مشروع دوت كوم للعمل الخيري ... وقت العمل ... أنتهي وقت الونسة

عامر ابو عركي ياخي ده بدون مايكون دفعتك يشرفنا خالص ، ياخي كفاية الماسورة

يا محبوب الاغنية دي كيف ؟

يا عثمان والشباب المتابعين تفتكروا كيف ممكن تنجح مبادرة خيرية يقوم بيها المنتدي تجاه مواطني الحصاحيصا ؟ يعني المطلوب شنو عشان تتأسس فكرة مبدعة وخلاقة بهذا الخصوص ؟

مجالات العمل : الشرائح الضعيفة والمحتاجة والارامل والايتام والاطفال مجهولي الابوين والمرضي.
التمويل : ذاتي + دعم الخيرين من أفراد ومؤسسات
الادارة : مجلس أمناء من شخصيات مشهود لها بحُسن السيرة .
القانون الاساسي : يمكن أنجازه بالآطلاع علي التجارب المشابهة .
أضافاتكم يا شباب

ممكن تتكون جمعية خيرية باسهم و يتحدد سعر السهم و كل واحد يشتري عدد اسهم رايك شنو

أسهم دي معناها أدراجها تحت قانون الشركات لسنة 1925 تتخيل دولة في القرن الواحد والعشرين وقانون الشركات الساري ليهو أكتر من 85 سنة ، مع انو الجمعيات الخيرية ومنظمات العمل الطوعي دي قانونها مختلف عن قوانين الشركات ، قانون الشركات نفسو عندو أشتراطات من حيث رأس المال المصرح به والمدفوع وفي نواحي أخري متعلقة بالافصاح Disclosure.

اولا التحايا لكم صداح صاحب البوست وعثمان صاحب الدعوة.(الرعيل الاول وماسورة) البداية ما مطمئنة.

ثانيا كلو ببقى بس نقعد ونرتب البيت الجايط ده

و الله يا عامر ليك وحشة ... مرحب بيك و شارك في النقاش ... طبعا صداح هو من الرعيل القبل الاول فمافي مشكلة

طيب يا صداح الجمعيات الخيرية كيف؟ لو القانون بتاعا مرن اكتر ممكن تكون جمعية خيرية

يا عامر خالد ياخ انت سيد البوست ده ونحنا ضيوفك ، أدينا رأيك في مقترح دكتور بكري عثمان حمد بخصوص أنشاء جسم خيري منبثق عن المنتدي بيوصل رسالة الانسانية للناس المحتاجة وما أكثرها في بلادي .

الجمعيات الخيرية أسهل من ناحية أشتراطات ومتطلبات تسجيلها .

رايكم شنو في نظام الاشتراك الشهري؟ يكون حاجة رمزية عشان الناس تلتزم

أنا مصر على رأى قلتو مرارا لابد من (الهيئة الطوعية لنهضة الحصاحيصا)وتسجل أولا فى مسجل الهيئات وتختار بعناية شديدة ودى دايرة شغل من الداخل فقط وأضمن لكم حصاحيصا أخرى

أنا متبرع ب 499 دولار بأعتبار أنو دكتور بكري صاحب الفكرة أتبرع ب 500 دولار ، بس لسه نحنا عايزين نتكلم عن مجالات العمل ، التحديات ، عايزين لينا خريطة طريق يا عثمان وانت زول بتاع هندسة ياخ .

صداح عشان الموضوع يكون مؤثر لازم نربطو بقضايا كبيرة .. انا شايف التعليم من اهم القضايا يعني نشتغل مدرسة مدرسة نعمل صيانة و معامل و كتب و كلو

تتحدد قضية تتبناها الجمعية مثلا تاهيل مدرسة اركويت و الكل يساهم بالجهد بالمال و كدة

يا عثمان المدارس دي عايزة امكانيات دولة ، وبعدين في ناس مالاقيا حق الاكل والدواء مدارس شنو ؟

صداح بالتعليم الواقع بتغير .. و ممكن يكون جزء من الموضوع و مساعدة الفقراء جزء برضو

رأي برضو ، جزء للتعليم وطيب التمويل ؟

اشتراكات اعضاء و سعي للتمويل من الخارج و الداخل و صدقني الخيرين كتار بس عاوزين ناس يثقو فيهم لما يتبرعو ليهم

طيب عامر ابو عركي ممكن توضح لينا فكرتك أكتر ؟

يا عثمان شاو بكره نواصل ..الرشيد أدينا رأيك ما أصلو أنتو ناس السعودية بتخشوا المنتدي الفجر وانشاء الله تكون لقيت الريموت .

ايوة و كل واحد يفكر اكتر في الموضوع و نجي بافكار نناقشها ان شاء الله

الناس المتواجده الأن بكش ، قوليب ، اشرف عدوي ، ابو ملك ، أدونا أفكاركم حول انشاء مؤسسة خيرية تنطلق من المنتدي الي المحتاجين في الحصاحيصا