مشروع دوت كوم للعمل الخيري ... وقت العمل ... أنتهي وقت الونسة

على سركيس كتب:

صباحكم زين يا شباب
الجديد شنو فى الدنيا يا صداح

يا دكتور الغريق كالتالي :
1- تكوين لجنة تحضيرية من أعضاء الداخل تكون مهمتها أنجاز دستور المؤسسة وتسجيلها لدي مسجل الجمعيات الطوعية .
2- الدعوة لجمعية عمومية وتكوين أدارة تنفيذية وفتح حساب بنكي .
3- أستلام التبرعات والبدء في أعمال المؤسسة .
ندعو أعضاء الداخل للمشاركة

رايك شنو في الكلام دا يا سركيس

ياصداح الميل يبدأ بخطوة في البداية نأسس (جمعية دوت كوم الخيرية )بأشتراك شهري ثــــــابت ومعقول

بالذات لناس الداخل وبعتقد انه البداية قبل ماتساعد الناس نأسس بيها مشروع صغير عايده هـــــو الأمشي

للمحتـــــــاجين وما أكثر بنود الصرف وخلونا نمس الأسر المحتاجة في النكبات العارضة الفقر المرض

الحوجة وكل الامور يمكن نرتبها ونجدولها علي نظام ثابت وبمشاورة الجميع وبفتكر ده بيت القصيد من

هذة المنتديات ومن هذا البوست بالذات ليكون سيد كل البوستات . تحياتي .

السلام عليكم

شكراً يامنصوري علي الاقتراحات خليك معانا واوعه تبعد بعيد .
يا سركيس صباح الخير ود جبريل لَخص الحاصل .
وليد العشي وعليكم السلام والرحمة .

سلام وسلام
كنا بنعاين بالكاميرا الخفيه ومتابعين .
طبعا ده اول كومر اساهم السابقين كلهم شباب .
فكرة اى عمل انسانى جميله وخاصه لو بتمس عصب الاشياء الصعبه المرض الفقر
فىاسر بتحرم اولادها من التعليم وهى بتنزف وفى اسر يقعدها العدم عن علاج ابناؤهم و......و.....و....الخ
الفكره جميله لكن التنفيذ صعب يحتاج لعدد متنوع بحجم المدينه ونشط ومتفرد وعنده قرايه للمدينه .
ده لفت نظر للاختيار والعمل, وفى المدينه فى اشكال اسهامات نجحت واخرى جابهتها الشكوك بسبب الافراد القايمين .
شركتنا بتقدم زكاه فى رمضان بواسطة اسرتى ومعرفتهم بالناس القريبن منها بنوزع فى الحصاحيصا حقيقى فى مأسى تشعرك
بالالم .
انا بقول مسالة نوعية الناس القايمين على هذا الجهد مهمه عندنا تجربه فى الادخار كان عندنا جمعيه خيرية تحت مظلة العاملين فقط لكن مشت لحد ماعملنا دار وهى الدار الموجوده بين نادى الاهلى والهلال وكان نسيجها متماسك الىان تمت احالتنا للصالح العام واشتراها البنك.
عموما معاكم دعما وموازرة . ولوائح الجمعيات متوفر والاضافه ليهو ممكنه لتواكب الغرض.

يا فائزة السيد :
نحن فائزون هنا بأضاءتك علي الفكرة وعلي المضمون ، وفائزون أيضاً بالاستفادة من رحيق تجاربك في العمل العام ، نقاطك وأستدراكاتك نضعها بين قوسين ، وننتظر المزيد من المتداخلين .

وين مشت الناس

اقتباس :

من طرف محمد علي جبريل في السبت فبراير 06, 2010 1:37 pm

وين مشت الناس

أنا شخصياً كنت في الفرن

يا بت عدوي انا ظالماني دفعتي ساي ...

صداح خلينا نبدا خطوات عملية الناس منتظرة خطوة عملية و الكل فيو خير و بشارك ان شاء الله

سلام ياشباب ... زى ماقالت فايزة بنعاين من بعيييد ومنتظرين تدونا فرصة معاكم من حضوركم وافكاركم التى تنزل بردا وسلاما على الواحد ...
الفكرة ككل لااختلاف فيها ...
النقاط التى يجب ان تحصر الوعاء العام . جمعية خيرية - هيئة طوعية - ....
الاسم لن يختلف عليه احد ...
الاهداف كثر والقليل منها حصر هنا ....
الجسم القانونى بعد الاتفاق على الكيان ( وفايزة جاهزة بما لديها من خبرات فى هذا المجال )
زى ماقال صداح مانستعجل ونخلى الافكار تنداح وكل فكرة تعتبر مشاركة ودعم للفكرة الام ...
ودرب الميل ببدا بخطوة ... فلتكن الخطوة الاتفاق على النقطة الاولى الوعاء العام ...
ومن ثم ننداااااااااااااااااااااااح ....

اقتراح للاخ صداح بتغيير اسم البوست بمضمون الفكرة لجعل الاعضاء اكثر اطلاعا معكم ...

اؤيد كلامك يا راشد .. بعد كدة مفروض يبدا الموضوع في الخطوات الرسمية

اقتباس :

Enas Adawi اليوم في 5:33 pm


صداح فاروق وراق كتب:
مجالات العمل : الشرائح الضعيفة والمحتاجة والارامل والايتام والاطفال مجهولي الابوين والمرضي.
التمويل : ذاتي + دعم الخيرين من أفراد ومؤسسات
الادارة : مجلس أمناء من شخصيات مشهود لها بحُسن السيرة .
القانون الاساسي : يمكن أنجازه بالآطلاع علي التجارب المشابهة .
أضافاتكم يا شباب
اقترح كفالة ايتام بان يتم حصر للايتام فى مدينة الحصاحيصا فى كافة المراحل الدراسية من الاساس الى الجامعة وتحديد مصاريف كل يتيم الشهريه وان يتكفل كل واحد او اثنين بيتيم رايكم شنو؟؟؟؟؟؟؟؟؟؟؟؟

أقتراحك علي العين والرأس ، حيدخل ضمن مصفوفة الآراء .

اقتباس :

سلام ياشباب ... زى ماقالت فايزة بنعاين من بعيييد ومنتظرين تدونا فرصة معاكم من حضوركم وافكاركم التى تنزل بردا وسلاما على الواحد ...
الفكرة ككل لااختلاف فيها ...
النقاط التى يجب ان تحصر الوعاء العام . جمعية خيرية - هيئة طوعية - ....
الاسم لن يختلف عليه احد ...
الاهداف كثر والقليل منها حصر هنا ....
الجسم القانونى بعد الاتفاق على الكيان ( وفايزة جاهزة بما لديها من خبرات فى هذا المجال )
زى ماقال صداح مانستعجل ونخلى الافكار تنداح وكل فكرة تعتبر مشاركة ودعم للفكرة الام ...
ودرب الميل ببدا بخطوة ... فلتكن الخطوة الاتفاق على النقطة الاولى الوعاء العام ...
ومن ثم ننداااااااااااااااااااااااح ....

شكرا ياود الجاك : الخطوة الاولي أقترح تكليف فائزة السيد بطرح مسودة لاهداف جمعية نفع عام ومن ثم نقوم بمناقشة وأضافة وتعديل مانراه .

يا أخوانا أسم البوست ده ماجميل ، ليه ما عاجبكم ؟ ، بعدين أسم دمو خفيف ولذيذ، يعني فعلاً دي ونسة وفعلاً مش دُقاقة ، وده نوع من أنواع التوك شو ، وبالمناسبة ما أي ونسة مش هادفة في ونسة هادفة ونحن دلوقتي في ونسة نعم بس فيها برنامج وفيها فكرة وفيها تطوع وفيها اي حاجة ، ولو عايزين أسم تاني قولوه لينا عشان نشوفو .

صداح فاروق وراق كتب:

اقتباس :

من طرف محمد علي جبريل في السبت فبراير 06, 2010 1:37 pm

وين مشت الناس

أنا شخصياً كنت في الفرن

ولما حصلت البيت لقيت روحك مقرض كم عيشة

صباحات الله بي خيرها عليكم

اقتباس :

من طرف محمد علي جبريل في الأحد فبراير 07, 2010 5:51 am

صداح فاروق وراق كتب:
من طرف محمد علي جبريل في السبت فبراير 06, 2010 1:37 pm

وين مشت الناس


أنا شخصياً كنت في الفرن


ولما حصلت البيت لقيت روحك مقرض كم عيشة

يا ود جبريل صباحاتك مُترعة بأكاديميات وخد وهات مع ود كمال، فرن شنو ياود جبريل انتَ صدقت بالجد ، أنا أستغنيت عن الخبز بالفراولة وبدل ما أكل جبنة بالخبز بأكل كرافت بالفراولة

[quote="صداح فاروق وراق"]

اقتباس :

من طرف محمد علي جبريل في الأحد فبراير 07, 2010 5:51 am

صداح فاروق وراق كتب:


يا ود جبريل صباحاتك مُترعة بأكاديميات وخد وهات مع ود كمال، فرن شنو ياود جبريل انتَ صدقت بالجد ، أنا أستغنيت عن الخبز بالفراولة وبدل ما أكل جبنة بالخبز بأكل كرافت بالفراولة

جبنة من الصباح دي عندكم وفي السودان في البلد مافي جبنة

محاور النقاش والاتفاق العامة :
1- التأمين علي ضرورة أنشاء جسم طوعي خيري .
2- مظلة الفئات المستفيدة تشمل الفقراء والايتام وذوي الاحتياجات الخاصة والارامل وطلاب العلم المعُسرين............الخ .
3- دستور للجسم الطوعي / فائزة السيد ستقوم بطرح مسودة لدستور منظمة العمل الطوعي تلك .
4- أختيار مجلس أمناء .
5- أختيار لجنة للتمهيد لهذا الحراك .
6- توجد تبرعات حالما يتم أنشاء الجسم وتسجيله ومايستتبع ذلك من أجراءات .

ستقوم الأستاذة فائزة السيد مشكورةً بطرح مسودة لمشروع جمعية النفع العام .

ونحن جاهزين وفى انتظار الاستاذة فايزة السيد يا صداح ومذيدا من التوهج واللمعان