حكم العسكر للبلد ليهو 24 سنة ولسيد البلد ليهو 24 ساعة
البلد بلدن وهم أسيدا
البلد وِلِدُن وما وِلِد غيرن
قسموها زي ما عايزين وقرروا مصيرا
هدوا حيل كافة مؤسسات إقتصادا
وشلعوا عماد جِموعا
وأكلو خضرة حواشاتا
وزرعوا الغفر اليباب بالتقاوي الميتة
نشفوا ريق "التُرع" بدعاوى الورع
ولمن إنفض "سامرهم" وطارت سكرة المشروع
ما كان أمامهم غير الساحات والنجايل وجماهير الملاعب
الفسحات صدقوها عماير لأهل الحظوة
والدور جا علي الدور العدموها الجمهور
والمدرجات ونجايل الملاعب اثناء المباريات في الخراب سيان
البداية بتعيين مجلس عسكري لإنقاذ "سيد البلد" والنهايات معروفة
والله يستر ما يقسمو حتو كمان نصين ونبقى في حق تقرير "النصير"
برا اهلية برا ديمقراطية برا حركات
موضوع: مجلس عسكري "إنتقائي" لإنقاذ "سيد البلد" !! الله يستر من الانفصال وحق تقرير "النصير" 
الأربعاء 27 نوفمبر 2013 - 13:02
