ذلك ..حاولت ولمدة عام ..أن تساعدة ..عرضتة على أكبر
الأطباء ..فى مصر ..وفى الخارج ..ومفيش فايدة ...جلبت لة
من أمريكا جميع أنواع الحبوب الزرقاء الأصلية ومن حسابها
الخاص ..لم تبخل علية بأى عزيز وغالى ..وبرضة مفيش
فايدة...
يقف ماجد فى هياج شديد
- أنت راجل كداب ..ومفترى ..
القاضى فى لهجة غاضبة
- أذا كررتها تانى ..حطلعك برة الجلسة ..
يشدة أبية من يدة ويجلسة .
- أحنا قلنا أية ..
- أنا جامد ..أنا قوى ...أنا عنتيل ..
يشير القاضى الى سحتوت أن يجلس
- خلاص يا أستاذ ..المحكمة أتنورت ..أتفضل أستريح
أتفضل يا أستاذ فتحى ..
- سيدى القاضى ..لسنا برجال أقوال فضفاضة ..وكلمات رنانة ..
ونلقى بالتهم جزافا..بدون أي أثباتات ومستندات ..فنحن لدينا ما
يثبت سلامة موكلى ..بل يؤكد فحولتة الكاملة ..شهادات من
أكبر الأطباء المعروفين ..بنزاهتهم ..بسلامة موكلى ..وأنة..
يقاطعة سحتوت
- أسمح لى يا سيادة القاضى بالرد على زميلى المحترم ..فلسنا
نشكك فى نزاهة الأطباء ..فقد يكون الأستاذ ماجد.. سليم مائة
فى المائة فى الفحوصات الطبية ..
ويرفع صوتة عاليا
- ولكنة فاشل فى أثبات ذلك مع زوجتة ..وعلى فراش الزوجية
ولا يوجد من يؤكد ذلك ..غير زوجتة ..وشكرا سيادة القاضى
يشير القاضى أليهم بالعودة لأماكنهم
- أتفضلوا ياأساتذة ..وأكتب يا أبنى ...
تؤجل القضية ..للحكم ..بطلاق السيدة ..حنان ذكى ..خلعا..
يقف ماجد وهو يشير للقاضى بالشهادات ..فى حركات
هستيرية وجنون شديد ..ويهجم على المنصة ..
- أنا جامد ..أنا قوى ..أنا عنتيل ..حتى شوفوا ..حتى بصوا ..

( النهاية )

» طباخ الخلع ..كوميدي ساخر ..
» سوسو هانم ..هية الحل ..كوميدي ساخر ..
» ويقام المأتم (( ساخر سبيل ))