إلي صديقي صداح فاروق وراق و أخرون؟؟؟

الأخ صداح
رمضان كريم عليك و علي أفراد أسرتك الكريمه..
أين أنت إختفيت من المنتدي؟؟ أين الأخ عابدون الذي بشرتنا به، فرحبنا به و من ثم إختفي؟؟ أين علي سيد أحمد؟؟ أين ...؟؟أين ...؟؟ أين ....؟؟ أين البقيه الذين الذين لا يمكننا إستحضارهم جميعاً؟؟

تحياتي ليك ياأبو الشوش وعائلتك المفضالة:أنا بخير بس ياخي رمضان السنة دي جاي بنمرة 3 طوالي في العظم،بعدين اعاني ايضا من مسألة أخري وهو انو الليل قصير والبرامج طويلة فبالتالي ولانك لاتستطيع ان تٌطول الليل فسوف تجدول البرامج حسب الحاحها،ويا خي طالما انت والشباب موجودين هنا وما مقصرين فالالحاح خليهو لحته ثانية،محمد عابدون يبدو لي أميل للمنتديات الهاتفية،حيث يتمتع بطولة بال في المهاتفة أكثر منها في الكتابة وهو بخير ويقرئك السلام والفاتحة،أما علي سيداحمد فوقتو صعب من 11 الي 11 يعني الراجل الله يعينو،عموما ربنا يساعدنا في الكتابة أم دق شقيقة القراية الكبري.

صداح فاروق وراق كتب:

تحياتي ليك ياأبو الشوش وعائلتك المفضالة:أنا بخير بس ياخي رمضان السنة دي جاي بنمرة 3 طوالي في العظم،بعدين اعاني ايضا من مسألة أخري وهو انو الليل قصير والبرامج طويلة فبالتالي ولانك لاتستطيع ان تٌطول الليل فسوف تجدول البرامج حسب الحاحها،ويا خي طالما انت والشباب موجودين هنا وما مقصرين فالالحاح خليهو لحته ثانية،محمد عابدون يبدو لي أميل للمنتديات الهاتفية،حيث يتمتع بطولة بال في المهاتفة أكثر منها في الكتابة وهو بخير ويقرئك السلام والفاتحة،أما علي سيداحمد فوقتو صعب من 11 الي 11 يعني الراجل الله يعينو،عموما ربنا يساعدنا في الكتابة أم دق شقيقة القراية الكبري.

الصديق صداح
لك التحيه
و بعد..

أنا معاك رمضان صعب السنه دي خصوصاً مع جو العمل و بالذات لما تكون شغال في مِهنة التعليم، يعني لازم تتكلم عشان الطلاب و قبلهم الإداره يفهموا إنك شغال!!! زي الفنان، موش لازم يغني و إنشاء الله الجالسين لا يسمعوا، لا يدندنوا، لا يرقصوا!!! و بعد ده يقولوا ليك الفنان ده بايخ بيااااااااخه!!!

و بعد يا عزيزي ..
حبيت أسأل من الأخوان، ياخ حتي لو مشغولين، بالتأكيد بتلقوا ليكم دقيقتين تلاته، تكتبوا لينا شئ ما.. و إذا لم تجدوا ما تكتبوه، أكتب مثلاً مثل ما قال ذلك الكاتب(لم تثمر الأشجار هذا العام،فأتيتكم بأردأ الطعام)!!! و ياخ موش طعامكم إنتو، و الله عندنا ما ردئ لأنو(ذاد الحِبان)..
و دمت