تعلب فى المحروسة ..مسلسل كوميدى ..

تأليف /رضا الهجرسى

مسلسل كوميدى
تعلب فى المحروسة
..........................
الحلقة الأولى
.................

على ضوء القمر بلونه الفضى الخافت الذى يغرق المساحات الخضراء الممتدة وبجانب الساقيه والجميزة ..يقف شبحان ينظران إلى القمر وهو فى كامل تمامه ..ست أبوها وبنت العمدة ووحيدته ..ضخمة الجثة ..قوية البنيان ..عريضة المنكبين ..طويلة كصنفور المحطة كما كان يطلق عليها حمدى تعلب إبن عمها وزوج المستقبل ..وهوشاب متوسط الطول به نحافه واضعا يده اليمنى على كتفها الشمال ويده اليسرى على كتفها اليمين وهو يرفعها لأعلى لفارق الطول الواضح بينهما ويشب على أطراف أصابع قدميه ليطول كتفها..ينظران الى القمر.. وفى صوت كله هيام ورومانسية .. يناجيها
- شايفه القمر يا ست أبوها
تستدير وتنطر يده بعنف من على كتفيها و هى تزمجر فى غضب ..يرتد حمدى للوراء خوفا ورعبا.. وبكلتا يديها تضربه فى صدره فيقع متدحرجا على الأرض . ويعتدل مذعورا .. تقترب منه وهى فى حالة هياج شديد ..يقف على ركبتيه مستعطفا أياها ..
- ست أبوها صلى على النبى كده..واهدى وفهمينى حصل أيه ..
تعفقه من تلافيف جلابيته عند رقبته و ترفعه لأعلى وتضع وجهها فى وجهه وفى صوت أجش قوى وهى تشيرللقريه بأصبعها
- مين من نسوان المخروبه دى اللى جالت لك ان ست أبوها بنت العمده وسيد الناحية كلتها
و بنت عمك واللى هتبجى مرتك و أم عيالك ..
يستعطفها وهى ترجه يمينا ويسارا..
- فيه ايه بس يا برنسيسه ونسوان ايه وجالوا ايه..
- شوف بجه هتجول يعنى هتجول والا ورحمة أبوك هشبحك ع الجميزه وبعدين أعلقك
على الساجيه لحد ما تجر..
فى لحظة كرامة عنترية ينطر يدها بعصبيه ..شاخطا فيها ..
- تشبحى وتعلجى مين ع الساجيه يا بنت المهبوله انتى..
عيب ده أنا هبجى رجلك و لازم تحترميني و توجرينى و الا والله ورحمة أبويا
أفك الفاتحة اللى دبسنى أبويا فيها.. عشان يسوى الورث اللى بينه وبين أبوكى..
الله يسامحك يابا و يبشبش الطوبه اللى تحت راسك .
دى عمله تعملها فى ابنك الوحيد
- برضك حتجولى .. مين هيه اللى جالتلك هه هه..
ينط فى غيظ و يمسكها من شعرها ويضربها بالشلوت
- هيه مين وجالتلى ايه يا هبله
تبكى وتنهنه وتشير ناحية القمر ..
- اللى جالت لك ان أنا عامشه وعاميه و مبشوفش القمر وهو فى تمامه..

أنطلق حمدى فى ضحك هستيرى ..وهو يضرب كفا بكف ..
- طب جدامى يا مهبولة لما نشوف أبوكى المهبول ده راخر ..لحسن يستعوجنا ..فى ليلتك المطينه
بجالوس طين على دماغك ودماغ أبوكى ..
تتركه وتدخل من الباب الحديدى الكبير لدوار العمدة وهو بيت كبير يقع على طرف القرية ..وعلى
الجهه الأخرى من الطريق الأسفلتى ..تدخل من الحوش الواسع وتسرع لتدخل للدار ..وسط الشباب
الملتف حول ضارب الربابة ..واليفط معلعقة فى كل مكان بالحوش ..ومكتوب عليها ..
- الأهلي عمهم وحابس دمهم ..وأخرى – بالطول بالعرض هنجيب الزمالك الأرض ..
ويافطة كبيرة تتصدر الحوش مكتوب عليها ..يوم الولاءوالقسم العظيم للأهلى ..
واللمبات تضئ الحوش والكراسى مرصوصة يجلس عليها شباب وأطفال العائلة يستمعون إلى المواويل من ضارب الربابة وهو يقص عليهم أمجاد الأهلى وأبطالة ..
و الشابات الريفيات تحملن صوانى الشاى وتوزعها عليهم ..والجميع يرتدى فانلة حمراء مكتوب عليها .. ( شباب عائلة تعلب تجدد العهد للأهلى )
و الغفر يطلقون الرصاص فى الهواء ..عندما يرون حمدى داخلا من باب الحوش ..فيرد تحيتهم
بيديه ..يقترب منه أبن خالته فتحى وهو يغمز لة بعينيه ..ضاحكا ..
- أنت كنت مع الموزة ..
- أيوه يا خويا كنت مع الموزة..عقبالك..
ينادى شيخ الغفر على حمدى ..
- أنت فين ياسى الأستاذ عمك العمده جالب الدنياعليك وعايزك تلم شباب العيله كلتهم .. حالا
فى المندره.. عشان الجسم اللى هتجسمه ..بالمبارك يا وريث ..
يطلق الرصاص فى الهواء وهو يرقص ويلف حول حمدى ..
يرص حمدى شباب العائله فى مربع نا قص ضلع..ويقفون فاردين صدورهم فى جدية ..
يقف فى مواجهتهم شيخ الغفر ممسكا فى يده المصحف الشريف
يدخل العمده وهو يرسم المهابة والجديه على وجهه وهو رجل يقترب من الستين ويقف بجانب
الغفر وينظر بتفرس فى وجوه الشباب يستعرضهم فى فخر وابتسامه وهو يهز رأسه ..
عندما يرى حمدى تزداد ابتسامته..ويشير له ..
- تعالى يا حمدى يا ابنى.. اتقدم للمجد والعزه والفخر..
يقبل حمدى يده ويقف أمامه ..يقبله العمدة ..
- الله يفتح عليك يا ابنى ويجعلك فخر لعيلة تعلب كلها وتحمل الراية والمشعل من بعدى
أنت من اللحظة دى هتبجى الوريث الشرعى ليه وده طبعا بعد ما تجسم بالولاء للأهلى واللون
الأحمر .. الشباب دول هيكونوا فى طوعك.. تأمر وهما ينفذوا ذى البهايم .. سامعين يا بجر..
- سامعين يا حضرة العمده ..
- فاهمين يا بهايم
- فاهمين يا حضرة العمده
- بالمفتشر كده هتبجى كلمته سيف على رجابيكم.. أمره محدش يعصاه.. كلمته من من كلمتى
طاعته من طاعتى اللى هيرضى عنه يا هناه واللى هيغضب عليه ملوش عندى غير
الشبح ع الجميزه وبعدين هعلجه فى الساقيه زى البهيمه ..
- انت كمان بتشبح وتعلق
- بتقول ايه يا وله
- ما فيش يا با العمده ..دى مسألة جينات وراثية..
- مسألة أيه ووراثية أيه..
- ما فيش يابه..لخص وخلصنا
- طيب ياوله إحنا كنا بنجول ايه . - انت لسه هتقول ..خلص..
- طيب ياوله حط ايدك ع المصحف وجول ورايا وبصوت سبع أهلاوى ..
يضع حمدى يده على المصحف ويرفع يده عاليا ..ويردد وراءه ..
يخرج العمدة ورقه من جيبه ويقرأ منها صارخا ..
- أقسم بالله العظيم
- أقسم بالله العظيم
تدخل النساء و الشابات من الباب المقابل ويقفوا خلف الشباب ..تتصدرهم أم حمدى وأم ست أبوها
وتقف خلفهم ست أبوها ..
ويواصل العمده القسم وقراءته من الورقه
- أقسم بالله العظيم أن أظل مخلصا ووفيا ..للفانلة الحمراء ..والأهلى ..
- أقسم بالله العظيم أن أظل مخلصا ووفيا..للفانلة الحمراء.. والأهلى ..
- و أن أربى أولادى و أحفادى على الوفاء و الإخلاص للاهلى..
- و أن أربى أولادى و أحفادى على الوفاء و الإخلاص للاهلى..
- ولا أشجع أو ألعب ....الا للأهلى ..
- ولا أتزوج ..الا ست أبوها ..
يقف حمدى فى ذهول فاقدا للنطق ..يشخط فيه العمدة ..
- أنطج.. جول ياوله..ورايا.. ولا أتزوج الا ست أبوها ..
تصرخ ست أبوها ..بأعلى صوتها ..
- ولا أتزوج الا ست أبوها
تصرخ النساء معها..
- ولا أتزوج الا ست أبوها ..
يهتف الشباب وهم يرفعوا أيديهم ..
- ولا أتزوج الا ست أبوها

يظل الهتاف مدويا من الجميع حتى يرفع العمده يده ليصمتوا فيحدث صمت رهيب
وحمدى يخفى وجهه بيديه ..يحاول أن ينطق وقد أمتلأت عينيه بالدموع ..
- ولا أتزوج .. ولا أتزوج ..ولا أتزوج ألا ..
- جول ..أنطج ..هتيجى معاك أهى ..أتشجع كده وجول ورايا ..ولا أتزوج ألا ست أبوها ..
- ولا أتزوج ألا ..ألا ..ألا ..ست ..ست ..ست ..
- أبوها ..
- أبوها ..
تجلجل زغرودة ست أبوهاعاليه مدوية وتجاملها نساء العيلة بزغاريد وتقبل المرأتين ست أبوها
يشير العمده بيده ليكمل القسم ويصمت الجميع ..ويكمل..
- و أن أنجب منها عيال مجطجطين ..
- مين دى اللى أنجب منها عيال ..ومجطجطين كمان ..
- ست أبوها..
- أتجوزها آة ..وأخلف منها كمان ..ده كتير عليه أوى يا با العمدة ..
- جول يا وله.. وجعت قلبى.. و أن أنجب منها عيال..
- و أن تنجب منى عيال ..
- لأ يا وله.. انت ما بتسمعش
- لا انت اللى مبتفهمش.. . - بتجول ايه يا ابن ال..يا واد جول وخلصنا ..
- يعنى أحلف كدب يعنى يا با العمده دى بنتك و انت. مربيها وعارفها وأنا ابن أخوك وانت مربينى
وعارفنى.. أنا وست أبوها مين يخلف من مين
يهرش العمدة رأسه..
- صح يا وله . انت صح جول ورايا ..وتخلف منى عيال ..
- آه كده أحلف.. و تخلف منى عيال .. .
-أربيهم على حب الفانله الحمراء والأخلاص للأهلى ..
- أربيهم على الفانله الحمراء والأخلاص للأهلى ..
يرفع العمدة صوته عاليا
- وفى حالة خيانتى للعهد وحنثى للقسم
- وحنثى.. جبتها منين حنثى دى يابا العمدة
- مكتوبه كده..وحنثى للعهد جايه من يحنث حنثا يا متعلم يا بتاع الدبلوم.. يوووه جول يا وله ..
- وفى حالة خيانتى للعهد وحنثى بالقسم
- أكون خائنا لعيلة تعلب كلتها وأصبح منبوذاو مطرودا من البلد ..وأحرم من أى ميراث ..
- مين يابا العمده اللى كتب لك الكلام الفارغ ده.. بأه كل الهيصه دى عشان ميراثى من أبويا
- انت ناوى تخون العهد
- طبعا لأ..أنت عارف أن روحى ودمى أهلاوى ..
- يبقى تجول . و أحرم من كل حق لى فى ميراث عيلة تعلب..
- ماشى يا عمى هجول.. و أحرم من كل حق لى فى ميراث عيلة تعلب .
- ويصبح توجيعى و شريط الفيديو جرينه جانونيه ضدي
ينظر حمدى لمصور الفيديو المختبئ ..
- ضربة معلم يابا العمده ..
- عجبتك يا وريث حركة الفيديو دى ..عجبتك هه ..
يهمس له هو يشير ناحيه ست أبوها
- أشرب بجة ..بالهنا والشفا ..يا وريث ..

وإلى لقاء قريب مع الحلقة الثانية ..

تعلب فى المحروسة

الحلقة الثانية
..................

فى الطرف الآخر من القرية يجلس سالم البرعى فى حديقة فيلته مع وجهاء القرية من مشجعى نادى الزمالك ..
وسالم باشا كما يلقبونه ..هو بالفعل سليل باشاوات ..وهو ممثل الألتراس لمنطقة الغربية وأجا والبلاد المحيطة بها
ويعتبره العمدة عدوه اللدود ..يبتسم فى أستهزاء عندما يسمع صوت الطبل والزمر والربابة ..
- هو الراجل ده مش هيبطل جنانه ده بتاع كل سنة ..
يضحك الجميع ويرد عليه أحداهم ..
- حضرتك عارف يا باشا ان ده سلو عيلة تعلب من سنين ..من أيام جدهم تعلب الكبير.. يلموا عيال العيله
و يجددوا العهد للفانله الحمرا والأهلى ..
- على ايه أنا مش فاهم بس..الأهلى خد الدورى السنة دى بالحظ..أكيد الراجل اللى أسمه تعلب ده..عامل سحر
ولا عمل عشان الزمالك يخسر..بس السنة دى مزودها شويتين ..على أيه ..دول طالعين م الكاس بفضيحة
يعنى المفروض يكسفوا على دمهم ويداروا خبيتهم ..خدوا الدورى بالعافية ..وخدوا شلوت فى الكاس ..
والله الكورة أتبهدلت فيكى يا مصر ..أحنا فى مجلس الأدارة بنضرب كف بكف ع النحس اللى راكبنا ده ..
- ياباشا الناحيه كلتها تعرف إن عيلة برعى زملكاويه ابا عن جد و حامله الراية البيضاء فى كل الجهه
والجهات اللى حوالينا ومن يوم ما سيادتك ما بقيت كبيرالعيلة بعد الكبير الله يرحمه و الزملكاويه بيزيدوا
يوم بعد يوم وأتقوا بيك شرالعمدة المفترى اللى كان كاتم على نفس الزملكاوية فى البلد ..
- كله بنفاسكم ووقفتكم جنبى أنا من غيركم مقدرش أعمل أى حاجه وربنا يبعدعننا عيون الأهلاويه الحمر
وعين العمده بالذات.. ده راجل مخه صخرة حاولت أفهمه ان الكوره مش تعصب ومش عشان هو
أهلاوى وأنا زملكاوى لازم نبقى أعداء.. لازم نحب الكوره للكوره لكن مفيش فايده فى الراجل ده كل سنه
لازم يعمل الهيصه بتاعته ..
- لا و السنه دى غير كل سنه قال ايه عمل الواد حمدى الوريث الجديد لعيلة تعلب بعد ما تم واحد وعشرين ..
- أهو حمدى ده اللى خساره فيه وفى عيلة تعلب كلها الواد موهوب بجد ومخه كله كوره الولد بيلعب الكوره
أحسن من أى محترف والله خساره الواد ده بياكل ويشرب ويتنفس كوره..دمه كلة كورة ..هيضيعه عمه
يدخل من باب الفيلا الكوتش حودة ..مرتديا ترنج ..يقف سالم معتذرا للجميع ويأخذه بعيدا حتى لا يسمعهم أحد ..
- أهلا بمدربنا الهمام واللى رافع راسنا..مبروك فوز أجا ..خمسة صفر يا مفترى ..
- الله يبارك فيك يا باشا ..وعقبال الزمالك ما ربنا ينفخ فى صورته ..ويشم له ولو بطولة واحدة ..
- أن شاء الله وبأنفاس المخلصين اللى ذيك ..أناسمعت أن حمدى تعلب جاب تلت تجوان لوحده ..
- فعلا يا باشا ..كان هاتريك ..لولاة مكناش فوزنا ..
- طب كلمته فى التوقيع للزمالك..أنا جايب عقد موقع من رئيس النادى ..كل المطلوب منك..تقنعه يوقع عليه..
- حضرتك يا باشا بتطلب المستحيل بعينه ..حمدى تعلب يوقع للزمالك ..
- عشان العمدة يعنى ..
- عمدة مين يا باشا ..المشكلة فى حمدى نفسه..روحه أهلاوية..دمه بيجرى فيه لعيبة الأهلى ..والمشكلة أتعقدت
وبقت ازرط بعد ما بقى الوريث لكبير الألتراس لأهلاوية الغربية كلها ..وأعلان جوازه من ست أبوها ..
- أيووة.. جينا عند مربط الفرس ..جوازه من ست أبوها ..شايف الظرف اللى هناك على الكرسى بتاعى ..أنت
ما عليك ألا تخليه يقرا اللى فيه ..وهتلاقى العقد فيه ..بعد ما يشوف اللى فى الظرف هيوقع على طول ..
- ليه يا باشا هو الظرف فيه أيه ..
- فيه اللى ميعرفوش حمدى ..وعمه مداريه عليه ..تطلع على حمدى دلوقتى ..وتستفرد بيه ..وسيب الظرف
يعمل الباقى ..يالا يا كوتش ..ورينا أخلاصك للفانلة البيضة أم خطين ..
- أنا رقبتى وحياتى فدى الفانلة البيضة ..فين الظرف ..
........................................................
جلس حمدى مع إبن خالته فتحى فى حوش الدوار بعد أنفض المولد وغادر الجميع..وست أبوها تقف خلف باب الدوار
تشير لحمدى وهو يراها ويعطيها ظهره.. مطنشا أياها فى أرف ..يضحك فتحى ..
يدخل عليهم الكوتش حودة حاملا فى يده الظرف ..يسحب كرسى ويجلس معهم ..ويرى ست أبوها ..
- ما ترد ع الموزة يا كابتن ..
- أيه يا كوتش ..جالوص الجلة دى عملتها موزة ..
- ما علينا كنت عايز أكلمك فى موضوع بينا وبين بعض ..
- سر يعنى ..قول يا كوتش ..فتحى مش أبن خالتى وبس ..ده صاحبى وأسرارى كلها معاه ..خير ..
- خير أن شاء ..الموضوع وما فيه ..
أم حمدى تقاطعهم وتنادى على حمدى من باب الدوار ..يتركهم حمدى ويتجه إلى باب الدوار ..تعاتبه أمه..
- بجى يا منيل سايب عروستك متشحتفة عليك..والبنية أيدها ورمت م المشاورة..وأنت ودن من طين وودن
من عجين ..
- مشفتهاش يامه والله ..خير يا قدرى وهمى الكبير ..
تهل عليهم أم ست أبوها وهى تزغرد فرحا ..وتسحب أم حمدى بعيدا ..
- يا ختى سيبى العرسان يبحبحوا مع بعض ..وجفالهم كده زى العزول ..
- لا والنبى يامه متسبنيش لوحدى معاها ..
- يوه ..جت أيه يا واد ..آمال هتعمل أيه ليلة الدخلة ..
تبرق عينا ست أبوها ..وتهجم على حمدى وترفعه على كتفها وتجرى به على غرفتها ..وهى تصرخ ..
- لهو آنى لسه هستنى لليلة الدخلة ..
تلقيه على أرضية غرفتها وتغلق الباب بالترباس من الداخل ..تتناول الملاءة البيضاء وتضعها على رأسها كطرحة
العروس ..وتغنى ..
- عريسى جه ..عريسى جه ..أنا جاية أهو ..
يعتدل حمدى على ركبتيه وهو يفرك عينيه ..ويصرخ ..
- بسم الله الرحمن الرحيم ..أعوذ بالله من الشيطان الرجيم ..أنصرف ..أنصرف ..
- أيه يا حبى.. أنت خزيان منى يا واد ..ده آنى عروستك ..تعالى فى حضن حبيبتك ومرتك حلالك..
- أعقلى يا ست أبوها ..أحنا لسنا مجوزناش..
- مجوزناش سلامة عجلك يا حبى ..ده أنت جولتها جدام كل الخلج ..أخلع جلابيتك كده ومتغلبنيش..
- جلابية أية اللى أخلعها ..يا بنت المهبولة أنتى ..
تهجم عليه بشراسة وتمزق الجلابية وتنزعها من عليه..يصرخ بأعلى صوته ..
- يا لاهوتيييييييي ..ألحقينى يامه ..هتغتصبنى ....
ترد عليه أمه صارخة من الخارج ..
- يا جلبى يا بنى ..أنجدونا يا خلج ..هتغتصبه ..يا لاهوتييييييييييييييييي ..هتغتصب الواد اللى حيلتى ..
تخلع ست أبوها جلبابها وتهجم عليه وتمزق فانلته الداخلية ..وبنطلونه وهو مثل اللعبة بين يديها ويستعطفها ..
- أسترينى يسترك ..بلاش تفضحينى ..بلاش شرفى محلتيش غيره ..
وفى اللحظة المناسبة وقبل أن يتم الأغتصاب ..ستر الله حمدى وحفظ شرفه وبكارته ..وكُسر الباب ..وتم رفعها من
عليه ..وكتفتها أمها وأم حمدى فى السرير ..ونط حمدى عاريا وهرول مسرعا إلى حوش الدوار ثم إلى الطريق
الأسفلتى..وأخذ يجرى عاريا مذعورا فى زقاق القرية متجها إلى بيت خالته أم فتحى ومن وراءه الكوتش وفتحى
بعد أن أطمئن على شرفه وعذريته التى كانت ستسلبها منه ست أبوها ويرتدى ثوب العار لباقى عمره..وأسترد أنفاسه
ناوله الكوتش حودة الظرف..وأخرج ما فيه..فوجد شهادات طبية من أكبر الدكاترة المشهود لهم بكفائتهم..مسجل بها..
تنتاب المريضة نوبات هياج عصبى شديدة ..وتصبح خطر على المحيطين بها ..ويجب أعطائها حقنة منومة فورا ..
وتعامل معاملة الأطفال ..
فى نبرة عاطفية ..فى محاولة لأقناعه..أن توقيعة للزمالك..هو طوق النجاة لينقذ بها روحه من المصير المحتوم
أذا رفض وتزوج من ست أبوها ..وتدخل فتحى لأقناعه أن يوقع للزمالك ثم ينتقل بعد ذلك للأهلى ..
لم يكن حمدى محتاجا للأقناع بعد ما مر به من ذعر وفزع ..وأنقاذ شرفه وعذريته فى اللحظة الأخيرة من بين براثن
وحش يسمى ست أبوها ..وتناول القلم ..ووقع على العقد بعد أن طمأنه حودة أن سالم البرعى قد رتب له كل شئ مع
نادى الزمالك من أقامة ونقود ..ووعده فتحى بالهرب معه إلى المحروسة ..
لم يكن يدرى أحدا منهم أن هناك من يجلس فى الظلام تحت الشباك ..متصنتا عليهم ..

وإلى لقاء قريب مع الحلقة الثالثة

تعلب فى المحروسة
الحلقة الثالثة
_____________

متولى أبو قتب المعروف لأهل برج نور الحمص بأنه عين وأذن العمدة ..كلب العمدة ..كان إسمه الذى ينادونه به أهل القرية ..جالسا فى الظلام تحت الشباك الحديدى مطرطئا أذنه لكل كلمة نطق
بها ثلاثتهم ..عندما وقف الكابتن حودة ليغادر ليبلغ سالم البرعى بالخبر السعيد بتوقيع حمدى تعلب
على العقد ..حبا أبو قتب على يديه وقدميه حتى لا يشعر به أحدا منهم..ثم أطلق ساقيه للريح لدوار
العمدة ..يصطدم بشيخ الغفر ..فيسبه بغضب ..
- يخرب مطنك يا بهيم ..مالك يا وله داخل تنطح زى الطور الهايج ..
- مصيبه وجالوص سباخ هينزل على راس العمدة ..وعيلة تعلب كلتها ..يا شيخ الغفر ..
- جالوص سباخ لما ينزل على دماغك ودماغ ناسك ..أركز يا بهيم وفهمنى ..
- مجدرش ..أنت عارف تعليمات أبويا العمدة ..يعرف لول ..ولا عايز تكسر أوامره ..
- طب جدامى يا خويا ..أما نشوف خبرك الاسود ..
يشوط العمدة الشيشة من أمامه برجليه ..يشد أبو قتب من رقبته فى غضب شديد ..
- أنت أتخبطت فى عجلك يا وله ..مين هوه.. يا بهيم.. اللى وجع للزمالك ..
- سيدى حمدى ..واللى سمعته ونضرته بعينى حكتهولك كلاته ..
- وحودة وفتحى اللى أجنعوه.. يوجع للزمالك..
- ده اللى سمعته بودانى اللى هيكلهم الدود دى ..
- يا ليلة سباخ وجلة وطين على راسك يا عمدة ..ده عار ما يمحيه ألا الدم ..يا شيخ الغفر ..
- أأمرنى يا عمدة ..
- تُعلن حالة الطوارج الجصوى ..وترفع الحالة العسكرية للدرجة جيم ..مع حظر تجول
شامل على البهايم ..بجرو جاموس و حمير ممنوع التجول ..أطلجوا الكلاب بس ..
الغفر يحاصروا..البلد دايرن ما يدور ..مفيش جرذ..يدخل ولا يخرج من زمام البلد ..
يجلبوا البلد ..شارع شارع ..دار دار ..بيت بيت ..زنجة زنجة ..
مفيش جفن هيغمض فيكى يا برج نور الحمص ..
ألا بعد ما تجبولى الجرذ حمدى مكتف من أيديه ورجليه ..
ومعاه الكلب التاني اللى إسمه فتحى ..أما حودة البرعى فحسابى معاه بعدين ..هو وسالم
وعيلة البرعى كلتها.. الزملكاوية العرة اللى عايزين يضربونا على جفانا ..
نفذ يا شيخ الغفر..
- علم وينفذ يا حضرة العمدة ..
تتسلل أم فتحى من الدوار وتجرى على دار أختها ..لتبلغ حمدى ما سمعتة ..
يقوم حمدى وفتحى من نومهما مفزوعين على صوت الطرق العالى على باب الدار ..تفتح أم فتحى
الباب وتندفع أم حمدى للداخل لاهثة الأنفاس ..سألها حمدى فى فزع ..
- جرى أيه ياامه ..فيه أيه ..وأيه صوت الرصاص اللى فى البلد ده ..
- أبوك العمدة حالف ليجيب خبرك جبل ما يطلع النهار ..
- ليه ياامه..ده ست أبوها اللى كانت عايزة تغتصبنى..مش آنى اللى كنت عايز أغتصبها..
- مش ست أبوها ياوله ..دى حاجه تانية .. أبصر أيش كده ..أن أنت وجعت عجد مع حودة
البرعى ..
- عقد؟؟ وعرف منين ..حكاية العقد دى ..
- أبو قتب سمعكوا وبلغه ..
- آةة ..أبو قتب ..كلب العمدة كان بيتصنت علينا ..
- وحالف ليجيب خبرك..أنت وفتحى ..
تصرخ أم فتحى ذعرا ..
- طب وابنى عمل أيه عشان يجيب خبره الظالم ده ..طب أبنك وجع ..أبنى يجيب خبره ليه ..
- مش وجته الكلام ده يا ختى ..العيال الحيلة هتضيع مننا ..
يفزعوا جميعا عندما يسمعوا طرقا شديدا على باب الدار ..وشيخ الغفر يصرخ بصوت جاهورى ..
- سلم نفسك يا مذنب أنت وهوه ..وألا هضرب فى المليان ..
- يا لاهووى ..يا لاهووى ..هيضرب فى المليان ..أجرى يا واد أنت وهوه ع السطح
أنزلوا من زريبة أبو مندور ..هتوصلكوا لطرف البلد ..عدوا الترعة ..وأهربوا .
وأطلعوا على أجا عند أم أسماعين ..أداروا عندها ..بسرعة ..قبل ما يضرب فى المليان..
يصعدوا السلم الخشبى إلى السطح ..ويقفزوا من سطح إلى سطح ..حتى يصلوا إلى زريبة أبو مندور
وينزلوا فى وسط البهائم ..ويتجهوا ناحيه الترعة ..وقد أطمأنوا لسلامتهم ..وخروجهم من الحصار..
فجأة ..تمتد يدين قويتين تمسكهما من تلافيف جلبابهما ومن قفاهما ..وترفعهم عاليا ..صرخوا معا..
- ست أبوها ..
يُشبح حمدى ويكتف بالحبال على الجميزة ..ويُعلق فتحى على الساقية مربوطا بالحبال ..
والغفر وشباب العائلة وشيوخها ونسائها وأطفالها يلتفون حولهم فى نصف دائرة ..
يدور العمدة حولهما ممسكا بكرباجه السودانى ..يطوحه فى الهواء ..يمسك حمدى من شعره بعنف صارخا ..
- أرجع إلى دين آبائك وأجدادك ..نعفو عنك وتجد ما يسرك ..
يرفع فتحى رأسه وينظر إليه ..وفى صوت ضعيف ..
- مين ..أبو لهب ..
- أخرس يا كلب دورك جى ..
- أسمعنى يا وريث وفتح ودانك وعجلك معايا..أنا بحبك.. أيوه .. باحبك والدليل على كده
إنى كنت بآخر جوازك من الست..خايف عليك و على عمرك وشبابك يضيعوا هدر..
تجوم أنت تيجى وتدبحنى وتدبح عيلة تعلب كلتها بسكينة تلمة..
تضربنا فى مجتل يا وله.. فى أهلويتنا وفانلتنا الحمرا ..
خسئت أيها الصابئ ..لقد صبئت وحلت عليك لعنة الفانلة الحمرا ..
يرفع فتحى راسه ..
- ده بجى ..أبو جهل ..
- طيب يا حنضلة الكلب ..أصبر عليه ..هفضالك ..
آنى جدام أهلك وناسك كلتهم ..هخيرك..بين سكتين..السكة الأولانية ..
هى سكة السلامة والعزوترجع الوريث ولحضن عمك وتجوز ست أبوها..
وعفا الله عما سلف..
أما السكة التانية هيه سكة الندامة والموت..تختار..أيه يا وله ..
تجوز ست أبوها ولا تموت ..
- أمووووووووت ..
وهنا يسمع الجميع صوت سالم البرعى صارخا بقوة ..
- لا.. أنت مش هتموت يا حمدى .. اللى زيك لازم يعيش ويمتع الناس بموهبتة ..
يرفع فتحى رأسه ..
- ده بجى ..حمزة بن عبد المطلب ..
يقف سالم ووراءه عائلة البرعى حاملون بنادقهم والعصى الغليظة فى مواجهه العمدة ووراءة عائلة
تعلب حاملون بنادقهم وعصاهم الغليظة ..
- أرجوك يا سالم بية ..دى مشكلة تخص عيلة تعلب ..وملكش تدخل فيها ..حسب الأصول ..
- غلطان يا عمدة ..حمدى يخصنا أكتر ما يخص عيلة تعلب ..بعد ما وقع على العقد وبقى
إنتماءة للفانلة البيضة ..وأصبحت حمايته فى رقبتنا ..
- بس ده مكانش أتفاقنا يا سالم بية ..أتفاق الصلح بين العلتين أن كل عيلة تحل مشاكلها جوه
العيلة ..من غير العيلة التانية ما تتدخل ..
- أحنا مخطفناش حمدى ولا غصبناه ع التوقيع ..ده موقع بكامل أرادته ..
- ليك حج ..ليك كل الحج ..والمطلوب يا سالم بية ..
- تسلمنى حمدى ..
- على شرط ..ميهوبش جهه البلد تانى ..ودمه مهدور يوم ما يعتب برجليه أرض البلد ..
يفك سالم حمدى ويحمله رجالة عيلة سالم على أكتافهم وهم يهتفون ..زمالك ..زمالك ..ويغادرون
المكان وفتحى يصرخ على سالم ..ينظر إليه سالم ويعطيه ظهره ويغادر المكان ..فيصرخ ..
- يا زملكاوية يا أندال ..صحيح مالكوش أمان ولا صاحب ..
تبكى ست أبوها بحرقة يحضنها العمدة فى حنان ويصبرها ..
- متزعليش يا حبيبتى ولا تنجهرى ..شاورى أنتى بصباعك على أى فحل من فحول العيلة
اللى واجفين فى ضهرى ..وأنا أجوزهولك الليلة ..
ينظر خلفه فلا يجد أحد فى ظهره ..فقد هرب الجميع ..حتى الشيوخ والأطفال ..حتى الغفر ..
- ولا يهمك يا حبيبتى ..عندنا واحد أهو ..فتحى برضك مننا وعلينا ..نجوزهولك الليلة ..
هنيالك يا واد فتحى..مكتوبالك يا وله ..
يرفع فتحى رأسه مستسلما ..
- جواز فتحى من ست أبوها ....بااااااااطل .....باااااطل..
وأشهد أن لا إله ألا الله وأن محمد رسول الله ..

وإلى لقاء قريب مع الحلقة الرابعة ..

تعلب فى المحروسة
الحلقة الرابعة
................................

شاخصا ببصره.. إلى الزراعات الخضراء الممتدة على طريق القاهرة الزراعى ..تتقاذف إلى رأسه صورة صالح سليم وهو يبصق على وجهه ..والشيخ طه يضربه بالخيزرانه على مؤخرته ..وكابتن الخطيب وهو ينظر إليه بإحتقارمن أعلى إلى أسفل ..وأبو تريكة يصفعه على قفاه ..
يصرخ حمدى ويضع يده على قفاه باكيا ..
- سامحونى يا كباتن ..سامحونى ..غصب عنى الجريمة اللى هعملها دى ..سامحونى ..
ينزعج سالم البرعى ويأمر سائقه أن يتوقف فورا..يتركه حتى يهدأ..ويضع يديه على كتفه فى ود ..
- اهدا يا حمدى يا بنى ..متعملش فى نفسك كده ..صلى ع النبى ..أنت راجل كبير وميصحش اللى بتعمله ده ..
- مش قادر ياابا سالم ..هموت م القهرة..أنا ألعب فى الزمالك ..ده كابوس ..أطين من كابوس ست أبوها ..
- لا يا بطل مينفعش كده ..أنت هتواجه ..كابوس أنيل وأزرط.. من ست أبوها ..
- هو فيه أنيل من الست ..
- الآنسة نور ..وابوها ..شديد بية الأبيض ..مدير عام نادى الزمالك ..
- سمعت عنه ..من تحت بند ..أعرف عدوك ..
- هما دول كابوسك الجديد ..ودول لو شموا بس ريحة لون أحمر جواك ..هيلغوا العقد فورا وتبقى كأنك يا أبو زيد ما غزيت ..وتبقى ذى اللى رقصت ع السلم ..لا اللى فوق شافوها ولا اللى تحت نضروها..أنت يا بطل خسرت عمك وعيلتك..مقدامكش غير الزمالك ..
- طب فطمنى ياابا سالم ..أعمل أيه معاهم دول ..
- تبين لهم أنك زملكاوى أصيل .. وتذم لهم فى الأهلى وأنه بيكسب بالحظ ..وأن الزمالك معمول له سحر وأعمال عشان يخسر ..وأن الأعمال دى والسحر الأسود ده هيتفك على أيدك ..وحرص ثم حرص من نور ..أبوها معينها فى النادى لهدف واحد بس ..
- هدف واحد ..وده أيه ده ..
- أيوه ..هدف واحد ..كل شغلتها تكشف اللى بيدعى أنه زملكاوى ..وهوه أهلاوى ..ليها طرق وأساليب جهنمية ..ودى أول واحدة هتقابلك ..وتختبرك..هتوقعك فى الكلام..تشتم فى الزمالك مطاوعهاش تمجد فى الأهلى ..أشتمها وأشتم فى الأهلى ..
يعنى لعبك فى الزمالك متوقف على إقتناعها بزملكاويتك وحبك للفانلة البيضا ..
وكرهك للأهلى ..واللون الاحمر ..وبعدها..
أبوها بيوقع على طول بعد موافقتها ..بدون نقاش ..ودى متعلمة وخريجة الجامعة الأمريكية ..
كان آخر أختراعاتها اللى طبقتها على لاعب أسوانى ..يااه.. ده كان واد موهوب بصحيح ..ذيك كده..
- كان ..هو بقى كان ..ده كان دى فعل ماضى ..
- فعلا ..الواد فيص فى أيدها ..
- عملت له أيه ..
- خدته على معمل تحاليل دم ..بتاع واحدة صاحبتها زملكاوية ..وطلبت منها ..تحلل دمه وتفصل كرات الدم البيضا عن كرات الدم الحمرا ..وتعدهم ..أذا طلعت كرات الدم البيضا أكتر من كرات الدم الحمرا ..يمضى ويلعب للزمالك ..
أما أذا طلعت..كرات الدم الحمرا أكتر م البيضا..يبقى عميل ومدسوس
من الأهلى..وفضلوا يسحبوا منه دم ..لحد ما الواد أتصفى و فيص فى أيدهم ..
فضل فى غيبوبة أسبوع..لما فاق..رجع جرى فى أول قطر على أسوان..وأعتزل الكورة
- يا خبر مطين بجلوص جلة ..دى هتبقى أيام ..أسود من قرن الخروب عليك وعلى اللى خلفوك يا حمدى يا ابن تعلب ..
- يا واد متخفش كده ..جمد قلبك ..أنا معاك أنت بس خليك مصحصح و كل حاجة هتعدى على خير بإذن الله ..أنا أجرت لك شقة مفروشة ورا سور النادى عدل..
يعنى خطوتين وتبقى فى النادى .. أتفقنا يا بطل ..
دلوقتى هوصلك للشقة ترتاح وتاخد نفسك كده وتهدا ..وبعدها تخش فى المعمعة ..
تقف السيارة خلف سور نادى الزمالك ..
يفتح رجل تخطى الخمسين باب السيارة ممسكا فى يده كيس زبالة أسود كبير ..يضعه على رأس وكتف حمدى ويسحبه من يده بعنف ..
يصرخ حمدى فى فزع ..يطمأنه سالم أن هذا من دواعى أمنه حتى لا يتسرب خبر وصوله لجواسيس الأهلى ..طلب منه أن ينفذ كل تعليمات الكابتن كاتو ..وأنه المسئول عنه وعن سلامته ..
سحبه كاتو بقوة ..فصرخ طالبا شنطته الهاند باك من شنطة العربية ..ووضعها على كتفية ..وكيس الزبالة يخفى وجهه ..وقفا أمام الشقة ..
رن كاتو جرس الباب ..صارخا فى غضب ..
- أفتح يا ممدوح ..أنا الكابتن كاتو ..
- كلمة السر يا كابتن ..لو سمحت ..
- أفتح يا غبى..ده مش وقت غباك خالص..أفتح قبل ما حد يشوفنا ..
- الكابتن كاتو منبة عليه مفتحش ألا اللى يقول كلمة السر ..
- وأنا قلت لك هى أيه كلمة السر ..فكرنى أنا نسيتها ..
- أنت قلت لى كلمة السر هى ..يا زمالك يا مدرسة ..
- طيب يا ذكى يا مشرفنى ..يا زمالك يا مدرسة ..تمام كده ..أفتح بقى..
- تمام يا كابتن..خش بسرعة قبل ما ننكشف ..
- والله ما هيكشفنا غير غباءك المستحكم ده ..شيل من على وشه كيس الزبالة ..الجدع هيفطس ..
يأخذ حمدى نفسه بصعوبه ..وينظر إليهما ..
- آسفين يا كابتن ..الحمد لله وصلت بالسلامة من غير ما حد يشوف وشك ..هسيبك دلوقتى
عشان أرتب لك كل حاجة مع النادى وبكرة كده بعد ما ترتاح وتنام كويس هاجى بنفسى أخدك.. ومعاك ممدوح إيدى اليمين ..هيشوف كل طلباتك ..
يخرج حمدى من الحمام مرتديا بيجامته الحمراء ..وشبشبه الأحمر ..واضعا فوطته الحمراء على كتفه و يجفف بها شعره ..يدق جرس الباب ..ينظر ممدوح من العين السحرية ..وينط مذعورا كمن لدغتة حية رقطاء ..وهو يلطم على خديه ..وينظر برعب إلى حمدى ..
- أيه المصيبة اللى عاملها دى ياكابتن ..بيجامة حمرا ..وشبشب أحمر ..وكمان فوطة حمرا ..
- وفيها أيه يعنى ..طول عمرى ..ده لبسى ..وهدومى الجوانية كمان ..حمرا ..
- أنت عارف مين ع الباب ..الآنسة نور ..عارف لو شافت أو لمحت بس ..بيجامتك ولا شبشك
ولا هدومك الحمرا ..رحت فى الفساخونيا ..وتلغى عقدك قبل ما تشوف باب النادى ..
يلفون حول أنفسهم مذعورين ..وجرس الباب يرن بإلحاح ..
- خش أودتى بسرعة ..إلبس بيجامة من بتوعى وخد شبشبى وفوطتى ..ومتنساش هدومك
الجوانية ..
- بيجامتك أيه وهدومك أيه ..أنت مش شايف نفسك يا عم ممدوح ..ده أنا أعوم فيهم ..
- مش مهم ..المهم تخفى اللون الأحمر ..ياللا بسرعة ..وأنا هعطلها ..بسرعة ..
يجرى حمدى مسرعا إلى الغرفة ..وممدوح يتماطل فى الذهاب إلى باب الشقة ..يصرخ بصوت
مبحوح ..
- مين ..مين ع الباب ..
- أفتح يا غبى ..أنا الآنسة نور ..
- وأنا أيش عرفنى أنك الآنسة نور ..لو أنتى الآنسة نور حقيقى ومش م الأعداء الحمر ..
قولى .. كلمة السر ..
- يا زمالك يا مدرسة ..أفتح بأه يا غبى ..
- لأ.. ما هو الكابتن كاتو غيرها قبل ما ينزل ..دى بتاعة أمبارح ..
- وبتاعة النهاردة أيه ..يا فالح ..
يفتح حمدى باب غرفة ممدوح وهو يرتدى بيجامة بيضاء بخطين.. تتدلى أكمامها على يديه ..مشمرا
القدم حتى لا تطول الأرض ..عندما يراه ممدوح ..يطئمن ويأخذ نفس عميق ..
- بتاعة النهاردة يا ست نور ..يا زمالك يامدرسة فن ولعب وهندسة ..
- أيوة ..يا زمالك يا هندسة فن و
- لأ غلط يا آنسة.. مش كده.. يا زمالك يا مدرسة ..مش هندسة..
- أفتح يا ممدوح.. وألا هخش أفلق نفوخك نصين ..
- لا وعلى أيه ..أتفضلى يا آنسة ..
تقف نور وجها لوجه أمام حمدى ..تنظر إليه من أعلى إلى أسفل وهو غارق فى بيجامته البيضاء ..
يحدق حمدى فيها بإستغراب..وفى ملابسها التى تشبة ملابس الرجال وبنطلونها الجينز الممزق من على ركبتيها ..وكابها الأبيض أبو خطين والتى تلف رفرفه للخلف ..
يلف كلا منهما حول الآخر فى دائرة .. يحدق كلا منهما فى عين الآخر فى تحدى ..

وإلى لقاء قريب مع الحلقة الخامسة..

أخونا رضا كل سنة وأنت طيب ، ومنتظرين إبداعاتك فى الحلقة الخامسة ، حفظ الله المحروسة من التعالب .

صداح فاروق وراق كتب:

أخونا رضا كل سنة وأنت طيب ، ومنتظرين إبداعاتك فى الحلقة الخامسة ، حفظ الله المحروسة من التعالب .

الأخ والصديق العزيز ..صداح فاروق وراق ..
أعتذر عن تأخرى فى الرد عليك ..وأن شاء الله سأكملها قريبا فقد أنشغلت ببعض الأعمال الهندسية ..شكرا على مرورك وسؤالك ..

الحلقة الخامسة
_____________

تدور نور حول حمدى .. وهى تنظر إليه فى تأفف ..يقترب منهما ممدوح وهو يفرك يديه ..
- الآنسة تشرب أيه ..
- أى حاجة ..أى حاجة ..
- أنا بقول.. أعمل لحضرتك الكابتشينواللى بتحبيه ..
تنظر إليه غاضبة ..يجرى ناحية المطبخ ..تلتفت إلى حمدى ..وتشير إلى عينيه ..وتسأله فى حدة..
- عينك حمرا.. ليييه ..هه ..
- م اللى أنا شايفه قدامى ده ..
- شايف أيه حمر عينك ..وليه مبيضتش ..جاوب ..
أخذ حمدى يلف حولها وهو يشير إلى بنطلونها الجينز الممزق من على ركبتيها ..وفى أسى ..
- بنت مدير نادى الزمالك على سن ورمح ..لابسة بنطلون مقطع ..ومش هاين عليه يشتري بنطلون عليه القيمة ..يستر بيه لحم بنته الابيض ..اللى ذى لهطة القشدة ده ..
- ده نيو لوك يا جاهل ..ما أنت فلاح ..ومتخلف ..هتعرف الموضة منين وازاى..
- يا شيخة ..ده بخل وشح ..عارفة اللى ذيك عندنا فى كفر نور الحمص ..بنلم له من بعض ونكسيه ..دى ست أبوها.. لبسها أشيك منك ..
- سورى .. ست مين ..ودى تطلع أيه دى كمان..
- لا ..أوعي تغلطي فى ست أبوها ..ست أبوها يا سلام عليها كده ..أما تلبس الحته الزفرة ..هااا
تروحى أنتى فى جمالها ..ولا دلالها ..ولا طولها ..وخصوصا طولها ..شوفى أنتى ذبلة وقريبة
أزاى ..أنما ست أبوها ..نخلة شقة السما .. ست أبوها.. دى بلا فخر.. ملكة جمال برج نور الحمص ..والزمام اللى حواليها ..بل أجزم أنها ملكة جمال الجهه كلاتها ..
- خلاص ..خلاص ..مش موضوعنا ..الأسم ..
- أيه.. فتحتى دفترك ليه ..هتعمليلى محضر ..
- محضر أيه يا فلاح أنت ..دى بياناتك ..أسمك ..مؤهلك ..قولى ..
- أأقولك أيه ..
- مين.. هه ..ركز ..مين مثلك الأعلى فى الكورة ..جاوب ..
يظهر الأرتباك على حمدى ..ويحدث نفسه ..طالبا السماح من الكابتن حمدى والخطيب ومتعب ..
- محمد لطيف ..الله يرحمه ..
- محمد لطيف ..بس ده مات من زمان ..
- فى نظرك أنتى..يا آنسة ..كابتن لطيف عايش فى قلبى وجوارحى ليوم الدين..يا سلام عليه كده
أما كان يصرخ ويزعق ..ويفضل يقول ..يا شيخة خشى ..يا شيخة خشى ..يا شيخة خشى ..
- خلاص ..عرفنا ..يا شيخة خشى ..
- لا لسه فى ..
- فى حاجة تانية.. غير يا شيخة خشى ..
- أيوه فى ..خشى يا شيخة ..خشى يا شيخة ..أمال عملالى بتفهمى فى الكورة ..يا شيخة خشى ..
حاجة تانية خالص ..غير ..خشى يا شيخة ..دى بنرفع المبتدأ ونجر الفاعل ..أما بقى..يا ..
- خلاص ..خلصنا ..المهم إن مثلك الأعلى ..زملكاوى ..أصيل ..
- أأأيه ..أصيل ومأصل ..أبا عن جد ..ده محمد لطيف ..
- خلاص فهمنا ..المهم ..همر عليك الساعة واحدة ..عشان المدرب يشوفك ويختبرك ..
- ياااه ..فى عز الضهركده ..دى عز القيالة ..
- ضهر أيه يا فلاح ..واحدة بعد نص الليل ..للسرية التامة ..وجواسيس الأهلى يشموا خبرك ويحاولوا يخطفوك قبل ما توقع ..
- من بقك لباب السما ..
- أيه ..أنت قلت أيه ..
- ده فى أحلامهم يا ماما ..قال الأهلى يخطفنى ويخلينى أوقع للفانلة الحمرا ..
- طب أنت أنطباعك أيه عن لعيبة الأهلى ..الأحساس العام يعنى ..
- وحشين صح ..أخييييه ..وحشين وغلسين كده ودمهم تقيل ..صح ..
- تمام تمام ..واضح أن دمك كرات الدم البيضا فيه كتير ..
- يووووه ..ده أنتى لو جبتى سكينة دلوقتى ودبحتينى ..هنزلك لبن حليب ..أبيييييييييييييض وبخطين كمان ..
- تمام ..أنا كده أطمنت على أنتمائك ..نام كويس ..وهرجع لك على نص الليل ..سى يو ..
- تعالى هنا ..الأخيرة دى ..شتيمة ..أتفو دى اللى قولتيها ..

وضع كاتو كيس الزبالة الأسود على وجة حمدى قبل مغادرة الشقة ..وكانت نور فى أنتظارهم بسياراتها ..ألقوه سريعا بالكنبة الخلفية وهم يتلفتون يمينا ويسارا فى قلق شديد ..أنطلقت نور مسرعة
عندما رفع كاتو كيس الزبالة الأسود ..وجد حمدى نفسه وجها لوجة ..مع الكابتن حسن شحاتة ..
غام وجة المعلم حسن فى عين حمدى وتبدل بوجة مانويل جوزية ..
مد المعلم حسن يده ليسلم عليه ففوجئ بحمدى يحتضنه بفرحة عارمة ..وهو يهلل فرحا ..
- أهلا يا مستر ..
- مستر مين يا بنى ..هنا مفيش مستر ..فى كابتن حسن ..هاى أنت لسه مصحتش م النوم ..فوق
وصحصح كده معايا ..
- آسف يا كابتن ..تحت أمرك ..
- خد الكورة وورينا شوية حركات من بتوعك ..
بدأ حمدى يستعرض مهاراته فى الملعب ..ونور تراقبه بإنبهار ..فقد كان حلمها فى مراهقتها وحتى الآن هو هذا الفارس الذى يمتطى حصانه الأبيض أبو خطين ..مرتديا بدلته البيضاء ..واضعا على رأسه خوذته الحديدية البيضاء ..ماسكا فى يده ..كرة قدم بيضاء ..واقفا فى منتصف الملعب ..وهى تقف على خط الملعب مرتدية ..فستان العرس ..ويقف حارس المرمى الأهلاوى ..شريف أكرامى فى وسط الجون متحفزا ..ينطلق الفارس بحصانه الأبيض فى حماس شديد..
إلى مرمى أكرامى ..ويضع الكرة فى مرمى الأهلى ..مسجلا هدفا ..وأكرامى يضرب الأرض غاضبا بيديه ..ويستدير الفرس ويخطفها على حصانه ..بعد أن قدم هذا الهدف ..مهرا لها ..
لكن حلمها تبدل وهى تراقب حمدى يستعرض مهاراته .. أغمضت عينيها وحلمت حلما جديدا
رأت فى حلمها ..حمدى مرتديا جلبابه الفلاحى ..رابطا رأسه بمنديل أبيض فوق الطاقية ..راكبا على
حمار أبيض وبخطين ..ويقف فى منتصف الملعب ماسكا كرة فى يده ..وإكرامى واقفا متحفزا بمرمى
الأهلى ..وينطلق بحمارة الأبيض ..مسجلا هدفا فى مرمى الأهلى ..ويعود ويخطفها على حمارة ..
أفاقت من حلمها على أصواتهم جميعا ..وهم يصيحون فى غضب ..ورأت الأمن يطارد شخصا أقتحم
الملعب ..مرتديا جلباب واضعا طرف جلبابه فى فمه ..ويجرى حول الملعب يطارده الأمن وجميع
العمال يحاولون الأمساك به ..و المعلم حسن يصرخ فى غضب..
- أمسكوه ..ده أكيد جاسوس من جواسيس الألتراس الأهلاوى ومتنكر ..
تمكن الأمن والعمال من الأمساك به بعد مجهود مضنى .. وإلتفوا حوله فى دائرة .. واخذوا يركلوه
ويضربوه ضربا مبرحا ..ووثقوه ..
سريعا وضع كاتو كيس الزبالة الأسود على رأس حمدى ..وخرج به مسرعا من الملعب ..حتى لا
يستطيع ..جاسوس الألتراس الأهلاوى من رؤيه وجهه ..وأبلاغ أدارة الأهلى به لخطفه ليلعب للأهلى
أدخله كاتوغرفة تطل على الملعب وأغلق عليه بابها بحرص شديد ..وعاد إلى الملعب ..
فى فضول نظر حمدى من نافذة الغرفة الزجاجية المغلقة ..ورأى الرجل ذات الجلباب ..يحيط به
الجميع ..ينهالون عليه صفعا وركلا ..
فجأة ..شده كاتو من شعره بعنف ..ورفع رأسه ..ليتمكن من لطمه على وجهه ..
وهنا رأى حمدى وجة الرجل ذات الجلباب..
فألتصق بوجهه فى ذهول بزجاج النافذة..من هول المفاجأة ..

وإلى لقاء قريب مع الحلقة التالية ..

الحلقة السادسة
-------------
عندما رأى وجة الرجل ذات الجلباب ..فتح النافذة وقفز منها مسرعا ..وأرتمى عليه وسط ذهول
الجميع ..وهمس حمدى فى أذنه ..وأقتربت نور منهما فى تحفز ..
- مين ده يا تعلب ..
- ده ..فتحى إبن خالتى ..
- آاه ..وده ..عدو ..ولا حبيب ..
يصرخ فتحى بصوت مبحوح ..
- لا ..لا..حبيب طبعا ..زملكاوى طبعا ..فين بقى السلطانية.. اللى.. هتلبسوهالى ..
- بيقول أيه الفلاح ..هيه ناقصة فلاحين ..
- بيخرف من كتر الضرب ..
- يحمد ربنا ..أنا كنت هسلمه ..للألتراس الزملكاوى ..
- ودول كانوا هيعملوا فيه ..أكتر م اللى عملتوه ..
- يوووووووووووه ..بكتير ..دول كانوا ..سحلوه ع الأسفلت ..وقلعوك هدومك ..
يقترب الكابتن حسن شحاتة منهم ..
- خد يا حمدى إبن خالتك العيادة ..يربطوه ..ويرمموه ..وروح معاه وبكرة نكمل ..الكشف الطبى
وباقى أجراءات التسجيل ..فى أتحاد الكورة ..
- متشكر قوى يا كابتن ..بس فكرك الواد بالشكل ده ..هينفع فيه ترميم ..
- ما شاء الله عليه ..واد جامد صحيح ..طور ..واحد غيره ..كان فيص فى أيديهم ..
- نأ.. ياخويا .. نأ..
- أخرس يا حمار ..ده المعلم الكبير هنا ..
- معلم فى أيه بجى ..مخدرات ..ولا بلطجة ..ولا معلم القهوة اللى هنا ..
- معلش يا كابتن ..الواد بيخرف ونافوخه ساح من كتر الضرب ..يالا يا خويا يا فضحنى ..
أخذ حمدى فتحى إبن خالته إلى الشقة بعد ترميمة وتربيطه ..حكى فتحى له ما حدث له وتصميم
العمدة على تزويجه من ست أبوها ..كبديل له ..وخطة هروبه فى ليلة الزفاف ..
والتى خططتها الأمهاتان ..حيث ألبسوه ملابس سيدة منقبة ..وأخرجوه من القرية ..سالما ..
وفكر؟ كيف يصل إليه فهو لا يعرف له عنوان ..
فقرر أن يلبد لحمدى داخل غيط الدرة بتاع الزمالك..
-----------------------------------------------------------------------------------------
وبعد إتمام جميع أجراءات التسجيل ..قرر المدرب تجربة حمدى فى المباراة القادمة وفى آخر المباراة
وكانت مع الفريق الذى هزم الأهلى فى مباراتة السابقة ..ونزل حمدى والغيظ يملأصدرة ..
وصمم أن يأخذ بثأر الأهلى ..وفى الدقيقة الأخيرة بعد يأس الجميع من الفوز ..
هجم حمدى هجمة عنترية بمفرده ..وسجل هدفا مباغتا الجميع ..رفعه زملاءه على أكتافهم ..
وهتفت جماهير الألتراس الزملكاوية بأسمه ..وألفت له أغنية خاصة ..
قرر المعلم بعد هذا الهدف أشراكه فى جميع المباريات القادمة كلاعب أساسى فى الفريق ..
ذاعت شهرته ..وملأت أرجاء المحروسة ..ومصر ..والوطن العربى ..كلاعب مهارى وموهوب ..
أصبحت جميع الفرق ترهب وجوده ..وتضع عليه رقابة لصيقة فى الملعب ..
تم ترشيحه للأنضمام للفريق القومى ..
وذهبت السكرة وحلت الكارثة ..المباراة القادمة ..
مع الأهلى ..

وإلى لقاء قريب مع الحلقة القادمة

مذيدا من الابداع اخي هجرسي

ودعيسي كتب:

مذيدا من الابداع اخي هجرسي

أنت تأمر يا صديقى العزيز ..ود عيسى ..والسابعة كتبتها تلبية لطلبك ..أرجو أن تحوز رضاك ..وكل عام وأنت بخير ..وسنة سعيدة عليك وعلى أسرتك الكريمة ..وأهل السودان جميعا بخير وتقدم ..

الحلقة السابعة
------------
عاودت الكوابيس المفزعة حمدى تعلب ..وأصبح لا يستطيع النوم ألا ساعات قليلة يستيقظ
بعدها مفزوعا ..ويفزع معه إبن خالته فتحى ..ويحاول تهدئته ..وطلب منه أن يقص عليه
كابوسه ليرتاح ويفسرة له ..حدق حمدى فى السقف ..وفى نبرة حزينة ..
- شفت كابتن حمدى رئيس النادى الأهلى..بيبص لى بإحتقار وأرف ..وهوبيتف على وشى
- خير ..خير ..التفة فى الحلم خير ..
- أيه هو اللى خير يا حمار أنت .. بقولك بيتف علي وشى ..
- أيوه ..أيوه ..كمل ..
- والكابتن الخطيب ..عمال يلطعنى على قفايا ..كل قفا أنأح م التانى ..
- خير ..خير ..لطع القفا فى الحلم خير ..كمل ..
- لطع القفا كمان خير ..طيب ..ولا الشيخ طه أسماعيل ..
- ماله الشيخ طه بأه ..ده راجل كبارة ومش ممكن تطلع منه العيبة أبدا ..عملك أيه يعنى
- عاملى أيه ..علقنى ع العروسة .. ومدنى على رجليه بحتة خرزانة ملسوعة ..وهوب فين
يوجعك ..
- خير ..خير ..العروسة فى الحلم ..خير ..
- كلة كوم ..وأبو تريكة كوم ..هو ده اللى مش خير ..أبدا ..
- خير ..خير ..أبو تريكة فى الحلم خير ..هتقول أيه على الراجل البركة ده ..
- أأقول أيه ..ده خوفى كلة منه ..واقف يا خويا يا فتحى ورافع أيده للسما ..وقاعد يدعى
عليه ..
- يا شيخ تلاقيك سمعت غلط ..والراجل كان بيدعيلك ..
- بيدعيلى أيه يا جالوص الجلة أنت ..لما يقول ..يجيك ويحط عليك يابن تعلب ..آلاهى يجيلك
كرامب ما تقوم منه ..ولا تمزق فى الأربطة الصليبية تشلك..و ما تعرف تقوم من مكانك ..
كده يبقى بيدعيلى ..وأوعى تقول ..خير ..خير ..لفتح نافوخك المليان سباخ وطين ده ..
يرن جرس باب الشقة فيقفز فتحى لفتح الباب ..ويصرخ حمدى ..
- على مهلك يا بهيمة ..العمارة هتقع ..
يرجع فتحى مبتسما ..
- الموزة ..عايزاك ..
يقفز حمدى فزعا مرعوبا ..
- أيه اللى جابها هنا ..وعرفت مكاننا منين ..خبينى يا وله ..وشوف لك ساتر تستخبى وراه ..
- لأ ه ..مش ست أبوها ..دى لهطة الجشطة بالعسل يا وله ..ست نور ..عايزاك ..
يستنشق نفسه بأرتياح ..
- يخبر مطنك ..خرعت قلبى ..خليك هنا ..أما أشوف عايزة أيه دى كمان ..
تقابلة نور بأبتسامة عريضة ..ونظرات أعجاب وتشده من يده وتجلسه ..
- أنا عايزاك بكرة تكون على سنجة عشرة ..
- أشمعنى بكرة يعنى ..هو بكرة العيد ..
- مفاجأة عملهالك ..حفلة على شرفك عندنا فى الفيلا ..وعازمة فيها كل الفريق ..
- على شرفى آنى ..
- طبعا يا كابتن الكباتن كلها ..
- ده أيه الدلع ده كلة ..
- أن مكنتش أنا أدلعك ..مين هيدلعك ..أنا جايبة لك بدلة شيك آخر صيحة ..عايزاك أشيك
راجل فى الفريق ..لأ أشيك راجل فى الدنيا كلها ..
- ده أيه الرضا ده كلاته ..مش بعاده يعنى ..
- هقولك كل حاجة فى الحفلة ..يالا ..سي يو ..
- تانى ..رجعتى تلبخى ..طب أنتى بأه اللى ستين سي يو ..
------------------------------------------------------------------------------------------
وقف حمدى فاغرا فاهه ..يعنى فاشخ بقه ..منبهرا ..أى مذلهب ..محدقا ..أى مبحلق بعنيه ..
حين رأى نور وهى تنزل من على سلم الفيلا ..فى كامل زينتها ..فستانها العارى الصدر والزاحف
على الأرض ..ولون فستانها الأبيض الناصع يعكس الضوء على وجهها الأبيض فيزيده بياضا
ونضارة .. ولأول مرة يفكر فيها كأنثى ..بل طاغية الأنوثة ..وكاد قلبه ينخلع من بين جنبيه وهى
ترنو إليه بنظرات أنثويه قتلت باقى مقاومته ..
سحبته من يده كالبهيمة ..وخرجت به إلى حديقة الفيلا ..وهو مستسلم لقيادها له ..كالمسحور..
أمسكت نور بيديه الأثنين ..ونظرت إلى السماء ..وفى رومانسية ورقة أذابت قلبه ..
- شايف القمر يا تعلب ..
ينطر يدها فى عصبية ..وهلع ..
- أيوه يا ستى شايفه ..أنتى لازم تفكرينى يعنى ..
- أفكرك بأيه بس ..أنا عايزاك تنسى الدنيا باللى فيها ..وتبص معايا ع القمر ..
- يعنى أنتى شايفة القمر كويس ..وعنيكى نضراه..
- وحساه كمان ..وشعرة بنوره ..أنت شايف ..أنت حاسس ..
- أيوه شايف.. أيوة حاسس ..يا ست شادية ..
- أنا كلمت بابا ووافق ..
- على أيه ..
- أنك تتقدم لى وتخطبنى ..
- كده لزق خبط ..مش تاخدوا رأى الجاموسة اللى بتلقفوها لبعض أنتى وابوكى ..
تضع خدها على خده ..وفى رقه لم يستطع مقاومتها ..
- وهو الجاموسة مش موافقة ..
- يوووووووووووووووه ..الجاموسة موافقة ..وبصمة بحوافيرها العشرة ..
تدفعه بشدة فيقع على الأرض متدحرجا ..ويقف على ركبتيه فزعا ..
- أيه اللى حصل ما كنا ماشيين كويس ..والقمر شغال ..ولا أنتى والست ..تفين فى طبق واحد ..
تعطيه ظهرها وفى لهجة قوية ..
- بس أنا مش هوافق ..ألا بشرط ..تقدم لى مهرى اللى أطلبة ..
يمسك يدها ويقبلها ..وهو راكعا على ركبتيه ..
- أطلبى وأشرطى ذى ما أنتى عايزة ..تحبى أشرب لك مية ترعة الصرف..
ولا أدبح لك الواد فتحى إبن خالتى ..مهرك فى رقبتى ..روحى.. وعمرى.. كلة مهرك ..
وفى رومانسية ترفعه وتلصق خدها فى خده ..
- أنا مهرى اللى طول عمرى بحلم بيه ..ويجبهولى فارس أحلامى اللى راكب حماره الأبيض
أبو خطين ..
- هو فرسان الأحلام عندكوا فى المحروسة بيركبوا حمير ..ذى عندنا ..أنا أعرف أنهم بيركبوا ..
حصان .. نفوت دى ..يجيبلك أيه مهر أبو حمار ده ..حمل برسيم ولا طين سباخ ..
- جون ..
- الهيصة دى كلتها ..على جون ..خدى منى يا ستى خمس تجوان مهر..
- فى الأهلى ..جون فى الأهلى ..

وإلى لقاء قريب مع الحلقة القادمة ..

الحلقة الثامنة
-------------
حزينا والدموع تسح من عينيه ذى المطر .. أى يبكى بحرقة ..وأبن خالته فتحى يطبطب على ظهره ويحاول تهدئته ..
- ما بلاها الجوازة المطينة بطين دى يا حمدى يا خويا ..وتقهر نفسك كده ..
وبعدين البت نور دى متستاهلش القهرة دى كلها .. دى عاملة ذى الزبلة
ميغركش شوية البياض بتوعها ..ده كلة صناعى فى صناعى ..
- أصلك مشفتهاش وهى لابسة ذى الحريم ..عاملة كده ذى..أأقربها لمخك الجلة ده
أزاى ..أيوه ..فاكر بقرة أبو مندور الملونة ..وجمالها ودلالها ..فاكر شباب البلد
كان بيمشوا وراها ويتنهدوا لما يشوفوها وهى بتتمخطر فى مشيتها ..
- ياااااه يا واد حمدى فكرتنى ..ده آنى كنت أفضل لابد لها ..أتأمل فى ضرعها ..
وأدوب ..وغمض عينى واحلم أنى بشرب لبنها من ضرعها ..
- أهى نور تبقى ..بقرة أبو مندور بتاعة المحروسة ..عرفت بقى مصيبة أخوك..
وخلاص لبدت فى قلبى ذى القرادة ..بس مهرها غالى قوى ..قوى ..
بقى أنا أجيب جون فى الأهلى ..أنا .. أزاى ..ورجلى هطاوعنى ..دى كانت أتشلت
- طب ما تجول أنك عيان ..ومتقدرش تلعب الماتش ..مسهل وبطنك سايبة عليك ..
- يكشفوها فى ثوانى يا ناصح بالتحاليل ..أنا فكرت فى كده ..ولقيت أحسن طريقة
أنى ألعب الماتش ..وأشم ريحة حبايبى ..وهوب أتكسر ..ولا يجيلى كرامب ..ومكملش الماتش ..وبكده أكون ضربت عصفورين بحجر واحد ..
- هو هنا فى المحروسة ..بيصتادوا عصافير ذى عندنا فى الكفر ..
أطمئن حمدى تعلب وهدأ بعد أن رسم خطته ..
لم يكن يدرى بما يخطط له فى الخفاء ..
سواء.. فى المحروسة من الألتراس الأهلاوى ..
أومن عمه فى برج نور الحمص..
وقف كبير الألتراس الأهلاوى يتفرس فى وجوة المجتمعون والمفتولى العضلات ..
ومن خلفة سبورة بيضاء يكتب ويشرح عليها ..
فى صوت ملئ بالحماس ..وبطريقة خطابية قوية ..
- أحنا أجتمعنا النهاردة من أخطر الأجتماعات وأهمها ..واللى هيثبت فيه كل واحد
منكم ..حبه وأنتماءه للفانلة الحمرا .. الخطة اللى رسمتها لكل واحد فيكم يلتزم
بيها وينفذها بحذافيرها ..دون تجاوز أو تردد ..
يصرخ الجميع فى حماس مرددين هتافات الولاء للأهلى وللفانلة الحمراء ..
- أرجوكم الهدوء ..الأجتماع ده سرى للغاية .. وكل واحد منكم أقسم على السرية ..
نبتدى نشرح خطتنا ..الهدف المحدد ..حمدى تعلب ..المطلوب ..أنه ميلعبش
الماتش مهما كانت الصعوبات و التضحيات ..وأنا وضعت تلت خطط ..
الأولى هتكون ليلة المباراة و إسمها ..تفريغ الركب .. ودى هينفذها أختين
فاضلتين ذات أنوثة طاغية لا تقاوم ..من شارع الهرم ..وتم التفاوض معهم ..
وتأبيجهم ..مبلغ كبير من المال ..أرواحنا ومالنا وحلالنا فدا ترابك يا أهلى ..
يصرخ أحد مفتولى العضلات ..بغضب ..
- أمال أحنا دورنا أيه ..أذا كانت الحريم هيخلصوها ..
- سؤال وجية ومنطقى وفى محله .. فى حالة فشل الأختين الفاضلتين فى مهمتهم
هنا هيكون دوركم فى تنفيذ الخطة التانية ..ودى سميتها ..تكسير الركب ..
بين شقة حمدى وسور نادى الزمالك شارعين ..
أنت ومجموعة العمالقة المغاوير ..هتلبدوا له فى المنطقة دى
قبل ما يوصل للنادىو يركب الأتوبيس اللى بياخدهم للأستاد ..
وأنت يا وحش اللى هتقوم بنفسك فى تنفيذ المهة الخطيرة ..الوحوش اللى معاك
هيحصروه ..من كل الجهات ..وطبعا هتكونوا لابسين طواقى سودا على وشكم عشان محدش يتعرف على حد فيكم ..
وأنت يا وحش كل مهمتك تكسير ركبة واحدة ..واحدة مش أتنين ..وبطريقة محترفة وشيك ..يعنى ممكن علاجها ومنضيعش مستقبله لأن هدفنا شريف ..كل الهدف منه ..أنه ميلعبش الماتش وهو فى حالة التوهج اللى هو فيها ..
واضح ..أظن كده عرفتوا دوركوا ..
- طب يا كابتن مثلا يعنى ..لو غير سكته ..أو قدر يفلت منا ..
- هنا بقى هنفذ الخطة البديلة التالتة .. خطة التوهان فى الآمان يا لالاى..ودى سرية للغاية ..واللى هينفذها مندس أهلاوى مزروع داخل الزمالك من مدة طويلة لتنفيذ المهمات المستحيلة ..وبينقل لنا كل أسرار الزمالك اللى بتحصل فى
كواليسه ..وطبعا مش هقدر أكشفه ..حفاظا على حياته ..
الفاتحة على العهد ..
----------------------------------------------------------------------------
فى نفس الوقت وفى برج نور الحمص ..يجلس العمدة ومن حوله شيخ الغفر وأبو قتب
ينفخ دخان الجوزة فى غضب شديد ..ويجز على أسنانه فى غيظ ..ويمسك مسدس فى
يده ..
- أنا عايز ولد من ولاد التعالبة ..مجبتوش ولادة ..ينشه طلقة فى نافوخة ..يرفع بيها
العار اللى هيوسخ بيها الكلب ده سمعة وتاريخ عيلة تعلب ..وهيخلينا نطاطى قدام
الناحية كلتها ومش هتقوم للأهلاوية قومة بعدها فى الجهه ..وعيلة البرعى هتركبنا
وتدلدل رجليها..والزمالكاوية هيبقى ليهم وزن فى الكفر..ومش بعيد ياخدوا العمودية
- لا سمح الله يابا العمدة ..ده ميحصلش أبدا وأنت موجود على راس الكفر ..
- حصل يا خويا حصل ..والواد حمدى ..هيلبسنا كلنا طرح ذى النسوان ..
تصرخ ست أبوها من خلفهم بغضب شديد ..والشرر يتطاير من عينها ..مرتدية زى
رجال الصاعقة العسكرى ..مقفذة بيادتها ..تضع فى جانبها حزام مسدس وتأخذ المسدس من يد العمدة فى قوة وتضعه فى جراب الحزام ..
- لا عاش ولا كان ..اللى يلبس التعالبة وعمدتها طرح ..
وست أبوها على وش الدنيا ..

و إلى لقاء قريب مع الحلقة التالية ..

-----------------------------------------------------------------------------

الحلقة التاسعة
--------------
فى ليلة المباراة ..سيطر القلق على حمدى ..لا يستطيع الجلوس ..يدخل المطبخ
ليساعد فتحى الذى يجهز العشاء ..ثم يعود للصالة ..فزع عندما رن جرس باب الشقة .. رقص فرحا عندما وجد نور ..فى أبهى زينتها والسعادة طافحة على
وجهها ..صرخ فتحى من داخل المطبخ ..
- مين اللى جة يا واد يا حمدى ..حماته بتحبه هياكل عشا ملوكى من أيدى ..
فى رومانسية وهمس ..
- دى بجرة المحروسة يا وله ..
- بجرة فى عينك أنت وهو ..يالا ..غير هدومك بسرعة.. أنا عزماك ع العشا ..
- ما أنتى عارفة تعليمات المعلم ..النوم بدرى ..
- عارفة ..مش هنتأخر ..هنتعشى فى مكان قريب هنا ..
يذبهل فتحى ويفشخ بقه ..حين يرى نور ..
- يالاهوى ..دى أحلى من بجرة أبو مندور ميت مرة ..
- أيه حكاية البقر معاك أنت وهو ..صحيح ما أنتوا فلاحين ..
- رايحين فين وسيبنى لوحدى ..آجى معاكوا ..
- تيجى معانا فين يا بجرة أنت ..أووه ..عوجتوا لسانى ..يالا يا حمدى ..سي يو فتحى ..
- أتفو فتحى ..يعنى هو يخرج مع البجرة ..وأنا أتفو يا فتحى ..ماشى يا ابن تعلب .
مردودالك ..هه ..أتعشى لوحدى بقى ..
رن جرس الباب ..تعجب فتحى لسرعة رجوع حمدى ..وعندما فتح الباب ..دفعته فى صدره امرأة بقوة ..فتدحرج على أرض الصالة ..ودخلت وراءها ..امرأة أخرى ..تحمل
كلا منهما زجاجتين من الخمر ..ولفات من الطعام المشوى ..وأغلقوا الباب خلفهما ..
فى نفس الوقت كان حمدى ونور غارقين فى بحر من العواطف الجياشة ..الأيدى متشابكة ونظرات الهيام والحب يغرق بها كيوبيد المكان من حولهما ..والوعود متبادلة
فتح حمدى باب الشقة وهو يرقص ويغنى فى سعادة ..توقف الغناء على فمه حين رأى
فتحى يخرج من غرفة النوم عاريا ..يترنح ..لا يستطيع المشى ..ركبه ترتجف ..شعره
منكوش ..عيناه حمراوتان بلون الدم ..سنده حمدى قبل أن يسقط على الأرض ..
- مالك يا وله ..ما أنا سيبك ذى الفل ..أيه اللى دهولك كده ..
- ياااه ..يا وله ..ده بجر المحروسة أحلى مليون مرة ..من بجرة أبو مندور ..
- بجر أيه ونيلة أيه اللى يدهولوك كده ..
- ضرع البجرة منهم ..ييجى كده قد ضرع بجرة أبو مندور ..قول مرتين ..تلاته ..
ينظر حمدى داخل غرفة النوم ..فيجد الأمرأتين مسطحين فى أعياء شديد لا يستطيعون
الوقوف ..وهم يتأوهون ..
- ده مش بنى آدم ..ده طور ..لا ..ده عشرين طور فى بعض ..
---------------------------------------------------------------------------------
فى صباح المباراة ..أستيقظ حمدى مبكرا ..نشيطا ..بعد أن نام فى عمق وراحة ..بعد أن تخلص من المرأتان ..دون أن يشعر بهما أحد من سكان العمارة ..وتناول فطورة
وجهز شنطتة ..وغادر متجها إلى النادى ..تاركا فتحى يغط فى نوم عميق ..
عندما وصل إلى سور النادى من الخلف ..
أنشقت الأرض عن ما لا يقل عن عشرة عماليق يحيطون به فى نصف دائرة وظهره ملتصق بالسور ..مذعورا كالفأر ..يكاد يغشى عليه وهو يرى كل عملاق من هذه العماليق ..يحمل فى يده سلاح مختلف عن الآخر ..
فيهم من يحمل جنزير حديدى ..والآخر كرباج سودانى يطوح به فى الهواء فيصدر صوت فرقعة ينخلع لها قلبه ..آخر يمسك سنجة وسيف .. وغيره يمسك جهاز صعق كهربائى يشير به ناحيتة بالشرز ..
أزداد هلعه ورعبه من أشكالهم وهم يرتدون الأقنعة السوداء على وجوههم ..
زاد ألتصاقه بالحائط ..حين رأى أضخم عملاق فيهم يتقدم نحوه..ماسكا فى يده
عصا غليظة يحركها يمينا وشمالا ..صارخا فى صوت جهورى ..
- كابتن تعلب ..أرجوك تساعدنا ..واطمن خالص أحنا مش عايزين نضرك ..أحنا
بس هنكسر ركبتك ..يعنى كسر خفيف كده ..عشان متلعبش الماتش ..
أنت كل المطلوب منك ..تمد ركبتك لقدام ..نكسرها ونمشى على طول ..
شعر فتحى وكأن العناية الآلهيه أرادت أنقاذه وخروجه من عسرته وأزمته دون تدخل منه ..فجلس مستسلما وأسند ظهره على سور النادى ..ومد رجليه ..وأغمض عينيه
أقترب منه العملاق ..وأمسك بقدمه اليمنى ..
ورفع عصاه الغليظة عاليا لينزل بها على
ركبة حمدى ..

وإلى لقاء قريب مع الحلقة التالية ..

رضا الجميل
شكرا لهذا الابداع الانيق
ونحن بين سطورك شكرا لاخر العمر

وليد العشي كتب:

رضا الجميل
شكرا لهذا الابداع الانيق
ونحن بين سطورك شكرا لاخر العمر

أنت الأجمل يا أ.وليد العشى ..والحلقة العاشرة هدية لتعليقك الراقى الذى أسعدنى ..

الحلقة العاشرة
--------------
سمع حمدى صراخ العملاق عاليا ..فتح عينيه ..أنشرح قلبه ..وشعر بالأمان حين رأى
ست أبوها وهى مرتدية الزى العسكرى لرجال الصاعقة ..وقد نزعت العصا الغليظة من يد العملاق ..وركلته ببيادتها الميرى فى صدره فطار فى الهواء..وأرتطم بأرضية الرصيف ..محدثا دويا عاليا مع صرخة ألم تمزق القلوب ..حاول الوقوف بعدها ..ولكنه
ترنح وسقط مغشيا عليه ..
تردد كل العماليق فى نصف الدائرة فى خوف شديد.. بين.. أن يكروا.. أو يفروا ..
حسمت ست أبوها قرارهم ..حين أخرجت المسدس من جرابه ..وأطلقت طلقة تحذيرية فى الهواء..ثم وجهت المسدس ناحيتهم .. فأنشقت الأرض وإبتلعتهم ..
أستدارت لحمدى ..ووضعت المسدس فى رأسه ..فرفع يديه وأغمض عينيه ..وأخذ يقرأ الشهادتين..وجسده يرتجف بشدة.. وأنتظر أن تطلق رصاصة الرحمة على رأسه
ولما طال الوقت ..فتح عين واحدة فى توجس وخوف ..فوجدها تنظر إليه فى إبتسامة
ودودة وحب وحنان ..فاتحة ذراعيها ..أرتمى فى حضنها منفجرا فى بكاء شديد ..أخذت
تمسح على رأسه فى أمومة ..
- بجى يا حمار ..صدجت إنى أجدر أمس ولو شعرة من راسك ..أما أنك أهبل وعبيط
أنت نسيت يا واد ..أنك نزلت من بطن أمك على حجر ست أبوها ..
ده آنى اللى مربياك يا وله ..طب ده أنا ليه فيك أكتر من أمك ..ده أنا جايه أحميك ..
لما لجيت عمك اللى أتخبل على كبر..ودم عيال تعلب وشبابها رخصوا ..قدام لعبة
لا راحت ولا جت ..وعايز يبعت وراك اللى يجيب خبرك ..واحمد ربك يا حبيبى أنى
جيت لك فى الوجت المناسب ..
يفيقوا من جوهم الرومانسى هذا على صوت تصفيق حاد عالى ..ووجدوا أنفسهم محاطون بحشد كبير من البشر ..يصفقون ويهتفون بحرارة وقوة ..
- الجيش والشعب ..أيد واحدة ..الجيش والصاعقة ..أيد واحدة ..
لمح حمدى نور تحاول أختراق الجموع محاولة الوصول إليه ..أخذت تتفحصه فى قلق
بالغ ..
-أنت سليم ..المجرمين دول عملوا فيك أيه ..طمنى ..حصلك حاجة ..
تنظر إليها ست أبوها ..نظرات حادة ..
- وأنتى يهمك أيه يا ضنايا أذا كان حصل له ..ولا محصلوش ..
يهمس حمدى فى نفسه..
- آه..البجرتين.. وقعوا فى بعض ..والمحروسة هتولع ..
ترد نور بنظرات متحدية ..
- أنا خطيبته ..ومتشكرين ع اللى عملتية ..يالا يا تعلب ..وراك ماتش ..
- سحباه من يده ذى البهيمة وراحة على فين يا شابة ..
يقف حمدى بينهما كفاصل صد ..
- أهدى يا نور كده ..وأخزى الشيطان..متتهوريش ..واعرفى بتتكلمى مع مين ..
- هكون بتكلم مع مين يعنى ..شجرة الدر ..ولا السفيرة عزيزة ..
تزمجر ست أبوها وتزوم ..
- أستهدى بالله كده.. يا ست أبوها ..وهعرفك كل حاجة ..
- مين دى يا وله ..أنطج قبل ما أطربجها على راس الكل كليلة ..
- دى نور ..خطيبتى ..
تتهلل أسارير ست أبوها وتحتضن نور بقوة ..
- تعالى يا مرت ولدى فى حضنى ..يا حلاوة ..دى جشطة يا وله ..والله زين ما
اخترت ..
ينادى كاتو على تعلب ..
- كابتن تعلب ..كابتن شحاتة طلبك جوة ..
- حالا يا كابتن ..نور خدى ست أبوها للشقة ..هتلاقى فتحى هناك ..خديه معاكى البلد لحسن الواد كان هيضيع فى المحروسة ..
- أطمن وروح شوف حالك أنت ..ومستنينك أنت ولهطة الجشطة دى فى الكفر ..
- لكن عمى ..
- ارمى عمك ورا ضهرك ..آنى اللى ححكم الكفر من هنا ورايح ..
و هتحضر فرحنا أنا وفتحى كمان..و تشهد ع العجد كمان ..
قبل أن يركب الأتوبيس نادى عليه ..المتردوتيل لكافيه النادى ..حاملا كوب كبير من
العصير ..
- كابتن تعلب ..الحمدلله أنى لحقتك ..
- خير يا متر ..أأمر ..
- وحياة الست نور عندك متكسفنيش ..أنا بقالى ساعة بجهز لك عصير الكوكتيل ده ..عامله بأيدى ..لكابتن الكباتن كلها .. كلة فيتامينات ..
هيديلك طاقة جامدة تخليك تجيب الجون اللى طلباة الآنسة نور..مهر ..
- وعرفت منين ..حكاية الجون والمهر ..
- النادى كلة يعرف ..ومتأكدين أنك هتسجل جون ..عشان تتم الأفراح ونفرح بيكوا
يهمس حمدى ..
- ده بعينكم يا زملكاوية ..أبن تعلب يجيب جون فى الأهلى ..ده ولا فى أحلامكم ..
- هات يا خويا الكوكتيل بتاعك اللى كلة فيتامينات ..أهو ميخسرش ..
- أيوه ..بالهنا والشفا ..طب ليه سايب الشويه دول ..طب ده دول اللى فيهم البهاريز ..
- هات يا سيدى البهاريز ..أرتحت ..سيبنى بقى الأتوبيس أتحرك ..
-----------------------------------------------------------------------------
تدريجيا بدأ حمدى يشعر بأرتفاع حالته المزاجية ..وميله الشديد للضحك والتهريج
مع زملاءه ..ولاحظ المعلم عدم تركيزه ..
- مالك يا تعلب ..
- مالى أيه بس يا أبو الكباتن ..أنت مش شايف بعينك ..
- شايف أيه ..
- اللعيبة لابسة فانلة بيضا ..مش حمرا ..وكمان قاعدين يتهزوا يمين وشمال ..
يمين وشمال ..
طلب المعلم من أحد اللاعبين الأحتياط أن يحل محل حمدى ووضع حمدى فى الأحتياط
-----------------------------------------------------------------------------
بدأ الماتش ..وحمدى لا يهدأ فى مكان ..ويعترض على الحكم بعصبية عندما يحتسب
أى شئ لصالح الزمالك ..ويحاول كاتو وممدوح تهدأته ..
فى الشوط الثانى سجل الأهلى أولى أهدافه فى مرمى الزمالك .. دخل تعلب الملعب وأخذ يقبل ويهنئ لاعبى الأهلى ..وسط ذهول الجميع ..وأعتبرها المعلق أنها أخلاق
رياضية عالية يجب أن يحترم عليها ..
وهنا هتفت جماهير الألتراس الزملكاوى فى أصرار ..مطالبة بنزول تعلب ..وتحت هذا الألحاح ..رضخ المعلم ..وأخرج أحد اللاعبين ..نزل حمدى إلى الملعب مسرعا ووقف
فى منطقة التمنتاشر الخاصة بالأهلى ..ليدافع عن مرمى ..شريف أكرامى ..وقريبا من
عارضة المرمى ..يسير مترنحا يمينا ويسارا ..كالسكران ..
تداخلت الصور أمام عينيه ..
نظر إلى حذاءه .. فوجده مفكوكا ..مال بظهره ..ليربط الحذاء ..وفى نفس هذه اللحظة .
سدد أحد لاعبى الزمالك الكورة بقوة..فأصطدمت بمؤخرة تعلب ودخلت مرمى الأهلى ..
ظن الجميع وأكدوا أن تعلب فعلها متعمدا ..مستهزءا.. بفريق الأهلى ..
أعطاه الحكم أنذار ..للأستهتار بالخصم ..
ضج الملعب بهتاف الألتراس الزملكاوى لتعلب ..حمله زملائه على أكتافهم فرحين
لم يتمالك المعلم نفسه ورقص فرحا ..
طارت نور وحلقت فى السماء سعادة ..بحصولها على مهرها ..من فتى أحلامها ..
راكب الحمار الأبيض ..
فجأة ..وقع حمدى مغشيا عليه ..ونقل من فوره إلى المستشفى ..وأجريت له التحاليل
اللازمة ..أنصدم الجميع عندما أثبتت التحاليل ..

وإلى لقاء قريب مع الحلقة الأخيرة ..

الحلقة الأخيرة
--------------
حزينا مكتئبا ساندا ظهره على شجرة الجميز ..مغمضا عينيه ..
تحيط به الجرائد والمجلات الرياضية التى تنشر فضيحته على صفحاتها الرئيسية ونتيجة التحليل التى أثبتت تعاطيه لحبوب الهلوسة ..
مع إيقافه عن اللعب لحين الأنتهاء من التحقيقات ..
أخترقت أذنه صوت ست أبوها وهى تنادى عليه فى ألحاح ..آتيه من الباب الخلفى
لدوار العمدة ..إلتفت إليها وإبتسم ..حين رآها تضع يدها خلف ظهرها نافخة بطنها
كالمرأة الحامل ..وتمشى ببطئ ..جلست بجانبه وهى تتأوة ..
- مالك يا ست ..أنتى عيانة ..
- لا يا خويا سلامتك ..بس الحمل تعبنى جوى ..والواد عمال يزغدنى فى بطنى ..
لم يتمالك حمدى نفسه ..قفز عليها وشدها من شعرها ..
- حمل أيه ..وواد مين اللى بيزغدك..ده أنتى مكملتيش أسبوع جواز ..
- طب وأنت مفروس ومتغاظ ليه ..
- أنا لا مفروس ولا متغاظ ..بس فتحى مش هركليز ..ولا شمشون الجبار ..
- بضحك معاك يا وله ..جاعد سرحان ومجهور ..وباصص جدامك على أيه ..
أيوه ..على أبو جردان ..طول عمرك ومن صغرك وأنت تحب تجرى ورا ه
بجولك أيه يا واد يا حمدى ..هو أبو جردان قبل ما يخلف أبنه جردان ..
كان إسمه أيه ..
- قومى يا ست من جانبى ..روحى شوفى شمشون بتاعك فين ..يمكن تجيبوا توم
الأسبوع الجاى ..
- طيب يا خويا ..أفضل أهرى فى نفسك كده لما تتجهر .. هوآنى سبت جوزى وجيت لك ليه.. أيوه يا وله أفتكرت ..فيه بدوى بيسأل عليك ..بيجول أنه جورنالجى من أبصرأيه كده ..أهو فتحى جوزى جايبه وجاى على هنا ..أمشى آنى لحسن جوزى فتحى ..بيغار عليه موت ..
- طب يا ست الحسن والجمال ..روحى أبعتيلنا قهوة مع أبو قتب ..
يستقبل حمدى الرجل بحفاوة ويمد يده ليسلم عليه ..يلف الرجل ويقف خلفه ويخرج
موبيله ويصور مؤخرة حمدى ..يلف حمدى بسرعه متعجبا والرجل يلح ويدور ليصور
مؤخرته ..
- أيه يا شيخنا فيه أيه ..
- دعنى يا أخ تعلب ..أصور.. ها المعجزة الكروية ..وأكون أول من ينشرصورتها فى جريدته ..لو تتكرم يا أخى ألمسها وأملس عليها كى أدخل التاريخ كأول لامس لها ..
- أيدك يا با ..أستريح يا شيخنا ..
- أنا ما هستريح ألا بعد ما أحصل على صورة مع ها المعجزة ..أرجوك يا أخ فتحى
تصورنى معها ..أستدير يا أخى حمدى بظهرك لتظهر واضحة جلية ..ها الصورة
سأدخل بها التاريخ ..لا تحرمنى من ها الشرف ..أرجوك ..
- أتفضل ها ظهرى ..صورها للتاريخ ..
- هادى كافى ويزيد ..أسترخصكم ..الله بالخير ..سلام عليكم ..
- أيه الراجل المجنون ده ..روح يا شمشون زمانك وصل الراجل ليتوه فى الكفر ..
عاد حمدى لجلسته سارحا يراقب أبو قردان ويضحك ..
- صحيح ..هو أبو قردان ..قبل ما يخلف أبنه قردان ..كان أسمه أيه ..الله يخرب
مطنك يا ست ..جبتيها منين دى ..
عاد ت ست أبوها تنادى عليه ..
- وله حمدى ..وله حمدى ..ضيوف من مصر ..
يقف حمدى مستقبلا كابتن كاتو وممدوح فى قبلات وأحضان ..يوصى ست أبوها بتجهيز الغداء وذبح الطيور ..للضيوف ..يضحك كاتو فى مرح ..
- الشربات قبل الغدا ..مبروك يا كابتن الغمة أتزاحت والبراءة ظهرت ..وقبضوا
على المتر بتاع كافية النادى اللى دس لك حبوب الهلوسة فى كوكتيل العصير
وأنا صممت أنا وممدوح نكون أول المهنئين بالبراءة يا سيدى ..والمعلم بيقولك
لازم تجهز للماتش الجاى ..دلوقتى روحى يا ست الكل ..أدبحى الدبايح وبلى
شربات براءة أبن تعلب ..
تزغرد ست أبوها زغرودة مجلجلة ..يرد عليها نسوان الكفر من كل ناحية ..
بعد مغادرة كاتو وممدوح ..يعود فتحى لجلسته تحت الجميزة منشرح سعيد وقد زالت الغمة من على صدره ..ويراقب أبو قردان ضاحكا ..
- الله يحظك يا ست ..طب الواد قردان أراضيه فين دلوقتى ..
عادت ست أبوها تنادى عليه ..
- وله حمدى ..وله حمدى ..ضيوف من مصر ..
يقف حمدى ليرحب بهم ..فيجد نفسه وجها لوجة مع نور ..يرتد بظهره فزعا ويتدحرج على الأرض ..صارخا
- لأ ..لأ ..البجرتين مع بعض ..لأ ..
أطلق ساقيه للريح يجرى وسط الحقول ..ونور تصرخ عليه ..
- هتروح منى فين يا تعلب ..وراك وراك ..ده أنت دافع مهرى ..يعنى حلالى ..
تصرخ ست أبوها ..
- حلجى عليه يا بت من الجهه دى ..وآنى هحلج عليه من الجهه التانية ..

( النهاية )