اضحك فرفش أنسى همومك

مره واحد بيقول لصاحبه مش عيب مراتك تضربك بالشبشب وانا واقف .قاله بس بزمتك الشبشب وقع فيا؟

واحد مراته ولدت الساعة 3الفجر ولد قام الرجل مسك المولود وقعد يضرب فيه مراته قالتله ليه ليه حرام عليك قالها إبن الكلب من دلوقتى جاى 3 الفجر لما يكبر حيجى امتى لما النهار يطلع

سأل الياباني الكمبيوتر الناطق
متى سيصلح حال بلادي؟
فأجاب : بعد 20 عام
فبكى الياباني

فسأله البريطاني
متى سيصلح حال بلادي؟
فأجابه: بعد 30 عام
فبكى البريطاني!

فسأله الفرنسي
متى سيصلح حال بلادي؟
فأجابه : بعد 40 عام
فبكى الفرنسي

فسأله السوداني
متى سيصلح حال بلادي ؟
فبكى الكمبيوتر

في مسطول قاعد في المواصلات ناحية الشباك
جاه بتاع أباريق عايز يحجز جمبو وخت الأباريق
المسطول قال ليه
إحم إحم إحم!!!

واحد اشترى ديك من مسطول لقاه ما بصيح وقت أذان الصبح رجع للمسطول وقالي: ياخي الديك دا مابصيح؟؟؟
المسطول شالو وعاين ليه كدا قال ليه معليش الظاهر اني أديتك الإمام

ﻣﺴﻄﻮﻝ ﺑﻴﺎﻛﻞ ﻣﻊ ﻣﺮﺗﻮ ﻓﻲ ﺷﻴﻪ
ﻗﺎﻟﻴﻬﺎ ﻳﺎﺭﻳﺖ ﻟﻮﻛﻨﺎ ﺑﺮﺍﻧﺎ
ﺍﻟﻤﺮﻩ ﻗﺎﻟﺖ ﻟﻲ ﺳﺠﻤﻲ ﺍﺳﻲ
ﺍﻟﻤﻌﺎﻧﺎ
ﻣﻨﻮ
ﻗﺎﻟﻴﻬﺎ ﺍﻧﺘﻲ ﺍﻟﻤﻌﺎﻙ ﻣﻨﻮ ﺍﻧﺎ ﻣﻊ
ﺍﻟﺸﻴﻪ

:

تلميذ رسام وفي نفس الوقت خبيث جدا رسم علي حائط المدرسة بوابة كبيرة وحضر مدير المدرسة ليخرج منها ضرب راسه بالحائط وسقط علي الارض في حالة غيبوبة وبعد الافاقة قال للطالب احضر لنا والدك وعندما حضر الوالد سرد له المدير القصة -قال الوالد للمدير يا اخي احمد ربك دا رسم لي شفائف امه في فيشة الكهرباء

شافعة رباطابية قاعدة تاكل مع أبوها في الصينية ، قالت ليهو: يابا أديني عيشة، أبوها حب يشاغلها، قال ليها بتدوري بيها شنو؟؟ قالت ليهو بدور أرضعها!!!

رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو: تقبل الله أنصاري السنة رفض يمد يدو و قال ليهو : دى ماورد فيها نص، الرباطابى قال ليهو : نان الإحراج ورد فيهو نص؟؟

واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسااااافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا، صاحبو قال ليه ياخى العشاء ما بطلع الا الكهرباء تجى.... الرباطابى قال لى اصلو دا عشاء ولا شريط فيديو!!

رباطاب عندهم بنطون عطلان وقاعدين طول النهار بيعافروا عشان يطلعو البنطون من البحرعشان يصلحوا.. جا واحد جعلي قال ليهم: انتو البنطون دا مطلعنوا من البحر ليه؟
رد عليه واحد منهم: والله البحر ما نفع معاهو قلنا نجرب الظلط..

رباطابي بتاع فرن جاهو واحد قال ليهو العيش في النار رد ليهو لا يااخوي في الجنة ..

رباطابية بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم القطر جا ماشي فيها فووووو وماباعت اي حاجة وقامت رجعت البيت قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي

الرباطابي عمل ليه محل فول في البلد ومشى معاه كويس قام وسع المحل وعمل قدرة ثانية وزاد عدد الكراسي وبعد فترة جاب ليه ست شاي في المحل جاه صاحبه الرباطابي قال ليه يا دكتور عينت ليك (فحيص) معاك ولا شنو!!

شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!!

واحد رباطابي راكب القطر قاعد جنب الشباك ... فطلب منو الزول القاعد جنبو : ممكن اقعد جنب الشباك عشان انا بسف السـعوط وبتف ...الربطابي رد عليو : نان وانا بسف وببلعو ..

العوض حب ليه استاذه وطلب منها الزواج وابت قام عرس واحده تانيه وجاب ليهو بت سمها احب سالوه لى سميتا كده قاليهم عاشن لما تمشي المدرسه الاستاذه تناديها احب العوض

رباطابي لابس جزمة قديمة أصابعينو الخمسة مارقين بره. مشى لبتاع ورنيش مد ليهو كراعو.
بتاع الورنيش قال ليهو: أورنش ليك؟ قال ليه : لا لا.. طقطقم لي!!

رباطابي ببيع لبن المهم عندو زبون محامي مرتو غالطت الرباطابي في حق يومين بحجة انو كان في مطرة والرباطابي مصر انو اداهم اللبن في اليوم البعدو جا زوجها المحامي وقال ليهو انحنا ماممكن تغالطنا ابدا الرباطابي قال ليه اغالطك كيف وانت الغلاط فاتح ليه مكتب

رباطابى نزل ضيف عند جماعة وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه
انوم بى وين لى تيسك ده التقول مكوجى مقابل العيد

واحدة حنكوشة دخلت مطعم قراصة صاحبو رباطابى .. قالت ليه ياعمو عليك الله ادينى سندوتش
قاليها يابتى عندنا قراصة كان دايرة سندوتش جيبى ابرة وخيط

رباطابي شاف عتود اسود واضنينو بيض قال مالو دا عامل زي البنطلون القالبين جيوبو

الحاجة جات للدكتور الرباطابي في المركز الصحي وقالت ليهو
دايراك تحولني المستشفى عشان هناك بكشفو علي بالسماعة .
قال ليها نان الشايفاها مدروعة في رقبتي دي قايلاها نبلة؟؟

في واحد رباطابي جنو شراب ..وجارو أنصار سنة ... مشى ليهو ينصحوا وشبكو ليك: الخمرة دي بتودر العقل .. الخمرة دي بتعمل ليك تليف في الكبد يعني بالعربي كدا الخمر دي يعني ( موت بطيييييء ) ..
الرباطابي اتلفت وقال ليهو: ( أنا زاتي ما مستعجل ) !!!!!

» احرق همومك
» فرفش ونعنش وإنفش خربانة الدنيا ام بناياً قش
» ضع همومك وارتقي عليها
» ارجوك اضحك
» اضحك بس بدون تعليق