كان تخلي لينا "جزء" من صبرك "يعينا "علي" فقدك يا "اسماعيل سعيد"

فقدُ أجل
ومصاب جلل
فقد رحل اسماعيل سعيد
وعلى عجل
لا خوف ولا وجل
ولا حول
ولا قوة إلا بالله
"فقدُ" قد رحل
بإبتسامته
ووسامته
نعم رحل
ما قال وداعاً
"ما من عاداتك"
دا إنت بتحسن السلام
لمن تجي
وتتقن الكلام
لمن تحكي
وتجيد الوداع
لمن تجي تمشي
"حادث أسيف" ؟!
ونحن ما جايبين خبر
أتاريك كنت بتودع في الرصيف
لمن تقيف
بي قامتك السامقة الشموخ
من خلفك البيت "العصُر"
تلوح بإبتسامتك للعابرين
من "فجاج" الأرض مستعجلين
البي اركشات
وبالبصات
والحافلات
اللواري
والبكاسي
والملاكي
وإنت ممهول تناغم
تبادر
تسالم
يا مسالم
ما "العالي" بحزن لفراقك
العالي زيك شائل هموم قطر المسافرين وإنت شائل هم الناس والبلد
العالي حا يبكي النحيب
صدقني حا تتقفل عليهو السكك
ويستناك مع "الصنفور"
العمرو ما مل الوقوف في حضرتك
أتاريـهو بديك تمام ..
كلما طليت عليهو ببسمتك
بحييك بإحترام
ما هو عارف نُدرتك
وخابر سكتك
كاشف حسنك
وشارب من ينبوع بـهاك
يا ملتقى الناس
ومنتهاهم
ما حا نسمع "مناغمتك" تاني ؟؟
وإنت العشتا بينا متناغم
مشدود وتر نضمك غناك
ما أغناك
وما أروعك
نم هانئاً كما عشت ودوداً
باراً بنا
بالناس
كما الأشياء
يا لحزني
ويا لحزن الضل الممدود في الشارع القدامي
من بيوت عم علوب جنوباً
حتى بيت أولاد أبقران شمالاً
وناس عثمان عباس
وأولاد وزيري
وأولاد تاج الدين
وأحمد تُرب
أولاد النيل
ناس شهاب وغازي وأولاد أبو
وبينـهم صلاح علي
عم حمدنا الله والخليفة حسب الرسول
يا للوعة نادي الأهلي
ويا لحزني على أهلي
أبو حديد
وأبو الدرش وبدر الدين خضر ومصعب الحاج
والريس محمد طاهر
أولاد التنقور وأولاد قرش
معاذ ود النيل
ومعاذ سعيد والطيار
ما إنت دار
ودرت الكل
الإتحاد ولجانه المساعدة
ابراهيم إسماعيل وأزهري وطه
يا لحزني علينا ونحن نجتر كل تلك الذكريات
المجمع بألفه وبائه وجيمه والشعبية والشرقية بين بين
عبد المنعم كالمدو وعلي الأمين
عباس فضل الله وعماد ابليس وأحمد حسن الجمل
أمين محمد صالح وعصمت النوش
والمرحوم فتح الرحمن عثمان وعثمان عبد الصمد
اسماعيل وماجد ميرغني ووووووووو
فكم كنا محظوظين
ونحن معاك
ومع العثمانين
عثمان محمد صالح وعثمان مطر
بمديرهم حبيب الله التوم نمر
يا خي إنت الخريف
وإنت الحريف
زمن القديمة
والجديدة الكانت شعبية
ناس لا ليها حد ولا ليها عد
وابراهيم سيد أحمد يقف مديرا
من منا لم يألفك
من منا من ؟؟
أجبني
ما من عوايدك
كان تخلي لينا مع إبتسامتك الوضيئة حبة صبر
تعينا علي فقدك
الله يرحمك
وسامحني كوني مشتتاً
إنا لله وإنا إليه راجعون

[b]نعم لقد رحل ذلك الإنسان الجميل كالنسمه...
الشامخ كالنخله...
الطيب كالطفل..
.لقد ترك فينا جرحآ عميقآ لا أدرى كيف له أن يندمل...
و لكن عزاءنا أنه ذهب إلى دار أرحب من هذه الفانيه...
عند الرحمن الرحيم...
الذى أرحم بعباده من الأم بولدها...
وإنا لفراقك يا إسماعيل لمحزونون...
ولكن لا نقول إلا ما يرضى ربنا انا لله وانا اليه راجعون...
ونسأل الله ان يسكنك الفردوس الاعلى من الجنة

ربنا يصبرنا وبصبركم اخى المجبوب
سالت دموعى كثيرا وانا اقرا كلماتك العميقة فى فقيد الحصاحيصا اسماعيل
اميز جيل الشباب المهذبين . واذكر جيدا عندما قمت بتدريبه على الحاسوب
فى العام 1998 كان دوما يخاطبى بلقب استاذ واصبخ كل ما تقابلنا لا يقول
اسمى دون ان تسبقه كلمة استاذ . وانت يا اسماعيل فى جنات النعيم
نقول لك انت الاستاذ فى الادب والتهذيب والنقاء والصفاء
لك الرحمة والمغفرة
انا لله وانا اليه راجعون

المحبوب أحمد الأمين كتب:: فقدُ أجل
ومصاب جلل
فقد رحل اسماعيل سعيد
وعلى عجل
لا خوف ولا وجل
ولا حول
ولا قوة إلا بالله
"فقدُ" قد رحل
بإبتسامته
ووسامته
نعم رحل
ما قال وداعاً
"ما من عاداتك"
دا إنت بتحسن السلام
لمن تجي
وتتقن الكلام
لمن تحكي
وتجيد الوداع
لمن تجي تمشي
"حادث أسيف" ؟!
ونحن ما جايبين خبر
أتاريك كنت بتودع في الرصيف
لمن تقيف
بي قامتك السامقة الشموخ
من خلفك البيت "العصُر"
تلوح بإبتسامتك للعابرين
من "فجاج" الأرض مستعجلين
البي اركشات
وبالبصات
والحافلات
اللواري
والبكاسي
والملاكي
وإنت ممهول تناغم
تبادر
تسالم
يا مسالم
ما "العالي" بحزن لفراقك
العالي زيك شائل هموم قطر المسافرين وإنت شائل هم الناس والبلد
العالي حا يبكي النحيب
صدقني حا تتقفل عليهو السكك
ويستناك مع "الصنفور"
العمرو ما مل الوقوف في حضرتك
أتاريـهو بديك تمام ..
كلما طليت عليهو ببسمتك
بحييك بإحترام
ما هو عارف نُدرتك
وخابر سكتك
كاشف حسنك
وشارب من ينبوع بـهاك
يا ملتقى الناس
ومنتهاهم
ما حا نسمع "مناغمتك" تاني ؟؟
وإنت العشتا بينا متناغم
مشدود وتر نضمك غناك
ما أغناك
وما أروعك
نم هانئاً كما عشت ودوداً
باراً بنا
بالناس
كما الأشياء
يا لحزني
ويا لحزن الضل الممدود في الشارع القدامي
من بيوت عم علوب جنوباً
حتى بيت أولاد أبقران شمالاً
وناس عثمان عباس
وأولاد وزيري
وأولاد تاج الدين
وأحمد تُرب
أولاد النيل
ناس شهاب وغازي وأولاد أبو
وبينـهم صلاح علي
عم حمدنا الله والخليفة حسب الرسول
يا للوعة نادي الأهلي
ويا لحزني على أهلي
أبو حديد
وأبو الدرش وبدر الدين خضر ومصعب الحاج
والريس محمد طاهر
أولاد التنقور وأولاد قرش
معاذ ود النيل
ومعاذ سعيد والطيار
ما إنت دار
ودرت الكل
الإتحاد ولجانه المساعدة
ابراهيم إسماعيل وأزهري وطه
يا لحزني علينا ونحن نجتر كل تلك الذكريات
المجمع بألفه وبائه وجيمه والشعبية والشرقية بين بين
عبد المنعم كالمدو وعلي الأمين
عباس فضل الله وعماد ابليس وأحمد حسن الجمل
أمين محمد صالح وعصمت النوش
والمرحوم فتح الرحمن عثمان وعثمان عبد الصمد
اسماعيل وماجد ميرغني ووووووووو
فكم كنا محظوظين
ونحن معاك
ومع العثمانين
عثمان محمد صالح وعثمان مطر
بمديرهم حبيب الله التوم نمر
يا خي إنت الخريف
وإنت الحريف
زمن القديمة
والجديدة الكانت شعبية
ناس لا ليها حد ولا ليها عد
وابراهيم سيد أحمد يقف مديرا
من منا لم يألفك
من منا من ؟؟
أجبني
ما من عوايدك
كان تخلي لينا مع إبتسامتك الوضيئة حبة صبر
تعينا علي فقدك
الله يرحمك
وسامحني كوني مشتتاً
إنا لله وإنا إليه راجعون

هندوس الجميل
الي لقاء
محبوب أوفي في القصيد
ولا نقول الا ما يرضي الله
انا لله وانا اليه راجعون
عرفته عن قرب أخا عزيزا بارا بوالديه صاحب ابتسامة طبيعية لها لون وطعم
لا تسمع صوته ومات دون ان ندرك سره
نم بأمان فمكانك عال الجنان

أجمع الناس على حبه.. فقد كان هو نبع للحب.. والابتسام.. كان قاسما مشترك بين كل الألوان يجمعهم بحبه ويلاطفهم بأدبه.. اللهم ارحمه واسكنه مع الصديقين والشهداء.

شكراً لكم أصدقائي
علي الخليفة حسب الرسول
ووليد العشي
وعلي سيد أحمد
وناجي الجندي
وأرجو السماح فقد تزامنت الأشياء بشكل غريب
وما راح نقول إلا ما يرضي الله
فقد تلقيت تاني أيام العيد نبأ وفاة الخال محمد العوض أحمد بمكة المكرمة
وهو لمن لا يعرفونه الشقيق الأكبر لوالدتي المرحومة فاطمة بت العوض
ووالد كل من عوض وصلاح وياسر ومحي الدين وسيف
وصار الحزن حزنين
فللفقيدين الرحمة
اللهم عاملهما بما انت أهله
واجزهما عن الاحسان اِحسانا وعن الاساءة عفوا وغفرانا
وأدخلهما الجنة وزد فى حسناتهما
وانسهما فى وحدتهما وانسهما فى وحشتهما
اللهم انزلهما منازل الصديقين والشهداء والصالحين وحسن اولئك رفيقا

احسن الله عزاكم اخي المحبوب
وربنا يتغمدهم بواسع رحمته وانا لله وانا اليه راجعون

» ياورقة فسر لينا الفات واشرح لينا القاعد هسى
» "أرضو كان" خلاص جيب لينا "مهند ونور" بدل سواكن !! وشيل جزيرة الفيل مدني وجيب لينا "العشق الممنوع"
» كيف تخلي موبايلك استقبال
» محطات صغيرة -تموت تخلى
» يا كرتي دحين كلامك دا ما فيـهو مبالغا ؟؟ كان تخلي واحد تاني يقولو لكن إنت لا لا