اضحك فرفش أنسى همومك

الأخ صديق لك التحية
أنا زاتي ياخوي بعض الكلمات عايز لي فيها مترجم أيه رأيك نتعاقد مع شركة شوايقة متخصصة في الترجمة نتعاقد معاها، وهي تقوم تتعاقد مع شركة روسية بالباطن وكدا تتحلى مشكلة شوايقة لندن

يا ود عيسى لك التحية
خليك من النكات والضحك، وين عرسك يا خوي، يظهر أنو مصادر صداح الأخبارية طلعت خرطي والله شنو

إتنين شوايقه زهجانين من نسوانُن
واحِد قال للتاني:نِحنا لمن نموت
ونتزوج الحور العِين نِسوانا ديل بودُوهُم وِين؟
التاني قال ليهُو بعذبو بيهُم الكُفار

أول شى تحياتى الى الأخ /كمال ترتوره /عن طريقك
شكلك طلعت شايقى (قشرا)
ولايهمك بترجمه بالأنابه عنك[center]

صديق العبيد الحجاجى كتب:: أول شى تحياتى الى الأخ /كمال ترتوره /عن طريقك
شكلك طلعت شايقى (قشرا)
ولايهمك بترجمه بالأنابه عنك[center]

الأخ / صديق لك التحية
طبعاً أنا شايقي قشره أوي، يالله ترجم وورينا شطارتك وأنا حااشتغل ليك مصحح للترجمة

اقتباس :: عبدالمنعم ترتورة الثلاثاء ديسمبر 06, 2011 9:25 pm

--------------------------------------------------------------------------------

يا ود عيسى لك التحية
خليك من النكات والضحك، وين عرسك يا خوي، يظهر أنو مصادر صداح الأخبارية طلعت خرطي والله شنو

إتنين شوايقه زهجانين من نسوانُن
واحِد قال للتاني:نِحنا لمن نموت
ونتزوج الحور العِين نِسوانا ديل بودُوهُم وِين؟
التاني قال ليهُو بعذبو بيهُم الكُفار

يا ترتورة سلامات :
مصدرى يا طويل العمر العريس شخصياً .
بعدين يا خوى تلفونك غيرتو ولا شنو ؟

الأخ / صداح لك التحية
كان مصدرك العريس يبقى عداك العيب، وعشان كدي صاحبك طنش من الرد، وتلفوني غيرتو كنوع من التفاؤل عسى ولعل يمكن الجماعة يتغيروا معاهو ، وأنا قلت في سري مادام عرس ود عيسى ما ظبط إن شاء الله موضوع توزير الجكومي يكون زيو، أوع تجيني بحكاية أنو مصدرك البشير نفسه او سيدي

اقتباس :: رسالة
عبدالمنعم ترتورة الأربعاء ديسمبر 07, 2011 10:13 pm

--------------------------------------------------------------------------------

الأخ / صداح لك التحية
كان مصدرك العريس يبقى عداك العيب، وعشان كدي صاحبك طنش من الرد، وتلفوني غيرتو كنوع من التفاؤل عسى ولعل يمكن الجماعة يتغيروا معاهو ، والرقم الجديد مع المفتاح XXXX

وأنا قلت في سري مادام عرس ود عيسى ما ظبط إن شاء الله موضوع توزير الجكومي يكون زيو، أوع تجيني بحكاية أنو مصدرك البشير نفسه او سيدي

يا أستاذنا ترتورة سلام :

مصدر خبر الجكومى جاءنى (بالعنعنة) ، فلان عن فلان ، بس أؤكد لك أن أول فلان من الفلانات ديل (البينفشرى ) برضو !؟

بعدين رقمك الجديد مبروك فيهو تسعتين (ما تحسب المفتاح) وسبعتين وتلاتين وستتين (أحسب المفتاح)

واحد قال حيغير وزراء الحكومة السابقة ويشكل حكومة جديدة، قام جاب نفس الوزراء الكانو أول، بعدين قاموا الناس سالوه ليه اتأخرت في تكوين الوزارة مع إنها هي هي، قال : هذا تكتيك

الأخ /ترتوره /لك التحية
أولا المعذره . على التأخير فى شرح مفردات قصيده وداليمنى.
بسم الله نبدأ:-
1- البيت الأول واضح
2-المبردحه ===== الواسعه
3-لفاديبنا ===== جمع لقدابه وتعنى البرنده
4-الفلقه ====== هى من جزوع النخيل وتستعمل فى سقف المنازل
5-أرنيق ====== الشعبه أو الأمينه
6-معاليق ===== المعلاق وهو المشلعيب
7-الكرارق===== الرواكيب
8-الشباريق===== دى ترجمه أنت
9-السباليق===== السبلوقه أو الصبابه
10-متيق====== لبنه
11-الشمامير==== تعنى الشماره وهو لبس خاص لشغل الطين والأرض
12-أباسيق ===== حبال الأشميق
13-أشميق===== ليف النخيل يستعمل فى صناعه الحبال
14-دفيق====== البلح الأخضر
15-كتاريق===== المحلات المشبوه
16-أرتيق===== ضل الضحى

محشش بكتب رساله لحبيبته:
.
.
.
.
.
.
.
السلام عليكم يا احلى وارق واعذب واجمل وانور واكرم واشرف واحمد وامجد ومحمد وابراهيم ومصطفى وكمال....
وينكم مختفين كده!
.
.
...المحشش اتحمس ونسى حبيبتو!!!

هههههههه الله عليكم والله انتو احلي ناس
تسلم الاخ ترتوره ع هذه المساحه الفكاهيه
ولكل المتداخلين هاكم دي واحده ع خفيف
مسطول سال صاحبو قال لي اسمك منو؟
صاحبو قال لي اسمي جار النبي
المسطول قال لي جار النبي حيطه بالحيطه

ولي عــــــــــــــــــــــودة

عمر فضل الله رجل يمتاز بحضور البديهة ولا تمله ابدا كلما احضر الي الحصاحيصا اجلس اليه ليبدد عني الوعثاء والدبرسة..فتح مطعم للفول بالقرب من مطعمنا شيكان عزمني علي وجبة فول وهو يعلم مدي غرامي بابو الافوال وزبط الفول و وبدأنا ناكل سويا ,, اردت من الرجل الذي يعمل معاهو ان يمدنا ببعض الزيت وهو من ابناء العباسية تقلي رجل كبير في السن .. سالت عمر وقلت ليهو عمك الشغال معاك دا اسمو منو ؟؟
رد عليّ وقالي لي
اسمو أبكر لكن ملقب نفسو ب (عصام)

ادروب شغال بيحرس مخزن بتاع دقيق يوم شاف فى التلفزيون ساحات الفداء ولقى واحد مجاهد بيقول والله كتلنا الخوارج وكانت معركة شرسة وكنا جيعانين بس فجاة السماء نزل فينا دقيق وقمح . ادروب رجع المحزن وباع الدقيق كله وقبض الفلة . الجماعة ناس الحكومة جوا تانى يوم سالوه :يا ادروب وين الدقيق . ادروب قال ليهم : والله ادروب ليل كله امبارح ما نام الملائكة تشيل دقيق تودى جنوب

واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح والله شنو

رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف ..

مسطول مشي يصلي في زاوية بعد الصلاة الناس كلهم مشو فضل هو بس في المصلاية، الامام قاليهو لفها المسطول قال ليه انت جادي ؟؟؟

مســـــطول مشي الحـــج قالو ليه قوم طـــوف واسعي ؟ قاليهــــــم إنتو مش قلتو كل شئ علي البعثــــــــــه

مسطول بصلى العصر واحد اتصل عليهو فى جوالو قال ليهو انت وين ؟ المسطول قال ليهو أنا فى التشهد

مسطول شغال في المباحث وبيكلم العمليات باللاسلكي
المشتبه به... ركب عربية وانا ركبت تكسي للتمويه...!
المشتبه به نزل البقاله وأخذ بيبسي وانا أخذت ميرندا للتمويه.!
المشتبه مسك طريق مدني وانا مسكت طريق دنقلا للتمويه

مسطول ولده استشهد جوهو في البيت قالوا لية ابشر ابشر الليله ولدك عريس في جنات الخلد جات الام تكورك واي واي ووووووب علي ولدي مات المسطول قال ليهم ادوها طلقه خلوها تحصل الجرتق

قالوا في مسطول سمع ولدو بغنى في الحمام طلع البدر علينا
لمن الولد طلع ابو قشطو كف طاخ
امو جات قالت لى ضارب الود مالك ؟
قال ليها بقرأ قرآن فى الحمام
الولد قال :طلع البدر دى انشوده ماقرآن
المسطول بقى يبكى مرتو قالت لى مالك
قال انا ٣٠ سنة قاعد اصلى بيها

مسطول ماسك قسيمة الزواج وقاعد يقلب فيها يمين شمال زوجته سألتو : بتعمل في شنو يا راجل؟ قال ليها : لا أبدا مافي حاجة قالت ليهو : كيف مافي حاجة ليك نص ساعة بتقلب في القسيمة داير شنو ؟ رد عليها : بفتش في تاريخ نهاية العقد

رباطابية و شايقية راكبات القطر ، الشايقية لقت ليها مكان علي الارضية فرشت ليها ملاية و رقدت ، بالليل الرباطابيةقامت تشيل ليها حاجة قامت عفصت الشايقية ، الشايقية صحت زعلانة و قالت ؛ ديل شنو النسوان البتحاومن بالليل ديل
الرباطابية قالت ليها ؛ عاجباني انتي الراقدة عند اهلك•

جماعة عندهم عرس ، ودارين يجيبو العروس ما لقو دلوكة سألو جارهم السكران .. ما نلقى عندك باغة نجيب بيها العروس قاليهم ما تجيبوها في كيس

مسطول صاحبو عطس تلاته مرات لمن داير يعطس المره الرابعه ابت ليهو
المسطول قاليو
عفوا لقد تجاوزت عدد المرات اليوميه

» احرق همومك
» فرفش ونعنش وإنفش خربانة الدنيا ام بناياً قش
» ضع همومك وارتقي عليها
» ارجوك اضحك
» اضحك بس بدون تعليق