اضحك فرفش أنسى همومك

عبدالمنعم ترتورة كتب:: رباطابي راكب الطيارة ،،،،،،، برد شديد من المكيف،،،،،، ﻗﺎﻝ ﻟﻠﻤﻀﻴﻔة يا ﺑﺘﻲ ﺟﻴﺒﻲ ﻟﻲ ﺑﻄﺎﻧﻴﺔ،،،، المضيفة عايزة تتظارف قالت ليه ياعمو بردان؟؟؟ _ قال ليها............... لا لا داير أكوي
*******************************************************
مسطول شغال في شركة عايز يتصل بالبوفيه قام اتصل على المدير بالغلط وقال ليه جيب شاي بسرعة ولو ما أسرعت بالشاي بشوتك من الشركة دي ... المدير قال ليه إنت عارف بتكلم مين ... المسطول : لا لا ، قام المدير قال ليه أنا المدير العام قام المسطول قال ليه إنت عارف بتكلم مين .. المدير قال ليه لا ... المسطول قال ليه الحمد لله وقفل الخط
*****************************************************
مسطول نزل من الطيارة شايل بنطلونو في كتفو الناس سألوه مالك يازول قال ليهم المضيفة كرهتنا ... أربط الحزام ... فك الحزام

العزيز ابو التر الله يديك الصحه والعافية وحاتك الواحد ليه زمااااااااااااااان ما ضحك بالطريقة
دي وينك من زمان يالذيذ .. خالص تحياتي لك واسرتك الكريمة

عزيزي جعفر لك التحية والدنيا زي ما بتفرق بتلم في يوم من الأيام تحياتي لك وللأسرة وربنا يديك الصحة والعافية

عسكري شايقي لقي جعلي مقتول ما عرف القتله منوسجل القضيه علي فاعل خير

شايقي دخل مع ابليس في جمعية . . . شال الصرفة الاولى وقال بسم الله الرحمن الرحيم

واحد جعلي ضخم الجثة؛ راكب في واحد من بصات أم درمان، وراكب جنبو واحد شايقي قصيِّر وقليِّل. كل مرة الجعلي يلكد الشايقي في راسو، ويقول ليهو: (ماك عارفنا نحن الجعليين، جنى المك نمر، النار دي ناكلها مولِّعة)، والشايقي محتار في المصيبة العملاقة دي يعمل معاها شنو. شويتين كده، ويلكدو تاني: ( إتَّ أظنِّك ماك خابرنا، نحن الجعليين، جنى عبد الله ود سعد، النار دي ناكلها مووقدة؟؟!)، والشايقي الغلبان مستسلم وقاعد. قام فجأة الكمساري كورك: (أيوه الدَّايات، حدي نازل؟؟!)، الجعلي قال ليهو: (أيوه وقـِّف أنا نازل هنا)، لما نزل وبقى في الأرض، الشايقي تاوق ليهو بالشباك، وقال ليهو: (أمانةً في ذِمَّتك دي محطة ينزل فيها راجل؟؟؟!!).

واحد سنجك شغال بوليس حركة، ومشلَّخ شايقي شلوخاً كبار بالحيل! قام وقـَّف ليهو واحد بتاع بوكسي لفَّ الصينية غلط، وقال ليهو جيب الرخصة والتأمين. الراجل قال ليهو تعال قريب، ومد ليهو يدُّو، وقال ليهو: ( هاك دي تلاتة ألف حق الفطور، كل شلخ من شلوخك دي بألف، رايك شنو؟؟! قام السنجك اتلفت وقابلو بخدو التاني، وقال ليهو: (نان قايل جضم واحد ماشي يمرقك؟؟!).

شايقي لقوه بمسح صدره بي ورقة فئة 5جنيه سألوه ليه قال ليهم الدكتور قال لي اشتري زيت سمسم اشربه واتمسح بالباقي

واحد سنجك، شغـَّال بوَّاب في مصلحة حكومية، ولئيم لئامة مبالغ فيها، ضُبَّانة ما يخليها تدخل، سيبك من زول أو عربية!! لكن رغم كده عندو تعصُّب لأهلو الشايقية. جاء واحد راكب عربية قزازها مظلل، وداير يدخل، السنجك منعو، وإتعنت في الرفض. أخيراً الراجل نزَّل قزاز العربية عشان يتفاهم معاهو، البوَّاب لاحظ إنو الراجل مشلَّخ شايقي، قام طوَّالي ضحك وفتح ليهو، وقال ليهو: (أيْ من قبيل ما تقوللي هيئة دبلوماسيي!).

شايقي ورباطابي مسافرين
الشايقي شايل اكل كتير
بالليل الرباطابي شايل معاهو
بطانيه اتغطي وخلي الشايقي في
البرد
الشايقي اتغاظ وقعد يقول والله
انا عندي قراصه سمحه وفطير مافي
زيو وبلح كتير لكن ما جعان هسي
اعمل بيهم شنو
الرباطابي قال ليهو اعمل بيهم بطانية

سأل الوالد ولده عن سبب ركن ولده لعربته منذ فترة أمام المنزل دون أن يستعملها فرد عليه الإبن بأن العربية في حاجة إلى بطارية جديدة وأربع لساتك وتغيير في الجير بوكس وتجديد الفرامل وتحتاج إلى صبغ جديد فرد الوالد على الولد والله ياولدي الحاجات القلتها دي لو أنا ركبتها في العنقريب الأنا قاعد فيه حيتحرك قبل عربيتك

مسطول لقي كنز , قال الحمد لله باقي الخريطه

مسطول قال لصاحبه :
شنو ياخي الوالد مما اتوفى بقينا
ما بنشوفو ؟

عبدالمنعم ترتورة كتب:: في واحد قال لمرتو انا بحب جالكسي قالت ليهو مدام بقيت صريح معاي انا بحب منعم قال ليها يا وليه جالكسي دي شوكلاته قالت ليهو منعم دا عسل عديييييل
*********************************************************
واحدة ركبت الحافلة وشايله شافع شين السواق قال ليها لكن الشنا ما عندكم زعلت ومشت الكنبة الورا قعدت جمب مسطول قال ليها مالك !! قالت ليهو السواق نبذنا قال ليها المسطول خلاص جيبي القرد الشايلاهو دا .. واصلو ما تخلي حقك

لا ما ممكن ياترتورة خليتنى اضحك ذى المسطولة قطعت قلوبنا بالضحك

الأخت رحمة لك التحية
وربنا يجعل أيامك كلها ضحك وسرور وغبطه، وعلماء النفس قالوا الآتي في فوائد الضحك
الضحك يفيد الجسم والعقل
يحقق السعادة والسلام النفسي
يمنحك التجدد
يقلل من الضغوط
يحد من ارتفاع ضغط الدم وأمراض القلب
يزيد من قدرتك على التأمل والاسترخاء
يقوي جهاز المناعة ووسائل الدفاع الطبيعية الموجودة في الجسم
يزيد من قدرتك على التحدث مع الآخرين بلباقة
يطور من شخصيتك وقدرتك على القيادة
يجعلك تبدو أكثر شباباً
ينمي روح المشاركة وروح العمل الجماعي
يعطي الشخص الثقة بالنفس
يقلل من الشخير لأنه يساعد على عدم ارتخاء عضلات الحنجرة
ينمي قدرة الشخص الإبداعية
يزيد من مرونة أوعية القلب
يجعلك تفكر بشفافية
يخرجك من دائرة الروتين
تتلألأ عينيك عندما تضحك وتصبح أكثر وسامة
يجدد الطاقة
يقوي عضلات البطن
يجعلك تندم على ما فات من عمرك وأنت جاد

واحد رباطابي كان بياكل قم خِنق، قال لي ولده ياولد ألحقني بي مويه قام الولد رد علي أبوه يابوي موية شراب قام الأبو قال ليه لا كبسولات

واحد بتاع تكاسى راكبة معاهو بنت كل ما بطنو تكركب يروح ضارب البورى شديد
الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي
اصدمها بس عليك الله بوريك العفن دا تانى ماتضربو )

كان في مسطول سودانى قاعد مع مسطول مصرى قام المسطول السوداني قال للمسطول المصري:
" تعرف الدنيا دي كلها مآسي "

المسطول المصرى قاله: " هو مقاسك أد آيه ؟ "

قيل عن لغوي سأله أحد الأفراد فقال له كيف حال ولدك؟
قال اللغوي : حي يرزق
فقال السائل : وكيف حال زوجتك ؟
فقال اللغوي : حيًة تسعى

القاضى سأل المتهم بقتل شخص : ليه قتلت الرجل بالسكين؟
فقال: ظروفي صعبة، وما باقدر اشتري مسدس

واحد مكنيكي إشترى سرير نام تحته

عبدالمنعم ترتورة كتب:: مسطول محتال قال لحبيبتو: سلفيني عشره جنيه أديني منها خمسة وخلي معاكي خمسة أكون داير منك خمسة وإنتي دايرة مني خمسة وكده نكون حبايب
**********************************************************
شايقية دايرة تمشي الحج قالوا ليها الحج بعشرة مليون قالت ليهم في شان شنو .. انا ذاتي ما عندي ذنوب قدر دا
*********************************************************
مسطول عضتو نملة مشت وجات بعد مسافة عضتو تاني في نفس الحتة، قال ليها ما متأكدة ولا شنو
********************************************************

والله اول مره اضحك الواحد من سنين بالطريقه دي .شكرا ترتوره علي هذه الاريحيه.

الأخ / مهدي لك التحية
وينك يا الحبيب، شكلوا السودان صار حلو ،كل شوية إنت هناك،طبعاً حلاوة السودان بأهله الطيبين الصابرين

مسطول قال لمسطول اخر: تتصور من امس بالي مشغول, ردالثاني: يمكن في واحد رافع السماعة.

عبدالمنعم ترتورة كتب:: الأخ بدر لك التحية
وشكراً جزيلاً على هذه النكتة الظريفة، وين أراضيك يالحبيب وخبرنا عن أحوالك وصحتك وجميع الأهل، بمداخلتك هذه طاف على ذاكرتي شريط ذكريات رائع عن زمن الدراسة وصحبة المرحوم عبد الماجد حسن علي وبهذه المناسبة أهدي لك رائعة عثمان اليمني
رائعة اليمني
حليل زمن البيوت المي بيوت ضيق
وحيشانا المبردحة ماها محيق
ولقاديبنا المبلطة خاتي شقيق
مضللة بالفلق مافيها رقريق
المرق مرقا سنط وساولو أرنيق
وراصين القداحي صفوف معاليق
وبرنداتنا الكرارق بالشباريق
الطير باض وعشعش في السباليق
ونحن سايقين السواقي وعيشنا متيق
ولابسين الشمامير والعراريق
وتسمع لاتحت دق المداقيق
يجي البدري للفطور شايلو أباسيق
مالي الشبكي قش وقالعلو أشميق
يفسخ ويمشي ومالي جيوبوا دفيق
يجدع منجلو الماحام كتاريق
تجيبلو أم زين حريف ويفكبو الريق
وياحلاة النومة وكت الضل يجي آرتيق
الترجمة في العدد القادم

الأخ/عبد المنعم ترتوره سلا مات
مشكور على البوست الرائع
وين الترجمه أسرع للناس بالترجمه
عشان شايقة لندن يعرفو الكلام ده

ويييييييييييييييين الجديييييييد ياترترة
‏ والله الذهج كابس وعايزين ‏
‏ واحدة من برندة الكلاوي

» احرق همومك
» فرفش ونعنش وإنفش خربانة الدنيا ام بناياً قش
» ضع همومك وارتقي عليها
» ارجوك اضحك
» اضحك بس بدون تعليق