اضحك فرفش أنسى همومك

واحد قال لجاره المسطول: Good morning
المسطول قال ليه : Morning good
زوجة المسطول سألته ليه نفس الجملة بالمقلوب؟

قال ليها طول عمرك غبية؟ هو قال السلام عليكم وانا قلت ليه عليكم السلام

واحده زوجها مسطوول
قومتو..نص الليل
...
وقالت ليه : هل ينام الحب ليلآ
أم ينام الليل حباً
أم انا و ...الليل حب لا ينام !!
رد عليها : هل تريدين
الطلاق ، أم الطلاق يريدك ،
أم انتي والطلاق تريدون
...بعضآ !!

مسطول اتصل بالخطوط الجوية و قال ليهم:

بكم حلاقة الشعر والدقن .. عندكم ؟؟

ورد عليه الموظف وقاله :

يازول انت متصل وين ،، يا عزيزي الرقم غلط

رد المسطول :

لا غلط ولا حاجة ،،،، انتوا عامليين إعلان في الجريدة

((حلق معنا بارخص الاسعار ))

بنت مسطولة يوم العرس قالو ليها جبنا ليك خبر كعب !!
قالو ليها العريس ماااااات !!!

قالت سجمي كنت قايلا العرس اتأجل

مسطول راكب طيارة مع جمــاعة صوفية جاهم مطب هوائي الجماعة بيكوركو يا الكباشي..يا الكبـاشي.. المسطول استغرب منهم.. جاهم مطب تاني قالوا يا الكبـاشي الكباشي .. المسطول وقف في نص الطيارة وبقى يكورك يا كبــاشي ياكباشي ..
.
ما تسوق براحة ياخ

مسطول مرتو مربية ليها كديسة كل يوم بتخربشو...
يوم زهج منها و شالها برة الحلة و جدعها..
اول ما رجع البيت لقاها قاعدة.....
تاني يوم شالها و وداها برة البلد و جدعها بعييد....
و برضو جا راجع البيت لقاها قاعدة...
... تالت يوم زهج منها شدييد..شالها وداها برة
البلد بعييييييد لحدي ما وصل الصحراء و جدعها هناك.......
بعد تسعة ساعات ضرب لي مرتو قاليها :
اسمعي، الكديسة دي جات؟
قالت ليهو : اي جات...
.
قاليها : كدي اديني ليها خليها توصف
لي البيت بي وين عشان انا رحتا.

مسطول كلما حكمت معاهو نظر الى زوجته وقال لها "أنا نفسي أعفص وشك ده بي كراعي دي" وعندما كرر الحكاية كثيرا نهرته قائلة "يا راجل انت قاصد معاي شنو؟" فقال خائفا "والله أنا عاوز أكون أول سوداني يضع رجله على وش القمر"

اتنين مساطيل شافوا قسيس طالع من كنيسه وبعرج قاموا قالو ليه سلامتك يازول مالك ؟
قاليهم لا ابدا بس امس وانا طالع من البانيو كدة اتزلقت علي رجلي واتعوقت لكن بسيطة
قالوا ليه كفارة والله
بعد مشي واحد قال للتاني
اسمع انت البانيو دا شنو ؟
... عرفتو ؟
التاني قال ليه انا عارف ياخ تسألني انا مسيحي

راجل يقول لي زوجتو :
شعورك شنو لما تقعدي 4 ساعات تلفي في السمبوسة وانا في اقل من دقيقة واحدة آكلها
قالت ليهو :
نفس شعورك في الراتب لما تشتغل طوول الشهر وانا لفة واحدة في السوق أقرضو ليك !!

الحلفاوي سألوه الناس كيف كان معاك أول يوم في رمضان؟ قال ليهم كان يوم رهيب، قالوا ليه كيف رهيب؟ قال ليهم الحاجة عملت لينا في السحور ملوحة، وبقينا نشرب في الموية لحدي آذان المغرب

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

» احرق همومك
» فرفش ونعنش وإنفش خربانة الدنيا ام بناياً قش
» ضع همومك وارتقي عليها
» ارجوك اضحك
» اضحك بس بدون تعليق