يخسي عليك !! لي شنو بتعمل كِدا ؟؟ بالله مش عيب ؟؟ صورة

أسي كان باقي الشعوب سمعت
بالله راح تقول علي حكامنا شنو ؟؟
تشمتوا الناس في الدستوريين والوزراء والولاة !!
حرام عليكن
أسي البرلمانيين ينوموا ولا يقعدو ينعنو فيكن إنتو !!
ما تعاينو وتحسبو ما لقيتو إلا الاقتصاد تقومو تبوظووو ؟؟
مالقيتو إلا الاقتصاد طيب يحكموكن كيف ؟؟
بي عِرق ولا عروق ؟؟
ولا بي عيون زروق ؟؟

والله لو محل البرلمانيين ما أشتغل بيكن الشغلة
أصلو "واقع الله ما بترفع"
فقر وتدهور اقتصاد ؟؟
علي الاخوة البرلمانيين كان بسمعوا كلامنا
طوالي يقومو يشطبوا المعيقين من حساباتن
ويعملو اقتصاد للبرلمانيين والحكام والدستوريين
كيتن علي الشعب دا
ونحن متأكدين حا يكون اقتصاد تمام
مؤسساته مايكرفونات وقنوات فضائية حلال وحرام
الانتاج كلام في كلام
نعبيهو نصدرو اليابان وفيتنام
ونستورد بي العائدات الألغام

شعب عجيب خلاص
جنو يبوظ الاقتصادات
خاصة لمن يلقاها مفرهدة وملظلظة
ودا كلو من الحكام السهرانين الليول في الفاضي
لو خصخصو يوم للشعب كانو قعدوا في علبو لمن يجي طلبو
او ختوهو في رفوفو لمن الدنيا كلها تشوفو
القايمين علي امركن يستاهلو منكن اكتر من كدي
اسي كان اغتربو وسافرو ساي
واشتغلوا في البرلمان الاوربي ما بجهجهوكن
تاني معقول تلقو ليكن برلمانيين أكفاء ؟؟
شوف السماحة والوجاهة
بالله وين تلقو زي دا ؟؟
ان هتفوا ساي ناس جدة يقيفو رهوم رهوم
والعجب كان صفقوا
باقي شاطرين في الصفقات
والعجب لو غنو
دور بينا البلد داك أحرق الجزلين وأرج الراجياك
قبال دا بوظتوو المشروع الحضاري
أسي كمان بقيتو تبوظوو في الاقتصاد ؟؟

» ضحايا اللبنانية زوجة إبن القذافي // صورة الشاب السوداني وفديو الفتاة الأثيوبية !! ولا حول ولا قوة إلا بالله
» يا شـــــــــــــداد .. كِدا لكن ما بتفوتا علينا
» يخسي عليكم !!
» إلي وزير الداخلية ..بٌص و شوف مدني بتعمل أيه!!
» يا معتمد الحصاحيصا .. برافو عليك .. طلعتا تفتيحة لكن عليك بابجيقة و اعوانه الزبالعة حتي تدخل قلوب ناس الحصاحيصا!!!