بدون تأشيرة (( شوفوا لينا حل !!؟؟ ))

بسم الله الرحمن الرحيم
بدون تأشـــــيرة
وليد العشي
شوفوا ... لينا حل !!؟؟
• الهلال تعادل مع النيل في الدوري الممتاز...
• جمهور الهلال زعل شديد وهاجم الحكام .....
• تصريحات هنا وهنالك .. أرضية سيئة وتحكيم أسوا .....
• الهلال يشكو حكم كريمة ولجنة الحكام تدافع عن عمار .....
• بعثة الهلال غادرت إلى نتيجيربا لمقابلة انيمبا في دوري الأبطال
• الحال يا هو زاتو الحال ... نفس الاسطوانة ... ونفس النغمة ونفس الفنان .....
• يا جماعة خلونا من الأغنية أعلاه .. وشوفوا .. لينا حل
• أداء ضعيف واستهتار واضح من بعض اللاعبين تجعلنا نضع أيادينا في قلوبنا والهلال يلعب بسم السودان في كبرى المحافل والمنافسات الدولية
• استهتار بالخصم وعدم الإحساس بالمسئولية تجاه شعب الهلال المغلوب على أمره ... أصبح الآن هو سيد الموقف
• على لاعبي ا لهلال وجهازهم الفني أن يعلموا بان اسطوانة الحكام والأرضية اصبحت لا تفيد في شئ ... والفيصل هو الأداء وروح الانتماء
• ضرورة محاسبة كل المقصرين وفرض سياسة الانضباط .. اوجب الواجبات يا مجلس الهلال
• يجب أن نضع يدنا على موقع الداء والعلاج بالكي هو أفضل السبل
• إلى البرنس وإخوانه انتم تحملون شعار اكبر الفرق وعبر أعظم جمهور رياضى ... عليكم بذل كثير من الجهد من اجل تضحيات تلك الجمهور التي ترافق الهلال بكل صبر داخل وخارج الخرطوم
• إلى البرير وأعوانه .... الأجواء الآن لا تسمح بالخلافات والموجع الأزرق مقبل على أم المعارك وتحقيق كاس البطولة الأفريقية بإذن الله
• دعونا الآن جميعا أن نرفع الايادى إلى الله بان يوفق الهلال في مسيرته القاصدة حتى نصل إلى المراد
• من القلب إلى القلب .... الهلال وبس
• جاني الخبر شايلوا النسيم وقالوا الحضري أكل ناس المريخ نيم
• تعادل الهلال مع النيلاب وفرح المريخاب ... دى يا أخوانا يحلوها كيف
• يا الاصفرانى عليك الله ارجع تانى ... الأغنية مهداة إلى الجماعة الصفر والحمر
• بدون تأشيرة .... العجب جاب قووووووون
• بتأشيرة .... الهلال ... الهلال ... الهلال .... الهلال ... والقادم أحلى

Ashi-193@hotmail.com

سلام الأخ وليد

انت زعلان عشان هزيمة الهلال أم لفرح جمهور المريخ لهزيمة الهلال من النيل؟
انت زعلان عشان ناس الهلال قالوا ارضية الملعب سيئة ولا زعلان عشان هي فعلا سيئة؟
انت زعلان عشان ناس الهلال لعبوا بدون روح أم لأن لاعبي النيل أدوا بروح؟
انت كان زعلان أسمع شريط محمود عبد العزيز .... تحياتي ومحبتي
تخريمة: كل لاعبي الخرطوم (هلال مريخ...الخ..) عندما يلعبوا في استادات الاقاليم بيشتكوا من الارضية علما بان أغلبهم أتي من هذه الاقاليم ولم نسمع بلاعب تم انتقاله من انتر ميلان للمريخ أو الهلال ... الناس دايرالها حاجة تعلق فيها الفشل والهزيمة ...

والله يا علاء صاح
عشان كده كورتنا واقفة وراجعة لوراء