إذا لم ننتخب المواطن عمر احمد البشير من ننتخب

المحبوب أحمد الأمين كتب:

دايرين تعداد سكاني يراعي الصدق والامانة في التعداد
يعني ما ممكن تكون الضعين 60 الف واحدى ضواحيها 300 الف
دايرين مفوضية محايدة تخاف الله
يعني ما يكون فيها الواحد عندو مركز تدريب ويتعاقد مع المفوضية بمئات الملايين وهو عضو في المفوضية
دايرين فرصة متكافئه لجميع الاحزاب في الاعلام وما يحتكرو المؤتمر الوطني
يعني بابكر حنين مثلا بدل ما يحاكم ممثلي الاحزاب يديهم فرصة لطرح برامجهم وكشف سوءات النظام الحاكم
والاهم من ذلك دايرين الغاء قانون الامن البقيد الحريات رايك شنو؟؟

يا المحبوب ............
والله الفرصة اللقتها الاحزاب في عهد الأنقاذ لم يجدوها قبل كدا ............... دلوقتي التنطط في شنو ما يواصلوا في الانتخابات ويشوفوا الشعب ح يختار منو ؟

حافظ أحمد كتب:

أبو رائد كتب:

في يوم من الأيام طالب عضو الحركة الشعبية الشعب السوداني على العلن وفي التلفزيون طالب الشعب السوداني بالإنتفاض وتغيير حكةمة الانقاذ
ولم يخرج احد وها هي صناديق الاقتراح سوف تكون في كل شارع وكل ناصية لإختيار حكومة جديدة إلا ان الاحزاب تطالب عن طريق جيمي كارتر تاجيل الاتخابات ...............

الاخ عمر موسي (ابورائد)
الحاجه البتحير الواحد انه دي اول انتخابات في العالم معلنه من قبل خمسة سنين منذ توقيع اتفاقية السلام في 2005
يعني الناس دي خمسه سنين ما جهزوا عايزين يأجلوها كم شهر عشان يعملوا شنو ؟؟؟؟
والشجره ضلها وااااسع يسع الجميع لا للشواكيش

ياحافظ نفهم يعنى مافى عاش ابو هاشم تانى ؟؟؟؟؟؟؟؟
كنا فاكيرنك معتصماوى بس ... ما كمان مؤتمراوى !!!!!

راشد صباحك او مساءك خير او نهارك .
يأخي انا عاوز اهنيك من قلبي علي تعليقك (من كلمتين) عن (كتابين) والظاهر انو سواقة العربية في شوارع السعودية خلتك بقيت سواق سواقة جد .
ونرجو من هــــــــــــــــــــــــؤلاء التفنيد والتمييز بين ( مؤتمرجي و... معتصمجي ) وسجمي خشمي .

ياحمورى الاجابة مامنتظرنها نحنا ....
الاجابة منتظرها .... سودان العزة ....
البلد ..... الوطن ....
ماهى الحصاحيصا دى واقعة فى قلب الوطن دا .... وجوه سودان العزة دا ....
كيفن عاد نصلح الحصاحيصا ... والماسكين الحال ... خانقين البلد .... الوطن ....

Badr Abbas كتب:

المحبوب أحمد الأمين كتب:

دايرين تعداد سكاني يراعي الصدق والامانة في التعداد
يعني ما ممكن تكون الضعين 60 الف واحدى ضواحيها 300 الف
دايرين مفوضية محايدة تخاف الله
يعني ما يكون فيها الواحد عندو مركز تدريب ويتعاقد مع المفوضية بمئات الملايين وهو عضو في المفوضية
دايرين فرصة متكافئه لجميع الاحزاب في الاعلام وما يحتكرو المؤتمر الوطني
يعني بابكر حنين مثلا بدل ما يحاكم ممثلي الاحزاب يديهم فرصة لطرح برامجهم وكشف سوءات النظام الحاكم
والاهم من ذلك دايرين الغاء قانون الامن البقيد الحريات رايك شنو؟؟

يا حبة انت ما تعبت من ركوب السكة حديد (لا بديل للسكة حديد الا السكة حديد)

الأخوة الأكارم

بالامس كنت بشاهد في السيد لام أكول وهو يلقي في خطابه الأنتخابي في اعالي النيل ... الرجل قال كلمتين ( قال نحن في الجنوب عاوزين رئيس جديد لحكومة الجنوب عشان التغيير وعشان نوقف الفساد والأموال المنهوبة ترجع لشعب الجنوب ... وقال سمعتوا عمر البشير قال عاوز يبقي رئيس عاش يواصل ما قادمه للسودان ، بستغرب كيف ياسر عرمان مرشح نفسه وبتكلم بكل سخف عن برنامجه بانه جاي للتغير وانهاء الفساد وهو الفساد لابسه من رأسه الي رجليه وراي لام اكول راي واحد عايش داخل الحركة الشعبية ويعرف ما يتم داخل كواليسهم .)

المؤتمر الشعبي يرفض تاجيل الانتخابات ..................

هذا المارد المسمى ياسر عرمان يبث سمومه على قناة السودان الفضائية ويظهر مدى سخف تفكيره وحقده وسطحيته ... هذا الممبر لإبراز البرنامج الانتخابي للمشرح وماذا يريد أن يقدم للسودان .........
وما يريد أن يقدمه هو إسقاط المؤتمر الوطني ،، لقد تابعت قبل فترة في التلفزيون لقاء مع والي أعالي النيل وهو جنوبي ، وتحدث عن كل قادة الحرمة الشعبية بأنهم ليس لديهم اي كادر يمكنه ان يقود البلد حيث انهم لم يحسنوا التصرف مع حكومة الجنوب فماذا سوف يفعلون مع بلد مساحتها مليون ميل ...........

يتحدثون عن الحرية ومعني الحرية في نظرهم ، فتح البارات والحانات والمراقص ، بعد ان تاب الله علينا من هذا الوسط المنحل المتخلف يريد ان يبث في الشعب السوداني الفكر العلماني ...
اخوتي الاكارم .............. غدا عندما ندخل القبر سوف نسال و يوم القيامة سوف يكون الحساب .

أنسحب مرشح الحركة الشعبية ياسر عرمان من الانتخابات ............
وغدا سوف يتساقط باقي المرشحين كورق الشجر ...................

اللهم يا سميع الدعاء ويا من تقول لكل شئ كن فيكون ... نسألك بعزتك وبإسمك الذي إذا سُئلت به اجبت ونسالك بجاه نبيك محمد صلي الله عليه وسلم ان تولى عينا خيارنا وان تجمع كلمة الشعب السوداني على الحق .

يا أبو رائد شكلك عندك غبينة مع ناس المعارضة ،،
وعشان تنفش نسبت ليـهم كلام عجيب جداً ،،
وقلت عن برامجهم بأنـها ،،
تنحصر ــ حسب زعمك ــ في فتح البارات والمراقص والحانات ،،
الكلام دا غير صحيح ،،
وما سمعنا بي حزب بيطرح برنامجاً كهذا ،،
ولو في حزب طرح توجهاً بشأن البارات والحانات والمراقص،،
ما في سبب بخلينا نزعل من الطرح طالما كان ذلك طريق للتوبة ،،
وما تعارضني في هكذا كلام ،،
لأنك عبرت عنه في كلامك الفوق داك حينما قلت :
((....يتحدثون عن الحرية ومعني الحرية في نظرهم ....
فتح البارات والحانات والمراقص ....
بعد ان تاب الله علينا من هذا الوسط المنحل المتخلف ...))
ولمن تقول الله تاب علينا من هذا الوسط ،،
فتغييب الوسط بالقمع وتأييد المتسلطين والدكتاتوريين ،،
بيؤدي لزيادة عدد مرتادي هذه الأمكنة ،،
وبقل عدد التائبين وما أظن يكون دا هدفك ،،
وذكرت كذلك ...
((...يريد ان يبث في الشعب السوداني الفكر العلماني ... )).
فما هو الفكر العلماني ؟؟
وما هي علاقة الفكر العلماني بالبارات والمراقص والحانات ؟؟
حقيقي لم أتبين إتجاه حديثك للخلط غير المبرر للأشياء ،،
بارات
توبة
تخلف
علمانية
انحلال
حرية

المحبوب .....................

عفا الله عن ما سلف ونأسف إذا بدر منا أي شئ ... بس ما كتب في حق البشير والمؤتمر الوطني أعظم من هذا بكثير ... والنار لا يرد عليها إلا بالنار ................
الأن أدعوا معنا الله ان يولى علينا خيارنا وإلا يسلط علينا بذنوبنا من لا يخافه فينا ولا يرحمنا ...

العزيز أبو رائد

أولاً أحييك على ما طرحته من آراء جرئية وقلت ما في نفسك بصراحة ...

أحب أن أسطرّ رأئي الشخص وكسوداني ... إذا سمحت

أولاً : الشعب السوداني قد ملّ من تغيير الحكومة كل فترة , حتى ولو بإنقلاب .
ثانياً : الشعب السوداني قد جًرب الحكم الفردي أو الجماعي وأعتقد أنه قد أصبح واعياً لدرجة أنه قد فقد الأمل في الحكومات الحزبية والتي ليس لديها شيء تقدمه للسودان سوى الضعف والمهانة والمزلة والشقاق وعدم الإتفاق , أما حكم الفرد بغض النظر عن مساوئه فقد قدم للسودان إ،جازات وإنشاءات ولو جلست كل أحزاب السوداب مجتمعة لن تقدم ولو قليل منه للسودان .
ثالثاً : إنسحاب المدعو ياسر عرمان ... فهو قد عرف مسبقاً بأنه لن يفوز لا من القبائل الشمالية ولا الجنوبية والكل يعلم الأسباب ... أما حكاية ترشيحه فهذه مسرحية وتمثيل لغرض في نفسه ... وشخصياً أنا لا يمكن أن أعطي ثقتي ولا أتشرف بأن يكون السيد عرمان رئيس لي كرئيس للسودان.
رابعاً : السيد الترابي يلعب أيضاً لصالحه وهو شخص يغير لونه الولائي حسب الظروف , فهو اليوم معك وغداً ضدك ... وبصراحة لا أثق به .
خامساً : السيد الصادق فهو يريد حكومة ليخطب فيها ويحاضرها يومياً ... وجميع محاضراته هذه لا تلزمنا لا من قبل ولا من بعد... فليذهب لغير رجعه .
سادساً: الجميع يعلم بأن الشعب السوداني يمهل ولا يهمل ... فأي حكومة مرت وستمر على حكم السودان فيكن في معلومها أن الشعب يراقب ويراقب ويراقب وفي اللحظة التي يفقد فيها ثقته .... سيزلزلها وسيهدها وسيدكها . والتاريخ خير شاهد .


ولنا عودة إنشاء الله

أبو أديب ...........

أشكرك على التعليق ...

الان حصحص الحق ، وادرك كل الشعب السوداني ان هذه الاحزاب ما هي إلا اكذوبة يدعون من خلالها بانهم حريصون على مصلحة السودان
انسحابهم هذا كشف القناع عن وجوههم الكئيبة الشامطة العجوزة التي اكل الدهر منها وشرب .
المبعوث الامريكي أشاد بدور المفوضية العامة للانتخابات ، وتاكد بان سوف تكون هناك انتخابات نزيهة في السودان .

بدا العد التنازلي من تاريخ دخول اول يوم في شهر ابريل .............................
والامريكان سند الجماعة باركوا الانتخابات والبشير قال يا ترى هل الامريكان مؤتمر وطني برضه ... بعد ان اكد المبعوث الامريكي بان كل المؤشرات تقول بانه سوف تكون هناك انتخابات حره ونزيهه في السودان .

أبو رائد المحترم

رجعنا ليكم تاني ....

مع إحترامي لبقية المرشحين المستقلين ... فأعتقد أنه من الصعب إعطاء أصوات لهم لأن مشوارهم في الرئاسة سيكون تعليمي وتجريبي وتنظيري وهذا ليس بوقت هذه الأشياء ...ولو أي واحد منهم لديه أفكار جيدة ورؤى بناءة ويهممهم أمر ومصلحة السودان وشعبه فليتكاتفوا جميعاً مع الحاكم حتى ولو كان البشير لا أن يتحاربوا ويتكايدوا ويكون همهم الوحيد إسقاط البشير وتسليمه ...

أما البشيروإنطلاقاً من النقطة السابقة ـ مصلحة السودان ـ فليوسع صدره وأفقه ويحتوي كل الأطياف السياسية والمستقلة ليكونوا عضد لوحدة السودان لا لضعفه وتفككه وتمزيقه ... والسودان ملي بالرجال الشرفاء ولا ضرر من أن يلتفوا كلهم حول البشير ... وأعتقد أن البشير أقرب المرشحين للفوز بالرئاسة ... وما موافق ( غريتشن ـ نيابة عن الإدارة الأمريكية ـ غريب أن يقفوا مع البشير في الإنتاخابات وتأييده بعدم تأجيلها ـ طبعاً لديهم مآرب أخرى ـ ولكنهم آثروا البشير دون سواه.

ندعوا الرحمن أن تكون الإنتخابات برداً وسلاماً على السودان أولاً , وعلى الجميع ثانياً .... وربنا يوليّ من يصلح ,,,

ولنا عودة

يا ابو رايد ما تعتمد كتير على الامريكان عشان يدوك شهادة ببراءتك من دم يعقوب !!
دا كلام المتحدث باسم الخارجية الامريكية وتلقاه في كل المواقع ،،

((..... دعت الولايات المتحدة الاثنين الحكومة السودانية الى " رفع القيود عن الاحزاب السياسية" قبل ايام قليلة من الانتخابات التي تعتزم المعارضة مقاطعتها. وصرح المتحدث باسم الخارجية الاميركية فيليب كراولي "اننا قلقون من الاحداث التي تثير المخاوف، ولا سيما القيود الخطيرة على الحريات السياسية". وتابع امام الصحافيين "من المهم ان ترفع الحكومة السودانية فورا القيود المفروضة على الاحزاب السياسية والمجتمع المدني". وعاد المبعوث الاميركي للسودان سكوت غريشن الاثنين الى الخرطوم قبل اقل من اسبوع على الانتخابات. وفيما اعلنت احزاب المعارضة انها تنوي مقاطعة الاستحقاق، ابدى غريشن ثقته السبت في اجراء الانتخابات الرئاسية والنيابية والاقليمية "في الموعد المقرر" وانها ستكون "حرة ونزيهة قدر الامكان". وقال كراولي ان بلاده "ستقيم الانتخابات من حيث قدرتها على عكس ارادة الشعب السوداني واحترامها المعايير الدولية" مضيفا "اننا نرى حاليا توجهات مقلقة في هذين المجالين"....... )).

يعني الخارجية الامريكية طلعت الموضوع شمار في مرقة

اليوم يا المحبوب في قناة النيل كان في مزيع شايل مايكو ولافي في الشوارع بسأل في الناس ...........

يا جماعة رايكم شنو في تاجل الانتخابات .............

وديل منو المارة وسائقي الركشات واصحاب الاكشاك ............. قالوا لو اجلوها يشوفوا ليهم ناس غيرنا يسوطوا ليهم
واعتقد انت عارف السياسة الامريكية نظام العصا والجزرة ...................................................

عموماً متحدث وزارة الخارجبة أتكلم من واشنطن ولكن نحنا لينا بالجاء وقعد من الناس وشاف بي عينه

غدا تبدا الانتخابات ............

نسال الله ان تمر هذه التجربة بنجاح رغم التحديات

يابورايد هي بكرة ولا بعد بدرة ؟؟
طمنا عليك ؟؟

الجماعة قالوا زنقوجنا ............ زنقونا ولا زنة تانية ....................

وهييييييييييييييي يككككككككككككككككككككككككككككا .....

وانتهي اليةوم الثاني ............ وغدا اليوم الثالث .................
وما زالت المناوشات شغالة ............. الله ليك يا وطن ............

كنت أراغب لقاء لمبارك المهدي ........... وهو يتحدث عن دولتين شقيقتين تعرض على الرئيس عمر البشير الأنسحاب من الترشيخ واللجو لديهما ومحاولة انهاء موضوع المحكمة الدولية له مقابل هذا الاتفاق ............ منتهى السزاجة والسخف .......... بماذا أشتهر مبارك الفاضل ألم يكن احسن راقص ديسكو في مراقص لندن ........... لم يقدم لهذه البلد اي شئ ولم يكن يوما سياسيا مرموقا في البلد أنما يعيش على أرث الأباء والاجداد ...............

مبروك عشان ما يكون في اي نفس والخرخرة دي نشوف نهايتها وين

مبروك سعادة الرئيس .................................

بالتوفيق والله معاك

هنا سوف تتم البيعة بالصيغة التالية :
أشهد أن لا اله إلا الله وحده لا شريك له واشهد أن سيدنا محمدا عبده ورسوله ولا حول ولا قوة إلا

بالله العلي العظيم ، نبايعك سعادة الرئيس عمر حسن احمد البشير في الدين والشريعة والمتابعة والسمع والطاعة وان تخاف الله وتتقيه فينا
وصلى الله على محمد وعلى آله وأصحابه وأزواجه وذرياته ومن تبعه الى يوم الدين آمين

ما قلنا الجماعة ( حينططوا وحيخرخروا ) أولاً إنسحاب وبعدين مقاطعة ومروراً بعدم نزاهة وآخيراً عدم إعتراف بالنتيجة ... عيب والله عيب والله وشينة في حقكم .... والخوف إنهم إدخلوا الغابة من جديد .... عفواً ما في خوف إنهم يدخلوا الغابة .... الخوف يضيع فيها السودان وشعبه .... إستهدوا بالله وما في داعي لكل هذه المسرحيات ولو فعلاً همكم السودان وشعبه ... تحالفوا وإتحدوا كلكم ( معارضة أو البشير .... شمالييين وجنوبييين .... دار فور وهمشقوريب ....) دا ياهو السودان الوطن الواحد والبنادي بإسمه