مشروع دوت كوم للعمل الخيري ... وقت العمل ... أنتهي وقت الونسة

صباح الخير

يا شباب صباحكم زين
صداح عبد المنعم صاحبنا موجود وحى يرزق وشغال فى الخرطوم

صباح الخير للجميع :
يا أبو السراكيس رأيك شنو في فكرة مؤسسة للعمل الانساني والخيري في الحصاحيصا ؟

الفكرة جيدة يا صداح وانا عن نفسى متبرع ب500 ريال حال قيام اى مؤسسة خيرية تخدم انسان الحصاحيصا

اقتباس :: من طرف على سركيس في الجمعة فبراير 05, 2010 10:53 am

الفكرة جيدة يا صداح وانا عن نفسى متبرع ب500 ريال حال قيام اى مؤسسة خيرية تخدم انسان الحصاحيصا

بركاتك يا شيخ علي ، تبرعك مُعوض أِنشاء الله ، بس أدينا أفكار .

الدعوة لجميع المتواجدين الأن وفي أي وقت لأثراء النقاش ولا شنو يا منصوري ؟

الملخص لحدي هسه :
1- ترحيب بفكرة أنشاء مؤسسة خيرية طوعية منبثقة عن المنتدي تقوم بعمل طوعي وانساني .
2- مجلس أمناء من الشخصيات ذات حُسن السيرة.
3- عامر خالد لديه مقترح ننتظر سماعه.
4- التبرعات 999 دولار و500 ريال سعودي .

الباب مفتوح للمساهمات الفكرية أكثر من المادية في هذه المرحلة

أرى أن يتم حصر الراغبين في الاشتراك في هذه الفكرة من ناحية مبدئية بتسجيل اسمائهم في هذا البوست و لو كان العدد مشجع يبدأ الحديث عن التفاصيل و التأسيس .. سجل الناس يا صداح

i am supporting the idea ...
Ana ma3akum ..

شباب لكم التحيه والتقدير وجمعه مباركه باذن الله ................
يديكم العافيه والله والبوست رائع جداً وانا تووووووووووووووووشك خشيت
عشان الجميع يشارك فيه بثني موضوع اشتراكات الاعضاء شهريا ولو رمزيه بالنسبه لاعضاء الداخل ..
المغتربين مفتوحه وجعلها الله في ميزان حسناتهم ..
الافكار كثيره مثل فكره الدكتوره ايمو بخصوص بناء صاله افراح في المدينه ويكون عائدها لمشاريع المنتدي
الخيريه واكيد هناك افكار اخري عند بقيه الاعضاء نرجوا ان يمدونا بها عبر البوست
...
تحياتي

مرحب بيك يا جعفر .. و مزيدا من الإثراء ..

الاخوة صداح واشتاينر سلامات النشوف اخرتا معاكم اهو انا جيت البوست واحسن تكون الونسة كدا مالينا بى سيرة الناس والفلسفة نحن جيل ثانى صعب وجوده وانشاء الله اتواصل معاكم بس البوست الاصلى مانسيب او بينى اوبينك محمد على جبريل الحلة ما بتكفيه عشان كده اقنع من لقمة فيها

مرحب بالجميع ومساء الخير عليكم يا ناس عموهات

ابو الجعافر فكرة ايمو دي زي ماقال صداح الا ياسر عرمان يبقي رئيس

مرحب بيك هويدا و حبابك عشرة .. طبعا بوستك هو الاصل .. رايك شنو في موضوع الجمعية الخيرية و زويدينا بافكارك في الموضوع

تحياتى ود جبريل وين انت بسمات كانت معى من دقائق بس انت ماظاهر اصلوا الازمة تعبانى شوية واضرب ليها فى سودانى افتح الاميل بتاعك

دكتور بكري : نحنا ماشين في السكة نمد من سيرتك للجايين وتابع معانا واوعه تغمض عينيك.
جعفرون : ياخ مرورك اللي بالعصر ده وصور الكبري والماسورة وأقتراح أيمو كلو لغدٍ أفضل . اقتراحك بتاع المساهمة الثابتة لاعضاء الداخل لا تثريب عليه ، وناخدو في الاعتبار .
ود جبريل : في أتهام مباشر ليك أنك هداف خطير Very Happy

هويدا مالك : أجمل حاجة أنك ذكرتينا لقب اشتاينر ، والبوست بتاعك شايلنو في حدق العيون . وما حننساهو أصلو .

تسلم يا صداح كن اسما على مسما ولك العافية ومزيدا من الابداع

صداح .. ما شايف اي تسجيل .. رايك شنو نعمل بوست خاص لحصر الراغبين ؟؟

يا عثمان والله كتبت رد علي مداخلتك دي ، لكن الله قادر أتمسح ! ، المهم ياخي كترة البوستات دي قومت نفسنا ، خلينا في البوست ده وبوست هويدا مالك ، وبعدين الاسماء واضحة ، لكن انا أري انو لما نكتب اسماء بتكون المسألة رسمية شديد ، خلي الناس ينداحو والامور ماشة بالهداوة .

كويس ... في انتظار الاندياح .. لكن يا خوي الكبر حصل و لا شنو بقت كترة البوستات تطشش عيونك !! معناها سركيس طاشي من امس !!

هويدا مالك كتب:: تحياتى ود جبريل وين انت بسمات كانت معى من دقائق بس انت ماظاهر اصلوا الازمة تعبانى شوية واضرب ليها فى سودانى افتح الاميل بتاعك

سلامات الاخت هويدا وما تشوفي شر

اها يا جماعه خشوا لينا فى الغريق .... الموضوع وصل وين ؟؟؟ قروشنا محرقات روحنا ... الدفع متين؟؟

[quote="صداح فاروق وراق"].
ود جبريل : في أتهام مباشر ليك أنك هداف خطير Very Happy

انا هداف ما مشكلة لاكن في مثل بقول السمح مالو ...

الليلة سوف نكون متواجدين بكثرة في هذا البوست

» مشروع مؤسسة دوت كوم للعمل الخيري .... نسخة مُنقحة
» مناشده للعمل علي تطوير الموقع ...
» سؤآل للجميع ( ما هو سر نجاح الحصاحيصا دوت كوم ؟؟؟)
» رحبوا بالوزير الاسبق للعمل دكتور محمد يوسف عضوا في الخصاخيصا دوت كوم
» دوت كوم للعمل الخيرى ......